رواية الطفلة والوحش ( الفصل السابع 7 ) كاملة بقلم نورا السنباطي

رواية الطفلة والوحش 
بارت طويل اهو معلش معييش نت والله
بعد مده وقفت سيارة يزن قدام الشركة ونزل الحراس حاوطوه من كل مكان وفتحو الباب ليهم يزن نزل بكبرياء المعهود بس استغرب عشان آرين منزلتش انحني قليلا وبص في العربيه وقالها
انزلي يا ارين ..!
آرين بخوف يزن انا خايفه
ابتسم يزن بحنان ومشي راح الناحيه التانيه ومد ايده ليها وقال بحنان
هاتي ايدك ومتخافيش طول منا معاكي
اترددت لحظات لكن وثقت به بالاخر ومسكت ايده وشدت عليها بخوف شدها بهدوء ونزلها من العربيه ووقفها جنبه وقعد يتكلم معاها ويطمنها وهيا نست خوفها اول مشافت الشركة
بحماس وااااو دي كبيره اوي 
ابتسم بهدوء وشد علي ايدها ومشي وهيا جنبه متجهين للداخل
بسرعه بسرعة كل واحد علي مكانه الوحش جه
حصل هرج ومرج في المكان كل واحد راح مكانه وكلهم عيونهم علي الكمبيوتر وفجآة كلهم رفعو راسهم مره واحده بصدمة
مين دي .. 
وازاي ماشيه جنب الوحش كده .. 
لا وماسكه ايده كمان ..
آرين بصراخ وحماس كبير واااو يزن بص كده كانت بتشاور علي التحفة الفنيه الكبيره اللي موجوده علي الحيطة 
آرين بسعادة تعرف انا بحب الرسم جدا وشاطره فيه 
يزن وكان هو ناسي هو فين ابتسم بهدوء وقال
ده بجد ..
آرين بكبرياء

مصطنع وهيا بترفع كتفها
طبعا يبني
كلهم بصوت واحد بصدمة
يبني ..
اتخضت آرين من صوتهم المفاجئ واستخبت ورا يزن بسرعة
نظر لهم يزن بغضب كبير لاخافتها وقال بصوت جهوري غاضب
كل حيوان يركز في شغلة
كلهم ركزو في شغلهم بسرعة ويزن مسك ايدها وراح بيها ناحيه الاسانسير الخاص بيه فقط
الكل تحت كان في حاله صدمة كبيره
واحدة بغيره مين البنت اللي معاه دي
صحبتها التانيه يمكن اختة ..
قال زميلهم التالت لا انا عارف اخواته كلهم انا اول مره اشوف البنت دي معاه لا وماسكه ايدة وبتتكلم معاه ب أريحيه خالص وبعدين قال بصدمة اكتر ده كمان كان مبتسم
واصبحت آرين حديث الشركة بأكملها والكل عنده فضول عايز يعرف مين البنت اللي الوحش بيعاملها بحنيه كده
في مكان تاني
ب إستغراب انت بتتكلم عن الوحش ..
مساعدة يا فندم والله هو الوحش انا شوفته بعيني كان بضحك مع بنت قدام الشركة وماسك ايدها كمان ودخل بيها والبنت اللي معاه دي محدش يعرفها خالص وبقت حديث الشركة كلها
بشرود يمكن حد من اخواته
بسخرية هه علي اساس انت متعرفش الوحش بيتعامل ببرود مع الكل حتي عيلته بس البنت دي الكل مصدوم من تعامله معاها
بخبث اممم اسكان كده لا احنا لازم نتعرف علي البنت دي ونشوف فيها اي مميز خلي الوحش يعاملها بالطريقه دي
بتوتر انت ناوي علي اي
بمكر جهز العربيات هنروح شركة يزن الصياد ونشوف فيه اي
بخوف بس
سمعت ..
اتنهد بيأس وقال امرك يا فندم وطلع
خلينا نشوف مين دي يا يزن يا صياد ههههه ده شكله اللعب هيحلو اووي
في قصر يزن الصياد
الكل كان متجمع في الصاله
نادين بفرحة آرين دي حلوه اوي شوفتو يزن كان بيعاملها ازاي
فهد بمرح والله احنا داخلين علي أيام عنب
رؤوف بضحك بس يا ولاد ونظر ناحيه أيمن اللي ساكت بس مبتسم
رؤوف ب ابتسامة بتفكر في اللي انا بفكر فيه
أيمن بتنهيدة هتتعب معاه اوي يزن متملك وعصبي بس انا انهارده مشوفتش يزن الصياد شوفت يزن .. يزن وبس
رعد بإبتسامة هي دي اللي هتوقع الوحش
مرفت ب إبتسامة انا كنت مصدومة اوي كانت بتتكلم علي السفرة كتير واكتر حاجه بيكرهها يزن هو الكلام وقت الاكل بس .. وسكتت شويه وقال دي كان بيقولها كملي انا سامعك
لؤي ب إبتسامة جات اللي تغير الوحش .. ومعاه هتغير حاجات كتير .. كتيره اوي
الكل ابتسم
عند آرين والوحش بتاعنا
وصلو للدور الخمسين
كانو متجهين نحو المكتب الخاص بيزن لكن وقف لما سمع صوت المساعد بتاعه
يزن بية
نظر له ببرود وقال فيه اي يا مجدي ..
مجدي بحرج احم ..كنت عاوز حضرتك في حاجه
اوما يزن بتفهم ونظر لارين اللي كانت بتبص حواليها ب اعجاب واضح جدا ابتسم عليها وقال
عجبتك ..
نظرت له آرين ببراءة وقالت
اه اوي والديكور حلو اوي كمان
غمغم بهدوء وقال طيب روحي المكتب بتاعي هناك اهو وشاور عليه وقال
استنيني هناك وانا دقيقتين وجاي
آرين بتذمر وطفوله
اي ده انا هقعد هناك لوحدي لحد متيجي طب هات تلفونك طيب
يزن ب استغراب وهو بيطلع تلفونة من جيب البنطلون
تلفوني عايزاه ليه ..
تاففت آرين بضجر وهيا بتاخد التلفون منه وبتمشي وقالت بصوت عالي
عشان الدقيقتين عندك ب ساعتين يا أستاذ
ومشت
كان يزن ينظر لها بصدمة فلم يجرا احد علي الكلام معه بتلك الطريقة من قبل ولكن ابتسم
ونظر لمجدي وقد عاد لبرودة وقال
في اي يا مجدي خير
مجدي بخوف وحرج كنت ..احم انا
يزن بهدوء اتكلم يا مجدي فيه اي
مجدي بحرج كنت عاوز اخد جزء من مرتبي عشان والدتي محتاجه عملية وانا معييش فلوس
اومأ يزن بهدوء وقال الف سلامة عليها استني هكلم مؤمن ولكن افتكر انو تلفونة مع آرين وقال تلفوني مع آ.. وسكت بغيرة هو مش عاوز حد يعرف اسمها وقال تلفوني مع الهانم الصغيره هات تلفونك
اداله مجدي تلفونه ويزن اتصل علي مؤمن وقبل ميرن ساله وقال
عملية والدتك بكام يا مجدي
مجدي بتوتر 5000
اومأ بهدوء وقال
الو
مجدي هيجيلك دلوقتي اديله 7000 جنية
تمام وقفل التلفون واداه ل مجدي تاني وقال بهدوء
عندك اجازه مفتوحه وابقي طمني علي والدتك واه المرتب بتاعك زي مهو يلا