رواية العزف على نياط القلوب الفصل الخامس والعشرون 25 و الفصل 26 بقلم أماني السيد
مر اسبوع وكانت تعمل غاليه ومريم والفتيات الاخرين على قدم وساق حتى ينتهوا من تسليم رياض ملابس شركته
وكانوا العمال يعملون فى المنزل على قدم وساق حتى يغيروا شكل المنزل مما جعلهم يأخذوا الملابس ويقوموا بتفصيلها فى منازلهم
كان عيسى يمر عليهم من وقت لاخر ويقف مع العمال حتى ينجزوا سريعا وأوقات يعمل معهم
وكثيرا من الاحيان تأخذ غاليه الملابس التى تحتاج لخياطه معها منزلها الجديد وتقوم بحياكتها مساءا حتى لا يتعطل العمل
وبالغعل بعد مرور اسبوع قامت غاليه بتسليم رياض والموظفين ملابسهم
وكانت مظبوطه عليها وكان يشعر رياض بفخر امام الموظفين ولكن تعامل غاليه معه كان واضح به اللامبالاة
فى منزل صلاح عم غاليه كان يتحدث مع ايناس بخصوص زوجها وغاليه البارت كامب بدون لينك على صفحه الكاتبه قصص وروايات أمانى سيد
بس كده يا بابا انت هتسيب غاليه مش هتعملها حاجه
مش عارف أعمل ايه وللأسف مابقتش لواحدهت حتى اخوكى مش عارف يسيطر عليها
يعنى ايه هتسيبها من غير حاكم كده
ماتشغليش بالك بيها سبيها دلوقتي لما نشوف اخرتها انا مش قاهرنى غير ال ١٠ ٠٠٠ اللى غرمتهم دول حر ونار فى جتتها
مش عارفه إزاى سمحت بكده مكنتش اديتها حاجه ومكنتش هتعملك حاجه
لأ كانت هتعمل فعلا البت بقت بجحه وعنيها
أه وطلب منى انه يقابلنى فى شقتنا مش عارفه فى ايه
يمكن يكون جايبلك هديه ولا عملك مفاجأة
شكله كده جروبى الكاتبه امانى سيد اتمنى تنورونى
طيب روحتى شقتك نضفتيها ولا لسه .
لسه عايزه اكلم غاليه تيجى تنضفهالى
شكلك لسه موصلكيش انها اتغيرت ومش هتعرفى تستفادى منها بحاجة غاليه بتاعت زمان اللى كنتى مخليها خدامه عندك اتغيرت ومش بعيد تشغلك انتى عندها
هجرب وأشوف
قامت ايناس بالاتصال على غاليه واجابت عليها غاليه ببرود
ازيك يا لولو عامله ايه وحشتينى اوى
الحمد لله يا ايناس انا بخير
يارب دايما بقولك يا لولو ينفع تيجى معايا تساعدينى اروق الشقه لحسن حسين جاى بكره وانا محتاسه لواحدى
بس كده ابعتى العنوان وانا هظبطتك ماتتعبيش نفسك يا حبيبتي
أنا كنت عارفه انك اجدع بنت هستناكى متتأخريش
الساعه ١٠ الصبح هكون عندك جوزك جاى امته
جاى الساعه ٧ على مايخلص الإجراءات هتبقى ٨
هتكونى خلصتى .
وبالفعل ارسلت ايناس لغاليه العنوان وقامت غاليه بالاتصال بإحدى شركات النظافه من خلال مواقع التواصل الاجتماعي وطلبت إرسال فريق نظافه لمنزل ايناس واعطتهم العنوان بالتفصيل كما ارسلته لها ايناس واكدت معهم الموعد الساعه ١١ حتى
وبالفعل فى اليوم الثانى ذهبت ايناس وقامت بالاتصال بغاليه ووجدت هاتفها مغلق عادت الاتصال اكثر من مره ولكنها تجد نفس النتيجه
بدأت ايناس العمل في المنزل وتفاجئت بطرق على الباب فتحت الباب وتفاجئت امامها بتلك الشركه
السلام عليكم استاذه ايناس
أه انتوا مين
إحنا شركه للنتظيف المنزلى ومدام غاليه كلمتنا عشان نيجى لحضرتك
ابتسمعت ايناس بسعاده وافسحت لهم الطريق ليدخلوا المنزل وبالغعل بدأوا فى العمل واخذ منهم وقت طويل نظرا لان المنزل مغلق من سنوات
ظل العمل على قدم اساق في منزل ايناس وكانت ايناس فقط تقوم بتوجيه الاعمال لهم ظنا منها ان غاليه هي من حاسبتهم
بعد وقت طويل انتهوا من العمل واعطوا فاتوره باجمالي المبلغ لايناس وكان المبلغ رقم كبير
أخذت ايناس الفاتورة وشكرتهم وكادت أن تغلق الباب ولكن اوقوفها
لو سمحت يا مدام ده الحساب
حساب ايه
اللى موجود في الفاتورة
وانا مالى هو انا اللى طلبتكم
احنا جينا وبلغنا حضرتك وانتى وافقتى ودخلتينا الشقه معنى كده إن حضرتك على علم فلو سمحت ادفعى الفلوس بالذوق عشان لو مادفعتيش هننزل دلوقتي نعنل فيكى بلاغ فى القسم وهندخل نبوظ اللى عملناه
احنا بنينالك الشقه من اول وجديد دى كانت شقه
قالتها الفتاه بعصبيه مما جعل ايناس تخشى من أن تتجادل معهم
بس المبلغ كبير اوى
دى تمن مجهودنا والادوات اللى استخدمناها احنا غسلنالك الانتريه والستاير والحيطان والسيراميك و فرشنالك الدواليب من اول وجديد
احنا لو بنفرش شقه من اول وجديد ما كناش هنتعب فيها كده
حاولت ايناس الفصال معهم بكنها لم تستطع مما اضطرها للنزول وسحب مبلغ من المال لتعطيهم إياه وجلست تتوعد لغاليه
وبعدها قامت بشراء طعام وعادت لمنزلها لتنتظر زوجها
مر ساعه ووصل حسين برفقه رغداء ودخل حسين المنزل ورغداء خلفه وبدأ ينادى على ايناس
خرجت له ايناس من الغرقه وهى مبتسمه وسريعا ما انمحت الابتسامه عندما رأت رغداء
ايه ده رغداء انتى عرفتى منين ان احنا هنا
ظلت رغداء صامته لم تجيب عليها نظر لها حسين بابتسامه وهو متوتر من الموقف لا يعلم كيف سيواجهها
أعرفك يا ايناس دى رغداء مراتى
نعم يا روح امك
ايناس عيب كده
عيب ايه يا أبو عيب مرات مين يا اخويا انت تطلقها دلوقتي فاهم مافضلش غير البايره دى
مالك يا ايناس مش انتى رايك إن الست تشوف مصلحتها وضل راجل ولا ضل حيطه
وانتى جايه تطبقى. نصايحى عليا مانتى صحابك كتير اشمعنا جوزى عشان اهبل صح
ايناس
فعلا بس
