رواية القدر من الفصل العاشر 10 الى الفصل 12 بقلم ميرال مصطفى

ادم بصلها بضيق وخنقه لما افتكر اللي حصل بينهم ! كده خسرها للابد والمشكله الأكبر ان مع صحبتها بصلها بكسره وقال انا مش عارف ازاي ده حصل انا مكنتش في وعيي 
ميان بعصبية ودموع انا كمان مكنتش في وعيي مش بعد ما خدت مني اللي انت عايزه هتسيبني انت ايه ياخي ازاي عايز تغدر بيا بالشكل ده
ادم اتنهد بضيق حاسس انه عاجز معتش ادم بتاع زمان كل حاجه اتغيرت في ثانيه افتكر ريم وقد ايه الحياه كانت حلوه معاها وبسيطه
حازم باستغراب الغريب ان ميان بتساعده يحبها مش يبعد عنها انا اول مره اشوف ميان كده
سحر بتنهيده ميان بتحب ادم
حازم بصدمه ايييه ازاي وريم 
سحر بحزن ريم صعبانه عليا اوي احنا لازم نرجعهم لبعض يبني
حازم ده اللي انا كنت هقولك عليه
تاني يوم...
ريم نزلت من بيتها وبتفتح الباب شافت ادم قدامها قلبها دق بعنف مش مصدقه انه قدام عينيها شكله متغير شعره متبهدل تحت عينيه اسود واضح انه منامش! قرب منها بص لعينيها بتركيز سكت مش عارف يقول ايه حاسس انه عاجز قدامها وهي فضلت السكوت عايزاه هو اللي يتكلم واخيرا اتكلم وقال انا

اسف عارف ان الاسف مش هيفيد ب حاجه حقك عليا انا ضحيه مش عايز من الدنيا دي غيرك ارجعيلي 
ريم بصاله بدموع مش قادره تلومه هو معزور برضو حاجه خارج ارادته مسكت وشه بين ايديها وقالت كنت مستنياك غيبت عني كتيير اوي يا ادم انا مش زعلانه منك يا حبيبي
ادم ابتسم من وسط دموعه وشدها ليه و وفجأة يبعدها عنه ويبص عليها يتأكد انها قدامه فعلا ويضحك بفرحه ويرجع تاني بعد شويه بعدها عنه ومسك وشها بين ايديه ومسح دموعها ريم بعدت عنه بخجل وحطت عينيها في الأرض وقالت انت استغلالي
ادم ضحك بصوت عالي علي خجلها للحظه افتكر ميان لما صحي من النوم وشافها معه اتنهد بحزن وضيق من ان ريم تعرف حاجه زي دي رجع بص ل ريم بحب وقال عايز اعوضك عن كل حاجه وعن الشهور اللي بعدنا فيها عن بعض انتي مش متخيله انا بحبك قد ايه يا ريم انا من غيرك كنت ضايع مسك ايديها وبصلها ب اشتياق وهي مسكت في ايديه جامد ومشوا سوا دخلوا الكافيه وهما مبسوطين مش شايفين العيون اللي بتراقبهم ميان كانت بتبصلهم بحزن مش مصدقه انه ضاع من ايديها اتجهت ناحيتهم وكل ما تقرب كل ما قهرتها بتزيد وهي شايفه حب ادم الواضح في عينيه بصدق ل ريم حب حقيقي من غير سحر اتمنت تكون هي مكانها وقفت قدامهم ووجهت نظرها ل ادم وقالت بدموع حبيتك وحبيت حبك ليا اللي مكنش حقيقي ومكنتش واعي ليه بس انا مش انانيه ل درجة اني افرق بينكم اكتر من كده انا هطلب منك طلب واحد بس نتجوز شهرين وتطقني وبعدها هبعد عنكم نهائي انا عارفه برضو انك مش وحش ل درجة انك تغدر بيا بعد اللي حصل بينا
القدر
ريم بصدمه ايه اللي حصل 
ادم بتوتر ريم هفهمك
ميان بدموع افهمها انا ادم خسابني فهمتي كده في حاجه تانيه عايزه تعرفيها
ادم قام من مكانه بعصبيه امشي من هنا هفكر في الموضوع ده بعدين
ميان بحزن تمام
قامت وبصت عليه بنظره مكسوره ومشت
ادم رجع بص ل ريم ودموعه نزلت غصب عنه وقال بتوسل ريم هفهمك كل حاجه والله 
ريم كانت ساكته تماما بتبص عليه بهدوء كان باين عليه مهموم واضح ان شايل كتير في قلبه نظرته كانت بتقول خايف تسيبيني اول مره تشوف ادم كده طول عمره جاد وعنده لا مبالاه ادم اللي الكل بيخاف منه قاعد قدامها بيعيط! ادم اللي يوم موت والده معيطش كان حزين بس الدموع مكنتش بتنزل من عينيه! بيقدر يتماسك في اصعب المواقف قاعد بيتوسلها بعينيه متبعدش عنه!
ريم رغم الوجع اللي في قلبها قالت بهدوء وعقلانيه قول الحقيقه يا ادم حتي لو هتزعلني
ادم ب امل الموضوع من البدايه
فلاش باك ..
ميان بانهيار ادم انا مخنوقه اوي تعالي عايزاك جنبي
ادم وهو مش في وعيك بتقولي ايه مش سامع
ميان باستغراب ادم انت مش في وعيك
ادم وهو مش مركز لا لا انا انا كويس عايزه ايه
ميان بحزن بقولك تعالي محتاجه قربك
ادم بيحاول يفوق اممم طيب انا جاي 
وقفل الموبايل وجه يمشي كان هيقع وواحد مسكه وقال انت كويس
ادم اممم
اتنهد الراجل وقال تعالي هوصلك
ادم مردش ومشي معاه الراجل فتحله العربيه ودخله
الراجل فين العنوان
ادم عند....
وصله ل بيت ميان حاول ادم ينزل معرفش نزل الراجل من العربيه وسنده لحد باب البيت ادم طلع فلوس من جيبه وادهاله ومشي الراجل خبط علي الباب وفتحتله ميان 
ميان بقلق ادم انت كويس 
ادم اممم
ميان تعالي ادخل ومسكته من ايديه وسندته لحد الاوضه وقعدته علي السرير
ادم كان هينام بس ميان حاولت تفوقه
ميان بحزن ادم