رواية أحببته بعد عذاب كاملة بقلم حمادة هيكل
عارفه انه أحساس صعب ومفيش حد هيقدر يفهمني بس كان لازم أنقذهم
البيت دا كله واقف على كلمة مني لو رفضته
بابا هيتسجن وماما هتروح فيها اخواتي الصغيرين ايه ذنبهم
لازم أضحي بنفسي مقابل سعادتهم
صوت خبط على الباب
بابا ايه يا عروستنا الحلوة سرحانه في ايه
تعالى يا بابا ادخل
مصطفى زمانه على وصول والمأذون قاعد بره
لآخر مرة هقولك انتي مقتنعه بالعريس
بحزن اه يا بابا مقتنعه
بس عيونك بتقول غير كدا انتي بنتي وانا عارفك كويس أوي لو فيكي حاجة بيبان عليكي انتي عايزه تضحي بسعادتك عشانا مش كدا
مش كدا انا فعلا مقتنعه بيه موضوع الديون دا ملوش علاقة خالص
انا اسف يا بنتي اني حطيتكم في الموقف دا
بس غصب عني المصاريف زادت وانا صحتي مبقتش زي الاول وحالة الركود اللي حاصل في البلد هو السبب
أمور الورشة مبقتش تمام زي زمان ودا سبب
اني أبقى مديون بالمبلغ دا كله ل خالد أخو مصطفى
يا حبيبي انا فاهمه كل دا هو مصطفى راجل محترم
مقولناش حاجه في حقه بس اسلوب اخوه خالد
هو اللي صعب
يا بنتي احنا فيها دي غلطتي وانا مستعد اتحمل نتيجتها لكن انتي ملكيش ذنب
يا بابا انا موافقة ومقتنعه بيه أطمن
وصل مصطفى كتبنا الكتاب وأتزفينا
وبعدها روحنا على شقتنا
بعد اسبوعين كنا قاعدين بنفطر
هو انت مزهقتش
من ايه
مني
ليه بتقولي كدا يا هبة
يعني انت خلاص خدت غرضك مني
واتجوزتني غصب رغم رفضي ليك قبل كدا اكتر من مرة
انا
بحبك
وانا
برضو بحبك
عايزه اطلق
معندناش رجالة بتطلق وانسي الموضوع دا
هي عافية
اه عافية
ايه البرود دا أزاي قابل على نفسك
تتجوز وحده غصب عنها واستغليت انت واخوك
اننا مديونين عشان تتجوزني
بصي مش هطلق ومع الوقت هتحبيني
نص ثقته دي يارب
يلا بقى سلام انا نازل الشغل
اوك
ايه دا مفيش ترجع بالسلامه يا حبيبي
لا مفيش
بعد ما خرج فضلت اعيط انا مش بحبه
وبعد الموقف دا واستغلاله لظروفنا لا يمكن احبه
اه هو طيب وحنين وبيتحمل مني كلام كتير يوجع
انا نفسي مقدرش اتحمله واهو انا اللي بقوله
بس برضو لأ شعور صعب اني اتجوز غصب
وكمان سبق ورفضته زمان هو بينتقم مني مثلا
وواخد الموضوع على كرامته
كل يوم كنت بخترع مشكلة جديدة
عشان يكرهني ويقول عني نكدية
بس هو كان فاهمني كان بيحاول يكون هادي
وميتعصبش عليا
جملة واحده كان يقولهالي بعد كل مشكله
شوفي يا هبة اعملي اي حاجه وقولي كل اللي ف نفسك
بس انا بحبك وعمري ما هسيبك
معقول في حد بيحب حد كدا
انا محتارة في تصرفاته بجد
ساعات كان يصحيني من النوم والاقي الفطار ع السرير
بيتحايل عليا عشان نخرج ونتفسح وأنا رافضه
بصراحه انا خايفه احبه
احبه طب وليه لأ عشان الموضوع كله غلط من البداية
مفيش حد بيتجوز حد تحت التهديد
هو حس بندمه وبيحاول يراضيني بأي شكل
طيب اوي وحنين مع أهلي بيسأل عنهم وبيزورهم
مفيش مرة طلبت منه اروح عند أهلي ورفض
بس فعلا مش قادرة أحبه
كل
يوم بفكر في
طب أقتله كدا هتحبس ويمكن اتعدم
لا لا الحل دا مش نافع
طب أخلعه برضو صعب
ممكن اخوه يقدم الشيكات وابويا يتسجن
يبقى معملتش حاجه
هو ليه مش عاوز يكرهني بعد كل اللي بعمله دا
كنت عند ماما وحسيت بتعب وارهاق
خدتني وروحنا الدكتورة اكتشفت اني حامل
طب ازاي انا كنت عامله حسابي كويس
يابنتي المفروض تفرحي دا كرم من ربنا
افرح ايه بس انا مروحه
رجعت البيت ومكنتش عاوزه أقوله
فكرت اتخلص من الحمل واسقطه لاني كدا
هتربط بيه اكتر وانا عاوزه اخلص منه
ذنبه ايه الطفل اللي جاي دا يتعذب بين أب وام مبيحبوش بعض
فات يومين ولقيته راجع زعلان
مالك يا مصطفى في حاجه
انتي ليه مقولتليش انك حامل
انت عرفت
ايوه عرفت
كدا يا ماما
ردي عليا هو انا مش من حقي افرح
بخبر حلو زي دا
ماهو اصل
اصل ايه
مفيش انا بس كنت مستنية فرصة عشان اقولك
انا اتخنقت من اسلوبك دا بجد
رايح فين
سايبلك البيت وماشي عشان ترتاحي مني
حسيت أن قلبي وجعني عليه
وكنت عايزه اقوله أستنى متمشيش
بس كرامتي منعتني
غاب عني كام يوم ومسألش فيا
رجعت بيت أهلي وانا زعلانه
مالك يا هبة
البيه سايب لي البيت ليه 4 أيام ومسألش فيا
وايه السبب بس
زعل عشان معرفتوش اني حامل
وعرف من ماما قبلي
طب انتي ليه مفرحتيهوش بالخبر الحلو دا على طول
عشان مش طايقاه ولا متقبله فكرة جوازنا دي من الاول
على
فكرة أنتي
لا والله يعني هو اتقدم قبل كدا ورفضته
ولما عرف بموضوع الشيكات اللي لأخوه علينا
رجع تاني دا معناه ايه
اولا هو مجابش سيرة اي فلوس خالص
ولا حتى لمح بكدا
وثانيا بقى والأهم أنه ليلة الفرح وقبل كتب الكتاب
جاب لي الشيكات وقالي
اتفضل يا عمي عشان شيكاتك انا ولا اخويا
لا يمكن نفكر نأذيك انت زي والدنا الله يرحمه
هي بس ضمان الحياة من الموت وحضرتك اللي أصريت انك تكتبهم وانا جايبهم دلوقت عشان لو هبة موافقة عليا غصب تطمن اني مش كدا واني مش هتجوزها
ولا هطلب من حضرتك ترد الفلوس غير في الوقت اللي يناسبك
مصطفى عمل كدا يا بابا
ايوه هو مقالكيش
لأ ولا جاب لي سيرة خالص
ساعتها زعلت اوي من نفسي على سوء معاملتي ليه
الكام شهر بتوع الجواز واد ايه ندمت
على كل لحظة دايقته فيها وكل كلمة جرحته بيها
بسرعه جريت على بيت أهله
خبطت فتح لي الباب
ايه اللي جابك اكيد جايه تتخانقني
عشان سايبك لوحدك ومش لاقي حد تتعصبي عليه
وتقولي يلا طلقني مش كدا
لا طبعا واترميت في حضنه
احنا معندناش ستات تطلق
ايه دا في ايه
في اني اسفه وأني بحبك يا أبو مريم
مين مريم دي
اصل انا من زمان نفسي لو ربنا كرمني
ببنت هسميها مريم
طب ولو ولد
امممم ممكن يكون خالد على اسم عمه
ايه التغير المفاجئ دا
انا عرفت كل حاجه بابا قالي على الي عملتوه
يوم الفرح معاه
ابتسم وقال
والله بحبك
طبت عالى بقى اقعد هنا
ايه بتبصي لي كدا ليه
عايزه احفظ ملامحك اوي
ليه بقى
عايزه البيبي يطلع شبهك بالظبط يا حبيبي
تمت
حبيته بعد عذاب
حماده هيكل
