رواية يتيمة في قبضة صعيدي عز وملك (كاملة حتى الفصل الاخير) بقلم نيرمين حمدي الفصل 29 و 28 و 27 و 26 و 25
يتيمة_في_قبضة_صعيدي
ملك بضحكه.. يعني لو كنت سيبتني من غير مسكن كنت هخرس..
عز قرب منها اكتر صوته بقي أهدي بس في نبره تحذير.. أنا سايبك عشان كلام الدكتوره... إنما أنا كنت ناوي أخرسك بطريقتي
ملك اتكسفت وبصت في الارض ورجعت تبصله تاني.. بحبك ياعز
عز حس ان كلمه بحبك منها دخلت جوا قلبه من غير استئذان سكت وفضل باصص عليها بابتسامه سحبها من ايديها له وحاول يخرج برا الموضوع.. كفايه كلام كتير... وروحي ارتاحي
ملك.. لا انا نازله تحت
عز.. هتنزلي تعملي ايه..
ملك خرجت من ه.. أهلك أكيد جايين في الطريق... مش عايزه حد يحس اني كنت تعبانه
عز.. لو حسيتي بأي تعب اطلعي علطول
ملك بصتله بحب.. اتفقنا
ليقاطعهم صوت عربيه في الخارج ملك بتجري علي البلكونه وتشوفهم وهما نازلين بقت تجري في الاوضه ولا كأنها تعبانه ثم نزلت تحت بسرعه وهي نازله علي السلم كانوا هما فتحوا الباب وداخلين
ملك بحماس.. أخيرا جيتوا... ليه التأخير ده
رقيه ت ملك بقوه.. كان يوم متعب والله ورضوي تعبتنا اكتر
عز كان وراها وبيراقب كل تحركاتها
ماهر.. المهم انا جعان يابشر
ملك.. انهارده انا الي هعمل الاكل
جليله لسه واخده موقف من ملك كانت ماشيه علي اوضتها من غير متتكلم
بس ملك وقفتها.. لسه زعلانه..
جليله بصتلها بضيق انا قلقت عليكي.. مكنتش عارفه اتصرف... وفي الاخر تقولي مسمعتش التليفون
ملك.. خلاص بقي ياماما... مش هعيدها أوعدك
جليله.. تعديها ولا متعديهاش... انا خلاص مش هشيل هم حد بعد كدا
عز بخبث.. طيب انتي عارفه هي كانت فين وهي بتكلمك..
ملك بصت عليه اتوترت ابتلعت ريقها ببطئ
جليله.. هتكون فين يعني
عز بص لملك وبابتسامه خبيثه.. كانت في المطبخ... في المطبخ
ملك غمضت عنيها وخدت نفس
فياض بيحاول يخرج برا الموضوع بعد ملاحظ نظراتهم لبعض.. ياخي الستات دول قلوبهم سوده اوي
جليله.. بقي انا قلبي اسود
ملك ا بطفوله.. محدش يقدر يقول عنك كدا ياست الكل... انتي الحنيه كلها
عز بصلها .. عليها طريقه محصلتش
جليله.. ماشي.. ماشي.. هحاول اصدقك
رقيه.. هروح اغير هدومي وانزل اساعدك ياملك
كل واحد راح اوضته يغير هدومه وملك وقفت قدام عز مكتفه ايديها
عز.. ايه..
ملك.. قلبي كان هيوقف
عز قرب منها.. وانتي فاكراني هقولها ايه انك يعني كنتي في
لتقاطعه عمري مشوفت انسان بيذل مراته قدك والله
عز ضحك.. وانا مالي مش دي الحقيقه
ليقاطعهم اتصال لعز
عز بص للرقم بصوت واطي.. يحيى..
ثم يرد.. أيوه يا يحيى خير..
يحيى صوته باين عليه القلق.. عز لازم تيجي حالا.
عز .. في إيه.. صوتك مش مريحني.
يحيى .. الوضع عند الشركة مقلوب سليم اتخانق مع المورد وضربه قدام العمال والراجل رفع محضر والشرطة جت!
عز بصدمه.. إيه.. !
يحيى.. الموضوع كبير يا عز الناس واقفة بره والصحافة كمان وصلت. مفيش غيرك يقدر يلم الدنيا.
عز بص لملك وهي قاعدة بتراقبه بقلق.. ماشي أنا جاي.
عز قفل معاه وبص لملك.. انا لازم أروح الشركه دلوقتي... ملك مش هعيد كلامي تاني لو تعبتي اطلعي
ملك.. حاضر... بس هو في مشكله ولا ايه..
عز.. أه مشكله كدا وهتتحل.. متقلقيش
ملك هزت راسها من غير متتكلم وعز راح اوضته وغير هدومه ونزل بسرعه
ملك دخلت المطبخ واول حاجه فكرة فيها هو الاكل الي بيحبه عز
سعيده.. شكلك مبسوطه ورايقه انهارده
ملك بصتلها وابتسمت.. وهي الي تتجوز عز الجبالي مش هتبقي مبسوطه ازاي
سعيده اندهشت.. معقول
ملك.. مش هخبي عنك بس هو أينعم يبان قاسي بس انا عمري مشوفت من حد حنيه ذي الي شوفتها معاه
سعيده ابتسمت.. وهو
ملك.. هو مقلش حاجه
سعيده.. انتي فرحتيني اوي.. انا كنت هفقد الامل فيه هههه
ملك ضحكت.. طيب يلا بقي نخلص الي ورانا
رقيه نزلت.. ملك بقت ست بيت شاطره اوي هههه
ملك.. اهو لسه بنتعلم هههه
رقيه.. هعملكم أكله تحفه تحفه شوفتها ع النت
سعيده.. ربنا يستر من اخترعاتك يارقيه هههه
رقيه.. هتنبهروا
سعيدة كانت بتجهز اللحمه وبتسمع الكلام وهي مبتسمة.
سعيدة.. لا أنا بقي هقف أراقب وأشوف مين الشاطرة فيكم
رقيه.. لا لا كدا فيه ظلم ملك عندها دعم إداري من عز الجبالي شخصيا
ملك ضحكت بخجل لكن فجأة وقفت لحظة وحطت إيدها على بطنها للحظة بدون ما حد ياخد باله ثم كملت شغلها بسرعة.
بعد وقت بسيط...
جليلة دخلت المطبخ وهي شايفة الجو حلو والضحك مالي المكان...
ملك بصتلها بسرعه.. هتيجي تدوقي معانا..
جليلة .. لو طلع الأكل حلو يمكن
رقيه.. طيب لو طلع مش حلو..
جليلة بهزار.. هجبلك ماهر هو الي يحكم
الجميع ضحك
في الشركة...
عز داخل بوابة الشركة زحمة قدامه عمال مجتمعين وناس بتصور وصوت عالي في كل مكان
دخل عز الجبالي خطواته تقيلة وثابتة ليجد
سليم واقف ووشه محمر من الغضب والمورد واقف جنب ظابط والضابط بيكتب محضر
عينه لفت على المشهد بسرعة
من غير ما يرفع صوته قال بجفاف
فيه إيه اللي بيحصل هنا..
الظابط بهدوء..
عز بص للمورد ثم للظابط بنبرة ثابتة
مفيش محاضر هتتعمل.
الموضوع دا هيتحل ودي... جوه الشركة.
المورد بحدة..
لا يا عز آسف!
أنا اتشتمت واتضربت قدام العمال
كرامتي اتداست ومش هسكت.
أنا جاي أخد حقي بالقانون....
عز قرب خطوة عينه في عينه وصوته مفيهوش تهديد بس تقيل..
كل اللي انت عايزه... هيحصل.
بس في مكتبي.
المورد واقف مكانه بس أنا...
عز قاطعه بجمود
قلت... في مكتبي.
معنديش مشاكل تتحل قدام الناس
إنما جوه... الحساب هيكون حقيقي.
بص للظابط وقال بنبرة فيها حسم بدون عداء
مشكور ياحضرت الضابط لو احتجناك هنرجعلك.
بس احنا هنحل مشاكلنا بطريقتنا.
الظابط اتنهد وقفل الدفتر وهو بيقول..
طالما الطرف المتضرر موافق... يبقى مفيش مشكله
عز بص للمورد وقال بهدوء
اتفضل معايا
وهتلاقي اللي يرضيك... أكتر من المحضر.
سليم بغضب.. ايه المسرحيه دي.. وانت كمان عايز تراضيه.. دا مقصر في شغله... فاكر انها لعبه
عز قرب منه وبجمود همس له.. سيطر علي غضبك... الي بتعمله دا هيضر بإسم الشركه...تعالي المكتب
عز اخد المورد وسليم وراحو مكتبه
المورد لسه هيتكلم بس عز قاطعه وكان متعصب.. الي عملتوه مرفوض.... من الناحيتين
واحد اتأخر في شغله... والتاني مبيعرفش يتحكم في غضبه
المورد.. بس انا شغلي اتعطل بسبب موقف في الميناء.... وكان لازم اوصل في معاد مختلف
عز بهدوء حاد.. مبلغتش حد.... معتذرتش
سليم ردا علي كلام المورد.. وانا شغلي واقف بسببك
عز.. ودا مش مبرر لتصرفك... مش من حقك تضرب اي حد في الشركه... الناس دي انا ضامنهم واحد واحد ومش هقبل انهم يتهانوا في شركتي
سليم وقف وبغضب.. وانت هتعلمني اتعامل مع الناس ازاي.. ولا انت نسيت ان شريك معاك في الشركه
عز خبط بإيده علي المكتب ثم قال بحده.. انا مش هعلم حد ولا مضطر أستحمل حد بس لما تغلط في الناس الي تبعي يبقي لازم تعتذر... ودا كلام نهائي ثم نظر الي المورد ثم قال.. وانا كمان مش مضطر استحمل تأخير في التوريد بدون مبرر المشكله دي تتحل بالكتير بكره دي مسؤليتك وانت الي هتحلها
سليم بعند.. اعتذار... مش هعتذر والي مش عارف يشوف شغله انا هعلمه يشوف شغله ازاي
عز بص للمورد وبهدوء.. طيب اتفضل معتز دلوقتي وحقك هيرجع متقلقش
المورد
عز بص لسليم وكان بيحاول يمسك نفسه وميتعصبش بس سليم كان مستفز في كل كلمه.. اسمع
يتيمة_في_قبضة_صعيدي
عز حاول يمسك نفسه وميتعصبش.. اسمع... انا سايبلك الاداره الكامله هنيه بناءا علي اتفاقات قديمه بين ابويا وأبوك رغم ان كل يوم بيجيلي شكوي منك بسبب طريقتك... فلو استمريت علي كديه متلومش إلا نفسك
سليم واقف غاضب..
أنا شريك هنا يا عز... مش موظف عندك.
عز قام من مكانه نبرته تقيلة وفيها نذر غضب
وعشان شريك أنا مستحملك لحد دلوقتي.
إنما لو كنت موظف.. كنت مشيتك من بدري.
سليم بعناد
أنا مش قليل علشان أبلع الإهانة وأقول ماشي.... الراجل غلط واستفزني.
وإنت جاي تحاكمني.. !
عز قرب منه خطوة عينه في عينه
أنا بحمي اسم الشركة... وسمعتها.
وإنت بتدمرها بطريقتك دي
سليم بصوت عالي
أنا اللي شايل خط الإنتاج كله على كتافي
وأي تأخير أو خسارة أول واحد بيتحاسب عليه أنا.
عز بهدوء ساخر
وهو دا مبررك لضرب الناس..
مش معنى إنك شايل خط الإنتاج إنك تهد كل الي بنينناه
سليم سكت للحظة باين عليه التردد والغضب
عز كمل بصوت منخفض لكن نبرته حادة
أنا سايبلك الإدارة بالاتفاق... بس لو شوفت إن وجودك ضرر على اسم الشركةصدقني يا سليم الشراكة هتفضل ورق... لكن الإدارة هتتسحب منك.
سليم رفع حواجبه بدهشة
هتسحبها.. على أي أساس..
عز رجع لمكتبه مسك فايل على المكتب ورماه قدامه
على أساس البنود اللي أبوك وأبوي كتبوها بإيديهم...
كل حاجة لها ترتيب ولو الإدارة فشلت... بيتسحب حق إدارتك ويظل لك حق الأرباح فقط.
سليم فتح الفايل وبص فيه وشه اتغير شوية.
عز بثبات..
أنا مش طمعان في ورثك
بس لو ماحترمتش الشركة وناسها ساعتها
هكون مجبر أحمي اللي بنيته حتى لو ضدك.
لحظة صمت تقيلة
سليم بص له بنظرة فيها اعتراف مر
أنا... كنت غلطان.
عز رفع حاجبه مستغرب الاعتراف.
سليم .. بس مش هعتذر... مستعد ادفع اي تعويض هو عايزه غير كدا متستناش مني حاجه
عز بصوت حاد وهو باصص لسليم.. معتزززز
ليدخل معتز.. ايه ياعز
عز.. سليم مستعد يدفعلك التعويض الي تتطلبه... قولت ايه..
معتز.. انا مش عايز حاجه غير انه يرد كرامتي قصاد الناس الي هاني قدامهم
عز بص لسليم.. حقه
سليم.. والمطلوب..
معتذر.. اسمع ياعز... انا برضو غلطت... وانا بعتذر علي غلطي... والتوريد هيوصل بكره ذي انت محكمت وذي معتذرت انا مش هتنازل عن انه يعتذرلي
عز.. عداك العيب يامعتز... ها ياسليم الراجل بادر واعتذر
سليم سكت للحظات ثم قال بهدوء.. آسف... عشان الشغل ميوقفش بس
عز بصلهم هما الاتنين.. كدا انتو الاتنين عرفتوا غلطكم... وياريت الي حصل دا ميتتكررش
معتز.. ياسليم انا عارف ان شغلك اهم حاجه في حياتك... والنتايج بتتكلم بس التعامل مش كدا خالص
سليم.. انا كنت مخنوق بس وخنقتي طلعت عليك... فخلاص ننسي الي فات... وانا كمان مستعد اعتذر قدام الناس الي انفعلت عليك قدامهم
عز بصله بابتسامه خفيفه.. هنطلع بيان رسمي بالاعتذار وان كل الي حصل كان سوء تفاهم
سليم ومعتز هزوا راسهم من غير ميتكلموا
معتز خرج وفضل سليم... كان هيقوم بس عز قاطعه.. ايه الي خانقك..
سليم بصله بنظره كأن بيلومه علي كل حاجه.. اني أصلح غلطه حصلت بسببك دا ميخنقش..
عز يرفع حاجبه.. بسببي.. !
سليم.. اه بسببك... ولا انت نسيت سبب جوازي من رضوي
عز.. متحاسبنيش علي غلطتها... وبعدين رضوي صغيره مش فاهمه الدنيا كويس... بكره تعقل وتعرف مصلحتها فين
سليم.. تعقل ولا متعقلش... ميهمنيش قال كلمته وهو ماشي
في قصر الجبالي
ملك كانت
رقيه.. عز!
رقيه.. ألو ياعز
عز بقلق.. ملك فين..
رقيه.. ملك في أوضتها
عز.. اديلها الموبايل
رقيه باستغراب من نبره صوته الي مليانه قلق.. ماشي اقفل وهبقي ارن عليك
عز.. لا لا انا مستني
رقيه بتستغربه اكتر.. ماشي
وطلعت فوق لملك خبطت عليها وملك فتحت
ملك.. في اية..
رقيه.. عز ع التليفون.. عايزك
ملك اخدت التليفون.. ألو ياعز
عز بعصبيه وبنبره حاده.. ايه هتصل علي البيت كله عشان أعرف أكلمك..
ملك.. في ايه اهدي
رقيه حست ان الوضع متوتر دلوقتي.. طيب انا هنزل.. خلصي وتعالي
ملك هزت راسها ودخلت.. في اية ياعز ليه كل العصبيه دي..
عز.. برن عليك خمسين مره ومش بتردي عايزاني ابقي ازاي مش فاهم..
ملك.. أنا أسفه... نسيت موبايلي تحت
عز هدأ نبرته شويه.. انتي كويسه.. تعبتي..
ملك ابتسمت وفهمت سر عصبيته.. ااااه.. قول كدا.. بقي انت عامل كل دا عشان قلقان عليا
عزوهو لسه متعصب.. طيب اية هستني كتير عشان اعرف..
ملك ضحكت.. لا مش هتستني... اطمن انا كويسه...وبقيت كويسه أكتر لما سمعت صوتك
عز لسه مضايق تنهد ولكن بداخله كلمتها دخلت قلبه دشملته.. لا والله.. ...طيب اقفلي عشان مشتمش دلوقتي
ملك بعند.. مش قافله
عز.. أقفل أنا.. سلام
ملك بصت في التليفون بعد مقفل في وشها.. دا عز الجبالي... هاتولي عز
ثم اتجهت للاسفل وأعطت لرقيه موبايلها
رقيه.. اتهزقتي.. تستاهلي
ملك.. سمعني كلمتين من الي قلبك يحبهم
رقيه.. هو فيه ايه بالظبط
ملك بتوتر.. اية..
رقيه.. عز مش مفهوم الايام دي... صوته وهو بيسأل عنك كان فيه حاجه غريبه
ملك.. ااا مش عارفه لما يجي ابقي اسأليه
رقيه.. باين عليكي اوي عنيكي فضحاكي ههههه
ملك بخجل بتحاول تخرج عن الموضوع.. ااا هو تليفوني سيبته فين مشوفتيهوش
رقيه بتضحك.. شوفيه في المطبخ
ملك جريت علي المطبخ وأخدت تليفونها ورنت علي عز
عز بنفس النبره الحاده.. اخيرا افتكرتي ان ليكي موبايل
ملك بدلع بسيط ونبره هاديه.. لسه زعلان..
عز بنبره اهدي.. انتي شايفه اني ماليش حق أزعل..
ملك.. لا ليك... بس انت سمعتني كلمتين وفوق دا كله زعلان
عز.. احمدي ربنا انه مجرد كلام.. وانك مش قدامي دلوقتي
ملك بطفوله.. طيب بصلي كدا... هتقدر تزعقلي..
عز ضحك غصب عنه وهو ماسك التليفون ومش شايفها أصلا.. أبصلك اية.. .. انتي فاكره نفسك في ڤيديو كول..
ملك ضحكت.. خلاص كدا بما انك ضحكت يبقي اتصافينا
عز.. لاء
ملك.. طيب خلاص بقي حقك عليا
عز.. مش جليله انا.. مش هاخد بالكلمتين دول
ملك.. خلي قلبك ابيض اومال
عز بغزل غير مباشر.. قلبي.. هو انا عارف اتلم علي قلبي اليومين دول
ملك قلبها دق جامد من كلمته وبعفويه.. أسفه ياحبيبي والله مهتتكرر
عز اتجمد مكانه عدل قعدته وعمل نفسه مسمعش.. انتي قولتي ايه..
ملك.. قولت أسفه ياحبيبببببي
عز والابتسامه اترسمت علي ملامحه ولكن سكت
ملك.. هاا سامحتني ولا لسه..
عز بنفاذ صبر.. قال يعني انتي سبتيلي خيار تاني... منك لله يابعيده علي الي عملاه فيا ده
ملك ضحكت.. شوفت انا شاطره ازاي
عز.. شوفت يامشكله الجبالي شوفت
ملك.. مش مهم ابقي مشكله. بس المهم ابقي مشكلتك وتخصك
عز حط ايده علي راسه وهو بيضحك.. هتجننيني... المهم عايزه حاجه اجبهالك وانا راجع
ملك سكتت شويه وهي بتفكر.. أه.. ممكن شوكولاته
عز.. شوكولاته.. بس كدا..
ملك.. أه بس كدا
عز.. طيب
ملك بهزار.. هستناك من دلوقتي
عز.. ماشي هههه... يلا سلام
ملك.. سلام
عز قفل من هنا اتكئ علي الكرسي وفضل باصص علي الموبايل وكلمه حبيبي بترن
