رواية رؤى ومالك كاملة جميع فصول الرواية بقلم شادي
في نص الليل والبرد يلسع
ماشيه بتئن ودمعها يلمع
بتحمل في بطنها هم وسنين
وحب خلاها تكسر التمني واليقين
ضحت بقلبها واترمت في الهوا
كان حبها نار وهو كان هوا
سابها لوحدها من غير حبيب
وفي بطنها طفل بريء وغريب
عيونها شايله ألف سؤال
ليه أنا وليه اختاري كان محال
لكنها ماشية ما بتوليش
بتقول يا رب إنت اللي ما بترميش
دخلت المستشفى وجسمها بيرتجف
صوتها واطي لكن الألم عنيف
قالت لموظف فين الولادة أنا مش قادرة
صرخ يا دكتور! في حالة خطيرة
جه مالك دكتور الناس بتحبه
وشه بشوش وفي قلبه طيبه
قالها بهدوء اهدي أنا معاك
انتي مش لوحدك ربك حواليك
ركبت الكرسي وهي بتبكي
تحس بإيد طيبة بتشيلها من شقي
قالت في نفسها يمكن دي البداية
يمكن من هنا ربنا يهدي الحكاية
في منتصف الليل وفي يوم من أيام الشتاء كانت تمشي متعبه من الالام المخاض تنعي حظها وظروفها التي رمت بها في هذا الوضع المؤلم هي تحمل بطفل أبيه تخلى عنه وعنها
اعمها الحب وهاهي تحصد ثمار اخطائها
وحيدة ليس معها سوى الله وطفلها الذي لم يرى النور بعد
دخلت المستشفي العام وفي صالة الاستقبال
موظف الاستقبال
رؤي لو سمحت ممكن تقولي فين قسم الولاده ااااه
موظف الاستقبال دكتور الطوارئ بسرعه حالة ولادة
جاء الطبيب مالك شاب في الثلاثينات من عمره وسيم محبوب من الجميع مشهود له بكفاءته وحسن أخلاقه
ومعاملته الحسنة مع الجميع
مالك جاء بكرسي المړضي النقال ايوه انا جيت اجلسي واهدي يا مدام حالا هندخل نكشف عليكي
رؤية هو أأنت الدكتور
مالك وهو يسير بها ايوه بس احيانا باقوم بدور التمرجي في الطوارئ عشان انقاذ موقف
داخل غرفة الكشف وبعد أن قام بالكشف عليها
بصي يا مدام انتي كده لازم تولدي قيصري لأن الجنين وضعو مش سليم بس هو بخير متخفيش ولازم ندخل عمليات حالا يعني لو هتبلغي حد من اهلك وزوجك بسرعه عشان مفيش وقت
رؤي انا مليش حد وزوجي مسافر انا لوحدي
مالك معقول طب متخافيش احنا هنا معاكي وربنا معاكي قبل الجميع طيب اتفضلي مع الممرضه هتحضر العمليات ومتقلقيش
اشفق مالك علي هذه البنت الصغيرة التي عمرها لم يتعدى العشرين عاما و تتحمل ان تكون بمفردها في هذا الوضع
كانت خائفه ولكن روح هذا الطبيب المرحه والمطمئنه اراحتها قليلا دخلت العمليات وقام بتوليدها
وتم نقلها بغرفة ا
وفي الغرفه كانت معها تمرجيه تساعدها ومرافقه لها
التمرجيه حمد الله علي سلامتك يا حبيبتي بنتك الله اكبر زى القمر
رؤياي فين بنتي
متخافيش هي في غرفة رعاية الاطفال لازم بس يفضل هناك ساعتين كده يتابعوها ويكشف عليها ويجب وهالك انا قاعده معاكى هنا مرافقه عشان اساعدك لو عايزه اي حاجه قوليلي
رؤي انتو بتعملو كده مع اي مريض
التمرجية لا طبعا بس انا الدكتور مالك وصاني عليك وقال متسبهاش لغاية ما تخرج أصل دكتور مالك ده طيب اوي وحلو اوي
دق باب الغرفه
التمرجية ايوه اتفضل
كان الدكتور مالك
السلام عليكم عامله ايه دلوقتي يا مدام حمدالله علي سلامتك بنتك جميله اوي ما شاء الله انا لسه جاي دلوقتي من عندها اطمني كويسه شويه وينزلوها هتسميها ايه بقا
رؤي هسميها حلم انا متشكره اوى على تعبك معايا يا دكتور بس لنا اقدر اخرج امتا
مالك الله اسم جميل
نطمن عليكي بس تقدري تخرجي
رؤيا شكرا انا اقدر اساعد نفسي
مالك طيب زي ما تحبي بكره اكشف عليكي واكتبلك خروج
وفي الصباح
خرج ملك من عند مريضته محتارا لماذا اهتم بهذه الفتاة يؤلمني قلبي عليها اشعر ان عينيها مليئة بالحزن نفض عنه هذه الأفكار وغير ملابسه وخرج من المشفى لقد انتهت ساعات عمله وجاء موعد ذهابه إلى بيته ليرتاح
دخل سيارته وقام بتدويرها ثم شاهد من بعيد رؤي تخرج من الباب الخلفي للمشفى تتلفت وراها كالهارب من شئ وطفلتها ليست معها
الفصل الثاني
اندهش مالك عند رؤيتها تخرج من المشفى في هذا الوقت لم يمر علي خروجها من عملية جراحية ١٢ساعه ولم يكتب لها اذن بالخروج ومن غير طفلتها ماذا تفعل هذه الفتاه بهذه الحاله سار وراءها بالسيارة الى ان توقفت وجلست علي مقعد علي النيل وظلت تبكي نزل من السياره وجلس بجانبها
وقال
علي فكره مينفعش واحده لسه خارجه من عملية ولاده قيصري تتعرض للهوي وتخرج كده
فزعت رؤي عندما تكلم ووجدته يجلس بجانبها
وقالت
انت عرفت اني هنا ازاي انت تراقبني انت عايز مني ايه سبني في حالي
رد مش عايز
منك حاجه انا شفتك بالصدفه وانتي مريضتي ومسئول عن سلامتك لغاية ما تخرجي من المستشفى ازاي كمان تسيبي طفلتك و اخرجي كده انتى متعرفيش يعنى ايه امومه
ردت وقالت لا معرفش عنها حاجه انا امي توفت بعد ما ولدتني ومحدش علمني يعني ايه امومة و مشفتش في حياتي غير قسوة وطفلتي احسن لها اني اسيبها يمكن ربنا يبعتلها اللي يراعيها لكن انا مش هعرف اراعيها معنديش اي مكان اعيش فيه ولا عائد اعيش من راعيها ازاي
قال الامومه دي فتره مش محتاجة تعرفيها او تتعلميها وطفلتك محتاجاكي انتي زي ما هتعيشي هتعيش وربنا مش بينسي حد
صړخت وقالت بس انا مش هعيش انا ھموت نفسي وارتاح
صدم من كلامها ايه اللي بتقوليه ده انتي عايزه ټموتي كافرة لازم يكون عندك ايمان حرام اللي بتقوليه ده استغفري ربك و تعالي اوصلك لبنتك وكل مشكله لها حل متخافيش
ردت بخفوت بس انا مشكلتي ملهاش حل واكيد ربنا
هيسامحني لانو عالم بحالي
لااا عايزه ربنا يسامحك وانتي بتفرشي به ربنا قال
لا تقنطو من رحمة الله
استهدي بالله و تعالي ارجعك المستشفى عشان كده غلط عليكي جدا تعرضك للهواء ممكن يسبب لك حمى نفاس لا قدر الله ده انا هقلب الدنيا عليهم ازاي يخرجوك هي سايبه قالت
لاا انا خرجت من غير ما حد يشوفني وكانت التمرجية نايمه محستش بيه وفي الاستقبال كانو مشغولين بحاله
لا لازم يكون في رقابه المهم تعالي احكيلي حكايتك وان شاء الله هلاقي لكي حل
طيب انت ليه مهتم كده و هتساعدني انت ذنبك ايه
ذنبي انك مريضتي واني انسان مقدرش اشوف حد محتاج مساعدتي واتأخر عنه ولا اسيب انسان زيي يضر نفسه واقف اتفرج عليه يلا بقى بلاش كلام كتير
تأثرت رؤي من طيبة هذا الطبيب الشاب الذي حمل نفسه مسؤولية ليس له ذنب بها ومن هو عليه كل المسئوليه رمي بها وتخلي عنها
ذهبت معه الي المشفي وعندما دخلت الغرفه وجدو التمرجيه فتحيه تحمل طفلتها وهي في حالة قلق من غياب رؤى وعندما رأته قالت
دكتور
مالك خلاص يا فتحيه حصل خير ساعدني بس المدام تنام عشان اركب لها محاليل تغطيها وتخليها ترتاح وكمان اديها علاجها
اخذت رؤي طفلتها في أحضانها وظلت تبكي
مالك خلاص بقا انتي بكيتي كتير وده وحش عشانك يلا ارتاحي
وعندما ذهبت فتحيه لتأتي بالمحاليل الذي طلبها مالك قال لها
بصي انا هسيبك ترتاحي ولما اجي بليل نتكلم متقلقيش اوعي تخرجي تاني انا اصلا هوصيكم مفيش خروج تاني انا قلتلهم انك قريبتي وانا اللي طلبت ليكي غرفه خاصه متخفيش واى حاجه تحتاجيها اطلبيها من فتحية انا مفهومها موصيها عليكي
ردت رؤي عليه انا متشكره اوي انا مش عارفه اقولك ايه انت طيب اوي
ابتسم مالك وحب ان يمزح معها حتي يخفف عنها انتي اللي ربنا بيحبك عشان كده يوقفلك ولاد الحلال اللي زيي
ابتسمت رؤي من مزحه فهو انسان يدخل القلب بخفة روحه وطيبه قلبه
وعندما جاءت فتحيه اعطها العلاج والمحاليل وذهب لبيته
وعندما دخل بيته استقبلته امه
حمد الله عالسلامه ياحبيبي عقبال ما تاخد حمامك يكون الأكل جاهز
لا ياماما مش قادر هنام لما اصحي انا أخذت سندوتش وانا جاي لما اقوم هتغدا معاكي يا ست الكل
مالك !!انت فيك
حاجه مزعلاك
انت اتأخرت
عن ميعاد رجوعك حصلك مشكلة في الشغل
لا ياماما بس موضوع كده هحكيلك عليه لما اصحي
هحكيلك عليه واحنا بنتغدى
الام ماشي ياحبيبي يكون بابا رجع من شغله ونتغدا كلنا وتحكيلنا
هز رأسه موافقا فهو تربى وسط أب وأم متفقين ومتدينين وكانت تربيتها له مبنية علي الثقة ولم يخفي عنهم اي شئ منذ طفولته
وعلى
سفرة الطعام وعندما جاء الأب موظف كبير في وزارة الثقافة مشهود له بالنزاهة والاتقان في عمله وطيبة الأخلاق
الابازيم يامالك ايه الموضوع الخطېر اللي حصل معاك اللي بتقول عليه ماما
ضحك مالك وقال خطېر ايه يابابا هي ماما لازم كده تكبر الموضوع انت عارفها
الام بغيظ انا بردو اللي بكبر الموضوع ولا هو اللي باين على وشك يلا احكي وخلصنا اقلقتنا
طيب هحكيلك بس متقطعيش افهمو للآخر
هزوا رؤوسهم موافقين
حكى لهم عن رؤي من لحظة دخولها المستشفى حتى رجعها لغرفتها ثانيه وبدي لهم عن رغبته في مساعدتها
الام طب تساعدها ازاي وانت مش عارف حكايتها ايه رغم ان هي باينه اكيد واحد ابن حرام ضحك عليها
مالك بغضب٠ ليه كده يا ماما بتحكي عليها قبل ما نعرف وبعدين البنت غلبانه اوي وبريئه وكمان يتيمه قالت امها توفت بعد ولادتها وبعدين حتى لو غلطت مش معناه اننا من ساعدها ونسيبها هي وطفلتها للمجهول مش يمكن ربنا سخرنا ليها و ربنا غفور رحيم
الاب طيب يا مالك تساعدها ازاي
هحاول اشوف لها مكان تعيش فيه وشغل تصرف به على نفسها وبنتها بس هي لسه والده و محتاجه رعايه لازم تقعد معاكي يا ماما شوية لغاية ما تقدر تنزل تشتغل واكون لقيت لها شقة صغيرة ايجار بسيط على قدها هي وبنتها
الام انت اټجننت يا مالك ازاي تجيبلي واحده مش عارفين عنها حاجة تقعد معانا في البيت احنا عارفين وراها ايه ده ممكن تأذينا ولا تسرقنا وبعدين دي شابة صغيرة ازاى تقعد معانا وانت كمان شاب الناس تاكل وشنا
مالك يا ماما
الاب خلاص اللي تشوفه يا مالك وخلاص يا أم مالك خلينا نعملها ابتغاء مرضات الله وان شاء الله خير
هزت الأم رأسها موافقه عن ضغط
قام مالك فرحا واحتضنها ربنا يخليكي يا ماما
ذهب مالك للعمل وخبط علي الغرفة الموجود بها رؤي
أذنت له
بالدخول وعندما دخل وجدها تحمل طفلتها وتتأمل بها
مساء الخير عامله ايه دلوقتي يا مدام رؤي عرفت اسمك من ورق دخولك المشفي ومد يده ليأخذ منها الطفلة ممكن تدهني اشوفها
اعطتها له وابتسمت وقالت الحمد لله كلو بفضل مساعدتك
استغفر الله كله بفضل الله متقوليش كده ماشاء الله بنتك قمرر حلو اسمها حلم انتي رؤي وهي حلم عرفتي تختاري
بصي ياستي انتي هتخرجي بكره وانا حكيت عنك لماما وبابا علي فكره هما طيبين اوي انتي مؤقتا بس هتعيشي معاهم لغاية ما تسترد صحتك انا هدير ليكي شغل وبيت وتقدري بعد كده تعتمد على نفسك تربي بنتك متخافيش انا مش هكون في نفس الشقه انا عندي كده غرفتين مظبطهم ومجهزه ليا و مسميهم روف فوق سطح البيت و يستجم فيها وبابا راجل كبير ومحترم مش هيضايقك خالص
رؤي في تعجب انت ازاي كده ازاي ادخلني بيتك وسط اهلك وانت مش عارف عني حاجه ولا عارف حكايتي ايه ولا سألتني فين والد الطفلة وسايبك ليه
مالك ولو مش عايزة تحكي انا مش طالبك تحكيلي انا بساعدك لوجه الله
لا انا مش هقبل مساعدتك غير لما احكيلك كل حاجه وبعدين قرر تساعدني ولا لا
مالك رغم اني مقرر بس لو هيريحك تحكي احكي انا
قال هسمعك
الفصل الثالث
بدأت رؤي تحكي لمالك حكايتها من البداية
انا رؤى بنت وحيده معنديش اخوات كنا عايشين في قرية في الفلاحين ماټت امي بعد ولادتي بابا اضطر يتزوج عشان يجيب واحده تربيني بعد ما توفت امي وانا رضيعة زوجة ابي رغم انها كانت مش بتخلف بس مشفتش منها اي حنيه وكانت بتعاملني كواجب بتعملو عشان ترضي ابويا بابا الله يرحمه كان طيب وحنون عليا بس شاءت الأقدار
اني انحرم منه هو كمان لما أتممت العشر سنين
لما راح في زيارة لعمي في القاهرة وتوفي في حاډث القطار المشهور لو سمعت عنو زمان اصبح مليش في الدنيا غير زوجة ابي اللي هي كمان سابتني وسلمتني لعمي اللي عايش في القاهرة وقالت له دي بنت اخوك وانت اللي مسئول عنها بعد ما ابوها ټوفي مبقاش في حاجه تربطني بيها واخذني عمي كان عندو بنتين كبار هما اللي كانو حنونين عليا واصرو علي عمي يخليني اكمل تعليمي وساعدوني بس بعد ما اتجوزو وانا اخدت دبلوم تجاره زوجة عمي قالت كفايه تعليم كده اقعدي ساعديني في البيت انا محتاجه اللي يساعدني رغم اني جبت مجموع عالي وكنت اقدر ادخل كلية تجاره لكن زوجة عمي أصرت
عمي كان بيشتغل في قصر كبير لناس اغنيه هو كان اللي بيشرف على الحديقه اللي فيها ويزرعها وفي يوم من الايام عمي قالنا انا وزوجتو ان في حفله عيد ميلاد ابن صاحب القصر ومحتاجين ناس كتير في المطبخ يساعدو وان لازم نروح معه عشان نساعد احنا كمان وانا فرحت اني هشوف القصر والحفله
روحنا وكان في شغل كتير في المطبخ فعلا وكان ما بين الوقت والثاني ببص من شباك المطبخ علي الحفله والشباب والبنات
