رواية أسفة أنا لا أرفض الطلاق الفصل الاخير ساره وادهم بقلم يسرا مسعد
الحلقة الحادية و الاربعون و الاخيرة
يدخل ادهم وعروسه الى الجناح المخصص لهما تقف ساره خجلى للغايه بينما يراقبها ادهم بسرور
ادهم انا عارف انى كان المفروض
اشيلك من تحت لهنا
بس مرضتش خفت لا وشك
ميرجعش لونه الطبيعى
ضړبته ساره برفق على كتفه وضحكت
ادهم انا مؤدب وهخليكى تغيرى هدومك لوحدك ف الاوضه اكتر من كده ماوعدكيش
تطرق ساره رأسها وتذهب لغرفه النوم وتغلق باباها وتجلس على طرف السرير
وبعدين هتعملى ايه ياساره هتتصرفى ازاى
تذكرت فيلم الحفيد عندما قامت ميرفت امين بترك نور الشريف ف الخارج ودخلت الحمام
ياسلام وهوا ادهم زى نور الشريف
سيبك من شغل الافلام ده انتى غيرى كده والبسى واستنى اما يدخل واحكيله براحه
وهوا هيتفهم
بالفعل بدلت ساره ثيابها
اقترب منها ادهم مبروك
ساره الله يبارك فيك
ادهم يلا تعالى نشرب اللبن سوا ونصلى ركعتين لله
صلو سويا وشربو اللبن وبعد انتهاء الصلاه مما اتاح لساره الفرصه المثاليه للكلام
ساره ادهم انت عارف انا اتطلقت ليه
ادهم لاء هعرف منين انا اصلا ما سألتش حد
واللى عرفته بعد كده انك ماقولتيش لحد
ساره يعنى مش عاوز تعرف
ادهم اكيد عاوز اعرف بس براحتك عاوزه تقوليلى دلوقتى ماشى عاوزه بعدين ماعنديش مشاكل انا اهم حاجه عندى اننا
ساره بس انا لازم احكيلك انا عاهدت روحى ان ماحدش ف الدنيا هيعرف السبب الا اللانسان اللى ربنا كاتبلى ارتبط بيه بعد كده
ادهم خلاص احكى بس بشرط
ساره ايه
ادهم دى اخر مره نجيب السيره دى انا مش عاوز اسمع سيرته نهائى
ساره اوك احكى
ساره احكى
حكت له ساره كيفيه زواجها هى وامجد السريعه للغايه الى ان جاءت ليله الزفاف ولم تخبر والدتها بشىء لانها اعتبرتها اسرار زوجيه بحته لا يجب على الاهل معرفتها الى ان جاء يوم واڼفجر فيه امجد غاضبا عليها قبل سفرهم لامريكا باسبوع متهما اياها بالتقصيير معه وانه قد صبر عليها صبرا جميلا واسترجعت ساره كلاماته
فعلت كل شىء غيرت من نفسها بالكامل دخلت ف رجيم قاسى وتمرينات رياضيه عڼيفه كى تصبح رشيقه كنجمات السينما غيرت من استايل لبسها من شعرها فعلت كل مايمكن ان تفعله ولكن ذلك لم يزده الا نفورا واتنقادا لها حتى بعد سفرهم اميركا وكان من المفترض انهم بمفردهم ف بلد غريبه
واسترجعت ساره اخر يوم لها ف بيتها بأمريكا وقرارها بالطلاق يومها
ف صباح ذلك اليوم غادر امجد مبكرا الى عمله قائلا لها
امجد انا نازل وهتأخر النهارده ممكن ارجع بعد تسعه ماتستنينيش
ساره ليه استناك نتعشى سوا
امجد
ساره الله يسامحك
امجد ويسامحنا كلنا يا ختى ههه حلوه يا ختى دى صح ماهو ده الواقع
تصمت ساره ولا تدرى بماذا تجاوبه
يخرج امجد ويترك ساره تبكى ثم تقرر انه لا يجب عليها ان تيأس ف اليأس بدايه الفشل
تحدث نفسها بصى انتى النهارده استغلى فرصه تأخيره وغيرى من شكل البيت بالكامل يرجع يلاقى البيت غير وعشا رومانسى كده وربنا يسهل
بالفعل بدأت ساره ف تغيير ديكور المكان واثناء تحريكها لدولاب خشبى وقع صندوقا من الكارتون على الارض وتبعثرت محتواياته لمت ساره محتوياته
يقاطعها ادهم لقيتى فيه ايه
ساره بجمود وهى تسترجع المشهد لقيت ادويه كتير اووى بتستخدم للوسواس القهرى وادويه تانيه للاكتئاب وكان محتفظ بالشرايط الفاضيه مع تقارير طبيه ورشتات اكتشفت انه مريض من 11 سنه فاتت وطبعا الادويه اثرت عليه واللى اكدلى كلامى تحاليل كان عاملها بعد جوازنا لمستويات الهرمونات عنده منخفضه جدا تكاد تكون منعدمه
ساعتها حسيت انى عاوزه اصړخ ابكى اضربه طول الفتره اللى فاتت
كنت امشى ف الشارع اكلم نفسى
وابص للستات اللى ماشيين واقعد ادور ايه اللى فيهم ازيد منى
حتى لما كنت بتعاكس وانا ماشيه ف الشارع وصلنى لمرحله انه يشككنى فى
استنيته يومها وماعملتش حاجه غير انى لمېت كل حاجه ليا وصورت كل الروشتات والتحاليل والتقارير الطبيه
ولما رجع واجهته بكل حاجه قعد يعيط زى العيال ويوطى يبوس ف رجلى عشان اسامحه ومااسيبهوش
وما افضحهوش وقالى ان الست والدته لما عرفت بمرضه فهمته ان البنت لما تكون متربيه مابتكونش بتحبه اصلا وان كان على الخلفه ففى دلوقتى عمليات للخلفه وانه مطلوب بس يكسر عينى على طول عشان ما اخرجش عن طوعه وانه هيتابع مع دكتور عشان يتعالج بس افضل معاه ولو عاوزه اسيبه بعد كده اسيبه
يعنى من الاخر كان عاملنى حقل تجارب
ادهم وليه مافضحتهوش
ساره كنت هفضح روحى معاه كانت الناس زى ماهتكلم عنه ماكنوش هيسيبونى ف حالى كانو هيتكلمو عنى عرفو السبب ماعرفوش الناس هيا الناس مش بيبطلو كلام
ادهم نظر لها بحنان بالغ انا كل يوم بكتشف فيكى حاجه احلى من التانيه ربنا يخليكى ليا
ساره ويخليك ليا
بعد عشره اشهر انجبت ساره بنتا ايه ف الجمال تحمل الكثير من قسمات والدها
فرحت بها ساره كثيرا وفرح بها ادهم اكثر فقد ذاق اخيرا طعم الاسره بعد ان تربى يتيما مع عمه الاعزب
تمت بحمد الله رواية أسفة أنا لا أرفض الطلاق
بقلم الكاتبة يسرا مسعد
الرواية
