رمت طفلها الرضيع أمام قسم الشرطة بقلم هويدا زغلول
رمت طفلها الرضيع أمام قسم الشرطة ولما فتحوا البطانية لقوا حاجة مربوطة فى إيده صدمت كل الضباط
في بيت في منطقة شعبية كانت نيرة لسه صاحيه من النوم ولقت عمتها بتقول لها
عمتها
اخيرا صحيتي يا بت هو انا مش قولت لك تصحي بدرى عشان تشوف البيت ده وتعملي اللي وراكي ولا انتي لازم تفضلي نايمه لحد الضهر كل يوم
نيرة
هو في ايه يا عمتي هو انا يعني مينفعش ارتاح شويه عشان خاطر اقوم براحتي واعمل اللي ورايا براحتي هو في حد بيجي عندنا يعني
العمه
وأنتي بقا أن شاء الله علي ما تقومي وتفكرى تعملي اللي وراكي يكون الليل جه انتي يا بت بتستهبلي مش كفايه قاعده من غير لا شغله ولا مشغله
نيرة
طيب ما انا قولت لك انا عايزة اشتغل وانتي اللي قولتي لا بلاش شغل
العمه
ماهو انا اعمل إيه في قلبي اللي بيخاف عليكي ده وخايفه لتجيبي لي مصيبه
نيرة
متخافيش انا لا هجيب مصيبه ولا غيرة انتي يعني شيفاني ماشيه بعمل مشاكل مع الناس جرا ايه يا عمتي هو انتي مش عجبك حاجه أبدا
العمه
لا انا مش عجبني حاجه انا مفتريه ياختي حلو كده يلا بقا قومي بطلي دلع انتي وراكي شغل كتير أوي
نيرة
مش فاهمه انا شغل ايه ده بقا انا زهقت من العيشه دي وتعبت
العمه
مش عاجباكي العيشه يا بت روحي ياختي شوفي لك حد تاني عيشي معاه لو مش عاجبك عيشتي
وبعدها سابتها نيرة ودخلت تروق البيت وفي البلكونه كانت بتنشر وشاور لها جارها سعيد اللي معجب بيها عشان تطلع له فوق السطوح وقالت لعمتها
نيرة
انا طالعه انشر الغسيل ده يا عمتي ونازله
العمه
طيب ياختي متتاخريش فوق
وطلعت نيرة فوق السطوح وقالت له
نيرة
هو انت مش ناوي تيجي تخطبني بقا
سعيد
هو في ايه يا حبيبتي هو انا هفضل لحد أمتي أقولك اني مستني لما ربنا يكرمني ويبقا معايا فلوس الشبكه هاجي علطول
نيرة
بس انا مش عايزة شبكه يا سعيد انا عايزاك كده من غير شبكه ولا حاجه تعالي بقا يا سعيد اتكلم مع عمتي واطلب أيدي منها
سعيد
وهو انتي فاكرة لما اجي لك كده ايد ورا وايد قدام عمتك هتسبني ولا هتوافق عليا دي مش بعيد تطردني بره
نيرة
ملكش دعوه انا هاقولها اني انا اللي عايزة كده بس تعالي بقا يا سعيد
سعيد
والله يا حبيبتي انا نفسي اجي النهارده قبل بكرة خلاص انا هحاول اجيب بس بقولك ايه يا حبيبتي انا عايزك تبقي تيجي تشوفي الشقه الاول اللي احنا هنتجوز فيها مش يمكن مش تعجبك أو تكوني عايزة تغيري فيها حاجه ولا حاجه
نيرة
انا مش عارفة هاجي لك ازاي يا سعيد بس هو مش قولت لي قبل كده أن الشقه متوضبه ومش محتاجه حاجه
سعيد
انا بقول يمكن مش تعجبك يا حبيبتي عشان كده عايزك تيجي لي هتيجي أمتي بقا عشان استناكي
نيرة
مش عارفه انا اصلا هسيب عمتي ازاي واجي هاقولها إيه بالظبط بقا
سعيد
قولي لها أي حاجه بصي قولي لها انك رايحه تشترى حاجه هو يعني صعبه يا نيرة انا نفسي اوي انك تشوفي شقتك
نيرة
طيب خلاص انا هاجي لك بكرة وأشوف بقا الشقه شكلها ايه
وبعدها سابته ونزلت وتاني يوم نيره كانت قاعده وعايزة تقول لعمتها أنها عايزة تروح تجيب حاجه وقالت
نيرة
بقولك ايه يا عمتي هاتي فلوس عشان انزل اجيب حاجات من تحت اصل المطبخ محتاج حاجات
العمه
حاجات ايه يا بت اللي انتي هتجبيها دي بقا هو إحنا ناقصنا حاجه
نيرة
ايوه في
ونزلت نيرة وقابلت عمار الظابط اللي هو جارهم وقالها
عمار
ازيك يا نيرة عامله ايه رايحه فين كده
نيرة بارتباك
انا اااا الحمد لله يا استاذ عمار اوي حضرتك
عمار
الحمد لله انتي رايحه فين أو محتاجه حاجه اجيبها لك واطلعي أنتي
نيرة
هااا لا لا انا رايحه أجيب حاجات خاصه وكده عن اذنك يا استاذ عمار
ومشيت وهو فاضل باصص عليها شويه ومشي وهي طلعت عند سعيد اللي لما شافها قال
سعيد
حبيبتي اللي نورت الدنيا كلها تعالي ادخلي يا قلبي ده انا اسعد واحد النهارده
نيرة
بقولك ايه يا سعيد انا مش عايزة اتاخر علي عمتي لحسن انت متعرفش انا خرجت منها إزاي دي ماكنتش راضيه تسبني خالص
سعيد
انا نفسي عمتك دي شوطه تاخدها انا زهقت من الست دي بجد هي هتفضل منزقه علينا كده كتير ولا إيه
نيرة
اومال انا بقولك تعالي اخطبني ليه ماهو عشان تاخدني منها ومن العيشه معاها اللي انا اصلا بقيت كرهاها دي
سعيد
خلاص يا حبيبتي هانت انا كلمت خالي في البلد وقولت له يبيع الأرض بتاعتي اللي هنآك وهو قالي أنه ممكن بلعت لي الفلوس في اقرب وقت
نيرة بفرحه
بجد يا سعيد انت بتتكلم بجد يعني خلاص هانت وهاتيجي
سعيد
ايوه طبعا يا حبيبتي انا جاي لك وانا جيبي مليان وقابل عمتك واطلبك بقلب جامد
نيرة
طيب الحمد لله انا فرحانه اوي انك خلاص هتيجي تتقدم لي
سعيد
طيب نشرب حاجه بقا بالمناسبة السعيده دي ولا ايه انا عامل حسابي وجايب ليا انا وأنتي اتنين حاجه ساقعه عشان نشربهم سوا يلا اشربي يا حبيبتي
نيرة
انا هشرب بس عشان أنا فرحانه اوي يا سعيد ربنا ما يحرمني منك يارب
وبعدها
نيرة
.انا مش عارفه مالي كده يا سعيد انا عايزة أروح بقا لحسن أنا شكلي أتاخرت اوي انا همشي بقا
وجات تمشي وقعت في الأرض أغمي عليها وسألها سعيد ودخل بيها الأوضه وبعد شويه فاقت وقالت له
نيرة
ايه ده انا فين وايه اللي حصلي انت عملت ايه يا سعيد
سعيد
هتكون عملت ايه يعني يا حبيبتي هو مش احنا بنحب بعض وهنتجوز يا نيرة انتي مالك بقا كده قافشه ليه
نيرة
يعني ايه الكلام ده يا سعيد
سعيد
أهدي يا حبيبتي اهدي هو في إيه يعني اللي حصل
نيرة
خلاص يبقا تكتب عليا انا مش هعرف ارجع عند عمتي
يعني انتي عايزة إيه دلوقتي وبعدين انا مش عارف هتجوزك انا بقول احتمال اه واحتمال لا يا نيرة لسه هفكر في الحكايه دي
نيرة
يعني ايه
سعيد
اسمعي لما اقولك انتي دلوقتي ترجعي البيت وانا هيفا اشوف الموضوع ده خلاص يلا روحي دلوقتي يا حبيبتي ولا كأن حصل حاجه
نيرة
انت هتتجوزني صح
سعيد
انتي بتتكلمي كتير اوي يا نيرة وانا دماغي مصدعه ومش فايق لاي كلام دلوقتي يلا خودي بعضك وارجعي قبل ما عمتك تقول هي راحت فين
ومشيت نيرة وهي حزينه علي نفسها ورجعت البيت وعمتها قالت لها
العمه
انتي كنتي فين يا بت أنتي وايه اللي اخرك كده ومالك شكلك عامل كده ليه
نيرة
اص اص اصل انا يا عمتي انااااا اااا ااه العربيه كانت هتخبطني وكنت هاموت والحمد لله ربنا سترها
العمه
وليه ياختي ماموتيش عشان ارتاح منك خالص احسن بلا الهم بتاعك اللي انا شيلاه ده
نيرة بتعيط
ربنا ياخدني يا عمتي عشان ترتاحي مني خالص انا داخله اوضتي
ودخلت اوضتها وانهارت وقالت لنفسها
نيرة
انتي
وبعدها فضلت تعيط لحد لما نامت
