الجليسة أخيرا قدرت أخد أجازة من الشغل وهروح لبيت طليقتي بقلم حمادة هيكل
الجليسة
أخيرا قدرت أخد أجازة من الشغل وهروح لبيت طليقتي عشان اشوف بنتي أنفصلت عن مراتي من 3 سنين لمشاكل كتير بينا حاولت كتير أصلح علاقتنا .وأن الأمور متوصلش بينا للانفصال خصوصا واني عندي بنوته جميلة أسمها جنيفر
عمرها ٦ سنين دلوقت..بس للأسف فشلت
أنا جوني وعايش في ولاية فلوريدا .. في مقاطعة ميامي بيتش واللي تبعد ساعتين عن مكان إقامة بنتي
وصلت هناك والدة جنيفر رحبت بيا ..أحنا بنحاول نظهر أننا اصدقاء ومفيش بينا شئ عشان دا ميأثرش على البنت
أتغدينا وقضيت وقت لطيف مع جنيفر ..
وانا معاها سألتني ليه انت مش عايش معانا
فهمتها أنه انا وماما منفصلين وأن كل واحد فينا دلوقتي بقى ليه حياته ..ومش من السهل نرجع لبعض
قالتلي
نفسي انك توصلني المدرسة الصبح زي صاحبتي
وتكون معايا دايما تلعب معايا وتذاكرلي
طبطت عليها ومسحت على شعرها
وانا بقول ..متزعليش يا حبيبتي غصب عني
بس انتي عارفه ومتأكدة أنك أغلى حاجة في حياتي
وأني لازم أزورك من وقت للتاني عشان أطمن عليكي
في الوقت دا جات مامتها وباين على ملامحها الحزن
سألتها مالك..قالت أن أختها تعبانه ولازم تروحلها
وطلبت مني أقعد مع البنت اليومين دول لغاية ما ترجع
لأنها مش حابه تبهدلها معاها في المستشفى
وافقت على المقترح بتاعها ..وفرحت أني هقضي يومين مع بنتي لوحدنا ومامتها بعيد عننا
بعدها فضلنا نلعب أنا وجنيفر في الجنينه بتاعت البيت
بالكورة وهي كانت مبسوطه جدا..بس مش أكتر مني
حسينا بالجوع بعد المغرب ..دخلنا المطبخ وجهزنا اكل
وبعد ما أكلنا
وعلى الساعه 8 جرس الباب رن
ولما فتحت لقيت ست في منتصف الاربعينيات من عمرها
باين عليها الإجهاد والتعب..فقولتلها انتي مين
قالت أنا جليسة الأطفال والدة جنيفر أتصلت بيا
من ساعة وطلبت مني أروح أقعد_معاها في البيت
لحد ما ترجع من عند أختها
أستغربت من كلامها وقولتلها
_طيب أيه لزوم جليسة الأطفال وانا موجود مع البنت
جنيفر جات وسلمت على الست دي
وقالت أهلا فيرونيكا وحشتيني
وبصت لي وقالت
_ها ممكن أدخل بقى
سمحتلها تدخل وقفلت الباب رغم اني مش فاهم ليه
طليقتي كلمتها ..وايه السبب هي مش مطمنة على بنتي وهي معايا !!
المهم اننا طلعنا ننام وطبعا نمت مع جنيفير في نفس الأوضة رغم انها بتنام لوحدها عادة..بس هي قالت عايزه انام جنبك يا بابا
سألتها عن الجليسة دي وقالت
_أنا بحبها اوي وهي كانت دايما بتيجي لما ماما تغيب
بتلعب معايا وبتحبني وساعات كانت بتجيب بنتها
الصغيرة ونلعب كلنا سوا ..بس هي ليها فترة مجاتش هنا
واضح ان البنت بتحبها ..بس لسه مش فاهم ليه مامتها كلمتها عشان تيجي تقعد معاها وانا هنا!
طلبت مني جنيفر أحكيلها حدوته ..وفي نص الحكاية لقيتها راحت في النوم..
بعد نص الليل قلقت من نومي لما حسيت بحركة غريبة تحت..نزلت بسرعه ..ولقيت باب أوضة جليسة الأطفال مفتوح بصيت جوه الأوضه ملقتهاش
شوفت آثار دم على الأرض ..حسيت بخوف وقلق سيطر عليا جريت بسرعه على المطبخ وطلعت سكين
بعدها مشيت ورا آثار الدم دي لغاية ما وصلت لمنتصف الصالة وقفت مذهول لما شوفت القطة
مين اللي عمل كدا .. دي أكيد جليسة الأطفال
مفيش حد غيرها معانا في البيت ..الست دي أنا مش مرتاحلها من ساعة ما شوفتها
وبعدها صوت صرخة بنتي..
ولما طلعت فوق وبسرعة ودخلت الاوضه شوفت
الجليسه وهي ماسكة بنتي
قولتلها انتي بتعملي ايه عندك
بصت لي وقالت بتحدي
_أنت كنت فين في الوقت دا وسايب بنتك لوحدها
_سيبي البنت
_لا مش هسيبها ..
_أنتي بتقولي ايه
جنيفر قالت
_صحيح انت عملت كدا يا بابا
_طبعا لأ يا حبيبتي..انا ليه اعمل كدا
_متصدقيهوش. انا شوفته بعينيا
_كدابه انتي كدابة
_والسكين اللي في إيدك دي بتعمل بيها ايه
بنتي فضلت تعيط وتقولي
_ليه كدا انا بحب قطتي أوي ..رجعلي قطتي
فاض بيا وجريت على الست دي عشان أخد منها البنت
_أنتي أكيد مجنونه ومش طبيعية
لقيتها قامت بسرعه وبنتي في حضنها وقالت
_أوعى تقرب منها ..انا مش هسمحلك تأذيها
حسيت بالقلق على بنتي وأن الست دي ممكن تأذيها
فقولتلها طيب خلاص ..خلاص إهدي
وهعملك اللي انتي عايزاه
_قالت انا هاخد جنيفر واروح بيها عند بنتي
_وهي فين بنتك
_بنتي ..بنتي في مكان بعيييد عننا
_وليه مجبتيهاش معاكي
_هي كانت واحشها القطه وطلبت مني أنها تروحلها
وعشان كدا هي ماتت ..وكمان وحشتها جنيفر اوي
ولازم تروحلها..بنتي خايفه وهي لوحدها
وقتها فهمت أن بنت الست دي ماتت ..وان
حالتها النفسية بقت سيئة نتيجة حزنها على فراق بنتها
وعشان كدا دبحت القطة ..ودلوقتي بنتي في خطر
قولتلها بهدوء
_طيب ممكن تسيبي جنيفر تنام دلوقت
وبكره الصبح تروح معاكي وتزور
_لأ مش هسيبها
_بقولك سبيها
مرة واحده لقيتها سحبت سكين من تحت المخده
وحطته على رقبة بنتي وقالت
_لو قربت مني هها
البنت فضلت تعيط وتقولي ألحقني يا بابا
_متخافيش ..متخافيش يا حبيبتي .. أنا جنبك
ارجوكي بلاش تأذيها ..
_أبعد عن طريقي ..انا هاخدها وهمشي دلوقت
البنت بتعيط والست ماسكه السكين وبتهددني بها
وواضح من حالتها انها ممكن تنفذ التهديد دا
أي حركة غلط ممكن بنتي تضيع مني
_عديني بقولك
وسعتلها الطريق وقولتلها ..طيب ماشي
_يا بابا متسبنيش
فكرت في طريقة عشان أنقذ بيها بنتي
ومكانش قدامي غير زهرية ورد_مسكتها
وحدفتها على دماغ الست من ضهرها ..وقفت مره واحده
وجسمها ترنح وقبل ما تقع على الأرض جريت عليها وأخدت من إيدها البنت
ولكنها مسكت في رجلي قبل ما ابعد عنها ..وضربتني فيها بالسكين الي معاها..صرخت بشدة
ونزلت بنتي على الأرض
_أدخلي أوضتك بسرعه يا جنيفر..وأقفلي الباب عليكي
نفذت البنت كلامي ودخلت أوضتها وقفلت الباب بسرعه
ولسه الست دي هتضربني تاني بالسكين
تفاديت الطعنه بسرعه ..ولكمتها في وشها بأيدي
نزفت دم من سنانها ..وقامت بسرعه وهجمت عليا
بالسكين لكن قدرت أمسك دراعها والويه ..لغاية ما صرخت من الالم وسابت السكين من إيدها..سيطرت عليها
وكتفتها ..وأتصلت بالشرطه
تم القبض عليها وأتحطت في مصحه للعلاج النفسي
وعرفت بعدين أنها كانت فعلا الجليسة لبنتي وانها بتراقب البيت من فترةولما عرفت أن والدة جنيفر مش موجودة
أخترعت الحكاية دي عشان تقدر تدخل البيت
وتنام فيه وتحاول بالليل
بس الحمدلله أني قدرت أنقذ بنتي من خطر مؤكد.
ياريت تعملوا لايك وشير واستنوا القصه الجديدة
تمت
حماده_هيكل
