خارج نطاق الخدمة كان في بينا نظرات متبادلة بقلم حماده هيكل
كان في بينا نظرات متبادلة ..الحقيقة الموضوع أتطور بسرعه ..و بشكل انا مكنتش متوقعه و لا هي كمان
ساكنه في المنطقة من فترة قريبة
شباكها قصاد شباكي ..يفصلنا عن بعض كام متر عرض الشارع ..بنت جميلة و رقيقة جدا ..الظاهر انها عايشه لوحدها
غريبة دي فين أهلها!! .
مخبيش عليكم انا عايز اتعرف عليها بأي شكل
كنت بشوفها كل يوم الصبح ..الساعه 7 تصحى
تشرب فنجان قهوه
تبص من البلكونه و تسرح بخيالها شوية
شعرها الناعم بيتطاير من أقل نسمة هوا
في نظرة حزن في عيونها .. مش عارف ايه سببها
يمكن عشان وحيدة ..ليه لأ
الوحده شئ بشع جدا ..انا عارفه ومجربه
شعور صعب خصوصا على انسانه رقيقه زيها
كنت خايف أقرب لها تفهمني غلط. .أو تصدني
بتنزل من بيتها الساعه 7 و نص و بترجع بعد العصر
تقريبا كدا بتشتغل
حياتها هادية جدا ..مفيش فيها أي شئ
حياة روتينية أقرب للملل
مفيش حد بيزورها و لا بتزور
يوم الأجازة بتنام لحد الضهر ..و بعد العصر بتنزل
و بترجع حوالي 10
من وقت للتاني كانت بتقف قصادي في الشباك
في نظرات متبادلة ما بينا
أد أيه جميلة جدا ..و جمالها بيزيد لما بتبتسم
بحس بسعادة ملهاش وصف
ساعات كانت بتشاور لي من بعيد هاي
بشاور لها كمان هاي
حصل بينا تواصل بالأشارات ..
لدرجة أني حسيت انها خرساء
بس لأ ..لأني في يوم شوفتها بتتكلم في الموبايل
احيانا بتشغل ميوزك و اغاني ..و الغريبة أن ذوقنا كان واحد
بتحب نفس الاغاني اللي بحبها ..بتشرب قهوة زيي
برضو زيي ..لكن انا بخاف عليها بس بأي حق
و انا أصلا معرفش أسمها !
خايف أقرب منها بجد..في الأول عشان ممكن كانت تصدني
بس دلوقت و بعد النظرات و الضحك اللي بينا
خايف أحبها و أتعلق بيها و مكتونش ليا واتوجه
جمد قلبك يا كمال و متخافش
بالفعل تاني يوم قررت أستناها وهي نازلة من العمارة..شافتني فابتسمت
صباح الخير
صباح النور
انا
اه طبعا عارفاك ..ازيك
بجد عارفاني !!
اكيد هو احنا مش جيران و لا ايه
اه طبعا طبعا
انا اسمهي هايدي ..ساكنه هنا من كام شهر
اهلا بيكي يا انسه هايدي
أبتسمت ابتسامه رقيقة
اه ..صح ..
طيب عموما تشرفت بمعرفتك ..و فرصة سعيدة
ودعتها و مشيت ..كنت واقف مذهول
صوتها ارق وانعم بكتير مما تخيلت ..روحها حلوة و مرحه
و دا شجعني اني اكلمها تاني .. و بعد كام مرة
اخدت منها رقم الموبايل و بقيت بتواصل معاها
و احنا واقفين قصاد بعض كل واحد في شقته
هايدي مطلقة ..لأنها مخلفتش ..رغم أن الدكاترة
طمنوهم انه مفيش عندهم مشاكل تمنع الإنجاب
لكن هي مسألة وقت
هايدي شاطرة في شغلها و ناجحه فيه..جوزها
ابتدا يحس بالغيرة ناحيتها و مع تأخر الخلفة
و زن أهله عليه ..طلب منها تسييب الشغل
رفضت ..خيرها بينه و بين الشغل
أختارت الشغل..و دخلت في خلافات مع أهلها
لانهم كانوا رافضين
تسيب الشغل ..لكنها نفذت قرارها و اطلقت
و قررت تعيش لوحدها
ست مطلقة و كمان عايشه لوحدها
الحقيقة زادت في نظري خصوصا و اني مشوفتش منها الا كل خير ..ست محترمه و ملتزمه جدا و مش مختلطه بحد
الا في الحدود
حتى في كلامي معاها كان دايما فى حدود
انا اتعلقت بيها جدا و اتمنى لو اني اتجوزها بس صعب
وضعي الحالي ميسمحش بأي أرتباط
لأني الفترة دي كمان مش بشتغل
كنت بسهر طول الليل و بنام_معظم النهار
و اكيد من مراقبتهم ليها عرفوا انها عايشة لوحدها
بصراحه محبتش أقولها عشان متتخضش
بس كنت دايما بحذرها بشكل مش مباشر
عشان تاخد بالها من نفسها و تقفل على روحها
شقتها كويس قبل ما تنام
تاني ليلة ..كنت سهران كالعادة
و ضربته بلكمه قوية وقع على الأرض
التاني طلع مسدس و ضربني بالنار .
اللي وقع ع الأرض
هايدي صرخت
مسكت بطني و جريت وراه
أستنى
أتصلي بالشرطة يا هايدي ..بسرعه
و جريت ورا التاني ..بكل قوتي
