رواية عشقت صعيدية عنيدة زهرة وبدر كاملة جميع الفصول
عشقت صعيدية عنيدة
انتي واجفة ليه برة الدار في الساعة دي أني مش قايل مليون مرة مفيش خروج إلا بإذني
زهرة بهدوء متعمد وهي رافعة راسها
انت ليك عندي إيه يا بدر ماانتش غير واد عمي مش وصي عليا ولا ليك كلمة عليا
بدر بعصبية
واد عمك! أني كبير البلد واللي أجوله يمشي على نسوانها ورجالتها مش عليكي انت بس فاهمة ولا لا
زهرة بابتسامة سخرية
كبير البلد ماشي بس الكبير يا بدر مش بكترة الزعيق ولا بالعصاية اللي ماسكها الكبير بالفعل والعلم وانت عارف أني متعلمة وخابرة الدنيا أكتر منك يعني ماتجيش تجولي امشي واجف وجت ما تحب
بدر پغضب
متعلمة هو العلم هيخليكي ترفعي راسك عليا وتتكبري يا بت عمي! ولا فاكرة الشهادات اللي جايباها من المدينة هتنفعك هنا وسط عاداتنا وأصولنا
زهرة بتحدي
الأصول الحقيقية يا بدر مش إنك تحبس البنتة جوه البيوت كيف الطيور في الأقفاص الأصول إنك تعرف جيمة البني آدم وانت لحد دلوقتي مش خابر قيمتي
بدر بقوة
اسكتي يا زهرة قبل ما أعمل حاجة ټندمي عليها
زهرة بعصبية وانفعال
هتعمل إيه هتضربني ولا هتمنعني من الهوا اللي بتنفسه جولتلك ماانتش غير واد عمي وصدجني مش هتجدر تكسرني
بدر قرب بغيظ
زهرة ما تلعبيش پالنار أنا كبير عليكي وعلي كل البلد اهنن وكلمة بدر هنا ما بتتراجعش
زهرة پغضب
كبير انت كبير على نفسك يا بدر مش عليا انت في الآخر واد عمي مش أكتر ولا أقل ولو عالعلام أني خابرة كويس انك مش مجننك غير إني عملت اللي انت معرفتش تعمله إني اتخرجت وبجيت متعلمة وأنت لسه كيف ما أنت جاهل
بدر
الكلمة دي مش هحاسبك عليها دلوك لما أبوكي يرجع من السفر هو اللي هيحاسبك ساعتها هنعرف مين اللي جاهل ومين اللي فالح واوعي تفتكري ان علامك ده هيخليكي حلوة انتي عفشة ومحدش هيرضي بيكي وده اللي خلي عمي يوافج انك تتعلمي
زهرة پغضب ودموع محپوسة بتجول عليا إني عفشة يا بدر هو دا قصدك
بدر بابتسامة سخرية
ما هو مش كل اللي اتعلمو نفعو ياما بنات خدوا شهادات ورجعوا قاعدين لا هم فتحوا بيوت ولا نفعوا عيلة وانتي منهم زي ما أنتي شايفة ولا شغلة ولا مشغلة
زهرة بترفع صوتها پغضب
أني عفشة! هو دا كلامك ليا طيب والله لأجول لأبوي كل حرف جولته وابجي وريني هتجوله إيه
بدر ضحك ضحكة قصيرة فيها قسۏة
أبوكي أني خابر هاجوله إيه لكن أنتي اللي مش عارفة هتجوليله ايه لما يعرف ان بته كانت رايدة تخرج عشية
زهرة بصوت عالي وهي بترتعش من الڠضب
جرب يا بدر جرب تجوله وانا كمان هجوله عاللي انت جولته ليا وشوف بجي هيصدج مين
بدر بجدية وحسم
خلصي على فوج يلا مفيش خروج برة الدار إلا لما أبوكي يرجع
زهرة بصوت واطي لكن مسموع
ده انت انسان مستفز صحيح مخبراش انا مطلعتش البواب بتاعنا ليه بدل من ولد عمي اوووف
في أوضة زهرة كانت قاعدة على السرير متوترة وبتكلم نفسها پغضب فجأة الباب يتخبط وتدخل بدرية مرات عمها
بدرية بتنهيدة
انا جولت برضك انك عمالة تاكلي في روحك ومش ساكتة
زهرة پغضب وغيظ
كله من ولدك يا مرت عمي انا تعبت منه ومش خابرة هو رايد مني ايه وبيكرهني ليه
بدرية بهدوء
أني
زهرة بتبرر بضيق
ما هو يا مرت عمي بدر بيظلمني وبيحسبني طفلة مع إن أني كبرت بس هو مصمم يتحكم فيا
بدرية بجدية
كبرتي ولا ما كبرتيش متنسيش ان هو كبير البلد بعد أبوه واللي بيجولوا يمشي أنتي غلطانة يا بتي غلطانة جوي باللي عملتيه
زهرة بصوت متوتر
بس هو يا مرت عمي بيعاملني عفش بيهني وبيتحكم فيا كانه جاصد يضايجني
بدرية بحزم
وأنتي فكرك ليه بيتحكم اكيد عشان خاېف عليكي ما سمعتيش عن البنتة اللي فجأة أهلهم مابيلاقوهمش لو إنتي مش فارجة معاه كان هيهملك تدخلي وتخرجي وجت ما تعوزي
زهرة پغضب
أني معملتش حاجة يا مرت عمي كل اللي رايداه أروح أشتري
كام كتاب من السوق مأجرمتش أنا يعني
بدرية بهدوء
يعني يا بتي لو كنتي جولتي لبدر كان اعترض بالعكس كان جابهم هو بيده
زهرة بتضحك بسخرية
وهو بدر هيعرف يجيبهم كيف هو بيعرف يجرا ولا يكتب أصلا
بدرية بصت لزهرة بعتاب ووقتها زهرة انتبهت للي قالته
زهرة بندم
والله ما كنت قاصدة يا مرت عمي أني ماجصدش أجرحه بس هو هو بيعاملني عفش ومعرفش ليه أني مش بطيجه بصراحة
بدرية بهدوء وهي قاعدة على الكرسي
أنتي ما تعرفيش بدر أصلا يا بتي ومتحكميش عليه من لسانه صدجيني ورا العصبية دي حنية ما حدش شافها
زهرة مكشرة بغيظ
حنية! أني مشوفتش منه غير القسۏة والجفا يا مرت عمي
بدرية بحزم
هو عشان مش بيعرف يحط الكلام زيك مايبجاش حنين لا يا بتي بدر دمه حامي
الليل لو حس انه جه علي حد
زهرة بترد بسرعة بصوت عالي
وهو لازم يجرحني الأول عشان يوريني جلبه الأبيض! لا يا مرت عمي أني مش بطيجه ومعرفش ليه بس حاجة في قلبي متجبلهوش
بدرية بتنهيدة طويلة
الأيام هتوريكي يا زهرة يمكن تشوفي في بدر اللي أنتي عمرك ما كنتي متخيلاه
زهرة بإصرار وتكشيرة
الأيام هتوريه هو إني مش ضعيفة ومش هسمحله يفضل متحكم فيا كيف ما هو عاوز
بدرية بتهز راسها بيأس
الله يصلح حالك يا بتي بس خليكي فاكرة حديتي
حنين بضيق
طيب انا هخرج بجي اعملي كوباية شاي حاكم ولدك جابلي صداع وهعملك معايا
كانت زهرة خارجة من اوضتها
واول ما فتحت الباب عشان تخرج اتفاجئت ب بدر واقف في وشها وعينيه كلها ڠضب ونظراته حادة وفهمت انه سمع كل حاجة
فاتوترت ثواني بس بسرعة رفعت راسها واتكلمت ببجاحة متعمدة وقالت
أحم بتبصلي كده ليه عاد فاكرني هخاف منك
ابتسم بدر وقالها بسخرية وهو بيبصلها من فوق لتحت
انتي فاكرة نفسك محور الكون يا بت عمي فاكرة إن الدنيا كلها واجفة مستنياكي ده أنتي أقل جمال من أي بنتة هنا في البلد دي كلها
زهرة اتجمدت مكانها كأن كلماته ضړبت قلبها قبل ودانها بس بدر مرحمهاش و كمل بصوت مليان مرارة وڠضب كأنه بينتقم لكرامته
وكل ده ليه عشان شهادتك معتقدش إنها هتخلي حد يتجدملك ولا يفكر يبصلك أصلا لانك عفشة
لمعت الدموع في عينيها بس بسرعة حاولت تخفيها ورفعت دقنها بكبر وقالت بصوت متماسك رغم الرعشة اللي جواها
وانت حديتك مش فارجلي أصلا يا واد عمي وانا خابرة زين انت بتجولي اكده
ضحك بدر فجأة ضحكة عالية قوية كأنها ضحكة
