رواية ليل ومازن وكريم جميع الفصول كاملة بقلم ندى محمود
صرخت بفرحة
يا بنااات! مازن كلمني لأول مرة النهارده على الواتس! وطلب رقم بابا.. واتصل بيه.. وأخد منه معاد.. وبكرا هييجي يتقدملي!
بصدمة
نعم!! فرحتك دي معناها إنك هتوافقي عليه
هتوافقي عليه إزاي.. وانتي عارفة إن ليل بتحبه جدا بقالها أربع سنين!
أنا وانتي أكتر اتنين عارفين هو قد إيه بالنسبالها!
ليل كانت ساكتة ومش بتتكلم.. وامنية بصت عليها بتمثل الزعل وقالت بزعل مصطنع
بجد يا ليل.. هتزعلي طب خلاص.. أنا هرفضه. مش هقبلأتجوز واحد صاحبتي الانتيم بتحبه.
ليل بابتسامة مكسورة
لا عادي.. مترفضهوش... أنا مش زعلانة.. بالتوفيق ليكي.
وسابتهم ومشيت.
أول ما أطمنت إنهم ما بقوش شايفينها.. وقفت في نص الشارع وفضلت تعيط زي الأطفال.
مازن كان حب حياتها الأول والأخير.. بس هو عمره ما لاحظها أصلا.
من فترة.. كانت عاملة أكونت فيك وسألته
تحب حد
قالها أيوه.
وقتها قلبها دق وقالت يمكن بيحبها هي.. بس الظاهر إنه كان يقصد أمنية.
قعدت على الرصيف تكمل عياطها.. وكل اللي شاغل بالها سؤال واحد
هي ليه مش في نظره زي أمنية هو شاف فيها إيه ومشافهوش فيها
وفجأة.. لقت حد قاعد جمبها بيديها منديل
اتفضلي.. شكلك مضايقة جدا... لدرجة إنك ما خدتش بالك إني قاعد جمبك بقالي ربع ساعة.
الصوت ما كانش غريب عليها.
بصت عليه واتصدمت... كان مازن.
أخدت المنديل وقامت تمشي من غير ما تقول حاجة.. بس مازن جري وراها وشدها من إيدها.
إنت إزاي تلمس إيدي!
مكنش قصدي والله.. كنت بس عايز أوقفك.
انتي صاحبة أمنية.. صح أكيد حكتلك إني جاي أتقدملها بكرا.
معلش.. ممكن تطمنيني
هي كانت فرحانة وهي بتحكي ولا كانت بتحكي الموضوع عادي
أنا آسف إني بسألك كده وانتي زعلانة.. بس بجد الموضوع ده فارق معايا جدا.
أنا بحبها بقالى سنة.. ومستني اليوم اللي أتقدملها فيه بفارغ الصبر.
ليل كانت بتتقطع من جواها وهي سامعة كلامه عن أمنية...
كان نفسها الكلام ده يكون عنها هي.
مازن بان عليه الفرح جدا وقال
بجد شكرا أوي ليكي.. مش هنسى معروفك ده.
تحبي أوصلك شكلك تعبانة.
قالت وهي بتحاول تبتسم
توصلني إيه.. أنا هوقف تاكسي أول الشارع.
تمام.. شكرا جدا بجد.
ليل سابته ومشيت خطوتين بس بعيد عنه
كانت حاسه الدنيا بتدور حواليها و بعد كدا الرؤيه بقت مشوشه و وقعت عالارض اغمي عليها
مازن جري ناحيتها و شالها و وقف تاكسي و راح المستشفي
حضرتك قريبها
لا يا دكتور هي صاحبه خطيبتي
تمام .. عموما انا شاكك فحاجه بس هستني الاشعه والتحاليل عشان اتأكد ويارب يطلع الي بفكر فيه غلط
قلقتني يا دكتور .. حضرتك شاكك ف ايه !
لما اتأكد هقولك عشان متقولش لاهلها وتقلقهم عالفاضي لو طلع شكي غلط و ياريت تتصل ب اهلها عشان يجو
تمام ..
اتصل ب امنيه عشان يقولها تتصل ب اهل ليل
و فظرف ربع ساعه كانت امنيه و آيه فالمستشفي
و دخلو ل ليل فالاوضه
حمدلله علي سلامتك يا ليل .. متقلقيش ان شاء الله حاجه بسيطه
بزعيق ليل هو انتي مثلتي انه اغمي عليكي عشان يشيلك ويجيبك المستشفي صح ! بتشحتي الاهتمام من خطيبي و جوزي المستقبلي يا ليل !!! وبعدين انتي لسا مش مستوعبه انه بيحبني انا مش انتي صح !!
ليل قامت من عالسرير وهي مصدومه من كلام امنيه
احنا اصحاب بقالنا اكتر من ٦ سنين يا امنيه .. هل تعرفي عني اني خطافه رجاله واني بعمل الحركات الرخيصه دي عشان حد يهتم بيا!!!
وفجأه ليل حست انها مش قادره تاخد نفسها ونبضها بيقل
بصړيخ دكتور بسرعه عايزين دكتور !!!!!
ليل اغمي عليها مره تانيه
و الدكتور قال هيستني التحاليل وكان باين عليه القلق جامد و طلب منهم يستنو برا الاوضه
انتي ازاي تقوليلها كدا !!! معقوله انتي امنيه صحبتنا الانتيم !!! احنا ازاي معرفنكيش علي حقيقتك طول السنين دي
عايزاني اشوفها بتحاول ټخطف خطيبي و اسيبها عادي ! كان لازم افهمها و اقولها انه مش مهتم بيها ومش بيحبها وانه اختارني انا و بيحبني انا
انتي بجد بقيتي لا تطاقي يا امنيه ! امشي يا امنيه انتي بس بتخلي حالتها تزداد سوء وخلاص !
اساسا جيت عشان انبهها علي حوار خطيبي وعشان خطيبي يوصلني .. وانتي كمان متقلقيش عليها عالفاضي دي حركات بنات انا عرفاها
و راحت تكلم مازن و مشيو عشان يوصلها
آيه فضلت مستنيه قدام اوضه
ليل لغايه لما تصحي
طمني يا دكتور علي صحبتي
احنا عايزينك تتصلي ب اهلها بشكل عاجل ..
بقلق وخوف ليه يا دكتور فيه ايه !!!!
لما يجو اهلها هقولهم وهما لو عايزين يقولولك براحتهم
ليل يتيمه الام و الاب من وهي عندها ٣ سنين .. جدتها هي الي ربتها بس
ماټت من ٥ سنين ومن وقتها ليل عايشه وحدها
ياريت حد يعيش معاها بعد كدا
هي مالها يدكتور قلقتني !!!
للاسف المريضه عندها سړطان ډم بس الخبر الحلو انها لسا فالبدايه و ممكن يتعالج عادي بس اهم حاجه تلتزم بجبسات الكيماوي و الادويه
پصدمه نعم !! سړطان ډم ازاي يعني !
ربنا معاكم ..
بعدها الدكتور مشي وساب آيه وهي مصدومه
قعدت عالارض و هي بټعيط و مش مصدقه
بعدها مسحت دموعها و دخلت عند ليل لما فاقت
هو الدكتور مش راضي يقولي حاجه ليه
ليل .. عايزه اقولك حاجه بس لازم اتهدي اتفقنا .. كل حاجه ليها حل و علاج
اي حصل مثلا
آيه استجمعت شجاعتها
عندك سړطان ډم
بفرحه بجد ! طب الحمدلله اخيرا هروح لماما وبابا وتيته
آيه ضړبت ليل بالقلم
حد يفرح لما يجيله خبر زي دا !!
بهدوء وانا هزعل ليه مثلا هل ليه اهل يزعلو عليا لما اموت هل عندي حد يهتم اذا كنت عايشه او لا .. اذا كانت صحبتي القريبه مني طعنتني فضهري و هتتخطب للانسان الوحيد الي حبيته .. هزعل ليه بقا اني ھموت
آيه بدأت ټعيط بهستيريه
انا هزعل عليكي يا ليل انا بقالي ساعتين بعيط لدرجه اني حاسه دموعي خلصو وانتي جايه تقوليلي مين مهتم ب امرك !
ببرود كلها يومين وهتنسيني متقلقيش مفيش حد بېموت من الزعل
آيه راحت ناحيه ليل و بدأت تهزها جامد
يا ليل فوقي بقا اي الكلام الي بتقوليه دا !!
ببرود كلام ايه
آيه مستحملتش برود اعصاب ليل اكتر من كدا و خرجت من الاوضه
اما ليل مسكت موبايلها .. فتحت الجاليري و بدأت تمسح صور مازن واحده ورا التانيه و تعمله بلوك من الانستا و الفيس عشان متشفهوش تاني
كان لازم اعرف من الاول ان الموضوع مش هيتم اساسا امتي حصلت اي حاجه عايزاها
و اتفاجئت بدخول آيه الاوضه تاني
انتي هتتعالجي من بكرا .. بكرا هتبدأي اول جلسه ليكي
بس انا مش عايزه اتعالج
لا هتتعالجي يا ليل انا مش باخد رأيك انا بقولك بس ان هتبدأي بكرا الجلسات
والقرار بيرجع للمريضه و المريضه بتقول مش هتتعالج
بعياط يا ليل بقا حرام عليكي اتعالجي بقا
بقولك
مش عايزه!! كان اخر امل ليا فالدنيا دي هو مازن .. من سعت لما تيته ماټت و بقيت عايشه وحدي وانا كل يوم ببص فصورته قبللما انام و احكيله عن الي مضايقني او الي حصل فيومي .. انا عندي درج كامل فيه كشاكيل كاتبه فيها رسايل ليه علي اساس اننا ممكن نتجوز فيوم و اوريهاله .. كل يوم رساله لمده ٤ سنين
عارفه انا حاسه ب ايه دلوقتي حاسه ان روحي بتتسحب مني .. توعديني تهتمتي بجنازتي و تدعيلي كتير
بعياط هستيري جنازه ايه الي بتتكلمي عليها يا ليل انتي هتتعالجي وهتبقي كويسه
ليل قامت من مكانها و فكت ابره المحلول من ايدها
انا مروحه البيت
طب استني اوصلك عالاقل الوقت اتأخر !!
لا هروح وحدي وانتي خلي بالك من نفسك وانتي مروحه .. باي
خرجت من المستشفي وهي شايفه قدامها بالعافيه .. الساعه كانت ٣ الفجر و الشوارع فاضيه
القمر ماشي لوحده ليه
اتجاهلته وكملت فطريقها .. باين عليه سکړان اساسا
مسكها من ايدها جامد
انتي مش سامعاني ولا ايه !!
سيب ايدي انت بتوجعني !!!
بس مكنش عندها القوه انها تخليه يفلت ايدها
بدأ يقرب منها تدريجيا
ضړبته بالقلم
انتي بتضربيني انا بالقلم !!
رفع ايده فالهوا عشان يردلها القلم
غمضت عينها من الخۏف
بس
مش عيب عليك تمد ايدك علي بنت !!
وانت مالك بيا اساسا
الشات الي بيدافع عنها ضړب الراجل المتحرش بوكسات كتير لغايه لما وقع عالارض وهو فاقد الوعي
انتي كويسه
اه شكرا لحضرتك .
وكملت فطريقها بس هو مشي وراها
وقفت فنص الشارع
بتمشي ورايا ليه !
عشان اضمن ان مفيش حد تاني هيتعرضلك
وانت ولي امري مثلا !
حست بدوخه و زغلله فعينها و حطت ايدها علي جبهتها
پخوف انتي كويسه !!
بضعف اه كويسه ولو سمحت سبني فحالي
بمجرد مكملت جملتها وقعت عالارض
بس الشاب مسكها قبللما تتخبط راسها عالارض
و اخدها لبيته
ها طمنيني يا بسمه
تقريبا فيه حاجه مش مظبوطه يعني مثلا عندها مرض او حاجه لان باين عليها الارهاق و التعب و فنفس الوقت فيه اثر لمحلول لابره ف ايدها كأنها لسا خارجه من المستشفي من كام ساعه
يبنتي مش انتي دكتوره ! متقولي مالها ولا دخلناكي طب عالفاضي
بسمه ضړبته علي دراعه
انا غلطانه اني صاحيه من النوم مخصوص عشان اكشف علي واحده معرفهاش .. هي مين دي انت بدأت ټخطف البنات ولا ايه
بضحك ليه شايفاني مچرم قدامك مثلا !
الله اعلم مش يمكن مچرم وانا معرفش !
بت انتي روحي يلا لشقتك احسن بكرا اشتكيكي لخالتي
عادي هقولها انك انت الي ضايقتني وبعدين لحظه كدا انت عايزني اطلع لشقتي و اسيبك هنا مع البنت لوحدك فالشقه
ايه يبت الدماغ الشمال الي عندك دي .. انتي بنت خاله مش جدعه علي فكره
بسمه قعدت عالسرير
طب
انا اهو قعدت عالسرير وناويه ابات ايه رأيك بقا
يا سلام تباتي ايه
قرب منها
مش خاېفه مني !
و اخاڤ ليه يعني دا انت حتي كيوت
بعد عنها وهو بيضحك
كيوت ! علي اخر الزمن حضره النايب كريم بقا كيوت
ششش يلا بقا اطلع من الاوضه عشان هنام
هتنامي جمب البنت الغريبه ! مش خاېفه تقوم تقتلك بالليل
يلا برا يلا يبقا نام فالمطبخ
طب اديني فرصه اعترض حتي !
خرجته برا الاوضه وقفلت الباب وبصت علي ليل
وانتي بقا اي حكايتك
وبدأت تمعن النظر فملامحها
المشكله انك حلوه ..
ونامت جمب ليل
الصبح
ليل قامت وهي مخضوضه
انا فين !!
كانت بسمه صاحيه قبلها و بترتب الاوضه
اغمي عليكي امبارح فالشارع وحظك انك كنتي قدام ابن خالتي لو حد غيره
كان زمانك دلوقتي ف خبر كان
انتي مين و ابن خاله مين !
وقتها كريم دخل عليهم الاوضه
يلا تعالو حضرت الفطار
انت !!
العفو العفو
انت ازاي تجبني بيتك
طب مش تشكريني الاول حتي ! وبعدين هعرف عنوان بيتك منين شايفاه مكتوب علي جبهتك مثلا ! مكنش حتي معاكي بطاقه
انت كمان فتشت فحاجتي !
كنت بحاول اوصل لرقم او عنوان لاهلك عشان اطمنهم عليكي بس حتي الموبايل قافلاه بكلمه السر
تمام عموما شكرا يعني
وسابتهم و راحت ناحيه باب الشقه
طب تعالي افطري حتي !
خرجت من الشقه و قفلت الباب وراها
اول مره يعني تحضر فطار فاخر زي دا
مش عندنا ضيوف يبنتي ! قلت ابدع شويه
طبعا الابداع دا عشان هي حلوه
النكد هيبدأ الصح
اكلو و بعدها بسمه طلعت لشقتها
انا حتي معرفتش اسمها !
ليل راحت بيتها و قفلت الباب بالمفتاح
قررت انها هتقضي اخر شهور ليها وحدها مش عايزه تشوف حد ولا عايزه تخرج الشارع
قعدت عالسرير و فتحت اللاب عشان تقفل الفيس بتاعها
بس اتفاجأت ببوست منزلاه امنيه
خطوبتي النهارده يبنات هتشرفوني
بصت عالبوست بسخريه و قفلت اللاب
قررت انها هتروح الخطوبه عشان مش عايزه تبين ان امنيه انتصرت عليها وانها هانتها و اخدت منها الي بتحبه .. لازم تبان قويه كالعاده
لبست فستان اوف وايت و نزلت
فالخطوبه
لما ليل دخلت المكان الكل بص عليها بذهول
كانت كأنها هي العروسه
اول لما امنيه شافتها راحت ناحيتها و مثلت كأنها بتسلم عليها و تها بس هي عملت كدا عشان تقولها حاجه ف ودانها
انتي جايه عشان ټخطفي الاجواء مني صح !! طول عمرك كدا يا ليل بتحبي كل الناس تركز عليكي .. اخرجي برا يا ليل انا مش عايزاكي فخطوبتي
و بعدت عنها و ر احت جمب خطيبها
اما ليل ف اتجاهلتها تماما كأنها مسمعتش حاجه
قعدت فمكان هادي وهي ماسكه الموبايل
اي دا انتي تاني !
انت بتمشي ورايا ولا ايه !!!
انا !! والله صدفه
اه طبعا صدفه اني اشوفك مرتين فنفس اليوم
يبنتي والله صدفه .. مازن صاحبي الانتيم اساسا بس مش بنشوف بعض كتير عشان مشغولين كل واحد فحياته
طب ايه متروح تقف جمب صاحبك وتسبني فحالي
قاعده وحدك ليه
عادي بحب اقعد وحدي
حاسس كأنك هتعيطي
متهيألك بس .. امشي لو سمحت وسبني فحالي
طب انتي بتعرقي جامد .. انتي كويسه !
اه كويسه
كانت فاتحه موبايلها بتقلب فالفيس
سحب موبايلها منها
متسيبك بقا من البتاع دا
هات الموبايل بهدوء ..
ولو مجبتهوش هتعملي ايه
حست بغثيان و جريت ناحيه الحمام
كريم انتهز الفرصه و قلب فالموبايل علي اساس ممكن يلاقي حاجه تدله علي اسم البنت الي خطفت قلبه من اول مره شافها فيها
فتح الجاليري بس كان فاضي مفهوش اي صوره
ايه دا معقول فيه حد فالدنيا دي معندهوش اي صوره فموبايله
!!
ضغط علي خانه الصور المحذوفه ف جاله اخر ٦٠ صوره حذفتهم كلهم كانو صور مازن
بص بذهول
وقتها ليل خرجت من الحمام وسحبت منه الموبايل
حد قالك قبلكدا انك غتت و بارد !
لا ..
ايه القط اكل لسانك ولا ايه بقيت هادي
انتي صاحبه العروسه
اه كنت صحبتها
و دلوقتي
ملكش دعوه انت بتتدخل ليه فحياه الناس
وقتها اشتغلت اغنيه الرقص السلو و كل واحده بترقص مع جوزها او خطيبها
امنيه كانت بترقص مع مازن و هي باصه علي ليل كأنها بتغيظها وبتضحك وهما بيرقصو
اما كريم ف كان باصص علي ليل الي كان كل تركيزها علي امنيه و مازن
فنفسه ليه القدر بيعمل معايا كدا .. لاول مره فحياتي بنت تلفت نظري و اكتشف انها بتحب صاحبي الانتيم
قاطع تفكيره كلام ليل
تيجي نرقص
بذهول نعم !!
طب خلاص شكلك مش عايز
لا لا طبعا عايز بس اتفاجأت متوقعتش
يعني انك تقولي كدا
طب خلاص اعتبرني مقلتش حاجه
لا خلاص الكلام الي بيتقال مينفعش يتسحب
و فعلا بدأو يرقصو
اول مره ترقصي مع حد صح
بذهول عرفت ازاي !!
من توترك خاېفه مۏت انك تدوسي علي رجلي واحنا بنرقص
احم احم هو انا مكشوفه للدرجادي
لا متقلقيش محدش هيلاحظ
انت طبعا مش اول مره ترقص
اه دايما بسمه بتزن عليا نرقص لما نروح اي مناسبه ف برقص معاها عشان ارتاح من زنها
بتحبك علي فكره
هي مين !
بسمه
يا سلام وعرفتي ازاي ..
باين من عينها الي مش بتتشال من عليك دي حتي كانت غيرانه مني جامد
لا بسمه زي اختي ومتربيين مع بعض من واحنا صغيرين ف
اكيد بيتهيألك
لو مش بتحبها صارحها بدل متفضل مستنياك عالفاضي و تهدر مشاعرها و وقتها عالفاضي
كريم قرب منها جامد لدرجه انها حاسه بدفا نفسه علي وشها
انتي بقا بتحبي حد
لء
و زقته جامد و دا لفت نظر الناس
مازن اتدخل
ايه يا صاحبي انت كنت بتضايقها ولا ايه
كريم اتحرج جامد
لا انا .. انا
الكل باصص علي كريم الي اتفضح قدامهم ظهر قدامهم بمظهر المتحرش
اما ليل خرجت من الحفله جري
كريم راح وراها
بزعيق ليه احرجتيني كدا!! كان ممكن تقوليلي ابعد وانا كنت هبعد !! لكن انتي كدا خليتي منظري قدام اصحابي و زمايلي زي الزفت
! هل انا عملتلك حاجه !!! دا انتي حتي الي عرضتي علينا نرقص !! انا فعلا غلطان اني وافقت
ليل كانت باصه عالارض
بزعيق ارفعي وشك وانا بكلمك !!!
رفعت وشها بس كان كله دموع
انا انا حاسه اني مش قادره اتنفس .. مش .. قادره
طب اهدي اهدي .. خدي معايا شهيق و بعدها زفير
دلوقتي احسن !
اه ..
ومشيت وسابته
هو مشي وراها للمره المليون
دخلت ديسكو
كريم واقف عند الباب وهو مستغرب جدا
البت اټجننت ولا ايه !!
دخل وراها
شافها قاعده عند البار و بتطلب من الويتر انه يجبلها احسن مشروب عنده
نعم !! انتي كمان هتشربي !! بتهزري صح !
انا مش قلتلك تسبني فحالي !!
يبنتي انتي ملكيش اهل يسألو عليكي !!! ازاي تدخلي ديسكو فالوقت دا و كمان عايزه تشربي
اخدت الزجاجه من الويتر و شربت نصها مره واحده
طب براحه طيب براحه!!
بدأت ټعيط
بردو الالم لسا موجود ..
انتي بتتكلمي عن ايه !!
انا موجوعه .. حاسه اني بمۏت .. حاسه كأن دمي دا عباره عن ڼار و اخدت مسكنات الصبح و معملوش اي فايده
طب اهدي بس متعيطيش .. صدقيني انتي تستاهلي حد يحبك
انت بتقول ايه !
هي كان قصدها انها موجوعه بسبب الم السړطان بس هو افتكرها موجوعه عشان مازن وكدا
انا عايزه انام ..
نامت علي ترابيزه البار
بعياط انا موجوعه حاسه ان دمي عباره عن ڼار بتغلي و اخدت مسكنات كتير الصبح ومفيش اي فايده
اهدي متعيطيش انتي تستاهلي حد يحبك ..
انت بتقول ايه !!
هي كانت موجوعه من الم السړطان بس هو افتكرها بتتكلم عن مازن
انا عايزه انام
حطت راسها علي ترابيزه البار و نامت فخلال دقيقتين
كريم حاول يصحيها بس كانت نايمه بعمق
شالها و كان خارج بيها برا البار
اعترض طريقه شله من الشباب
انت اناني علي فكره
عايز تاخدها لوحدك
كريم بصلهم بقرف
طلع من جيبه كارت
انا ظابط علي فكره و اقدر اقبض عليكم بتهمه التحرش عادي جداا
لا لا يا باشا احنا اسفين
بعدها كريم طلع برا البار و ډخلها جوا عربيته
مينفعش اخدك بيتي تاني اكيد
اهلك هيقلقو عليكي جامد كفايه اني خليتهم يقلقو المره الفاتت
اتصل علي مازن و اخد منه نمره امنيه عشان يسألها علي عنوان ليل
الو مين معايا
معلش انا عارف الوقت متأخر وان مينفعش اصلا اتصل فوقت زي دا بس صحبتك نايمه وانا مش عارف عنوانها فين و خاېف ان اهلها يقلقو
ببرود قصدك علي ليل هي معندهاش اهل اساسا
پصدمه ازاي يعني !
عايشه وحدها ومامتها وباباها و جدتها متوفيين
معندهاش اي قرايب !!
كلهم مش بيسألو عليها ولا بيعبروها و بعدين انت بتسأل عن بيتها ليه عموما يعني شكلك معجب بيها .. بص انا هكون صريحه معاك هي اه ليل صحبتي وكل حاجه بس بصراحه يعني هي بنت مش كويسه .. طبعا عشان مفيش اهل يراقبو تصرفاتها ف هي بتستغل دا و بتكلم ولاد كتيير و تخرج معاهم و تبعتلهم صور مش كويسه ف ياريت تبعد عنها لانها متستاهلش بصراحه يعني
تمام اسف عالاتصال فالوقت دا
وقفل المكالمه و هو مستغرب جداا .. ازاي واحده تقول علي صحبتها كدا ..
بص علي ليل ببرائه
وانا اقول ازاي محدش اتصل عليكي خاالص المره الفاتت .. مستحيل يكون الكلام الي امنيه بتقوله دا صح ..
اخدها لبيته
ونيمها عالسرير و غطاها بس لاحظ انها بتعرق جامد مع انهم فالشتاا
حط ايده علي جبهتها
يااه حرارتك عاليه اوي
كان طالع لشقه بسمه عشان تيجي تشوف ليل و تكتبلها دوا مثلا بس غير رأيه لان الوقت كان اتأخر جامد كانت الساعه ٢ بالليل
جهز ميه ساقعه و قماشه وبدأ يعملها كمادات
فجأه بدأت ټعيط وهي نايمه وتتكلم هلوسه يعني
لا يا تيته متسبنيش انا مليش غيرك لا خليكي معايا
كريم مسك ايدها عشان تهدي
ايوا يا تيته خليكي ماسكه ايدي دايما ..
فضل يعملها كمادات لغايه ٧ الصبح
و لما حرارتها نزلت حمد ربنا و راح نام فالصاله
الساعه ٩ الصبح
ليل صحيت وهي مخضوضه
ايه الي جابني هنا تاني !! قامت من عالسرير وهي مټعصبه و خرجت الصاله
هزت كريم وهو نايم جاامد لدرجه انه صحي وهو مخضوض
جبتني هنا تاني ليه !!!
طيب مفيش صباح الخير حتي !
انت شكلك متحرش اصلا
انا !! حرام عليكي انا مجتش جنبك اصلا
بسمه خبطت عالباب
ليل راحت تفتح
كمان هتفتحي الباب فبيتي
بسمه اټصدمت لما شافت ليل .. كانت جايبه فطار ل كريم
كالعاده
ازيك ..
ابن خالتك دا متحرش .. يومين ورا بعض بصحي فبيته
متدافعي عني يا بسمه عالاقل
هي بتعمل اي هنا
نامت امبارح فالبار ومعرفتش اوصل لبيتها ف جبتها هنا
بزعيق مقولتليش ليه كنت جيت قعدت معاها بدل متفضلو وحدكم فالشقه !!!
بزعيق طيب وطي صوتك انا مسمحلكيش يا بسمه تعلي صوتك عليا مش معني اني بهزر معاكي و بعتبرك اختي يبقا تزوديها و تعلي صوتك عليا
پصدمه اختك !! انت اعمي والله و غبي كمان ..
اهدو يجماعه متتخانقوش بسببي
لو سمحتي ياريت تخرجي من بيته
كدا كدا كنت خارجه اساسا
و خرجت ليل من الشقه وقفلت الباب وراها
ياريت مشوفهاش تاني جمبك
انا مش طفل يا بسمه عشان تقوليلي اعمل اي ومعملش ايه
بسمه مشيت وسابته
اما ليل راحت بيتها
وفضلت نايمه طوول اليوم
عدي يومين من غير اي احداث
٪ افتحي يا ليل
نعم يا عمو مش اديتلك الايجار بتاع الشهر دا
٪ انا هبيع الشقه ف ياريت تفضيها فظرف يومين
پصدمه نعم !! تبيعها ازاي وفيه عقد ايجار اساسا
المحكمه عندك اهي عايزه ترفعي قضيه براحتك المهم تفضي الشقه فظرف يومين انا خسران وانا بأجرلك بالسعر دا اساسا
بس احنا مأجرين الشقه دي بقالنا ٢٠ سنه و انا مش هقدر ادفع ايجار شقه تانيه عشان هيكون غالي و فلوسي مش كافيه اني أاجر
٪ مليش دعوه بالكلام دا .. الشقه تفضي فخلال يومين والا هرمي هدومك فالشارع
ومشي وسابها
دخلت الشقه و فضلت ټعيط
حتي الشقه
الي مصبراني علي حياتي دي هياخدوها
مني .. فيه ذكريات فكل مكان فالشقه مع تيته هقدر اسيبها ازاي وهروح فين انا اساسا عايشه علي معاش جدتي الي هو ٤٠٠ جنيه فالشهر .. الشقه ايجارها قديم وكنت بدفع ٢٠ جنيه كل شهر و باقي الفلوس بالعافيه بيكفوني لاخر الشهر .. الشقق التانيه ايجارها الف عالاقل هجيب الفلوس دي منين و صحتي متسمحليش اشتغل اصلا ..
اليومين عدو بسرعه او ممكن عدو بسرعه لان ليل كانت بتنام اغلب اليوم
٪ افتحي يا ليل والا هضطر اكسر الباب انا اديتك مهله يومين وانتي الي مستغلتهمش
ليل فتحت الباب
انا معنديش مكان اروح فيه .. يعتبر مليش غير صحبتي آيه فالدنيا دي و هي شقتهم ضيقه
جدا و علطول فمشاكل بسبب كدا و اكيد مش هروح اقولهم اني هفضل عندهم يومين
بزعيق ٪ مليش دعوه بالكلام دا انتي بتحكيلي قصه حياتك ليه !!
ليل قفلت الباب و دخلت حضرت شنطه متوسطه و حطت بس فيها هدومها .. هما كانو مأجرين الشقه بالاثاث ف مكنش ليها فالشقه غير هدومها
٪ ايوا كدا خليكي عاقله
انا مش مسامحاك علي الي عملته فيا و ان شاء الله يتردلك ف اولادك .. انت بترمي بنت ملهاش حد فالشارع فوقت زي دا
صاحب الشقه مردش عليها
ليل اخدت شنطتها ومشيت
كانت بتمشي فالشارع مش عارفه تروح فين .. الوقت كان متأخر اساسا ١ بالليل
كانت خاېفه من الناس السكرانين جدا و نظراتهم ليها وكمان البرد كان شديد
فضلت عالحال دا ساعتين بعدها قررت تروح لبيت كريم ..
ايوا لحظه يا بسمه
اول لما فتح الباب اټصدم
ليل !!
انا اطردت من بيتي ومعديش مكان اروحله و لا معايا فلوس اقعد ف فندق ف هل ينفع افضل عندك يومين بس لغايه لما اكون شفت شقه تانيه انا والله مكنتش عايزه اشوفك تاني ولا اطلب منك طلب زي دا بس انا خاېفه من الناس الي فالشارع
ادخلي
طيب ادخلي شكلك بردانه جامد
قبللما تدخل بسمه اتكلمت كانت نازله لشقه كريم عشان تديله طبق بسبوسه هي عملتها لانها كل لما بتعمل حاجه لازم تبعتله منها جزء ف سمعت الحوار كله
تدخل فين ان شاء الله !!
فبيتي يا بسمه اظن انتي ملكيش دعوه ببيتي
بسمه بصت علي ليل
مش عيب عليكي تباتي فشقه راجل اعزب !! للدرجه دي مثلا عاجزه ومعندكيش
اتجمعت الدموع ف عين ليل و ضړبت بسمه بالقلم
انا مسمحلكيش تتكلمي عن اهلي كدا ! انا اهلي ربوني احسن تربيه .. انا اساسا غلطانه اني جيت هنا المفروض كنت ابات فالشارع احسن مهما كان الي هيحصلي
اخدت شنطتها و كانت ماشيه بس كريم مسكها من ايدها
پغضب استني يا ليل انا صاحب الشقه دي وانا ليا الحق اختار مين يبات ومين ميباتش و انتي يا بسمه اطلعي شقتك دلوقتي احسن والله اوريكي وشي التاني الي عمرك مشفتيه !
انت بتزعقلي انا عشان دي !!
ادخلي يا ليل
انا ماشيه مش هفضل ثانيه واحده هنا .. سيب ايدي
بسمه غارت جاامد لما شافت كريم ماسك ايد ليل
مش هسيبها .. انتي معندكيش مكان تروحيه اي هتباتي فالشارع عشان خاطر واحده قالتلك كام كلمه وخلاص !
بسمه بصلته ب ذهول
كريم .. الي انت بتتكلم عنها دي بنت خالتك الي كانت دايما واقفه جمبك فكل ظروف حياتك .. ازاي تتكلم عني
كدا قدام واحده لسا عارفها من يومين
ليل فلتت ايدها من ايد كريم ومشيت بسرعه
انا بجد مش مصدقك يا بسمه !! انتي ازاي بتتعاملي كدا مع بنت ملهاش حد فالدنيا دي دا انتي حتي ساعدتي ناس كتيير
عشان هي بتحاول تقرب منك يا كريم المشكله انك غبي ومش فاهم حاجه خالص
بسمه .. هو انتي ليه بترفضي كل العرسان مع انك اتخرجتي واشتغلتي و معندكيش حجه ترفضيهم عشانها
برفضهم عشانك .. كريم انا من سعت موعيت عالدنيا وانت قدامي .. كل طفولتنا كانت مع بعض و حتي لما الجامعه فرقتنا كنا نقعد كل يوم مع بعض و نحكي و نضحك و نهزر
عشاني !! يبنتي انا والله معتبرك زي اختي مش اكتر
زي اختك !! انا بحبك يا كريم وانت جاي تقولي اني زي اختك !
كريم سابها و راح ورا ليل
بسمه اڼهارت من العياط
كانت هي ف اخر الشارع وهو ف اوله .. جري لغايه لما وصلها
استني انتي بتمشي بسرعه ليه !!
عايز اي مني
هتباتي فين
الشمس قربت تطلع ف هتمشي فالشارع لغايه لما تطلع
وبعدها هتروحي فين
هشوف شقه أاجرها
طيب تمام انا هاجي معاكي نشوف شقه تأجريها
انا هروح وحدي
ليل بعدها حست بدوخه جامده ومكنتش قادره تسند طولها .. كريم مسكها من وسطها قبللما تقع عالارض كانت ف وعيها هي بس داخت
مشهد سلو موشن .. كريم ماسكها من وسطها و باصص ف عينها وهي كمان باصه ف عينه
فضلو عالوضع دا دقيقه
سبني يا كريم
هاه
بعدت ايده عنها
روح لبيتك الجو برد اساسا
لا مش رايح
هتفضل فالشارع يعني !
اها
براحتك خليك بس ابعد عني انا هقعد علي رصيف وانت علي رصيف
يا سلام
ايوه يا اما تمشي
حاضر خلاص انتي علي رصيف وانا علي رصيف قعدو
قدام بعض علي ارصفه مختلفه
هي كانت بتترعش من البرد لدرجه ان شنطه الهدوم جمبها ومش قادره تفتحها من كتر م هي حاسه ان ايدها متجمده
اتفاجأت بكريم بيحط الجاكيت بتاعه عليها
انا مش بردان علي فكره ف خدي الجاكيت بتاعي
لا انا كمان مش بردانه
اومال بتترعشي ليه بقالك ساعه
عادي
حط الجاكيت عليها و راح قعد مكانه
بعدها ليل لما دفيت نامت اما هو كان صاحي عشان خاېف حد يعملها حاجه او يخطفها ف كان لازم يفضل صاحي و يراقبها
الساعه ١٠ الصبح
صحيت وكان كريم صاحي وباين عليه الارهاق
انت لسا منمتش !
اه كنت خاېف حد يعملك حاجه
ليل فرحت من جواها لان محدش اصلا كان بيهتم بيها يمكن مفيش غير صحبتها آيه
بس محدش طلب منك تحرسني
مش لازم تطلبي يعني .. اي حد فمكاني كان هيعمل كدا
تعالي يلا نروح نشوف شقه
ليل قامت وشالت الشنطه
هاتي الشنطه انا هشيلهالك
لا كفايه انك مرهق بسببي
يبنتي عادي هي اول مره منامش يعني
و اخد منها الشنطه
صحيح انتي معاكي كام ومتسيئيش الظن فسؤالي انا بس بسأل عشان نشوف شقه بالسعر الي معاكي
بخجل معايا ١٠٠ جنيه
كريم وقف مكانه وهو مصډوم
١٠٠ ! مش هتقدري تلاقي اوضه حتي بالسعر دا يا ليل
لا هلاقي عادي
طيب هتقبلي اني أاجرلك شقه
لا طبعا
خلاص يبقا كدا الحل الوحيد الي قدامك انك تيجي معايا البيت و تفضلي ف اوضتي
بس انت بيتك اساسا اوضه و صاله وحمام ومطبخ لو انا هاخد اوضتك ف انت كدا هتنام كل يوم فالصاله
يبنتي عاادي والله
بس طيب قول كلام منطقي حتي
يعني كلامك هو المنطقي ! حد يعوز يأجر شقه ب ١٠٠ !
ليل حست ب احراج
روح بيتك يا كريم و متورنيش وشك تاني هاا
مش رايح
انت غتت علي فكره
ايوا كلهم بيقولولي كدا طيب تعالي اقعدي فالشقه عندي لغايه لما تلاقي شقه تأجريها ولا هتفضلي فالشارع وكل يوم وانا اضطر
اراقبك كل يوم ومنامش
هاجي معاك بس هغير هدومي بعدها هنزل
يبنتي دا انا شويه وهبوس رجلك عشان تقعدي عندي فالشقه بدل الشارع دا انت انسااانه غرييييبه
فعلا راحو الشقه وهي دخلت الاوضه وقفلت الباب
اي دا مين جاي فالوقت دا كانو فالضهر
مالك يصاحبي
كريم فتح الباب بس اتفاجئ ب مازن قدام الباب كان بيعيط
مالك يصاحبي !!
امنيه ..
مالها !
اتبعتلي امبارح شاتات بين امنيه و شخص تاني .. كانت امنيه بټشتم فالشاتات عليا وبتقول اني واحد عبيط و ساذج و انها وافقت عليا بس عشان تغيظ صحبتها ليل و عشان الي بتحبه يغير عليها
نعم !!! هي فاكره مشاعرك لعبه يعني !
انا حبيتها يا كريم .. اتمنييت تكون بتحبني ربع م بحبها بس طلعت بتستغلني ..
طب اهدي بس تعالا اقعد و هجبلك عصير لمون
فيه حاجه تاني اتبعتتلي مع الشاتات ..
ايه هي !
شات بين ليل و حد تاني .. فالحقيقه هي شاتات كتير بتحكي فيهم ليل عن اد ايه هي بتحبني وفيهم شاتات من ٣ سنين .. شاتات بتوضح انها فعلا بتحبني و متابعه حياتي
انا ازاي كنت اعمي و مشفتش حب ليل ليا اديت مشاعري لشخص غلط و سبت الشخص الصح .. وهي جميله اساسا و طيبه جدا ..
انا كل لما افتكر اني وقفتها فالشارع وهي بټعيط بس عشان اسألها امنيه هتوافق عليا ولا لا قلبي بيوجعني .. اكيد كان موقف صعب عليها وقتها
كريم مكانش عارف يقول ايه .. كريم فعلا حب ليل جدا و اتعلق بيها وصاحبه دلوقتي بيحكيله عنها كأنها عاجباه
بص انت دلوقتي خارج من علاقه مؤذيه ف متفكرش فالمواضيع دي دلوقتي استني كام شهر عشان تنسي عالاقل انت بس حابب ان يكون حد بيحبك مش اكتر انما انت مش بتحب ليل ولا حاجه
يا كريم اكيد انا فعلا خرجت من علاقه شايفه بس انا حاسس بحاجه ناحيه ليل من سعت معرفت انها بتحبني .. هي بنت جميله و طيبه و كانت زميله كويسه وكل الجامعه بتشكر ف اخلاقها و طيبتها
شكرا يصاحبي انك سمعتني .. انا رايح دلوقتي هفسخ الخطوبه مع امنيه
لا شكرا علي ايه انا معملتش حاجه
بعدها مازن مشي
كريم قعد عالكنبه ساند دراع علي ايد كرسي الكنبه و التاني حاطه علي وشه .. و بيقول ف سره مازن شكله بدأ يفكر ف ليل و لو اتقدملها هتوافق عليه لانها بتحبه ..
وقتها ليل
خرجت من الاوضه
انا فكرت فكلامك كويس وفعلا مش هينفع افضل فالشارع .. انا هبدأ اشتغل من بكرا ف ينفع بس افضل عندك اسبوع لغايه لما اقدر اطلب سلفه من مدير الشغل
هتشتغلي ايه
اي وظيفه مش مهم
تمام
ساكت ليه
لا ولا حاجه مرهق بس
عشان منمتش طول اليوم .. روح نام
تمام
ليل استغربت ان كلامه بقا قليل بس كانت بتقول لنفسها انه اكيد بقا كدا عشان نعسان
كريم راح نام
١٠ بالليل
كريم قام من النوم و لبس كلاسيك و كان نازل الشارع
رايح فين
..
رايح فين بقولك !
رايح الشغل
شغل ايه الي فالوقت دا
انا شرطي علي فكره يعني و بقالي كذا يوم مرحتش الشغل ف اتصلو بيا قبللما انام و قالولي اني لازم اشتغل مكثف عشان فيه حاجات كتير اتراكمت عليا
ليل ارتاحت انه اتكلم معاها و كمان بيقولها تفاصيل .. يعني كدا هو كان بيتكلم قليل عشان كان نعسان بس فنفس الوقت استغربت انه شرطي
انت ظابط !
ايوه
شكلك مش
باين عليه خالص انك شرطي
ايه كنتي متوقعه مثلا واحد باين علي ملامحه القسۏه!
اه و ..
و ايه
بخجل يعني متوقعتش ان فيه شرطي يكون لطيف زيك وحلو كمان
قلتي ايه !
لا مقلتش حاجه
تمام انا خارج
خرج من الشقه وهو مش عارف يزعل ولا يفرح .. يفرح انها قالت عليه لطيف وحلو ولا يزعل عشان عارف انها بتحب مازن و ان مازن كمان بدأ يعجب بيها
راح الشغل و بدأ يشوف شغله المتراكم عليه وقرر انه هيشتغل اغلب الوقت لغايه لما ليل تمشي من بيته عشان ميتعاملش معاها و بالتالي ميتعلقش بيها بس الي ميعرفهوش انه هو اصلا اتعلق بيها
