رواية دمعة فاطمة كاملة جميع الفصول ميرفت وحسام وفاطمة بقلم مصطفى جابر
رواية دمعة فاطمة
أنا زهقت منك انتي كل شويه هتكسري حاجتي يا حماتي وكل ما اجيب حاجه جديده للبيت بتقعدي تتريقي عليا .
حماتها بهدؤء.. اي اللي بتقوليه ده ؟ الطبق وقع غصب عني يا ميرفت اعمل اي يعني وبعدين انا لا عمري اتريقت ولا كسرت حاجه ليكي غير الطبق ده وانا هجببك بداله اتنين وهعوضك.
ميرفت بغل.. اتنين اي وتعوضي مين هو انتي فاكرة نفسك بتعطفي عليا في بيتي.
فاطمه بهدؤء.. دا بيتي زي مهو بيتك ..انتي ليكي الدور اللي فوق وانا ليا الدور الارضي ده
ميرفت بتشدها من شعرها.. ده بيتي انا لوحدي يا وليه يا خرفانه انتي لازم تغوري من هنا نهائي
فاطمه بألم وصويت.. ااه سيبي شعري الحقني يا حسام مراتك بتمد ايدها علي امك ااه.
حسام نزل جري.. في اي يا ميرفت ابعدي عنها.
زقها بعيد..
ميرفت بمكر.. امك هزقتني وشتمتني وعماله تكسر لي في حاجتي حتي بص عالارض كده.. مش تحمد ربنا اني سيباها في بيتي واكله شاربه نايمه ببلاش عاوزة اي تاني... بقولك اي يا حسام انا مش هستحمل خناق امك ده كل شويه دي عيشة نكد
حسام ل امه.. يا ماما خمسين مره اقولك ملكيش دعوه بيها عاجبك الحال ده ؟ اتفضلي اعتذري وبلاش التصرفات دي.
فاطمه بدموع.. يابني انا والله العظيم ما جيت جنبها الطبق اتكسر غصب عني و هيا اللي مدت ايدها عليا وفضلت تهزق فيا وانا معملتش حاجة صدقني
حسام بغضب.. ياما انا مش عاوز وجع دماغ و كتر كلام ياريت تبطلي افتري علي مراتي شويه هيا مش خدامه عندك.
فاطمه بحزن.. ماشي يابني كتر الف خيرك.
ميرفت بخبث.
طلعت وحسام بص ل امه بغضب وطلع ورا مراته…
فاطمه بحزن.. لي كدا يا بني فينك يا رعد تيجي تشوف امك متبهدلة ازاي من اخوك ومراته.
.. بليل…
ميرفت بابتسامة.. كل يا حبيبي وخلص اكلك عندك مدرسه الصبح.
محمود بزعل.. هو انتي لي بتنزلي ل تيته أكل بايت و بيكون باقي مننا.
ميرفت بغيظ.. وانت مالك الدكتور قال إنها تاكل كدا متدخلش في امور الكبار.
محمود بزعل.. بس تيته تعبانه والاكل دا مش حلو عشانها انا هنزلها اكلي دا.
ميرفت بغضب.. محمودد لم نفسك عشان مضربكش.. روح اوضتك وبكرا مفيش حلويات عقابا ليك فاهم.
محمود بدموع.. انتي وحشه و هتروحي النار بطياره
جري علي اوضته وهيا بصت له بغيظ.. العيل اللي لسه مطلعش من البيضه بيدافع عنها.
حسام جه بابتسامة.. اي يا روحي زعلانه لي كدا.
ميرفت بدموع تمثيل.. زهقت من كتر خدمة امك ومن كتر الفلوس اللي احنا عاملين ندفعها ليها كل شويه شهريه.
حسام بهدؤء.. ياحبيبتي انا مرتبي عشر تلاف هي بتاخد الف اعتبريه ذكاه عننا.
ميرفت بخبث.. بيتنا اولى بيه يا حبيبي بص انا اعرف دار مسنين توديها فيه عالاقل هناك هياخدوا بالهم منها.
حسام بصدمة.. ابعت امي دار مسنين ؟ انتي عاوزة الناس تاكل وشي يا ميرفت.
ميرفت بخبث.. لا مش هياكلوا وشك.. بس ابنك اللي هيبقا اقل من اصحابه لو فضلنا علي الحال دا كتير احنا اولي ب الجنيه اللي بتدفعهولها.. اسمع
حسام بتفكير.. بس تفتكري امي ممكن توافق عالموضوع ده؟
ميرفت بغل.. اه هتوافق ولو موافقتش توافق غصب عنها ما هيا ملهاش لا اخ ولا اخت تغور بقا.
حسام بابتسامة.. ماشي هشوف دار كويسه ابعتها فيها.
ميرفت ببرود.. انا دورت ولقيت دار مناسبه واتفقت معاهم علي كل حاجه وهما مستنينها الصبح ..اول ما تصحي خدها و وديها.
حسام بابتسامة.. ماشي يا حبيبتي متزعليش نفسك انتي بس
ميرفت بدلع.. روح قلب حبيبتك انت يا حوس.
.. تاني يوم…
نزل لاقي امه بتصلي وبتدعي له.. يارب استرها علي عيالي و زود رزقهم واهديهم وابعد عنهم ولاد الحرام.
حسام حس بحزن.
ميرفت بغيظ.. يلا روح هاتها ولا اجيبها انا.
حسام بتوتر.. ما بلاش يا ميرفت سبيها هيا مش عاملة حاجه.
ميرفت بغل.. اقسم بالله لو مروحت جبتها يا حسام لهسيب البيت واروح ل اهلي وانت عارفهم.
حسام بهدؤء.. خلاص خلاص هقولها احم ماما.
فاطمه بابتسامة.. تعالي يا حبيبي كنت عاوزاك في موضوع.
حسام باستغراب.. موضوع اي ياما.
فاطمه بحنان.. خد الغويشه دي ليك كنت بحوش تمنها من الفلوس اللي انت كنت بتديهالي من معاش ابوك كنت بصرف منه لاكلي وشربي وقولت احوش لك فلوسك للزمن.
حسام بجمود.. تمام بس يلا عشان تيجي معايا.
فاطمه بابتسامة.. فين يا حبيبي.
حسام بجمود.. هوديكي مكان حلو كده هياخدو بالهم منك.
فاطمه بصدمة ودموع.. هتبعت امك دار مسنين يا حسام.
حسام بجمود؛ اه ياما انا بعمل كده لمصلحتك هما هناك هياخدوا
فاطمه بدموع.. هونت عليك ترمي امك يابني امك للدرجة دي انا رخيصه عندك.
ميرفت ببرود.. اهو نخف زحمه البيت شويه.
فاطمه بدموع.. انتي ترضي ان امك تروح دار يا بنتي.
ميرفت بغضب.. لا طبعا مستحيل امي متروحش الاماكن دي.
فاطمه بصت ل ابنها بدموع.. شوفت هيا مترضهاش علي امها بس هقول اي ربنا يسامحك يابن بطني حسبي الله ونعم الوكيل..قلبي غضب عليك.
قامت تلم هدومها وهي منهارة…
حسام دمعته نزلت.. انا مش هوديها يا ميرفت.
ميرفت بغل شدت الاسورة.. لا هتوديها ولا عايز تطلقني ؟؟ ما هو يانا يا امك وساعتها هحرمك من ابنك.
حسام بص ل امه بحزن.. خلاص ماشي اطلعي انتي فوق دلوقتي.
طلعت ببرود…
بعد شويه قدام الدار…
فاطمه بحزن.. في يوم ابنك هيجيبك هنا ماهو يا بني داين تدان لو بعد مئة سنه.. امشي ومتجيش تاني انا ابني حسام مات.
حسام بحزن.. ياما دا لمصلحتك صدقيني.
فاطمه بكسرة.. مصلحتي ابوك زمان كان عاوزاني انزلك من بطني ومخلفكش وقالي نكتفي ب اخوك الكبير وقفت قدامه عشانك و جبتك وسهرت عليك و اديتك من صحتي و عمري ما حرمتكم من حاجه الام اي غير سعادة ل عيالها مش هتحس بقيمتي غير لما تتحرم مني و من النهارده انت مبقلكش مكان في قلبي روح الله يسهلك انت ومراتك.
دخلت وهو ركب ومشي بحزن..
صاحبه الدار بابتسامة.. اهلا يا حجة فاطمه تعالي بيتك ومطرحك.
فاطمه بحزن.. بيتي ومطرحي راحو فاضل قبري بقا امانه ادفنوني جنب جوزي مش مقابر الصادقة.
حنين بحزن.. حاسه بيكي تعالي هتتبسطي معانا احنا هنا كلنا
التالي
https://pub153.lamha.news/49009
