واحدة بتقول إن جوزها كان بيحب يحلق دقنه بالليل

واحدة بتقول إن جوزها كان بيحب يحلق دقنه بالليل, والغريب إنه بياخد وقت طويل جدا قدام مراية الحمام في الحلاقة, ممكن ساعة ونص أو أكتر, وكنت أسأله ليه بتحلق بالليل؟ يقولي عادي دا الوقت اللي بكون فاضي فيه..

بمرور الوقت بقى يتجاهلني بالتدريج وأكيد يعني عارفين معنى كلامي, لا بيهزر ويضحك معايا كالعادة ولا حتى يحضني ولا أي شئ, لدرجة إنه بقى ينام في غرفة الأولاد ويتحجج إنهم نايمين لوحدهم وممكن يصحوا بالليل يحتاجوا حاجه..

لما بدأت أنام وحدي كنت أحيانا أصحى بالليل مفزوعة على صوت صرخة ست كأنها بتتعذب وأحيانا على صوت صرخة أطفال بصوت أولادي, ولما كنت أروح لغرفتهم ألاقيهم نايمين مع أبوهم ومفيش أي حاجه غريبة, فكنت أقول إن دي مجرد كوابيس 
لكن للأسف

الكوابيس أتكررت أكتر من مرة لدرجة إني كرهت الليل, زوجي في النهار في الشغل وفي الليل مع الأولاد وأنا لوحدي, وكمان الكوابيس مش سايباني في حالي..

حكيت مع زوجي وقلتله اللي بيحصل معايا لكن في كل مرة كان بيقول إنك بتتوهمي ومفيش حاجة من دي بتحصل ومعرضش عليا حتى ينام جمبي عشان بس أطمن بوجوده..

وفي يوم في وقت العصاري كنت قاعدة في الجنينة مع الأولاد ومفيش حد في البيت وفجأة سمعت صوت واحدة بتصرخ جامد جدا في البيت, المرة دي أنا صاحية وفي كامل وعيي يعني لا حلم ولا كابوس ولا غيره..

خفت أدخل البيت لكن بعد فترة قليلة بدأت أقرا قراّن واتجرأت ودخلت..

بمجرد دخولي شميت ريحة حاجة بتتحرق بس ريحة نتنة شوية, مش حاجة عادية بتتحرق وقررت أقول لزوجي وأواجهه إن

كل اللي سمعته قبل كدا مكانش كابوس وإن دا دليل على صدق كلامي..

لكن برضو لما رجع من الشغل وحكيتله قالي إني بتوهم وإن ممكن الصراخ يكون جي من عند الجيران, مع العلم إن بيتنا كبير وبيت أقرب جار لينا بعيد وصعب يعني أسمع صراخ حد فيه..

فاتت الأيام وجوزي رجع ينام جمبي عادي والأمور رجعت لطبيعتها كأن شئ لم يكن, وفي مرة كنا خارجين أنا وهو بالعربية نشتري شوية طلبات للبيت فبقوله سبحان الله الهادي, لمحتله يعني إنك سبت سريرك من غير سبب ورجعتله تاني من غير سبب..

راح قالي هقولك على سر خفيته عنك عشان متخافيش وتسيبي البيت واّخد أنا فرصة لحل المشكلة اللي حصلت..

بمجرد ما قالي الكلمتين دول خفت وافتكرت الحاجات اللي كانت بتحصل قالي في ليلة وأنا نايم في أوضة

الأطفال صحيت

لقيت ظل أسود نايم جمبي كنت صاحي ومكانش حلم ولما الموضوع اتكرر وبدأت اسمع الصړاخ اللي انتي كنت تسمعيه وأقولك أكيد بتتوهمي قررت أروح لشيخ وأحكيله على اللي بيحصل في البيت ..
الشيخ قالي إنك بسبب الحلاقة بالليل و الوقت اللي بتاخده في الحلاقة فيه جنية مسيحية عشقتك اسمها مريم وأنا هخليها تسيب البيت بس لازم انت كمان تفضل فيه..
والجن العاشق دا أسهل أنواع الجن وممكن طرده من البيت بسهولة ..
في اليوم اللي انتي سمعتي فيه الصړاخ وشميتي ريحة حاجه بتتحرق كان الشيخ بعت الجن اللي تحت سلطته عشان يطردوها وبشوية ټهديد ووعيد خرجت تصرخ من البيت .
قصة حقيقية حصلت في دولة عربية ..
لو خلصت قراءة اكتب تم وياريت تعمل متابعة وشاهد أولا عشان يوصلك كل

جديد
جنية

بقلم جمال الحفني