رواية ملك وسيف ملك أنتي عارفة أنهاردة أيه؟ كاملة جميع الفصول بقلم فاطمة
ملك أنتي عارفة أنهاردة أيه
بفرحة عيد جوزنا
قصدك يوم طلقنا
طلقنا!!
أنتي نسيتي أتفقنا ولا ايه
من سنة زي أنهاردة اتجوزنا وفي نفس المكان دا أتوعد أنا وأنتي أن جوازنا هيبقي سنة واحدة بس وبعدها هنطلق
أيوا عندك حق أنا كنت فاكرة ع فكرة بس هو أنا ااا
ملك أنتي كويسة !
اه اه أنا كويسة جدا عن أذنك هروح أرتاح شويه
ع العموم مش عاوزك تقلقي أنا أخدت أجازة من الشغل أنهاردة واتفقت مع المأذون وكل حاجة هتبقي جاهزة ع بالليل
نزلت دموعها بقوة وضهرها ليه شكرا ي سيف بجد ع كل حاجة عملتها معايا وأنا تحت أمرك في أي وقت
دخلت الأوضة وقفلت الباب نامت ع السرير ودموعها نازلة بصمت غريب
تلفونها رن مردتش رن تانى
ألوو
مقدرتش مرخمش عليكم في يوم زي دا قوليلي عجبته الهدية صح شيك أوي القميص إلا أخترتيه دا أكيد عجبه
ملك ! أنتي سمعاني
ليه أنا ي ريم إلا بيحصل فيا كدا ليه دايما فرحتي ناقصة وكأن الفرح بيستكتر نفسه عليا !
ملك أنتي كويسة!!
لأ مش كويسة أنا مكسورة نفسي أتكسرت من أغلي شخص ع قلبي في عز فرحتي
أهدي ي حببتي وفهمينى حصل أيه أنتي مش قولتيلي أنه خد أجازة من الشغل أنهاردة علشان عيد جوازكم ونزلنا أنا وأنتي جبناله هدية حصل أيه بقي
مسحت دموعها وهي بترتشف بوجع مطلعش واخد الاجازة علشاني دا طلع مجهزلي مفاجأة هو كمان
تصدقي أنك نكدية وبومة خلتيني أظلم الراجل كدا كنت هقول خساره فيه القميص إلا جبناه بس مفهمتش برضو بتعيطي ليه
مش تعرفي الأول أيه هديته ليا !
حساه في الرومانسية مش أوي أخره فستان وجزمة
سيف هيطلقني
أييه!!!
مكنتش عارفة أن اليوم إلا كنت بتمني يبقي أحسن يوم في حياتنا أتفاجئ بأنه بيخطط لنفس اليوم علشان يبقي أتعس يوم في حياتي أنا
يبنتى حرام عليكي بقي قوليله أنك بتحبيه وأخلصي
مشفنيش ي ريم سنة كاملة مشفنيش فيها ولا حس بيا كلمة بحبك دي أنا قولتهاله بدل المرة مليون في كل نظرة كنت ببصله فيها في قلقي عليه لما يتأخر في دعائي ليه لما بيبقي في مشكلة أو أشوفه زعلان في فرحتي يوم ما ترقي في الشغل في عيد ميلاده كل يوم كنت بصحي الصبح أجري ع أوضته أبص عليه شويه قبل ما يصحى كان عندي أمل ييجي اليوم إلا يحبني زي ما بحبه ويحس بيا
عملتي كل دا ومقدرتيش ولا مرة تقوليله بحبك كدا صريحة !
لأ ي ريم مش أنا إلا كرامتي تهون وأستني منه شفقة ولا كلمة حلوة أنا صحيح بحبه بس مقدرش أعيش من غير عزة نفس وكرامة حتي لو علي حساب قلبي
يعنى هتسبيه يطلقك ! أنتي قولتيلي أن معاملته معاكي كانت حلوة وبتتحسن يوم عن التاني وبدأ يحبك !
يظهر كان شفقة منه مش أكتر مقدرش ألومه ع حاجة دا
كان أتفاق من البداية مش ذنبه أني حبيته الذنب ذنبي أنا ولازم أتحمل نتيجة حبي دا
ملك بس أنتي كدا بتظلمي نفسك !
ريم أنا تعبانة هكلمك بعدين سلام
بالليل
ملك أنتي جاهزة الناس وصلوا
حاضر ي سيف ثواني وهطلع
محتاجة أي مساعدة
لأ أنا تمام طالعة أهو
طلعت وإيديها بتترعش باصة في الأرض
السلام عليكم ورحمة الله وبركاته
رد صوت واحد وعليكم السلام ورحمة الله وبركاته
رفعت ملك رأسها بستغراب أنتي !!
أيه القمر دا في حد هيطلق يبقي قمر كدا
أطلعي برا بيتي
أنتي صدقتي نفسك ولا ايه بيت مين يأم بيت هتكدبي الكدبة وتصدقيها ولا اي دا بيت سيف أبن عمي وقريب هيبقي بيتي قريب أوي كمان
مشفتش في بجاحتك أنتي ايه معندكيش دم خالص!
شافت سيف جاي ورا ملك بحزن مصطنع شكرا ي ملك بقي أنا جاية أكون جمبك وأهون عليكي تطرديني من بيتك كدا وتقولي عليا معنديش دم !
أنا بجد عمري ما شفت حد زيك أنتي فعلا معندكيش دم
ملك !! أنتي أزاي تكلميها كدا دي مهما كانت بنت عمي
سيف دا هي إلا كانت ااا
خلاص ي سيف المأذون مستعجل وأكيد هي كمان مستعجلة مش كدا ولا ايه
لأخر مرة بقولك متدخليش بينا ي مروة
ممكن تسكتوا بقي وتقعدوا علشان نخلص الموضوع
يااه أخيرا طلعت من حياتك العقربة دي
مروة !
أوف خلاص متزعلش بس دا ميمنعش أننا لازم نحتفل بالمناسبة السعيدة دي
لاحظي أنها لسه جوا وممكن تبقي سمعاكي دلوقتي
هه مش بعيدة والله طول عمرها بتعيش دور البريئة قدام الناس وهي في الحقيقة عقربة وبتحب تلم الرجالة حوليها وخلاص
أنتي بتتكلمي عن مين ملك !
بكرا تشوف بنفسك لما أدم أبن عمها ييجي مصر بكرا
أيه دا قصدك ايه !
خلاص ي سيف ملناش دعوة أهي راحت لحالها
مروة أخلصي قصدك ايه
أنت متعرفش أنها ع طول وأنتم متجوزين كانت ع علاقة بيه وكل يوم بيكلمها في التليفون دي كانت مستنية يوم طلاقكم دا بفارغ الصبر ومظبطاه ع يوم ما ييجي من السفر علشان
أنتي اتجننتي أزاي تفكري فيها بالشكل دا !!
الكلام دا مش من عندي ع فكرة مديرة مكتب أدم ع أتصال بيا ودايما بسألها عن علاقتهم ببعض
وأنتي يهمك تعرفي العلاقة ما بنهم ليه !
أحم هو أنا برضو قولت دي مرات أبن عمي ومرضاش أي حاجة تمس كرامتك وعلشان تتأكد من كلامي دا فكر فيها كدا هي عمرها قالتلك أنها بتحبك !
لأ محصلش
طيب لما قولتلها أنكم هتطلقوا أعترضت !
لأ بس كان باين أنها زعلانة
طبعا لازم تمثل عليك أنها زعلانة علشان متشكش فيها أنا عارفة الأشكال دي كويس
يتفتح باب الأوضة وتخرج ملك و معاها شنطتها وباين عليها العياط
أتفضل ي سيف مفتاح الشقة أهو
أيه دا أنتي هتمشي دلوقتي الوقت أتأخر خليكي لبكرا
خبطته مروة في رجله وبصتله برفض
أزاي يعني تبات معاك في شقة واحدة وأنتم أغراب عن بعض أنت نسيت أنكم أطلقتوا!
ريحي نفسك ي مروة أنا أصلا مكنتش هوافق
مش واحدة زيك إلا هتعرفني أنه مينفعش
تتغاظ مروة ولسه هترد يسكتها سيف و تاخد ملك شنطتها وتنزل
مروة أنا هنزل أوصلها
أستني هنا رايح فين هي عيلة صغيرة مش هتعرف تروح لوحدها!
الوقت أتأخر مش ينفع تمشي لوحدها كدا
سيف أستني سيف سييييف!!!
نزل بسرعة وراها
بعصبية ماشي ي ملك أنا هخليكي تندمي على اليوم إلا دخلتي فيه البيت دا
تاني يوم
في شقة سيف تلفونه يرن
ألوو
أيه دا أنت لسه نايم ي أستاذ مش كفاية واخد أجازة أمبارح كمان متأخر ع الإجتماع أنهاردة!
لأ أنا عشر دقايق وهبقي في الشركة
ينهار ابيض الساعه ٩ !!
أزاي ملك تسبني نايم دا كله دي عمرها ما عملتها
قام بسرعة غسل وشه وطلع خبط على باب أوضتها ملك أنا متأخر ممكن تجهزيلي سندوتشات وطلعيلي البدلة الكحلي لعند ما أخد شاور ملك أنتي سمعاني !
ملك ... ملك أنتي لسه نايمة !! فتح الباب مش لقاها دخل المطبخ برضو مش موجودة لعند ما لاحظ أن دولابها مفتوح ومفيهوش هدوم أنا أزاي نسيت أنها مبقتش موجودة هي بجد كدا خلاص مشيت !
بص ع سريرها لقي قميص جديد لونه المفضل وعليه ورقه تالت يوم جوازنا وأنت نازل الشغل حرقتلك قميص شبه دا وأنا بكويه كنت عارفه أنك بتحبه أوي صحيح مقولتليش أنك زعلان ولبست غيره ونزلت بس أنا قعدت أعيط طول اليوم بسببه ولأنه غالي مقدرتش أجيلك زيه بعده ع طول بس قررت أجمع فلوس معايا علشان أجبهولك في أقرب وقت أجمع فيه ثمنه أتمني يعجبك ... ملك
ليه حاسس أني ظلمتها بقي معقولة كلام مروة صح !
هي ممكن بجد تكون بتحب أبن عمها دا لا أنا مش هفضل أسأل نفسي كتير أنا هكلمها أسألها إحساسي بيقولي أن كل دا غلط أيه دا أنت أهبل هتكلمها تقولها ايه أنتم خلاص انفصلتوا لو سألتك عاوز تعرف ليه هتقولها ايه ولا هتفكر فيك أزاي!!
لأ هكلمها برضو وتفتكر الا تفتكره بقي
لسه بيطلب الرقم لقي خبط كتير ع الباب
وجرس الباب بيرن بشكل متواصل
أيه دا مين قليل الذوق دا طيب براحه جااي
أنتم مين !! اااه
مش عاوز فيه حته سليمة علموه الأدب يالا
ااااه أنتم مين وعاوزين مني أيه !
دي تحية بسيطة من أدم بيه
أدم !!
دا درس صغير علشان تعرف مقامك كويس
ولو قربت لملك هانم تاني أعتبر نفسك ميت
سمع سيف الكلام والدم نازل من وشه وجسمه بيترعش ولسه واحد بيرفع إيده علشان يكمل ضرب يقع سيف ع الأرض مغمي عليه
يالا بينا بسرعه قبل ما حد ييجي
في بيت ريم
صباح الخير
سرحانة ع الصبح كدا أحنا أصطبحنا
أنا منمتش أصلا
أمم دا شكل الموضوع مطول بقي
المفروض دلوقتي يبقي في الشغل تعرفي رقم سليم صاحبه نطمن عليه
يبنتي أرحميني بقي دا لسه أول يوم تبعدي عنه أيه للدرجة دي بتحبيه
ريم أنا مقولتش أني بحبه ع فكرة
أيوا عندك حق باين أوي أنك مش طيقاه
لأ مش للدرجة دي برضو هو بصي أنا عاوزة أطمن عليه وأعرف هو بيعمل ايه ويومه كان ماشي أزاي وبيكلم مين وبيسهر فين بس
ي رب الصبر من عندك أنتي عاوزة تجننيني يعني قولت تيجي تقعدي معايا بدل ما تروحي بيتك لوحدك علشان تفكي شويه ومودك يتظبط بدل ما أنا أفكك تعكنني عليا أنا !
وهو الصاحب ليه أيه عن صاحبه غير لما يلاقيه مبتسم ومتفائل كدا يقفل الدنيا في وشه !
يشيخة حسبي الله ونعم الوكيل بقي أهو أدم جه مصر ودا بقي إلا هيعرف يخرجك من كتلة النكد دي مش سيف إلا الإحساس عنده معدوم
أهو أنا مبحبش غير معدوم المشاعر إلا مش بيطقني دا
يبنتي دا مفيش مقارنة أصلا أدم دا ماسك كل شركات العيلة وعنده فيلا في باريس وفيلا هنا وكل سنة في بلد وتعليم ولغات هتجيبي دا لسيف إلا بيتخصم منه كل شهر نص المرتب علشان الباص بيوديه متأخر للشركة !
بصرف النظر أنك مادية حقيرة
أنتي مش شوفتيه من زمان دا بقاله خمس سنين منزلش مصر أكيد أتغير
أتغير ولا لأ ع نفسه بقي أنا خلاص مبقتش أخاف منه مش كفاية مجاش عزا بابا لما مات وكلمني في التليفون بس
يبنتي دا أنتي كنتي بتتمني أنه مش ييجي !
حصل بس هنكر
وروحتي أتجوزتي سيف بحجة أنها وصية والدك أنك تتجوزي بعد موته ع طول علشان مش تعيشي لوحدك وحمدتي ربنا أن أدم مش موجود علشان تتجوزي سيف !
أيوا هو كان جارنا في بيتنا القديم وأكتر حد وقف جمبي وقت موت بابا يبقي أستاهل أحبه ولا لأ !
طيب وبدل أتنيلتي وحبتيه ليه لما عرف وصية والدك وعرض عليكي الجواز كنتي رافضة أوي في الأول وبعدها شرطتي عليه تطلقوا بعد سنة علشان توافقي ع جوازكم !
أحم هو يعني لما أرفض أتجوزه يبقي كدا مش بحبه ومش عاوزاه !!
يا دمااااااغي بت أنتي تروحي لأدم أدم حلو هو إلا هيربيكي
لأ أدم مش حلو
دا إلا ينفع معاكي دا سيف ربنا نجده
العلاقة إلا بيني وبينك دي هتنتهي يوم السبت
ياريت لو دلوقتي أبوس دراعك
الساعة ١١ أكيد طلع من الإجتماع دلوقتي كلمي سليم بقي وسأليه عنه بس بطريقة غير مباشرة علشان كرامتي
مع أني مبحبش أكلم سليم علشان بيتلزق فيا وما بيصدق أكلمه بس يالا كله بثوابه
أخلصي وحشني وحشني
أحم ألوو
أنسة ريم أزيك عاملة ايه أخبارك أنتي كويسة أنسة ريم مبترديش ليه حاسة بحاجة
بصوت عالي ي عم البوتجاز أنت أديني فرصة أتنفس!
ضربتها ملك في كتفها
ااه قصدي يعني ي سليم براحة لأحبالك الصوتية تتجرح وأنت بتتكلم بسرعة كدا
أيه دا بجد خايفة عليا أنا بحلم ولا ايه
يارب تموت
أييه !
ااا بقول يارب تترقي جامد موت وأشوفك كدا أكبر موظف في الشركة
ياااه كان فين الكلام الحلو دا من زمان ي رمرم
رمرم !!!
تحط إيديها ع الفون وبغيظ تقول لملك أهو إلا زي سليم دا خسارة فيه حق مبيد الحشري إلا هرشه بيه
أنتي روحتي فين ي رمرم
ما بلاش رمرم دي بقي علشان مقلبش عليك
أحم خلاص اتعصبتي ليه بلاش منها بدل بضايقك
طيب بقولك ايه عاوزة أسألك سؤال
سؤال واحد دا أنتي تؤمري وأنا أنفذ أنتي تحلمي وأنا أحقق أنتي تااا ألوو ألوو!
قفلتي السكة ليه حرام عليكي كنا خلاص هنطمن ع سيف
يعني علشان أنتي تطمني ع سيف مرارتي أنا تتفقع!
الصحوبية يااا
ولو ولو سليم لأ
أهو بيتصل تاني ردي عليه علشان خاطري
هتجلط هموت يرضيكي أتجلط يرضيكي أموت !
طب خلاص هرد أنا
ألوو
رمرم رحتي فين الشبكة وحشة عندك
أحم لأ أنا مش رمرم أنا ملك
أيه دا مدام ملك
اه ي أستاذ سليم ملك ااا بقولك ايه هو كل الموظفين كانوا موجودين في أجتماع أنهاردة !
دا أنا كنت لسه هسألك ع سيف أتأخر أوي مع أني كلمته وقال عشر دقايق وهبقي في الشركة وأهو الإجتماع خلص والبيه لسه مشرفش
طب مش كلمته ع تلفونه ليه !
كلمته طبعا بس جرس ومش بيرد هو حضرتك مش في البيت معاه ولا ايه
ألوو ألوو أحم لا دا شكل الشبكة عندهم وحشة وحشة يعني وأنا إلا كنت هظلم رمرم وأقول قفلت السكة في وشي
ايه مالك خايفة كدا ليه هو قالك أيه
بيقول أن سيف مرحش الشركة لحد دلوقتي
عادي يمكن راحت عليه نومة مش بتقولي الزفتة مروة كانت معاه أمبارح أكيد كان سهران معاها وروح متأخر
سليم بيقول أنه كلمه وصحي قاله عشر دقايق وهيروح ولحد دلوقتي مش وصل الشركة وكمان بيكلمه مبيردش
أهدي ي ملك سيف مش عيل صغير علشان تخافي عليه كدا
ي الله أنا أزاي نسيت !
نسيتي أيه
الدوا سيف ليه علاج لازم ياخد الصبح قبل الفطار علشان معدته فيها إلتهابات ولو مش أخده بيتعب أوي
طيب هو ميعرفش يعني ما أكيد أخده !
لأ ي ريم سيف مبيحبش الدوا خالص أنا كنت بحطهوله في العصير كل يوم علشان ياخده بس هو دلوقتي لوحده ومش أخده أكيد تعبان لازم أروحله
تروحي فين وبصفتك أيه أنتي عبيطة !
مش مهم أنا قلبي بيقولي أنه تعب لازم أطمن عليه
طب أستني أسمعي طب الكرامة ياااا
ها طمني عملت ايه
كله تمام والزبون أتظبط ع الاخر
أوعي تكون أفتريت عليه أنا قولت تهويش كدا بس وضرب خفيف
أحم هو كان ضرب خفيف بس إيد الرجال إلا مكنتش خفيفة أوي الصراحة
أيه دا تقصد ايه أوعي يكون مات !
لأ مش للدرجة دي بس أصاباته هتطول معاه شويه
طيب طيب المهم قولته الكلام إلا قولتهولك بالحرف
طبعا أحنا في الشغل مبنهزرش ي هانم
خلاص أستني مني تليفون أوصلك بيه بقيت حسابك
سامحني ي سيف ي حبيبي بس كان لازم أعمل كدا علشان تحبني وتنسي الزفتة ملك دي خالص أكيد لما تشوفني أنا إلا بهتم بيك والوحيدة
عم محمد هو سيف نزل
لأ ي هانم معرفش أصلي كنت بجيب طلبات لل..
ايه بتجري كدا ليه هو فيه حاجة طب أستني أجي معاكي
طلعت ملك ووراها البواب ضربت الجرس وخبطت ع الباب مفيش أستجابه رنت ع تلفونه سمعت صوته وهو جوه بس مبيردش فتأكدت أنه جوه
خبطت أكتر سيف أفتح الباب أنت سامعني سيف
ايه الدم دا إلا ع العتبة دا ي ست هانم!
بصدمة دم !
أرجعي لورا وأنا هكسر الباب
صرخت بقوة سيف !!
جريت عليه بعياط وحطت رأسه ع رجلها سيف رد مين عمل فيك كدا فتح عينك بالله عليك أطلب الإسعاف بسرعة ي عم محمد
في المستشفى
دكتور أبوس إيدك طمني عليه هو كويس صح
أرجعي ي مدام دي العمليات لما يطلع هنطمنك أدعيله
قعدت ع الأرض بعياط ولسه مش مصدقة إلا حصل
في نفس الوقت
أيه الزحمة دي ي عم محمد هي حاجة حصلت في العمارة ولا ايه
الأستاذ سيف ي مروة هانم طلعنا أنا والست ملك لقيناه واقع متغرق في دمه ومبينطقش
بغضب شديد ملك كانت هنا !
دي كان هيغمي عليها لما شافته بينزف قدامها
متقلقش الدور عليها وحياتك
أييه !!
بسرعة مستشفي أيه
مستشفي المدينة بس هو مين إلا عمل في البيه كدا
أنت مالك خليك في شغلك
في المستشفي
لو سمحتي في واحد لسه جاي طوارئ من شوية
أسمه ايه ي فندم
سيف هنداوي
أيوا دا في العمليات الدور التالت السلم من هنا
ي بجاحتك يشيخة أنتي كمان ليكي عين تيجي لحد هنا أنتي أيه مشفتيش تربية !
طبعا وأنتي هتردي تقولي أيه إلا زيك مينفعش معاهم الكلام أصلا بيقتلوا القتيل ويمشوا في الجنازة
شدتها من هدومها بقوة قومي أطلعي برا دلوقتي حالا
قامت مسحت دموعها وبنظرة غضب شالت إيد مروة من علي دراعها ضربتها بالقلم بقوة لو فاكرة أني ضعيفة وهسكتلك تبقي غلطانة والعشم واخدك أوي أنا لو كنت سكتلك قبل كدا فعلشان خاطر سيف وبس أنما هتقلي أدبك هحطك تحت رجلي ي مروة وأعتبري القلم دا نصيحة مني علشان لو معقلتيش هتشوفي مني أيام سودا
بغضب شديد ووش أحمر ولسه هتضربها بالقلم تمسك ملك دراعها وتلويه لأ دا شكل القلم مبيأثرش فيكي أنتي عاوزة حاجة أقوي
صرخت من الألم أنتي أتجننتي ي ملك !
وحيات أهلك لأندمك ع كل حاجة عملتها قبل كدا
أيه الصوت العالي دا أنتم فكرين نفسكم فين !
هاتولها الأمن دي واحدة زبالة ومجرمة هي إلا عملت في أبن عمي كدا
الدكتور هاتوا الأمن بسرعة
بصتلها مروة بإبتسامة غيظ الأشكال دي مكنتش تنفع تدخل من الباب أصلا
أؤمر ي دكتور
خد الأنسة دي برا وممنوع تدخل من باب المستشفي خالص وتنبه ع الأمن كدا
تمام ي دكتور أتفضلي معانا ي أنسة
أيه دا أنت أحول بيقولك علي البت إلا قدامك دي مش أنا
أنتي محترمتيش المكان إلا موجودة فيه وصوتك عالي ودا عمل إزعاج للمرضي وأحمدي ربنا أني معملتش فيكي محضر كمان يالا برا
سيف أبن عمي وهيعمل فيكو شكوي سيب إيدي بقولك هي إلا عملت فيه كدا مش أنا ماشي ي ملك رجعالك أنا هندمك ع كل دا
شكرا أوي ي دكتور طمني سيف عامل ايه
الحمد لله النزيف مكنش داخلي سيطرنا عليه بس رجله وإيده متجبسين ولازم راحة الايام إلا جاية دي علشان الكسور تلتئم بسرعة
بدموع كسور ! طب ممكن أشوفه
هو لسه في البنج نص ساعة وهيفوق وياريت تروحي الحسابات لعند ما يفوق
حاضر ي دكتور
ألو
هي القاعدة حلوة عندك ولا ايه
ريم مش وقته عاوزاكي تروحي الشركة تسحبي منها فلوس وتجيلي المستشفي بسرعة
مستشفي! حصلك أيه
لما تيجي هفهمك كل حاجة سلام
ملك ملك أسمعي بس
خبطت ملك ع الباب بتوتر
الحمد لله ع سلامتك ي سيف
ال...
تقاطعه بسرعة بص أنا عارفة أني مش من حقي أجي هنا ولا حتي أقف الوقفة دي بس كنت عاوزاك تعرف أنه ااا
وحشتيني
ربنا يخليك وأنت حاسس بإيه دل... أييه أنت قولت أيه دلوقتي !
وحشتيني أوي الكام ساعة إلا بعدتي فيهم عني
ي ربي ميكنش تأثير البنج ي رب
أنتي إلا جبتيني هنا صح
ملك أنتي إلا جبتيني هنا
بصوت عالي ملك !!
ها اه مين ااا أنت كنت بتقول ايه
اه لأ دا شكلي أنا إلا أخدت حقنة البنج وأنتي إلا أتأثرتي بيها طيب أقعدي ارتاحي
اااه رجلي قومي أنا غلطان في ايه ي ملك ما الكراسي قدامك كتير جاية تقعدي ع رجلي المكسورة !
بدموع إيه دا هي رجلك دي إلا مكسورة أنا أسفة والله حقك عليا
خلاص خلاص بتعيطي ليه أنا كويس والله
أحلف أنك كويس كدا
والله أنا كويس كدا
قربت منه وضربته ع كتفه وبدل أنت كويس ينفع تخضني عليك كدا !
اااه لأ ملك أنتي تطلعي برا
أحم خلاص والنبي أخر مرة
كلمة زيادة وهاخدلك سرير جمبي هنا فاهمة
لأ وع أيه الحمد لله
هروح أجيبلك أكل وأجي
ياريت لأني جعان أوي ااا بقولك صحيح هي مروة مجتش!
بغضب رجعتله تاني والبيه بيسأل ع الحرباية دي بمناسبة أيه !
حرباية !! أمم طيب تمام أنا هبقي أكلمها وخلاص
سيف أنت عاوز تعصبني صح قول قول متتكسفش
مسألتنيش يعني مين إلا عمل فيا كدا
بتوتر أنت تعرفهم!
أكيد طبعا
طيب مين
