رواية يا أنا يا حماتي كاملة جميع الفصول نسمة وشريف بقلم هويدا زغلول
نسمه
يعني اي يا حماتي عايزه تجوزي شريف
ل بنت اختك أنا مالي هي أطلقت ولا لا
حماتي
اه يا حبيبتي هتجوزو ولو مش عجبك
وعايزه تمشي معنديش مشكله
وقبل ما نبدا الحكايه أنا نسمه عايشه
في بيت حماتي بعد ما خلتني ابيع شقتي
وفاكره يوم ما حماتي دخلت هي وبناتها
وقالت
حماتي
تعالي يا قلب امك مش عارفه حماتك
دي عامله ليه كده منها لله الوليه المفتريه
هبه
من ساعت ما عرفت يا ماما ان انا مش هحمل
الا بعمليه حقن مجهري وهي عامله
تعملني وحش وفي الوقت ده انا خرجت وقولت
نسمه
مساء الخير يا جماعه اي يا هبه مالك عامله
تعيطتي ليه مالها يا حماتي
الحما
ملكيش دعوه روحي اعملي ليها كوبيا ليمون
خليها تروق دمها اه مهي ناس ليها
حموات طيبه وناس ليها حموات زي حمات
بنتي
نسمه
أنا كان قصدي اطمن عليها بس والله
يا حماتي اصل شكلها مضايق اوي
الحما
حماتها المفتريه مشتها من البيت
أنا نفسي اعرف الوليه دي جايبه القسوه
دي كلها منين
نسمه
علشان موضوع الخلفه برده دي حاجه بيد ربنا على فكره
الحما
وانتي هتقعدي تتسمري معنا ما تقومي تعملي لها كوبايه الليمون وحضريه الاكل
نسمه
حاضر يا حماتي قمت ودخلت اوضتي وخرجت ثاني وقعدت جنب هبه ولقيت حماتي بصيتلي وقالتلي
حماتي
ايه اللي جابك ثاني يا بت وفين كوبايه الليمون اللي انا قولتك عليها
نسمه
حاضر يا ماما هاعملها ليه بس عايزه هبه في كلمتين خذي هبه دي فلوس بيت ابويا اعملي بيهم العمليه
هبه
هو انتي بتتكلمي بجد يا نسمه بس انا مش هقدر اسد ليكي الفلوس دي
نسمه
وانا مش عايزاهم يا حبيبتي ربنا يقومك بالسلامه ويحصل الحمل على خير بعد اذنكم وبعدها
دخلت المطبخ
نورا
والله حرام يا ماما اللي بتعمليه مع البنت دي البنت دي حنيه الدنيا فيها
حماتي
اقعدي انتي ساكته يا اختي دي دافعه ليكي الفلوس علشان خاطر يبقى لها صوت في البيت هنا بس على مين والله ابدا ما يحصل
نورا
والله يا ماما شكلها مش كده خالص شكلها طيب جدا انتي فاهمه عن ايه تدفعلي فلوس العمليه
الحما
المهم اوعي تقولي لحماتك ان الفلوس دي انتي واخدها من مرا ت اخوكي قوليهاا امي اللي جابتهالي اه علشان تبقي عينك قويه كده قدامكم
نورا
طيب انا همشي بقى يا ماما علشان خاطر الحق اتكلم مع ابراهيم واقوله نروح للدكتور علشان نعمل
الحما
ادخلي يا بنت عليهم وتكلمي بقلب جامد وقولي لها انا هعمل العمليه واخلف يا حماتي
وانا كنت قاعده في اوضتي ولقيت شريف
داخل الاوضه ومشكر وانا اول لما شوفته قمت وقفت وقولت
نسمه
مساء الخير يا حبيبي احضرلك الاكل اي مالك شكلك عامل ليه كده
شريف
انا سمعت ان انتي اديتي ل نورا الفلوس بتاع البيت ابوكي علشان تعمل عمليه الحقن منا قولت ليكي كام مره هاتيهم علشان اعمل مشروع بيهم وانتي رفضتي
نسمه
صعبت علي اوي والله لما عرفت ان حماتها مشيتها من البيت بسبب الموضوع ده بصراحه انا نفسي اختك تكون حامل
شريف
لا والله وانتي عملتي كده علشان خاطر اختي تكون حامل على اساس ان انتي هتفرحي اوي لما اختك تكون حامل انتي عامله كل علشان
تقولي اه منا دفعت لأختك فلوس
نسمه
اخص عليك يا شريف معقول انا برده هقول في يوم من الايام كده والله ابدا
شريف
اسمعي انا بكره هكلم نورا واقول لها انها هتجيب الفلوس ومش هتعمل عمليات وبعدها
خرج واقعد جمب أمه وقالها
شريف
هو ابراهيم هيجيب الفلوس اللي هو اخذها دي ازاي يا امي ما ما انا عارف ان هو مش هيقدر يسد الفلوس دي كلها يا ترى هيجيب الفلوس منين
الحما
اه انت دخلت لمراتك بقى وقالتلك على
الفلوس هي بتدي البنت الفلوس باليمين وترجع تطلبهم ثاني بالشمال
شريف
ردي علي يا امي انا ادفع لابراهيم له فلوس العمليه ما دي مراته وهي ملزومه منه
الحما
والله ما حدش ضرب مراتك على يديها علشان تدفع الفلوس اختك خلصت اتفقت على العمليه وهتعملها
شريف
طب ما انتي عارفه يا امي ان انا كذا مره كنت عايزه فلوس دي علشان اعمل بها مشروع
الحما
اسمع يا شريف انت ما شفتش فرحت اختك لما عرفت ان هي تعمل عمليه اوعى تكسر بقلبها
شريف
ماشي يا امي ماشي بعدها شريف خرج
وعدا كام شهر ولقيت نورا جايه البيت وانا
فتحت
نسمه
ايه ده نورا والله كنت لسه في بالي كنت عايزه اتصل اطمئن عليكي ايه يا بنتي بقالك فتره مش بتيجي ليه
نورا
انا لسه جاي من عند الدكتور وقالي ان انا حامل مش عارفه اشكرك ازاي
نسمه
بجد والله يا نورا والله العظيم فرحت قلبي قوي يا حبيبتي ربنا يكملك حملك على خير
وفي الوقت ده خرجت حماتي وانا قولت
نسمه
تعالي يا حماتي باركي ل نورا دي بتقول ان هي بقت حامل
حماتي
بس يا بنت وجع
نسمه
حاضر يا حماتي اللي تشوفيه وبعدها دخلت المطبخ ونورا قالتها
نورا
كفايه بقى يا ماما طريقتك دي البنت بتحاول ترضيكي باي شكل انت ليه كده
حماتي
هو انتي ازاي يا زفته انتي تقوليها ان انتي حامل انا مش قولتلك ماتقوليش لحد
نورا
دي على اساس يعني يا ماما ان هي ما تعرفش دي هي اللي دافعه الفلوس وبعدين خلاص بقوللك انا حامل يعني ماقلتش ليها قبل ما اعمل العمليه
الحما
انت عارفه يا اختي ان اخوك عنده مشكله في الموضوع الحمل دلوقتي هتقعد تندبله بقى
نورا
والله مش نسمه اللي تعمل كده حاولي تحبيها شويه على العموم انا ماشيه عشان خاطر حماتي مستنيه تعرف عملت ايه
الحما
اقعدي يا بنت وتتنكي عليها بقوللك ايه صحيح ابقي فهميها ان العيب من نسمه وانا راضيه وساكته وعماله اصل البنت يتيمه هاعمل لها ايه يعني
نورا
انا ماشيه يا ماما وبعدها كانت خارجه ولقت رقيه بنت خالتها داخله
رقيه
نورا ازيك عامله ايه واخبارك ايه
نورا
الحمد لله مالك يا رقيه شكلك عامل ليه كده
رقيه
حماتي فضلت ورا جوزي لحد ما خليته طلقني بجد انا مش عارفه الست دي عامله كده ليه
الحما
تعالي يا حبيبتي تعالي ما انا مش عارفه ايه اللي حصل لبنات عيلتنا حمواتهم دائما عاملين كده واحنا طيبين
رقيه
معلش يا خالتي والله ان انا جتلك بس انت عارفه ان انا ما ليش مكان اروح
نورا
طيب انا ماشيه بقى يا ماما علشان خاطر الحق اروح واشوف حماتي وبعدها مشيت
الحما
تعالي يا اختي اقعدي تعالي بطلي عبط ايه الكلام اللي بتقوليه ده امال انتي عايزه تروحي فين يعني
رقيه
اصل انا عارفه اني شريف قاعد معاكي هنا هو وامراته فانا هقعد انا كمان
وفي الوقت ده لقيت حماتي بتقولها
حماتي
يا نن عين خالتك هتقعدي معايا في اوضتي
مينفعش تعيشي لوحدك
رقيه
ربنا يخليكي ليا يا خالتي وما اتحرم منك ابدا
وبعدها أنا قربت عليها وقولت
نسمه
مين رقيه ازايك عامله اي تعالي ادخلي
وبعدها اقعدنا ولقيت رقيه بتقول
رقيه
معلش يا خالتي أنا عايزه شريف يقوم ليا
محامي كويس علشان اقدر اخد حاجتي
من جوزي
الحما
طبعا يا نن عين خالتك هو انتي ليكي
بركه الا ابن خالتك برضه
نسمه
حاجه اي هو انتي ناويه تسيبي جوزك
ولا اي يا رقيه
حماتي
قومي يا حبيبتي نامي
بتاعتي لحد ما شريف يجي والغندوره تعمل
لينا الاكل وفعلا بعدها دخلت رقيه
نسمه
هو في ايه بالظبط يا حماتي يا رقيه ناويه تقعد هنا ولا ايه
حماتي
عندك مانع يا حبيبتي تكون الشقه اللي بابا جايبهالك علشان خاطر تقولي مين يدخل فيها ومين ما يدخلش
نسمه
انا ماقصدش كده بس انتي كنت عارفه ان هي خطيبه شريف الاول وما ينفعش ان هي تقعد معاه
الحما
لا يا نن عين امك الشقه دي بتاعتي وانا اقول مين يقعد فيها ومين ما يقعدش ولو مش عاجبك اتكلي على الله وامشي
نسمه
هو انا عملت ليكي ايه علشان تعملي فيها كل اللي بتعمليه ده ده انا بحاول افرحك انتي وابنك وبنتك كمان
الحما
ايوه كده ظهري على حياتك كنت عارفه ان اليوم ده هيجي وهتعيرينا بالفلوس اللي دفعتيها لبنتي
اه ياني تعالي شوف مراتك يا شريف بتعمل
فيا اي وفي الوقت ده دخل شريف
شريف
يا فتاح يا عليم في ايه هو انت كنت على طول نائر ونقير أنا زهقت
الحما
مراتك يا ابني بتذلني بالفلوس اللي دفعتها لبنتي انا هسدها الفلوس دي بس لو حصل ليا حاجه قبل ما اسدها الدين ده هيكون في رقبتك
نسمه
انا داخله اوضتي بجد انا زهقت وبعدها
دخلت واقعد شريف جمب أمه
شريف
في ايه تاني يا ماما ايه اللي حصل بس بينك وبينها
الام
بقولك يسبك منها ركز في الكلام اللي انا هقوله ليك البنت رقيه اتطلقت وانت كنت عارف ان المؤخر بتاعها عالي
شريف
طيب وانا مالي ومالي المؤخر بتاعها يا ماما
الام
طول عمرك هتفضل عبيط كده هي جايه وعايزه تقوم محامي اقوم ليها انت المحامي وخليك جنبها وخليك الصدر الحنين دي
شريف
تصدقي يا ماما فكره انا بسمع ان جوزها ده كان غني قوي ومعاه فلوس كثيره يعني كده كده هيدفع المؤخر
الام
بس مش عايزه اقولك ربنا مديله ام بتموت على القرش يعني لازم تقوم محامي جدع وبقولك ايه اصرف الاول ما يهمكش
شريف
اصرف منين يا ماما ما انت عارفه البير وغطاه هو انا معايا فلوس
الام
ملكش دعوه يا واد انا هديك الفلوس اللي انت عايزها يلا ادخل غير هدومك بقي وقول
للمحروسه تخلص الاكل وفعلا خلصت
الاكل وكنا قاعدين علي السفره ولقيت
شريف بيقول
شريف
طيب وانتي يا رقيه عملت ايه علشان خاطر يطلقك
رقيه
والله يا شريف انت عارفني ان انا غلبانه وماليش في اي حاجه بس أمه بقى الله يسامحها
شريف
طبعا طبعا احنا هقوملك محامي وهنشوف الموضوع ده وباذن الله حقوقك كلها تاخديها
رقيه بصتلي وقالت
ربنا يخليك ليا يا شريف وما اتحرم منك
