رواية امل ومحمود عدم المواجهة كاملة جميع الفصول بقلم امل بكر
قومت دخلت المطبخ ولقيت فراخ في التلاجه طلعتها وعملتها مع رز وبطاطس علشان عارفه انه بيحب الاكله دي خلصت الاكل
دخلت اخد شاور و لبست قميص بيتي بنص لونه ابيض في بينك بعد الركبه وعملت شعري ديل حصان …حطيت الاكل علي السفره لقيت الباب بيتفتح وبيدخل منه دخل الاوضه دخلتله وفتحت الباب لقيته بيلبس التيشرت
بعد نظري باحراج،
-احم انا عملت الاكل تعالي كل
قولت كلامي بسرعه وطلعت قبل لما يرد
شويه ولقيته طالع وبيقعد علي الكرسي
ماصدقتش انه هياكل بجد
قعد جمبه وبدئنا ناكل
بصتله وقولت ،
-مامتك كلمتني وقالتلي انها عزمنا
-اه هعرفها اننا مش هنروح
بضيق ،
-لي كده انا قولتلها اننا هنيجي
بصلي وساب المعلقه علي الطبق،
-ولي تتصرفي من دماغك !!
عقد حواجبي ،
-انا متصرفتش من دماغي انا قولتها لاء في الاول وهي فضلت تسألني لي وانتي مش حابه تيجي
معرفتش ارد اقول اي وقولتلها ماشي في الاخر علشان متزعلش
بتنهيده،
-خلاص بقولها مش هنيجي
-طب لي منروحش ؟!
-هروح انا
بصتله بدهشه وانا خلاص هعيط،
-يعني المشكله فيا انا؟!!
-ملهوش لازوم تيجي هقولهم انك تعبانه
قومت بعصبيه وانا بزق الكرسي وبتكلم ودموعي علي الحافه ،
-يارب اتعب واموت واريحك مني بجد يامحمود
قام وقف بعصبيه وهو بيشد دراعي،
-انتي عبيطه انتي بتقولي اي!!
بعياط وانا مش قادره امسك نفسي،
-زي ماسمعت
غمض عينه لثواني واتكلم بصوت مهزوز،
-امل معتيش تتكلمي بالطريقه دي تاني
بانفجار وانا صوتي بيعلا ،
-ولي متكلمش كده مش ده الي انت عايزه
اخد نفس وهو بيحاول يهدي نفسه ،
-لا مش ده الي عايزه تمام
بنهيار،
-اه واضح فعلاً هقولهم امل تعبانه والمره الي بعدها امل بتم..
-خلاص بحضري نفسك بنروح
بصتله باستغراب وهو بيدخل الاوضه وبيقفل الباب
مسحت
غيرت ولبست بيجامه شورت وتيشرت نص علشان انام
-ممكن ادخل
قفل الموبايل واستعد للنوم ،
-هنام
-انا خايفه وعايزه انام هنا
بصلي شويه وهز راسه جريت بسرعه علي السرير واتغطيت
-ممكن متشديش اللحاف
-اعمل اي هو صغير
=واالسرير صغير برده
-خلاص روحي الاوضه التانيه
-انا خايفه
قام معايا ونمت في سرير كانت اول مره ننام عليه
اتكلم بضيق ،
-برده اللحاف ده صغير ؟!
-لي انا عملت اي !
-عماله بتشدي واخدا كله بس
-سقعانه اوي
بنبره خوف،
-قومي البسي حاجه هتبردي كده
وانا. بشد علي اللحاف،
-لا لا مش قادره اقوم
شويه وقربت عليه
-محمود
رد وهو خلاص هيروح في النوم،
-امم
-أنا متلجه اوي
طلع بطانية تانية ليا وغطاني
صحي باليل علي ارتاعش جسمها
-انتي بتترعشي كده لي
امل
بتعب،
-امم
حط ايده عليها لاقها سخنه قام بسرعه
-امل قومي انتي مولعه
بنوم
-سيبني انام
بخوف وارتباك،
-مينفعش قومي ياامل نروح الدكتور
ملاقاش رد اتصل بأمه بسرعه
-في اي يابني
بسرعه وخوف وهو عمال يمسح علي شعرها،
-ماما امل سخنه وبتترعش اعمل اي بسرعه
وهي بتفوق،
-اهدي طيب تقلها هدومها واعملها كمدات و
-ووو اي ياماما بسرعه
-اهدي يابني هقول اهو واديلها دوا خافض للحراره وان شاء الله هتبقي كويسه
-طيب طيب
قفل الموبايل وجري جاب بيچامه ولبسهلها وعمل كمدات وطلب من البواب يجيب الدوا
حط ايده تحت ضهرها وسندها ،
-امل افتحي بوقك يلا
بقرف،
-لا مش بحب الدوا
-معلش خديه ونامي علطول
وهي بتهز راسها وقافله عيونها ،
-لا مش بحبه مش عايزه
بخوف وقلق،
-علشان خاطري مينفعش كده مش هتخفي
-مش عايزه اخف سيبني
بنبره ضيق من كلامها
-
كمل كلامه باصرار ،
-يلا افتحي بوقك
ادهولها بالعافيه
كرمشت ملامحها،
-مش بحبه يامحمود لي اديتهولي
-معلش ياقلب محمود هتخفي دلوقتي
