رواية طلاق غيابي ( مكتملة جميع الفصول) بقلم أماني السيد
المحتويات
التى امام مكتبتها
عبد العزيز معلم فى الثلاثون من العمر منفصل ولديه ابنه تعيش مع والدتها
صباح الخير
صباح النور
حضرتك مدام كوثر
اتفضل
انا سمعت من المدرسين عن المكتبه بتاعتك وعن شغلك معاهم وبصراحه انا حابب اتعامل معاكى
تمام حضرتك فى رقم واتس اب خاص بالمكتبه لما بتحتاج تصور ملزمه او امتحان بتبعتلى رساله على الواتس اب بالورق او الملزمه وتقولى محتاج كام نسخه وعايزهم يكونوا جاهزين امته وانا بحضرها على الوقت اللى حضرتك طلبته ممكن تستلمها بنفسك او تبعت حد من الطلبه بورقه من حضرتك
ممتاز اوى انا هسجل الرقم و اسمى مستر عبد العزيز مدرس انجليزي
تمام يا مستر اتشرفت بمعرفتك اى وقت ابعتلى وبإذن الله الحاجه هتبقى جاهزه
تمام شكرا جدا مع السلامه
تركها ورحل بعد ذلك للذهاب للمدرسه مره اخرى وبالفعل مر اسبوع واصبح عبد العزيز يتعامل معها فى تصوير الاوراق المطلوبه والعلاقة بينهم كانت محدوده على العمل فقط
فى المدرسة كان يجلس عيد العزيز برفقه أحد المدرسين وكانوا يتحدثون عن حياتهم بشكل عام
صحيح يا مستر عبد العزيز انت متجوز ولا لسه
انا منفصل مطلق
لا حول الله يارب هما الستات كلها نكديه يلا ربنا يعوضك بالاحسن منها
هى كويسه وبنت ناس بس ماتفقناش مع بعض
طيب طالما هى كويسه ليه ماتفقتوش ولا العيب منك
لا خالص لا منى ولا منها هى تفكيرها مختلف تماما عن تفكيرى حاولنا كذا مره نقرب وجهات النظر يعنى معرفناش
إزاى يعنى مش فاهم
هى غير محجبه وانا كنت فاكر بعد الجواز هقدر اقنعها تلبسه وتغير استايل لبسها لكن هى صممت على رأيها وقالتلى أنى مرتبط بيها وهى كده واتجوزنا وهى كده يبقى اتحمل نتيجه اختيارى
تانى حاجة شغلها كان واخد كتير من وقتها انا افتكرت انها لو لقت نفسها مقصره فى شغل البيت هتقعد من نفسها لكن للأسف هى صممت على شغلها وحاجات من النوع ده لكن هى محترمه وبنت ناس هو بس افكارنا مختلفه او ممكن أكون انا متشدد
طيب ومخلف منها
اه عندى بنت بس عايشه مع والدتها واهل والدتها وهما كويسين اوى بروح ازورها كل اسبوع وغير كده البنت مبسوطه مع اهل والدتها لأن معاهم فى العماره اولاد خيلانها
بصراحه يا استاذ عبد العزيز انت كمان شكلك محترم دا انا عمرى ما شوفت واحد ولا واحده بيتكلم عن الطرف التانى بعد الانفصال إلا ويجيب فيه كل عيوب الارض
لا انا إنسان صريح وواضح وبحب اواجه نفسى وغير كده لزمتها ايه نشوه بعض فى الاخر اللى هيتضر الطفل لانه بيسمع من الطرفين وبيتأثر من الطرفين وللاسف الطرفين بيشوهوا نفسهم فى نظر ابنهم وبيطلع فى اغلب الأوقات طلف غير سوى نفسيا
عندك حق فعلا ربنا يرزقك بالزوجه الصالحة اللى تكون مناسبة ليك
بقولك صحيح هتعدى على مكتبه الكوثر
أه
طيب فى شويه ملازم كنت طالب منها تجهزهم وهى بعتتلى انها جهزتها ياريت تجبهالى معاك لو ينفع
تحت امرك يا استاذ منعم تحب احاسبها ولا حضرتك حاسبتها
لا انا محاسبها وكل حاجه ربنا يباركلها بصراحه بتعامل معاها وانا مغمض ربنا يباركلها ويعوضها يارب بالزوج الصالح
إيه ده هى مش متجوزه
كانت بس جوزها سافر وقبل نايسافر طلقها غيابى وهى معرفتش غير وهى بتجدد البطاقه ربنا يصلح حالها يارب اصلها صاحبه مراتى وبالصدفة مراتى سالتها جوزك فين راحتك قالتلها
تمام ربنا يرزقها يارب
ذهب عبد العزيز للمكتبه ليأخذ الورق الخاص به
السلام عليكم
وعليكم السلام لحظه ورق حضرتك جاهز هجيبه
تمام وكمان عايز ورق استاذ منعم هو قالى اخده منك وقالى إنه محاسب
تمام حاضر لحظه واحده اجيبه هو جاهز هو كمان
تلك المره نظر إليها عبد العزيز بشكل مختلف نظر لملابسها وطريقه حديثها معه وانضباطها فى التعامل مع الاخرين كيف لزوج أن يترك زوجه مثل تلك
قطع تفكيره صوت كوثر وهى تعطيه الملازم
اتفضل يا مستر عبد العزيز ده ورق حضرتك وده ورق استاذ عبده
تمام شكرا جدا واتفضلى حساب الملازم بتاعتى اهيه
اخذت منه كوثر المال ووضعته درج داخل خزانه واغلقت عليه
عاد عبد العزيز للمدرسة مره أخرى وكان يفكر بكوثر بشكل آخر هو رجل فى بداية الثلاثينات من العمر ويريد الارتباط بإمرأة مناسبة له على قدر من الجمال والأخلاق هو ليس لديه موانع للزواج فلما لا يعطي لنفسه مساحه للتعرف والسؤال عليها
أخذ الاوراق وعاد بها لأستاذ منعم واعطاها له وقرر ان يسأله أكثر
اتفضل يا أستاذ عبده أدى الملازم اللى انت طلبتها اهى
شكرا يا سيدى نخدمكم فى الافراح إن شاء الله
والله نفسي يا استاذ منعم بس هى فين بنت الحلال
بنات الحلال كتير أهم حاجة نيتك تكون خير
النيه خير وبدور عليها لو تدلنى يبقى ليك الثواب
طيب انت مواصفاتك ايه عايزها انسه مطلقه ارمله عندها عيال معندهاش
مش فارق معايا كل ده أهم حاجة الاخلاق والالتزام
فى ميس عبير معانا هنا ارمله ايه رايك
لا دى نص شعرها باين من الطرحه وانا عايز واحده ملتزمه
ملتزمه يبقى كوثر بس مش عارف توافق ولا لاء
هى ظروفها ايه طيب
هى مطلقه جوزها سافر ولما سافر عجبته العيشه هناك وعشان يفضل رابطها جمب امه مطلقهاش وفضل سايبها على زمته ولما امه ماتت كلقها غيابى ومقلهاش وسافر تانى وسابها من غير ماتعرف حاجه
وهى عرفت ازاى
راحت تجدد البطاقه وعرفت وقتها
لا حول ولا قوه الا بالله هيستفيد ايه لما يوقف حالها طيب
فى بنى ادمين كده مؤذيين ربنا يبعدنا عنهم
عندها اولاد
اه ولد واحد وعايش معاها وهى سابت شقتها وباعت عفشها وجت قاعدت مع أمها وعملت المشروع بتاع المكتبه ده عشان تصرف علي ابنها منه
ست بميت راجل هى دى اللى انا عايزها يا استاذ منعم بقولك ايه ماتخلى المدام كده تجس نبضها ولو فى قبول اجي اتقدم وادخل البيت من بابه
هكلم المدام انهارده وهارد عليك وربنا يقدم اللى فيه الخير
وبالفعل ذهب منعم للمنزل آخر اليوم وجلس يتناول العشاء مع اسرته فى جوء بسيط ودافئ
بقولك ايه يا ساميه روايات نسرين بلعجيلي Nisrine Bellaajili
خير يا منعم
هى صاحبتك كوثر دى مش بتفكر تتجوز تانى
ايه ناوى تتجوز عليه ولا ايه
جواز ايه هو اللى اتجوز مره اتجنن عشان يكررها تانى
آمال ايه الحكايه
أبدا يا ستى عارفه استاذ عبد العزيز اللى جه المدرسه جديد
اه شوفته كام مره كده من بعيد وهو عايز يتجوز كوثر وعارف ظروفها ايه
اه انا حكتله شويه كده عن حياتها وهو موافق ومرحب جدا اصل هو كمان كان متجوز وطلق وعنده بنت والبنت عايشه مع امها ومبسوطه مع أهل امها وهو بيزورها كل
طيب المطلوب منى ايه
كلميها وحسى نبضها كده وحاولى تقنعيها بيه
خلاص بكره اكلمها بس ماضمنش انها توافق لأن واضح من كلامها انها شالت فكره الارتباط من حسابتها خالص
كلميها وشوفى ويبقى كده عملنا اللى علينا بس كلميها فى بيتها مش فى المكتبة قصاد اللى رايح واللى جاى
حاضر حاضر هبلغها انى عايزاها فى موضوع مهم وهعدى عليها اخر اليوم
انتهى اليوم وفى اليوم التالى ذهب الجميع لعمله واتصلت ساميه بكوثر
الو ازايك يا كوثر عامله ايه
بخير يا ميس ساميه حضرتك عامله ايه
انا كويسه الحمد لله بقولك كنت عايزاكى فى موضوع كده
تمام اتفضلى
لا التليفون من هينفع ولا المكتبه هعدى عليكى فى البيت نتكلم براحتنا
تمام تنورينى هستناكى حبيبتي
وبالفعل فى نهاية اليوم ذهبت ساميه لمنزل كوثر لتتحدث معها
ياترى كوثر هتوافق
٤
احتفاليه روايات Nisrine Bellaajili
بقلم قصص وروايات أمانى سيد
البارت الرابع
ذهبت ساميه لكوثر وقامت كوثر بضيافتها وجلست والده كوثر برفقتهم
بصى يا ست البنات انا جايالك في موضوع ارتباط ومش هطول عليكى عارفه مستر عبد العزيز
أه ماله
هو شافك واتعامل معاكى وعجبته اخلاقك عشان كده عايز يتقدملك
شعرت كوثر بصدمه وظلت صامته بضع وقت بينما ظهرت ملامح القبول على وجه والدتها
وتحدث والدتها بالنيابة عنها
وده بيدرس ايه ده وظروفه ايه
بصى يا ستى هو مكلق وبنته عايشه مع مامتها علاقته مع طليقته كويسه عشان خاطر البنت لكن مافيش نيه للرجوع لأسباب خاصة بيه ممكن يقولهالك لو فى قبول من ناحيتك ممكن يجيى وتقعدوا تتكلموا مع بعض واللى فى الخير ربنا يقدمه
تحدثت كوثر رافضة الموضوع
بس حاليا انا مش بفكر في ارتباط خالص
نظرت اليها والدتها مستنكرة حديثها
وليه بقى إن شاء الله هتعيشى عمرك كله مترهبنه ولا ايه وطليقتك عايش حياته بالطول والعرض ومش بس كده ده اتجوز وخلف وكون لنفسه اسره
هو حر يا ماما بس انا لا مش هينفع عشان خاطر مالك
وماله مالك
عارفه يا كوثر لو انتى كنتى مخلفه بنت كنت هقولك ماتتجوزتيش عشان خاطرها وماينفعش راجل غريب يدخل عليها ده كلام مامتها بتقنعها
متابعة القراءة
