رواية العزف على نياط القلوب الفصل 21 كاملة بقلم أماني السيد

العزف على نياط القلوب
التاسع عشر
وقفت ايناس بجانب غاليه فى المطبخ وظلت تتحدث معها عن أحوالها وتحاول أن تدحلبها فى الحديث
صحيح يا غاليه من أمته وانتى بتعرفى تخيطى
من ساعه ما كنت متجوزه رياض كان بيرفض انى اخرج او يبقى ليه صحاب فكنت بضيع وقتى أنى اتعلم الخياطه
معنى كده إنه ليه الفضل في اللى وصلتيله ده
لو الحبس والخيانه والظلم يوصلوا الواحد للى بقى فيه دلوقتي يبقى فعلا رياض الوحيد اللى ليه فضل كبير أوى عليا
أنا لو منك كنت عديتله خيانه دى وسبته يتجوز زى ما هو عايز بس أهم حاجة إنه بيصرف عليا وعلى عيالى كويس
انتى بتتكلمى بجد يا ايناس
اه طبعا بتكلم جد انتى عجبك بهدلتلك مع الزباين ودى تعدل عليكى ودى تتكلم بطريقة وحشه
وكل ده كوم وأنك تتعاملى مع ضرتك دى كوم تانى
انتى اتطلقتى من رياض عشان كان متجوز فى السر اديكى اتجوزتى عيسى واتجوز عليكى قصاد الناس كلها ومش بس كده عملها فرح وشهر عسل حاجات معلش يا غاليه انتى محرومه منها
نظرت لها غاليه بصدمه من طريقه تفكيرها
طيب

يا ايناس لو جوزك جه وقالك إنه هيتجوز عليكى هتوافقى
إنتى ليه عايزه تقارنى نفسك بيا يا غاليه انا ظروفى غير ظروفك انا متعلمه ومعايا شهاده كبيرة واشتغلت بره فتره ولو جوزى فكر يزعلنى اهلى هيقفوله إنما انتى انا أسفه يعنى فى اللى هقوله انتى مالكيش حد
مين قالك كده بالعكس عندى ربنا واقف جمبى ورزقنى بتؤام يغنينى عن الدنيا ومافيها عندى صحابى وعندى عيسى اخوكى عندى مشروعى اللى الحمد لله بيكبر دلوقتي وبإذن الله فى فتره بسيطه هيكبر اكتر واكتر انا الحمد لله مش ناقصنى حاجه
تفتكرى بابا لو عرف هيسيبك
مايقدرش يعملى حاجه يا ايناس ابوكى لو كان يقدر يعمل حاجه كان عملها
يعنى مش خايفه منه نسيتى زمان كان بيعمل فيكى إيه
لأ مانستش ومش هنسى أنسى إزاى إنه حرمنى من الدراسة وسابنى اروح الامتحانات بس
أنسى إزاى إنه كان مش بيجبلى لبس وانتى بتدينى لبسك القديم 
أنسى إزاى إنه جوزنى رياض وغصب عليا اتجوز اخوكى
كل الحاجات دي ماتقلقيش مش هتتنسى يا إيناس زى ما برضو يوم القيامة وانا واقفه قدام ربنا هقوله أنى مش مسمحاه ولا هسامحه وعلى فكره انا واثقه ومتأكده ان ربنا هيجيب حقى من كل اللى ظلمونى
طيب هو عيسى ماظلمكيش
لأ ماظلمنيش وفى عز زعلوا منى وإنه واخد منى موقف إلا إنه كان فى ضهرى برضو كان فاصل بين الزعل والواجب وحتى لو ظلمنى فى يوم انا مسمحاه لأنه يستاهل
وبعدين يا نوسه يا حبيبتي ماتشغليش بالك بمين ظلمنى ومين لأ مش ربنا مطلع على كل شئ يبقى حقى هيجيلى دنيا واخره حتى لو اتاخر بس هيجيى وربنا أكيد ليه حكمه فى كده
كانت نظرات التحدى بينهم تذداد لا تعلم غاليه لما لم تكن تلاحظ تلك النظرات من قبل
توقفت غاليه عن الحديث ولم تكمل تفاصيل اكثر عن حياتها
كيف لم ترى نظرات الحقد فى أعين إيناس من قبل 
كيف كانت تراها ملاك فى السابق عندما كانت تعطيها ملابسها القديمه والتى كانت تتعمد عمل عيب بها حتى تظهر دائما انها ملابس مهلهله 
تذكرت غالية كيف كانت إيناس تبالغ في إظهار الشفقة عليها أمام الجميع وتتحدث عن ظروفها الصعبة كأنها تمن عليها بصدقة. في تلك اللحظة انكشف قناع إيناس تماما أمام غالية وظهر وجهها الحقيقي القبيح وجه مليء بالغيرة والحقد والكراهية.
قاطع حديثهم صوت ريان مناديا عن أمه
ماما ماما
نعم يا حبيبي
انا جعان
بس كده عيونى
وقامت بقطع قطعه من الكيك ووضعتهت فى طبق واعطتها له واخرى لاخيه
ثم وضعت لايناس وابنائها طبق به عدد من القطع
اتفضلى يا إيناس الكيكه اللى بتحبيها
أخذتها إيناس وذهبت لغرفتها وحديث غاليه يتردد فى اذنها
ازاى غاليه بقت كده وبقى ليها عين تبص فى وشى
الله يرحم زمان لما كنت عملاها خدامه عندى بحجه انها تسلى نفسها مش هسمحلك يا غاليه إنك تشوفى نفسك عليه مره تانيه 
فى منزل خالد كان خالد يجلس برفقه اخوته مجتمعين في غرفه والدته ومعهم الطبيب
تحدث خالد يحاول الاطمئنان على حاله والدته
خير يا دكتور ماما مالها مكنتش قادره تاخد نفسها وبتنهج كتير ورجليها مش حاسه بيها
هى عندها القلب
لأ عمرها ما اشتكت من القلب
هى كده هتكون محتاجه تتنقل المستشفى ويفحصوا حالتها ممكن تكون اخدت جرعه زيادة من العلاج اتسبب إن