رواية العزف على نياط القلوب الفصل 21 كاملة بقلم أماني السيد
يحصلها شلل خدوها دلوقتي لاقرب مستشفى
خرج الطبيب وازدادت حاله والدته سوء اخذها خالد برفقه اخوته وذهبوا للمستشفى لفحص حاله والدته فى طريقها للمستشفى كانت حالتها تزداد سوء ونفسها بدأ يختفى
عندما وصلوا المستشفى حاول الأطباء اسعافها لكنهم لم يستطيعوا خرج الطبيب وابلغهم أنها توفت
وقف الجميع مصدوم وظلوا ينظروا لبعض بدأت نجلاء زوجه خالد بالصراخ والبكاء وبعدها بدأ الجميع فى البكاء
ظل خالد واقف لا يعلم كيف حدث ذلك والدته لم تشتكى أبدا من شئ
كيف تموت فجأة
مر بجانبه الطبيب اوقفه خالد
يا دكتور هى ماتت ازاى
ممكن تكون اخدت دوا غلط او جرعه زيادة من العلاج إحنا محتاجين نتأكد من سبب الوفاة
عندما سمعت نجلاء ذلك الحديث ازداد بكائها
لا يا دكتور حرام يا خالد أمك مش هتكون مرتاحه هى دلوقتي فى الجنه بإذن الله
أهدى يا نجلاء
مامتك بقالها كام يوم حاسه انها هتموت وكانت بتوصينى عليكم
نظر الجميع لبعضهم لا يعلموا كيف عليهم ان يتصرفوا فى موقف كهذا ظلت نجلاء
وحدث مثل ذلك الشئ لإحدى اقربائهم
مما جعل الجميع يقتنع بحديثها فهم كانوا يرون مدى حبها لوالدتهم
وبالفعل مضى خالد على تعهد واخرج والدته وبدأوا فى إجراءات العذاء
فى منزل رياض كان يجلس فى غرفه نومه يتذكر اول يوم له مع غاليه لم يجد أحد فى برائتها
كان يتذكر ما فعله بها ويتذكر أدق التفاصيل وأثناء جلوسه تذكر انها تحب اللون الاسود لانه يعطى وقار
ويخفى اشياء وعيوب لا تظهر من خلاله
امسك الهاتف واتصل على احدى شركات الدعايه وتم عمل تعديل للون اللوجو الخاص بالشركه وجعله اسود فى دهبى
وبعدها أتصل بغاليه حتى يعدل معها ألوان الملابس هو يعلم جيدا أنهم لم يبدأوا فى شئ ولكنه لم ييأس سيظل يتحجج حتى يتحدث معها .
واتت فى ذهنه أفكار كثيره سيجعل المكالمه تطول بينهم
أتصل على غاليه ولكنها اغلقت عليه عاد الإتصال مره واخرى وتجاهل رسائلها على الواتس اب
خير يا رياض فى ايه المكالمات دى كلها
اجابها رياض بهدوء
محتاج اكلمك ضرورى فى كذا حاجه
ميتأجلش للصبح او تبعت باللى انت عايزه رساله على الواتس أب
دلوقتي من الصبح فرقت ايه الوقت مش متأخر اوى زفى الحالتين هكون محتاج اتكلم معاكى
تمام رديت فى ايه بقى
أولا انا هغير الألوان اللى قولتها للمدام اللى عندك
قصدك ليلى
اه
خلاص ابقى بلغها
منا خايف تشترى الخامات قولت اقولكم والحقكم عشان ماتجبوش حاجه غلط
طيب انا هبلغها فى حاجة تانيه ولا خلاص كده
اه طبعا فى حاجة مهمه جدا جدا
ايه هى بقى
التقديمات بتاعت المدارس خلاص هتفتح وأنا عايز اقدملهم
صمتت غاليه فهى إلى الآن لا تعلم أي مدرسه ستختار هل تدخلهم مدارس خاصه ام حكومى أم ماذا هى حاولت البحث كثيرا لكنها لم تعرف ماذا سترسلهم وعندما تسأل أحد يخبرها عن شئ مختلفه
الاخوه العرب الخاص فى مصر مش لذوى الهمم عشان حصل لبس فى الروايه المره اللى فاتت
احنا عندنا انواع كتير من المدارس خاص تجريبى
عارفه وبدورلهم على حاجه كويسه قريبه من البيت عندى
بصى يا غاليه مدارس الاولاد دى مسئوليتى وانا ظروفى كويسه وحابب ادخلهم حاجه مستواها كويس عشان مستقبلهم يبقى افضل وسالت عن مدرسه الكل قال انها كويسه وممتازه وبيأسسوا الطفل عشان كده انا هقدملهم فيها
بس انا مش موافقه
ليه
انا عايزه حاجه تكون قريبه من عندى هنا عشان اقدر اوديهم واجبهم
تعالى اقعدى هنا فى الشقه مع الاولاد
انت بتستهبل صح
ماشى يا غاليه مقبوله منك
طيب اسمعى انا بفكر فى ايه الاول
اولا انتى حاضنه والشقه من حقك يعنى انتى تيجى تقعدى هنا وانا همشى منها خالص ووقتها تقدرى تقلبى شقت والدك كلها مصنع وتجيبى عمال زياده واللى بتخلصيه فى ٣ ايام يخلص فى يوم وتحولى الشقه لمصنع صغير
صمتت غاليه تفكر فحديث رياض
تفتكروا غاليه هتقبل؟
تفتكروا
