رواية العزف على نياط القلوب (الفصل 22 ) كاملة بقلم أماني السيد
حاجه وحشه
إنتى عارفه انا بحمد ربنا انى ساعدت اخوكى يجيى يشتغل هنا عشان اتعرف عليكى و اتجوزك
انت بكاش على فكره بص انا بقول ايه وانت بتقول ايه كل ده من زياره جيت ازورها لاخويا
هى صدفه بس احلى صدفه من وقت ما شوفتك وانا مكنتش عارف ابطل تفكير فيكى
بصراحه اما مكنتش بطيقك فى الاول بسبب إنك جوز ايناس لكن لما اخويا حكالى عنكم والكلام اللى هى قايلاه عن غاليه لأ وقتها قولت لنفسى لازم اكلمك واقولك الحقيقه
وكانت احلى حقيقة اتسببت انى اعرف رقمك بصى سيبى الماضى للماضى ربنا اراد إنه يبرأ غاليه وانى اعرف حقيقه ايناس
وهتسبها على ذمتك
مش عارف بفكر اطلقها واحظرها انها تيجى هنا مره تانيه وفى نفس الوقت بفكر فى اولادى
انا لما اتجوزتك كنت عارفه إنك متجوز عشان كده ماليش أنى اقولك طلقها وارمى ولادك
هو احنا بنرغى كتير ليه انتى وحشتينى الحبه اللى كنت بكلم فيهم ايناس سيبك من كل ده وركزى معايا انا بس.
فى اليوم التالى اتت ليلى ومريم باكرا حتى يتحدثون مع غاليه واخبرتهم غاليه بمكالمه رياض لها
ولكن مالم تتوقعه غاليه انقسام
ليلى على فكره يا غاليه رياض عنده حق وبيتكلم فى اللى فيه مصلحه ليكى وللاولاد اصل مهما حصل هتفضلى ام اولاده
مريم لا يا ليلى انا شايفه إنه عايز يمشيها على مزاجه وبعدين المفروض إنه فاهم انها متجوزه ازاى يطلب منها كده
ليلى رياض مش سهل يا مريم ده رجل أعمال وفى السوق من وهو صغير
مريم بس لو وافقت ده معناه أنها بتديله اشاره أنها ممكن ترجعله فى المستقبل
ليلى بصى يا مريم ترجعله أو لأ دى حاجة تخصها هى لواحدها محدش ليه إنه يضغط عليها بالإضافة إن لو غاليه ماتعلمتش تواجه وتعمل اللى فيه مصلحتها يبقى كده هى ماتعلمتش حاجه من اللى حصلها
خلينا نفكر بالعقل كده الصح فين أنها تشوف مصلحتها وتمشى وراها وعرض رياض ده مش بس فيه مصلحتها لا ده فى مصلحه اولادها كمان يعنى قبل ماتفكر ترفض لازم تفكر مليون مره عشان ماتظلمش اولادها
الحمد لله احنا بقالنا اسم وبقى يجليلنا طلبات كتير لو فضلنا نأخر الناس والطلبات محدش هيتعامل معانا تانى
غاليه ما شاء الله انتوا كلمكم ده شتتنى اكتر
فكرى يا غاليه فكرى كويس فى مصلحتك
هو المفروض يا ليلى نروح لرياض الشركه امته
بعد بكره
طيب حلو اوى وكويس اننا مطلبناش القماش لأن رياض غير اللون
هيختار ألوان ايه
معرفش لما نروح وقتها هنعرف
صحيح يا غاليه هى ايناس فين
نزلت تشترى حاجات ليها .
تعرفى إن عيسى اتفاجئ امبارح أن اخته جت لما حكيتله دى حتى مجتش سلمت عليا
تعرفى يا غاليه دى دخلت شافت المكان وخرجت اتكلمت فى التليفون ورجعت دخلت تانى معلش يا ليلى بس دى شكلها مش مرسح خالص حاولى تحذرى منها يا غاليه
عندك حق
المهم هتعملى ايه مع رياض
بعد بكره باذن الله هكون اخدت القرار وهبلغه واقولكم انتوا كمان.
وكمان اعرف سبب زياره إيناس ايه
فى منزل خالد كانت نجلاء تجلس برفقه اخته الصغرى تتحدث معها
صحيح يا بوسى شوفتى احمد عينه مانزلتش من عليكى يوم العذا شكله لسه بيحبك
خلاص ماعدش ينفع يا نجلاء
ليه بس انتى كمان بتحبيه وهو واضح انه بيحبك وطول الوقت ماشى مع اخوكى وبيحاول يعرف اخبارك يبقى ليه لا
عشان متجوزه مثلا
اتطلقى من جوزك وارجعيله
تفتكرى هيوافق وهيقبل يتجوز واحده متجوزه انتى بتقولى ايه
جربى يا ستى انتى مش خسرانه حاجه
صمتت بوسى تفكر فى حديث نجلاء
وابتسمت بوسى داخليا فهى هدفها ذلك المنزل وخالد فقط هى لم تأتى لتعمل خادمه كما كانت تفعل مريم
خالد الناس اللى نسيت جوز مريم ونجلاء بنت خالته
فى منزل غاليه كانت ايناس تحاول معرفه ما يحدث حولها وواجهت غاليه بأمر طلاقها من عيسى
غاليه انتى ليه مابقتيش تحكيلى زى الاول
عايزه تعرفى ايه يا ايناس
انتى وعيسى اتطلقتوا صح
اه صح
ابتسمت ايناس بسعاده لم تستطع اخفائها
بجد تصدقى انا فرحتلك بس اكيد في حد تانى فى دماغك صح
صح طبعا امال انا اتطلقت ليه
وياترى مين ده
لا ده سر بقى مش هقولك عليه دلوقتي
وعيسى يعرف
طبعا
وقبل
أكيد
ظلت ايناس تسألها وغاليه تعطيها اجابات منها الصحيح ومنها غير الصحيح حتى تعلم ماهدفها من كل ذلك
ارادت غاليه أن تثبت لحالها أنها تغيرت حقا وقادرة على المواجهه بمفردها
غاليه هتاخد قرار ايه بخصوص الشقه
تفتكروا غاليه بتفكر فى رياض
وليه هى واثقه إن عمها مش هيعمل حاجه ولا هيأذيها
الفصل التالي
https://pub153.
lamha.news/16199
البداية من هنا
