رواية العزف على نياط القلوب (الفصل 23 ) كاملة بقلم أماني السيد

يعنى انتى ورياض دلوقتي مش متجوزين
لا مطلقين
للمره التانيه
اه
مش عارفه اقولك ايه يا غاليه ربنا يعوض عليكى بس انتى عارفه سمعه الست المطلقه ايه وخصوصا اكتر من مره
زى الفل وناجحه الحمد لله فى حياتى والكل بيشهد بأخلاقى وعملت اللى مقدرتش اعمله وانا متجوزه وعلى زمه راجل
انا مقزلتش حاجه ربنا يعوض عليكى يا غاليه
صحيح يا إيناس انتى هتقعدى معايا هنا لحد أمته
همشى بكره الصبح خلاص اصل بابا وماما وحشونى وهروح اقعد معاهم
سلميلى عليهم كتير أوى وخصوصا عمى
ثم ابتسمت بخبث وتركتها ودخلت غرفتها و اتصلت على ليلى
بقولك يا ليلى خلى الراجل بتاع كاميرات المراقبه يجيى بكره الصبح ايناس ماشيه الصبح
اتفقنا الساعه ١٢ كده هيكون موجود ويركبها
بس مش عايزاه ياخد وقت طويل فى تركيبها
ماتقلقيش ساعه بالكتير وهيكون مخلص كل حاجه
تمام
فى اليوم التالى ذهبت ايناس لمنزل والدها وبدأت تقص له ما عرفته من غاليه مع اضافه التحابيش
زى مابقولك كده يا بابا اطلقت هى وعيسى لما واجهتها مأنكرتش حاجه ومش بس كده ده فى واحد تانى ماشيه معاه ربنا يستر بقى علينا
واخوكى عارف
تخيل إنه طلقها عشان عرف بالموضوع ده
ده بدل ما يقتلها ويمسح عاره بيشغل مراته معاها ده اتجنن ده ولا إيه
انا قايم دلوقتي رايحلها
هتعمل ايه هناك
هكسرلهم

المكان على دماغهم
وبالفعل ذهب عم غاليه لمنزلها وكسر باب الشقه وظل يكسر كل ما تطوله يده
بينما جلست غاليه ومريم وليلى يشاهدوا ما يحدث بهدوء كأنهم منتظرين قدومه
ثم تحدث بإنفعال تجاه غاليه
هتقومى دلوقتي تلمى هدومك وتيجى معايا والمسخره دى انا لسه هحاسبك عليها
وقفت غاليه أمامه ببرود
أولا انا مش هاجى معاك انا كبيره بما فيه الكفاية أنى اخد قراراتى بنفسى ده أولا
ثانيا الحاجات اللى اتكسرت دى والقماش اللى اتقطع ده انت ملزوم دلوقتي تعوضنى عنهم
شكلك اتجننتى انا هعلمك تقفى تبجحى فيا ازاى
وكاد أن يهجم على غاليه لكن مريم وقفت مامه
انت هتعمل ايه
ابعد. عنى يدل ماتخدى اللى فيه النصيب
ازاحه غاليه مريم من امام عمها ووقفت بتحدى امامه
طيب يا عمى انا أهو قدامك فكر بس تمس شعره منى.
ثم نظرت ليلى
اطلبى البوليس طالما انت مش عايز تدفع تمن الخساير البوليس هو اللى يتصرف معاك بقى
هى حصلت
أه حصلت لاكتر من كده كمان ولو وصلت للسجن مش هتنازل حتى لو هخسر مين
وعيسى موافق على كده
ماليش دعوه بحد عيسى يحكم على اللى يخصه وانا ماخصوش
إنتى مين علمك الكلام ده
الأيام والظلم بيعلموا اكتر من كده بكتير الحاجه اللى بوظتها دى تمنها ١٢ الف جنيه
حضرتك تدفعها خلاص هعدى الموضوع مش هتدفع يبقى القسم هو اللى هيتصرف معاك
مش هدفع حاجه واثبتى بقى إن انا اللى عنلت كده واللى حصل ده دري ليكى عشان تردى على عمك
نظرت غاليه إتجاه الكاميرات ثم نظرت لعمها بطرف عيناها
زى ماتحب يبقى انت اللى اخترت
نظر عمها لنفس الاتجاه وتفاجئ بوجود الكاميرات وبدأ التوتر يظهر على معالم وجهه وقام بالاتصال بعيسى الذى أتى مسرعا وتفاجئ من تلك الفوضى
ألحق يا عيسى بنت اخويا اللى ربتها وعلمتها وصرفت عليها عايزه تطلبى البوليس اتصرف معاها
وانت عملت كده ليه
عشان خبت عليه ودارت عليه انكم اتطلقتوا
بس يا بابا مهمها حصل ما ينفعش تعمل كده
اهو اللى حصل بقى كنت متعصب وكل ده كوم ومشيها مع الرجاله كوم تانى
رجاله ايه وبتاع ايه بس يا بابا ده شغلهم اغلبه مع الحريم
نظر عيسى لغاليه محاولا التدخل وإصلاح الوضع
خلاص يا غاليه ماتقلقيش بابا هيدفع تمن الحاجه اللى بوظها وانا اخدكم انهارده تجيبوا غيرها
عندما سمع عمها حديث عيسى ازداد فى العصبيه
انت اتجننت آمال انا جايبك ليه
عشان احل المشكلة واللى انا عملته ده العدل
انت بتستعبط يا عيسى انا مش هدفه ولا مليم
تدخلت غاليه بتحدى
خلاص وانا اسفه يا عيسى ومش هتنازل عن حقى وطلب القسم يعمل معاينه
ظل الجدال مستمر بينهم إلى أن رضخ عمها فى النهايه ودفع ١٠ ٠٠٠ الاف جنيه وتحنل عيسى ٥٠٠٠ وذهب والد عيسى وهو يحدث نفسه غير راضى عن ما دفعه وبعدها اهذ عيسى ليلى وغاليه لشراء ما تم تدميره عمها وجلست مريم فى المنزل برفقه ابناء غاليه محاوله تعديل المكان والانتهاء من الأعمال المؤجله
مر اليوم وأتت ليلى برفقه غاليه وعيسى وانتوا من تعديل المكان وطلبت غاليه من مريم أن تتحدث من ذلك الرجل لتشترى منه مكنتين اخرتين ولكن تريد بهم بعض المميزات الإضافية
وبالفعل اتصلت به مريم وأبلغها أن ما تريده غاليه سيتوفر معه الاسبوع القادم
وافقت غاليه على الانتظار وطلبت من مريم أن تجلب فتاتين اخرتين للعمل معهم وبالفعل اخبرت مريم بعض من زملائها القدام ومنهم من اخبرها أن سيعمل معهم بجانب عمله ومنهم من وافق على العمل معهم بدوام كلى
فى اليوم التالى فى شركه رياض
قام رياض بتأجيل كل اعماله وطلب من الاوفيس بوى تجهيز العصائر التى تحبها غاليه حتى يقدمها لها عندما تأتى فتلك المره الاولى التى ستأتى فيها غاليه لشركته
كان إبراهيم يرى حماس رياض المبالغ به كأنه عروس منتظره موافقه أهلها على زواجها من حبيبها
بعد فتره أتت غاليه برفقه ليلى لشركه رياض واتصلت ليلى برياض لتخبره بوصولهم فذهب رياض لاستقبالهم بنفسه
بدأت غاليه الحديث بشكل مباشر عن العمل
أستاذ رياض الموظفين عارفين اننا جايين انهارده
أه ماتقلقيش أنا صفحه الكاتبه قصص وروايات أمانى سيد مظبط كل حاجه هتيجى