رواية وعاد من جديد (كاملة حتى الفصل الاخير) بقلم ايمان شلبي
المحتويات
بعصبيه وبقطم ضوافري وانا سامعه صوت ضحكهم العالي وكأنهم قاصدين يغيظوني
اخدت نفس طويل وانا بقول لنفسي بتحدي
تمام يايونس
انت اللي بديت والبادي اظلم
قومت وفتحت الدولاب وطلعت الطقم اللي مكانش بيحبه ابدا عليا عشان بيخليني حلوه بزياده
لبسته وحطيت ميك اب كتير جدا مع اني مش بفضل احط بالكميه دي بس أصريت اعمل كده عشان اغيظه عشان اعرفه. ان الله حق وأعرفه معني الغيره اللي بجد عشان اعرفه الغيره بتعمل ايه
خرجت ومكنتش عارفه انا رايحه فين بصراحه بس اهو اي مكان حتي لو هنزل اشتري كيس شيبسي من عند عم بيومي اللي تحت البيت
كانوا قاعدين كلهم في الصالون والبيه المش محترم كان قاعد جنب الحړبايه
قربت منهم وانا بتعمد امشي بكل دلع وغرور
ازيك ياحربايه
افندم
رديت بسخريه
يوه اقصد ازيك يامياده
معلش ياحبيبتي اصل انتي فيكي شبه من الحربايه الصفراء فتلاقيني بتلغبط ما بينكم
وبصيت لماما وانا بقول ببرود ولا كأنه موجوده
انا نازله
لقيته سألني بغيظ
رايحه فين
اتجاهلت سؤاله وانا بكلم ماما
مش هتأخر ساعه وراجعه
اتكلم من بين أسنانه
علي فكره انا سألت سؤال
وبرضو المره دي اتجاهلت كلامه وانا بسال ماما
مش عايزه حاجه من تحت وانا جايه!
قام وقف وهو بيزعق فيا لدرجه اتنفضت من مكاني ورجعت خطوه لورا
انا بكلمك علي فكره
بلعت ريقي وحاولت استجمع شجاعتي وشوحت بأيدي بكل عصبيه
وانا مش عايزه ارد عليك علي فكره ولو سمحت بقي متتدخلش في حياتي الشخصيه
وقربت منه وانا بضغط علي حروفي ببطئ
انا وانت اتطلقنا خلاص
اتنهد بضيق
انا رديتك
رفعت حاجبي ببرود
ميهمنيش وردك ليا باطل لانه مش برضايا
جز علي أسنانه بغيظ
ايمان متعصبنيش وادخلي اوضتك بلبسك المسخره ده
رديت بسخريه وذهول في نفس الوقت
مسخره!
لا متهزرش ده احلي طقم عندي ده حتي كل الناس اللي شافتني
قولت كلامي الاخير وانا ببص في عيوني بتحدي وابتسامه كلها انتصار لاني قدرت اعصبه واخلي البراكين اللي جواه تتحرك بس انا عارفه انها مش هتخرج لانه عارف انها لو خرجت وخاصه في الوقت ده هتكون النهايه ومفيش رجعه فيها للابد
اخد نفس طويل وهو بيحاول يكتم غيظه وعصبيته واتكلم من بين أسنانه بنبره حاول تكون هاديه وطبيعيه
ادخلي
اوضتك يا ايمان واديني فرصه نتكلم واوضحلك اللي
قطعت جملته بعصبيه والدموع بتلمع في عيني
توضحلي ايه يا استاذ توضحلي ايه وانا شيفاك بعنيا
ا انا
شاورتله بأيدي وانا بقول بحزم
انا مش عايزه اسمع حاجه الحياه ما بيني وما بينك بقت مستحيله خلاص
ولفيت بظهري ومشيت نحيه الباب وخرجت منه وانا برزع الباب ورايا بكل قوتي
سمعت صوته بيكسر حاجه وهو پيصرخ بصوت مكتوم
ضحكت بانتصار ونزلت لتحت مكنتش عارفه اروح فين في الحقيقه لكن اهو اي مكان بعيد عنه وعن مياده الصفراء قبل ما ارتكب فيها جنايه
اممممممم هتروحي فين يابت ياايمان هتروحي فين
ايوه لقيتها هروح الملاهي
طب مش هنعقل ابدا
شهقت بفزع وانا ببلع ريقي وبلف لمصدر الصوت
كان واقف ملامحه هاديه وحاطط أيده الاتنين في جيبه وهو بيبصلي بنظرات كلها حب
قلبي دق والكلام هرب من فوق لساني وانا ببصله بصمت تام وهدوء وعتاب وڠضب وحزن وغيره وحب كانت عيوني بتحكي مشاعر مختلفه كلها عكس بعض.
بصيتله بقرف مصطنع
انت عايز ايه يا يونس.
عمل نفسه بيفكر وقفل عينه نص قفله وهو بيقرب مني وبيقول بمرح
ناوي احققلك حلمك
بصيتله باستغراب وانا مش فاهمه هو يقصد ايه وقبل ما استوعب اي حاجه لقيته شبك أيده بين ايديا وسحبني وراه
حاولت أوقفه بس مقدرتش كان بيسحبني ومتبت في أيدي جامد
يابني اقف استني طيب هقولك يابني انا
وقفت جملتي لما لقيتنا واقفين قدام الملاهي
غمزلي وهو بيسحبني من ايدي لجوا
وبيروح علي لعبه واللي هو عارف ومتأكد اني بخاف منها
كان واقف قدام لعبه الفنجان وقرب من صاحب اللعبه
وهمس في ودنه بحاجه والتاني هزله
رأسه وهو بيبصلي وبيضحك
بلعت ريقي لما لقيته قرب مني وبعدت خطوه لورا وبدون اي مقدمات بيطلع بيا
علي اللعبه وبيركبني وبيركب معايا
عاااااا لا لا وحياه امك لا يايونس
انا بخاف لا عشان خاطري لاااااااااااااااااا
صړخت بفزع وبصوت عالي لما اللعبه لفت بينا وانا بحاول امسك في أي حاجه عشان مقعش كنت مړعوبه جدا دماغي بتلف بيا وقلبي بيدق بسرعه رهيبه
عاااااا وقف يا يونس حرام عليك عاااااا
لقيته بيرد عليا بصوت عالي
مش انتي كنتي عايزه تروحي الملاهى مالك زعلانه ليه انا بعمل خير
رديت وانا بترج في مكاني
لاااااااا ارجوك الله يخليك مش عايزه مش عايزه اروح في حته عشان خاطرررررررري
رد بصوت حاد ممزوج بالغيظ
مش هوقف اللعبه ياايمان عشان انا مش كيس جوافه عشان تلبسي اللبس اللي قولتلك عليه لا الف مره
رديت بعند وانا مازلت بترج
انت اصلا ملكش حكم عليا
بقي كده
ايوه ووقف الزفته دي وخلي عندك كرامه انا مش عايزاك يا اخي هو عافيه.!
رد بغيظ
تمام يا ايمان متزعليش بقي من اللي هيحصل
وفجأه لقيت اللعبه سرعتها بتزيد اكتر وانا دقات قلبي بتعلي اكتر
عااااااا خلاص خلاص والله انا اسفه اعتبرني عيله وغلطت عاااااا
رد ببرود
عايزاني أوقف اللعبه
رديت بصوت يشبه العياط
ااااه وحياه امك الست الطيبه اللي متستاهلش يبقي عندها بني آدم برأس بخاخه زيك
بخاخه!!
ارجوك يا استاذ بخاخه يوه اقصد ي يايونس وقف الله يخليك
اممممم تمام هوقف بس بشرط
رديت بلهفه
ايه هو
قرب مني وهمس في ودني
تقولي انك موافقه ترجعيلي وقدام الناس دي كلها
رديت بتلقائية
اااااه
يونس
حلو غلط وانا كنت مستنيه يغلط ياريسسس
رديت بغيظ وعند
اعمل اللي تعمله برضو لا لا لا لا استحاله ارجعلك
رد ببرود
تمام براحتك ياحبيبتي
حسيت براسي بتتقل وعيوني بتقفل حاولت اتماسك وانا بقول بضعف
ي يونس الحقني
قولت جملتي من هنا ومحستش بنفسي وغمضت عيني باستسلام
بعد شويه كان شايلني وانا سانده راسي علي ومغمضه عيني بس حاسه وسامعه كل حاجه
في الحقيقه انا مكنتش فقدت الوعي انا اتظاهرات بكده عشان يوقف اللعبه مش اكتر
كنت سامعه دقات قلبه السريعه من الخۏف كان بيبصلي وهو بيهمس بحزن
انا اسف حقك عليا
بصراحه يا استاذ مكانش ينفع تعمل في الانسه كده
يونس بنبره كلها غيظ وغيره
مدام ياحضرت
اتنحنح وهو بيفتح شنطته باحراج
ا احم طب وسعولي لو سمحتوا اكشف عليها
وقرب مني وكشف عليا وانا بتنفس بسرعه رهيبه وجفوني بتتحرك بكل توتر خاېفه يكشف لعبتي
بعد فتره بعد عني وهو بيتنهد وقبل ما ينطق اتكلم يونس بلهفه وخوف
ها طمني
متقلقش هي بس داخت شويه من اللعبه وثوااااني وهتفوق
وضغط علي كلمه ثواني وكأنه بيوصلي رساله أنه عرف اني مش فاقده الوعي وإن مفيش داعي اكمل في لعبتي لاني هتكشف بغبائي
وفعلا ثواني وعملت نفسي بفوق وانا بحرك جفوني وپتألم
ااااه
يونس وهو بيقرب مني بلهفه وبيقعد علي ركبته
ايمان حبيبتي انتي كويسه فيكي حاجه
بصيتله وانا بفرك راسي بتعب
اه كويسه
انا اسف
اتنهدت وانا ببص حوليا وبقول بجمود
ممكن نمشي لو سمحت
حاضر
قالها بهدوء وهو بيقوم يقف وبيمدلي أيده
رفعت راسي وانا ببص لايده الممدوده واتجاهلتها
وقومت لوحدي من غير مساعدته
انت بتعمل ايه
قولتها بفزع لما لقيت نفسي مره واحده مرفوعه عن الأرض
بصلي بثبات
ايه انتي تعبانه اسيبك تمشي وتقعي مني يعني.
رفعت حاجبي بسخريه
والله
مشي بيا
طبعا انا راجل بحب مراتي وبخاف عليها
ضحكت بسخرية
هه لا باين الحب
بصلي بصه طويله من غير ما
متابعة القراءة
