رواية زين وليل (جميع الفصول كاملة) بقلم أميرة جمال

مجرد التخيل ان ده زين خلانى اطير من على السرير افتح الباب
ممكن اتكلم معاكى شويه يا ليل
هو انا اسمى قمر كده...اه ممكن
طيب تعالى بره علشان سيف مايصحاش
ده انا اروح معاك لآخر الدنيا ياجدع بس انت ترضى...حاضر
انا آسف مش عارف انا كلمتك كده ازاى وانتى كنتى بتحاولى تساعديني 
حصل خير
تبقى لسه زعلانه منى
ليه بتقول واحنا صغيرين قولتى لما اقول حصل خير يبقا لسه زعلانه وعايزه اتصالح 
يااااه لسه فاكر
طبعا ودى أيام تتنسي برضو
كانت أيام جميلة
ممكن نرجع أصحاب زى زمان 
ممكن طبعا
طيب طالما اتصاحلنا بقا بكره ان شاء الله هوديكى الملاهى انتى وسيف
بجددددددد
طفلة اووى اه ياست ليل بجددددددد
مش بتعرف تقولها حلوه زيى
بقا كده طيب مافيش خروج
لا ياسطا كان قصدى بتقولها أحسن منى 
ناس مابتجيش غير بالعين الحمرا يلا ادخلى نامى بقا
حاضر
كنت حاسه انى طايرة من السعاده لمجرد انه قال نرجع اصحاب ده لو قالى بحبك والله هأخده حضن مطارات الراجل القمر ده كته القرف فى حلاوته
استمرينا شهر على الحال ده زين بيخرج الصبح يروح شغله وانا بنضف البيت واجهز الغداء والاعب سيف لحد زين ماييجى نتغدى سوى ويدخل يستريح شويه ويصحى يكمل الناقص من شغله وبالليل معمل كوبايتين نسكافيه علشان انا مش بحب القهوة ونشغل اغنيه لفيروز ولا عبد الحليم ونسهر فى البلكونه نستمتع بالجو اللطيف ده
زين قرر يخرجنا تانى وفى المره دى راح يجيبلنا فشار وانا وقفت ومعايا مستنيينه وجه واحد بيعاكس هوب لاقيت الراجل متكوم على الأرض وزين بيطلع دخان من ودنه مش عارفه كان شكله غريب وعروقه بارزة بطريقه تخوف انا ماتكلمتش طبعا بصلى قالى يلا على البيت انا كنت هموت على الخروجة دى بس انا جبانه عمرى ماهروح اقول ركبنا العربيه وانا فضلت لازقه فى الشباك كنت سيكا وهبقا فى الشارع والله بس الخوف حلو برضو ماكدبش عليكم كنت هطير من السعاده زين بيغير عليا انا شوفت ده فى عينيه يعنى ممكن يحبنى ممكن ايه بس ده تلقاه بيحبنى أصلا انا برضو ليل مش اى حد يعنى ايوه انا الىى كنت بعيط لما اتجوزنا وهو ولاا عبرنى بس قرة عينى نسامحه طبعا ...
طلعت شقتنا قررت انى المره دى اعترفله انى بحبه من قبل مايتجوز قمر من زماان اووى وكالعاده لازم قلبى يتكسر كنت داخله عنده لاقيته حاضن صورة قمر وبيقولها أسف سامحينى انا هفاجئ ليل بالورقه دى فعلا بحبك يا قمر ماقدرتش اقف المره دى واسمع تفاصيل زى المرة اللى فاات لما سمعت تفاصيل حبه هو وقمر
خلاص مابقتش قادرة استحمل كمان بيفكر يطلقنى اخدت قرارى اول ماخرج الصبح اخدت سيف وهدومى وروحت عند امى. ..
زين جالى حاول يقابلنى وانا رافضه نهائى وعرفت بابا يبلغه انى طالبه الطلاق كنت سمعاهم وهم بيتكلموا اتعصب جامد واتفاجئ بموضوع الطلاق ده ماهو كان هيطلقنى اصلا ايه اللى مزعله ده فضلنا على الحال ده شهر وهو كل يوم ييجى ومافيش فايده لحد ماصحيت فى يون حلسه ان فيه حد مكلبشنى كده برفع رأسي لاقيته زين حاضنى و نايم جنبى مش عارفه أنا موت ودخلت الجنة ولاايه بدأ يفوق او هو كان صاحى أصلا بس مغمض عينه
عارف انى شكلى قمر بس مش للدرجه دى كانت بيتكلم وهو مغمض عنيه
ايه اللى نيمك هنا يلا اتفضل بره
قاديلى شهر مش عارف اقابللك
ده برضو مايدكش الحق تدخل الأوضة على واحدة نسوان
انتى عبيطة انتى مراتى وادخل اوضتك براحتى 
لا انت هتطلقنى 
مش هيحصل
هيحصل يازين وحالا
اسكتى شوية واسمعينى
لا مش هسكت
يبقا اسكتك بطريقتى
جريت بعيد عنه وحطيت ايدها على بوقها 
ضحك على منظرها وانها فهمت قصده....يلا اقعدى واسمعينى او هجيلك عندك
قعدت بسرعة وهو بيحاول يكتم ضحكته
ممكن اعرف ايه اللى خلاكى تسيبى البيت وطالبة الطلاق كمان
ماقدرتش تتكلم فضلت تعيط فى صمت راح ناحيتها وحضنها وهى شددت من حضنه كأنها مستنيه الحضن ده من زمان هديت شويه فخرجها من حضنه
هاااا هديتى
اه
طيب يلا احكيلى ايه اللى مضايقك
كان نفسي تحبنى ربع ما بحبك بس للاسف انت مش شايفنى خالص انا حاولت وبعترف انى فشلت ....ماقدرتش اخليك بتحبينى من امتى 
من زمان ماقولتليش ليه
لما جيت اقولك كنت انت بتكلم قمر اختى وبتقولها انك هتتقدملها
وايه اللى خلاكى مشيتى من البيت 
اليوم اللى خرجنا فيه وضربت ااراجل اللى كان بيعاكسنى حسيتك بتحبنى وكنت جايه اعترفلك ولتانى مرة قلبى يتكسر منك لاقيتك حاضن صورة قمر وبتكلمها قد ايه انك بتحبها وهتدينى ورقتى واجهشت فى البكاء مرة أخرى يعنى كده كده هتطلقنى ومش عايزنى
خلصتى هبل 
للدرجة دى مشاعرى عندك ماتسواش انهت كلامها وهى فى طريقها اتجاه الباب لتغادر الغرفه مسكها من ايدها وقعدها على السرير
عمر مشاعرك ماكانت ل بس خيالاتك هبل انا بحبك من ساعه ماتولدتى على ايدى كده وانا دايما واخدك فى حضنى ومحاوط عليكى كنت بشوفك بتكبرى قدام يعني وانا هموت عليكى وخلاص مصدقت ان الشركة استقرت ومن هاجى اتقدملك باباكى قالى لما قمر تعبت قبلها بفترخ التحاليل اثبتت انها عندها كانسر وفى مراحل متأخرة خلاص ماينفعش معاها كيماوى ولا علاج وهو سمعها بتكلم واحده صاحبتها وبتقولها انها بتحبنى عمى كان عارف بحبى ليكى بس اترجانى انى احاول افرح قمر فى اخر ايامها وامثل عليها الحب ماقدرتش أرفض خصوصا
انتى عارفه هو اللى مربينى
بعد بابا الله يرحمه وساعتها عاهدت قمر يوم مااتجوزنا انى هفضل احبها وقلبى يبقا ملكها انا خاولت وكنت ببعد عنك بس قلبى هو اللى كان بيعشقك لما سمعتينى كنت بعتذرلها وبطيب خاطرها من صورتها انى خلاص مش قادر وهكتبلك فى ورقة كل الى جوايا ناحيتك وانتى بغبائك مشيتى ولما اتعصبت عليكى اول يوم جوازنا لانها خلتنى اوعدها مافيش ست تدخل اوضتها وتلمس حااجاتها بعدها علشان كنت اتعصبت عليكى
بس انت سمحتلى ادخل بعد شهر تقريبا
كنت غيرت الأوضة لما خرجتى تودى سيف الدرس بس جبتها نفس اللون قولت هبقا اغير الألوان بعدين
انا بحبك اووى يازين
ماكفايه ادب بقا يالوجى 
ضللت الطريق ووجدتك فاهتديت بك
زين_وليل 
أميرة_جمال