رواية قلب مظلوم اركان وامل (كاملة) بقلم سحر خالد حصري على لمحة

رواية قلب مظلوم بقلم سحر خالد حصري على لمحة
اركان بصدمه لابوه وهو بيقول ازاي انت بتقول ايه يا ابوي
الادهم اللي سمعته يا اركان لازم تتجوز بنت عمك وبكره بالكتير قوي
اركان بصدمه كبيره واستغرب. انا مش فاهم انت ليه عايزني اتزوجها وبسرعه دي مش دي اللي دائما كنت بتقولوا عليها طفله ومش دي اللي دائما بتقولوا هتعلموها وتخلوها حاجه كبيره قوي ومش دي اللي دائما عم ومراته بيقولوا انه ما بيفكروش لها في الجواز ابدا دلوقتي ايه اللي غير تفكيركم كده
اتوتر الادهم وقال يا ابني اسمع الكلام وما تتكلمش كتير انت لازم تتجوز بنت عمك بكره..
اركان.. وانا عمري ما هتجوز ولا اعمل اي حاجه يا ابوي الا لما اعرف ايه اللي حصل
الادهم ..بنت عمك طالع عليها كلام وحش قوي بالظلم والافترى في البلد يا ابني وعمك تعب انت لازم تيجي وتتجوزها بكره يا اركان لازم تيجي وتنقذ سمعه العيله
اركان باستغراب وصدمه ابوي انا مش فاهم حاجه بس انا جاي لك بكره بالنهار وهافهم منك كل حاجه قبل كتب الكتاب
قال كده وقفل مع ابوه بس بعد لحظات رني تليفونه تاني وكان المتصل اخته نرجس
اركان الو نرجس عامله ايه ياخيتي
نرجس ..انا الحمد

لله يا حبيبي سمعت اللي حصل يا اركان ابوك عايز يزوجك بنت عمك اللي حطت راسنا في الطين وخلت سمعتنا على كل لسان
اركان ..طب قولي لي بس عملت ايه امل لده كله
نرجس بغل شافوها مع حد يا خوي واما شافوها انكرت انها تعرفه بس جدك لما شافها كده قرر انها ما تتعلمش تاني وانها لازم تتجوز ونقوك انت يا عين اختك من بين كل شباب العيله عيني عليك يا اخوي اتدبست في المصيبه دي
قالت كلامها وقفلت سابت اركان في صدمته مش عارف ازاي الطفله البريئه اللي كان كل ما يروح البلد يشوفها بضفاير ويشوف فيها براءه الكون كله ازاي فجاه كده تتحول لوحده قليله الادب ويشوفوها كمان مع واحد مش قادر يصدق ولا قادر يتحكم في اعصابه ومش قادر يفكر حتى هو هيعمل ايه بس اكيد مش هيسيب عيلته في المصيبه دي
تاني يوم
بالليل بعد ما كل الناس مشيت وطلع اركان بعد ما تم كتب الكتاب دخل كانت امل قاعده على السرير موطيه راسها لتحت وعيونها عماله تنزل دموع من تحت الطرحه بتاعت فستانها واقف قصادها اركان بغضب وغل كبير وهو مش قادر يتكلم ولا عارف يقول ايه
مش عارف يتحكم في اعصابه ولا عارف هو بجد اللي حصل ده حقيقي يعني الطفله اللي كان دائما يجيب لها مصاصه كل ما يجي البلد اتحولت للدرجه دي فائقه على صوت عياطها قال بغضب وصوت عالي .. بطلي عياط بقى بطلي تمثيلك الماسخ ده عملتي العمله وكمان جوزوكي ليا انا عندي كانوا يسيبوك للناس تنهش في لحمك ارحم بكتير من اني اربط اسمي باسم واحده زيك ما تفكريش انك عشان اتجوزتيني او عشان خلاص كل الناس مش هتعرف حاجه عنك كده حكايتك اتدفنت لا انا عمري ما هانسى ده انا هاعيشك ايام سوداء على دماغك هيخليك تتمني كانت الناس عرفت ولا انك تتجوزيني وتعيشي معي
رفعت امل عيونها وحزن كبير بعد ما رفعت طرحتها وقالت انا مظلومه صدقني يا اركان والله ما عملت حاجه
شد أركان الطرحه على وشها تاني بغضب وقال وشك ده مش عايزه اشوفوا
وبعد كده شدها وقعها على الارض وقال .انتي زيك زي اي خدامه في البيت تخدميني وبس من غير صوت او نفس ولا عايز اشوف وشك بعد كده ولا عايز اسمع صوتك
قال كلامه وسبها ودخل الحمام اما هي انفجرت في العياط اكثر واكثر ما حدش مصدقها ولا حد راضي يسمعها
يتبع
رواية قلب مظلوم الحلقة الثانية
في صباح اليوم التاني كانت نائمه امل زي ما هي على الكرسي بعد ماسبها اركان امبارح وخرج دخل اركان الاوضه لقيها زي ما هي لحظات كان هيشفق عليها بس نفض كل افكاره اما افتكر كلامه اخته شافوها معها واحد غلى الدم في دماغه فقرب منها وهزها بعنف وهو بيصرخ ..انتي يا بتاعه انتي قومي ..
قامت امل مفزوعه وهي بتلتفت حواليها ..ايه في ايه ايه اللي حصل
اركان انتي هتفضلي نائمه ان شاء الله في احد ينام لحد دلوقتي قومي شوفي وراك ايه
امل بحزن. حاضر هاقوم اهو
قامت امل مسكها اركان من يديها بغضب وهو بيقول .غيره هدومك بسرعه وتغيري وشك ده خالاتي وعماتي هيجوا بعد شويه جايين يباركوا مش عايز حد يحس بحاجه كفايه الفضائح اللي جبتهالنا
قال كلامه و دخلت امل بسرعه الحمام وقفلت على نفسها الباب بالمفتاح ونهارت ساعتها في العياط بحزن كبير مش عارفه تعمل ايه ما حدش مصدقها حتى الشخص الوحيد اللي كانت حاطه امل انه اما يرجع هيصدقها ويقف جنبها عشان تاخذ حقها هو كمان واقف ضدها وفاكر انها مش كويسه
عيطت كتير وكتير وهي بتقول بحزن كبير ليه اركان ليه ليه تعمل في كده ليه ما فكرتش شويه ليه ما فكرتش ان الطفله البريئه اللي كنت بتشوفها دائما عمرها ما تعمل كده ليه ليه يا اركان تظلمني زيهم كنت فاكرك غيرهم بس انت دمرتني اكتر منهم
وبعد فتره