رواية قلب ليس من حقه الحب ( كاملة حتى الفصل الاخير ) بقلم لؤلؤة حيرانة الفصل 16، 20
المحتويات
وبصحبته ميرنا من المطعم وتوجهوا لاحد مدن الملاهى الكبيرة فلعبوا جميع الالعاب واستمتعوا كثيرا ثم توجهوا
للسينما وشاهدوا فيلما رومانسيا وبعد ذلك توجهوا لمنازلهم
على جانب آخر كانت سمية قد انتهت من اخر سيكشن لها وتوجهت لمكتب خليل تنتظره وبعد دقائق معدودة دخل خليل .
خليلوهو يتحدث بهاتفه الخلوى طيب ماشى يا استاذ طارق ان شاء الله هجيبها ونيجى لحضرتك بس خليها بكرة لانها تعبانة
طارق لا لا الف سلامة عليها خلاص خليها براحتها لحد مترتاح خالص ولو حصلت ممكن اجى اخد اقوالها مفيش مشكلى
خليللا لا لا مش للدرجة دى بس هى مرهقة بس من الكلية وكده
طارق طيب انا مضطر اقفل دلوقتى يا دكتور وان شاء الله نتقابل بكرة
خليل طبعا طبعا اتفضل ان شاء الله اجيبها ونيجى مع السلامة
طارق مع السلامة
سمية ده استاذ طارق وكيل النيابة
خليل ايوة كان عايز اقوالنا تانى معرفش ليه تقريبا علشان ينهى التحقيق او حاجة زى كده فقولتله خليها بكرة علشان انتى مرهقة وكده
سمية لا ياعمو خلينا نروح دلوقتى لانى بكرة مسافرة خلاص
خليل بذول ودهشةنعمم ازاى تنزلى بكرة ومحاضراتك
سمية هاخدها من اى حد او هجيبها من المكتبة اللى فيها ورق المحاضرات ولو وقفت حاجة هقول لحضرتك عليها
خليل طيب مين اللى هيجيبهالك
سمية مى بنت عمى انا هقولها بس معنتش عايزة اقعد فى القاهرة اكتر من كده معلش يا عمو انا بجد عايزة اريح اعصابى ودماغى
خليل طيب يا بنتى اللى انتى عيزاه ولو على أيمن انا هتكلم معاه علشان الغياب
سمية لااااا دكتور ايمن لا انا بخاف منه اوى وكمان هيدينى الترم التانى فبلاش علشان خاطرى
خليل هههههههههههه يا بنتى أيمن ده طيب اوى والله هو بس عازكوا تنتظموا وتكونوا دكاترة شطار مش جزارين ههههه
سمية لا كده هيخلينا سفاحين ههههه
خليل طيب متقلقيش بس ويلا علشان نعدى على النيابة قبل ما نروح
خرج خليل وسمية من الكلية متوجهين الى النيابة وصلواا ثم دخلوا
خليل السلام عليكم .ازيك يا استاذ طارق
طارق اهلا وسهلا يا دكتور خليل ازيك يا س...دكتورة سمية
سمية الحمد لله
طارق ايه اللى جابكم النهاردة حضرتك كنتى تعبانة كنتى استنى لحد مترتاحى
خليل لا هى كويسة الحمد لله واصرت تيجى النهاردة
طارق طيب اتفضلوا
جلس خليل وسمية وطلب طارق لهم عصير ليمون وجلسوا وانهوا ما أتوا اليه ولكن
طارق بعد اذن حضرتك يا دكتور خليل انا عايز حضرتك ودكتورة سمية فى مووضع مهم
خليل هو الاتحقيق منتهاش لسة ولا ايه
طارق لا لا مش بخصوص التحقيق دى حاجة شخصية تخص الانسة سمية
سمية انا
خليل خير فى ايه
طارق مينفعش هنا ممكن اجى اشرب مع حضرتك الشاى فى البيت النهاردة اكون شاكر جدا
خليلوقد نطر الى سمية فوجدها غاضبة معلش يا استاذ طارق بس انا مش فاضى اصل
طارق طيب نروح اى مكان نشرب حاجة دلوقتى المكان هنا مش مناسب خااااااااااااااااالص
سمية بضيق وقد فهمت ما يرمى لهبس انا تعبانة ومرهقة ياريت حضرتك تقول الوضوع لو سمحت من فضلك
طارق باحراجطيب اتفضلوا اقعدوا دكتورة سمية انا........زززانا معجب بحضرتك وعايز اتقدملك رسمى وانا بكلم دكتور خليل اهه
سميةعلى وجهها الصدمة بس.......
طارق لو سمحتى يا دكتورة سيبينى اكمل كلامى انا سنى 29 سنة والدى الله يرحمه كان رئيس محكمة شمال القاهرة مليش غير اخ وهو دكتور بس مش هنا هو مسافر المانيا وانا عايش مع والدتى فى بيتنا مرتبى كويس الحمد لله ومستعد نعمل خطوبة دلوقتى وبعد لما تخلصى نعمل الفرح ولو عايزة تكملى الماستر بتاعك براحتك ع الاخر اللى انتى عيزاه انا مش هقولك لا وع فكرة انا عارف انك مخطوبة قبل كده لكن انا عرفت انك خلاص مبقيتيش مرتبطةوكمان عارف والدك وعارف عمك بس انا قولت افاتح حضرتك والدكتور خليل فى الموضوع الاول
سمية حضرتك ايه اللى عرفك انى كنت مخطوبة وايه اللى عرفك ان انا خلاص نهيت الموضوع
طارقمن
خليل حضرتك فاجئتنا بس...
سميةمقاطعةبعد اذن حضرتك يا عمو استاذ طارق صدقنى حضرتك انسن محترم جدا ومهذب جدا واى واحدة فى الدنيا كلها تتمناك بس انا صدقنى والله مبفكرش فى الجواز خالص دلوقتى
طارقانا ممكن استنى...
سمية بابتسامة حزينةالافضل لحضرتك متستناش انا والله بجد مش ناوية انى اتجوز وبجد حضرتك انسان ليك كل التقديير ربنا يرزقك بانسانة تستاهلك وتكون زوجة صالحة لحضرتك
خليل استاذ طارق ارجوك تقدر الوضع سمية لسة طالعة من تجربة وهى قافلة ال موضوع ده خالص مع اى حد وصدقنى صعب جدا انها تفكر فيه دلوقتى
طارق اتمنى انها تعيد التفكير فيه مرة تانية حضرتك انسانة محترمة جدا يا دكتورة اتمنى انك تفكرى
سمية ده قرار من زمان يا استاذ طارق عن اذن حضرت
طارق اتفضلوا
وهم خليل بالخروج وتبعته سمية ثم ودعهما طارق .الفصل السابع عشر
فى منزل أحمد حيث توجد الترتيبات لعرس ملك فكل من به منشغلكانت مها فى حجرتها ترتبها .
مالك ماما .ماما
مها خير يا مالك
مالك هى سمسمة هتيجى امتى
مها مش قبل اسبوع هتخلص محاضرتها وتيجى انت مسالتهاش ليه
مالك بيئس وخيبة أمل اصلى آخر مرة كلمتها كنت رايح الدرس فملحقتش اسالها ع العموم خير مش مشكلة
مها خير كنت عايزها فى حاجة
مالك اصل كنت عايزها تنقى معايا البدلة بس مش مشكلة
مها طيب قول لملك
مالك باستغراب ملكيا ماما ربنا يكون فى عونها وبعدي ن من غير حاجة مبسلمش من لسانها دلوقتى بأى ولا هسلم من ايدها ولا لسانها ههههه
مها ههههه معلش بأى اختك وفرحها كمان اسبوعين فاعذرها يا حبيبى وبعدين ده انت اخوها الوحيد ولازم تدلع عليه
مالك ماشى عشان خاطرك انتى بس يا عسل يا ابيض انت والله الحاج أحمد ده متهنى هنا......اوعدنا ياربويغمز لها
وهنا يدخل أحمد عليهم.....
أحمد بتقول حاجة يا مالك
مالكبخضةها ولا حاجة اصل اصل انا بسال سمية هتيجى امتى عان تجيب معايا البدلة
أحمدبنظرة ذات معنى لا والله ماشى هصدقك بس فعلا انا متهنى ههههههه
مالكوقد شعر بالخجلهو حضرتك سمعت هههههه بس
أحمد ايوة سمعت بس لقيتك اعمى
مالكليه بس كده يعنى هى مش عسل
أحمد عسل انت مبتشوفش اساسا دى مامتك دى عسل وقمر 14 اللى نورلى حياتى و....
مالكمقاطعا حيلك حيلك يا بابا ماما بقت زى الفراولة...
مهابوجه خجل خلاص بأى انت وهو شوفوا وراكوا ايه انا مش فاضية
أحمد واد يا مالك ماماطول عمرها كده لما تتحرج تتوه ع الموضوع بس بردو فراولة بالقشطة هههههه
مهاتتصنع العصبية احمد بأى خلاص وانت يا ماك اتفضل روح شوف هتجيب بدلتك منين
مالك والله بفكر اجيبها من هنا لان معنديش وقت انزل القاهرة او الف
أحمدهو انت لسة مجبتش بدلتك مروحتش جيبتها مع عمرو ومصطفى ليه لما قالولك
مالك يا بابا مش فاضى يعنى لسة هروح اسكندرية واسيب مذاكرتى علشان اجيب بدلة
مها طيب اتصل بسمية وقولها تجب لك بدلة وهى جاية واديها مقاسك
مالك هى والله فكرة بس مش عارف هتكون فاضية ولا لا
مهالا متقلقش قولها انت بس ولو مش فاضية هتقولك
أحمد طيب يا سى مالك مشكلتك اتحلت
مالك ايوة الحمد لله ههههه
أحمد طيب اتفضل على اوضتك كمل مذاكرة انت ثانوية عامة واقفل الباب لو سمحت
مالك احم احم انا شامم ريحة كارت أحمر هعتبره أصفر واقوم سلام
مها أحمد ههههه سلام
مها بنظرة حانية الاولاد كبروا يا أحمد وكبرونا معاهم بعد كام يوم هتكون حما
أحمد بثقة مبتسما يا سلام وماله بس شباب بردو لو جوزت اولادى كلهم
مها بنفس الطريقةهو انا اطول يكون حبيب قلبى شباب ربنا يخليك لينا لحد متشوف ولادهم وولاد ولادهم
أحمدبس اطمن عليهم بس وكل واحد يكون سعيد ومستور فى حياته ومش عايز اكتر من كده مها محمد خطيب سمية اتصل بيا وقال انه عايزنى ضرورى النهاردة ولازم يشوفنى سمية مقلتلكيش حاجة
مها بارتباك ها..هى هتقول ايه يعنى
أحمد معرفش بس طريقة كلامه قلقتنى مالك مرتبكة ليه كده
مها وهرتبك ليه بس يعنى اصل دماغى فيها مية حاجة المهم منى الجلسة الجاية بتاعتك امتى
أحمد بعد بكرة ان شاء الله
مها ربنا يتم شفائك على خير يا حبيبى هانت كلها كام اسبوع وتعمل العملية ونرتاح ن شاء الله من القلق ده
أحمد والله يا مها محدش يعرف هتكون اى راحة
مها ان شاء الله خير يا أحمد متقلقش
هنا يطرق الباب احد ما ولكنها طرقات مميزة لجميعع من فى البيت فى صغيرة وسريعة .
مها ادخلى يا رهف
رهفمامتى حبيبتى وبابايا حبيبى يارب متجمعين دايما كده
أحمدينظر لمها مبتسما قلقان معرفش ليه..
مها مبتسمة خير يا رهف
رهف خير.. كله خير عايزة اشوفكم بس واطمن عليكم شوفتوا كله خير ازاى
أحمد انا اتاكدت دلوقتى ان كله خير ولا ايه يا مها هههههههههه
مها هههههههههه
رهف طيب امشى انا بأى ههههه
مهاوقداتسعت عيناها من الدهشة ماشية لا بجد
رهف لا بهزار بتاخدى على كلامى بردو بابا حبيبى ازيك عامل ايه
وذهبت لابيها لتقبله وتجلس بجواره
أحمديقبل جبينها خير يا اخر العنقود
رهف العنقود مش ظريف وتاعبنى معاه جدا
أحمد ليه كده بس
رهف ملك زعقتلى الصبح عشان عايزة اروح معاها الجامعة عايزة اخرج
مها انتى بتستهبلى هتروحى معاها الجامعة ازاى وكمان انتى امتحاناتك بعد يومين اقعدى ذاكرى احسن متشوف بنتك ياأحمد
رهف بتوسل يا بابا بجد زهقت من المذاكرة
أحمد يمسح على شعر ابنته ياحبيبتى معلش لما نخلص امتحانات انزلى زى ما انتى عايزة وانا هفسحك عايزين نركز احنا فى اخر سنة ابتدائى عايزين ندخل الاعدادى كده واحنا الاوائل
رهف يا بابا بس انا اتخنقت وعايزة اعمل رىفريش لدماغى
مهامتعجبةرى فريشاتعلمتيها منين دى
رهف بضحكة واسعة بريئةهههههههههههههههه من الكمبيوتر لما الكمبيوتر بيهنج بنعمله ري فريش يا مامتى
مهامبتسمةماشى يا كمبيوتر
رهف ها يا بابا
أحمد طيب تعالى انا وانتى وماما ننزل نتفسح هنروح عند الاسطبل وهركبك الخيل هاايه رأيك
رهفتقفز لاعلى من الفرح يعيش باابا يعيش بابا
أحمد بس بشرط
رهف شرط
أحمد مفيش خروج خالص لحد متخلصى امتحانات
رهفدى كلها عشر ايام واخلص اكيد اكيد يا باباتى
مها هههههه طيب روحى قولى لمالك عشان يركب معاكى ويجى يعمل ري فريش لدماغه هههههه
رهف ماشى
وتخرج رهف من غرفتها تدندن وترقص من الفرح متوجهة لغرفة مالك تطرق عليه الباب...
مالك ادخل
رهف مالك
مالك يا نعم
رهف جه امر من جهات عليا انك تجهز نروح نركب خيل
مالكنعمانا عندى مذاكرة مش فاضى
رهفبتوسل ورجاء علشان خاطرى يا مالك انا مخنوقة وعايزة اشم هوا
مالك طيب نص ساعة واجهز
رهف تقبل جبين اخيهاربنا ميحرمنيش منك متتاخرش عشان خاطرى
مالك طيب يلا اطلعى
ياخذ مالك هاتفه ويتصل باحدهم فى هذه الاثناء كان خليل مع سمية فى السيارة متجهين الى منزلهم .
خليل ايه رأيك فى طلب استاذ طارق يا سمية
سمية يا عمو انا قولت رأيى وخلاص وياريت منفتحش الموضوع ده وياريت بابا ميخدش خبر
خليل ماشى زى ما تحبى بس انتى احرجتى الراجل يا سمسمة كتمتيه بمعنى اصح هههههه مكنتش فاكرك جامدة كده
سمية لازم الواحد يجمد عشان يقدر يعيش
خليل عندك حق بس منظلمش حد يا سمسمة
سمية هو انا ظلمت استاذ طارق يا عمو
خليل لا مظلمتيهوش بس عامة يعنى لازم نكون شداد ومنفرطش فى حقنا وناخده من الاسد بس منظلمش فهمانى
سمية ايوة يا عمو فاهمة حضرتك
ويرن هاتف سمية تخرجه من حقيبتها ثم تحملق له باستغراب.....
خليل متردى يا سمية
سمية لا لما نروح
خليل ده محمد
سميةده متصلش بيا واحنا مخطوبين هيتصل لدلوقت ههههه لا ده مالك
خليل ع العموم احنا وصلنا يلا انزلى
ونزلت سمية وتبعها خليل ثم صعدا الى المنزل فتحت لهم هدى الباب....
هدى باستغرابدكتور
خليل يعنى نمشى يا هدى ههههههه يلايا سمية
هدى لا والله مقصدش بس اصل ده مش معادكم وكمان الغدا مش جاهز ودكتورة أميرة مجت لسة و
خليلمقاطعا اياها خلاص خلاص ايه اذاعة الشرق الاوسط قدامى روحى يا هدى دماغى صدعت
هدى احضرلكم الاكل
سمية ههههههه اكل ايه بس يا هدى انا عن نفسى مليش نفس انا هطلع يا عمو بعد اذنك
خليل ينظر لسمية اتفضلى يا سمسمة هدى اعملى لدكتورة سمية طبق سلطة ومتحطيش ملح بسرعة
هدى حاضر يا دكتور بعد اذنك
سمية بجد مليش نفس يا عمو
خليل بجدية سمية مش عايز كتر كلام اتفضلى على اوضتك واتصلى بمالك اخوكى
تخضع سمية لقول خليل وتصعد غرفتها تبدل ملابسها ثم تتوضأ وتصلى الظهر بعد ذلك تتصل بمالك....
مالك لا والله لسة فاكرة
سمية طيب قول السلام عليكم الاول يا شيخ
مالك بضيقالسلام عليكم يا ستى ارتحتى كده
سمية وعليكم السلاااام ورحمة الله وبركاااااته مدايق ليه منى كده
مالك بصى انا متدايق وزعلان جدا يا سمية ومش انا لوحدى
سمية ليه بس يا مالك
مالك بعصبية يا سمية مبقيتيش تكلمينى زى الاول ولا بتسالى وكمان ملك اللى فرحها بعد اسبوعين تلاتة مبتساليش عليها ولا رهف اللى امتحاناتها اليومين دول متصلتيش بيها وانتى عارفة اد ايه هى متعلقة بيكى
انا عارف انه مش فرض عليكى بس انتى عودتيها على كده
سمية وقد احست بانهها بالفعل مقصرة وقد احست بالذنب ولكن ماذا تفعل فايامها الماضية كانت بمثابة سنين عجاف قد مرت عليها
مالك سمية انتى معايا
سمية بصوت مخنوقايوة يا مالك
مالك بنبرة حانية انا اسف يا سمسمة لو كنت شديت معاكى فى الكلام انا متوتر شوية بجد متزعليش منى انا اسف وبعدين اخوكى الصغير استحمليه
سمية بدموع يا حبيبى مش زعلانة انا بجد مقصرة معاكم بس فعلا كنت مشغولة ومضغوطة جدا اعذرنى يا مالك
مالك وقد احس بسمية سمية انتى كويسة انا آسف والله بجد
سمية يا بنى انا كويسة المهم ايه اخباركم واخبار رهف وملك وماما وبابا طمنى
مالك والله كلهم تمام انتى عارفة احنا رايحين فين
سمية فين
مالك المزرعةاللى فيها اسطبل الخيل وهنركب خيل
سمية بفرحة الله يا بختكم كان نفسى اكون معاكم
مالك هكلمك من هناك وانقلك بث حى ههههههههه اى خدمة
سمية عشان خاطرى لما تروح شوف فلة وطمنى عليها بس متركبهاش
مالك يا بخت فلة من كتر خوفك عليها
سمية يا سلام دى اقل واحدة اخده حقها معايا ههههههههه عشان خاطرى يا مالك وخد معاك السكر اللى بتحبه ليها
مالك يا سمسة انا مش فاضى ومعرفش بيتجاب منين
سمية بص قول لعمو حسين السايس وهو عارف ملكش دعوة
مالك ماشى سمية انتى جاية امتى
سمية ليه خير
مالك بارتباك ولا حاجة بطمن عليكى بس بلاش
سمية هههههه لا بلاش يعنى ممكن اليومين الجايين دلوقتى خير بأى فى ايه
مالك لا بجد يعنى مثلا بكرة او بعده
سمية ممكن .ها عايز اجيب ايه
مالك قفشتينى ههههههه طيب بصى لو مش فاضية مفيش مشكلة خااااااااااااالص
سمية ها
مالك بصراحة كده انا كنت عايز اشترى بدلة لفرح ملك و عمرو بس مفضيتش انزل القاهرة او اسكندرية والف فممكن يعنى .يعنى .
سميةمبتسمة اجيب البدلة صح
مالك باحراجصراحة كده صح معلش يا سمية لو هتعبك معاياا
سمية ممازحة طيب تدفعلى كام
مالكبجدية هبعتلك اللى انتى عايزاه دلوقتى والله قولى اللى انتى عايزاه بس هاتى رقم حسابك
سمية هههههههه والله انت مخك على ادكمتحملش هم الفلوس الحمد لله بابا باعتلى اول الشهر ولسة زى ما هما مروحتش اخدت منهم حاجة فربنا يسامحك هتخلينى اروح مشوار تمام للبنك بس مفيش مشكلة قوللى بس على اللون والستايل اللى انت عايزه
مالك لا بجد هتجيبيها ربنا يخليكى يا سمية بصى هاتى اى حاجة على ذوقك واى لون بس عايزها تكون تليق بالاشبين
سمية ماشى بس يارب تعجبك يا أيها الاشبين ههههه
مالك ههههه هو انا أطول
سمية ويخليك يا حبيبى ها اى خدمة تانية
مالك عايز سلامتك وسلميلى على عمو خليل وطنط أميرة ونغم كتير جدا
سمية الله يسلمك
متابعة القراءة
