رواية العزف على نياط القلوب ( الفصل السابع والعشرون 27 ) بقلم أماني السيد
انسانه سطحيه كده انا مايشرفنيش انى اخلى ولادى يتعاملوا معاكى من الاثاث مش حابه اطلعهم سطحيين بياخدوا بالمظاهر
وانا مبسوطه أوى بتربيتى لاولادى واللى انا هكملها بنفسى بدون مساعدتك والحمد لله أنى اكتشفت ده بدرى قبل ما تبوظى أخلاقهم
ثم اخرجت من حقيبتها مبلغ مالى
اتفضلى ده تمن يوم امبارح ويوم انهارده ومايشرفنيش انك تتعاملى معايا او مع اولادى تانى
مش من حقك تمشينى اللى يحدد ده استاذ رياض
تصدقى انتى طلعتى بجحه كمان لانتى ولا هو ولا أى حد ليه انه يتدخل فى تربيه اولادى
قامت تلك الفتاة بالاتصال برياض ظنا منها إنه سينصفها
اجاب عليها رياض بتحفذ
السلام عليكم خير فى حاجة يا انسه
استاذ رياض مدام غاليه عايزه تمشينى ومش عايزانى اكمل مع الاولاد
ليه عملنى حاجه تزعلها
لأ انا قولتلها ان الاولاد محتاجين مستوى اكاديمى ومحتاجين يزاكروا اكتر لانهم فى مدارس انترناشيونال
هو إحنا اخدنا رأيك فى التربيه انتى حيالله واحده انا جايبها عشان تعمل اللى مدام غاليه طالباه منها وطالما هى شيفاكى مش مناسبه يبقى مع السلامه
شعرت بمن دلق دلو من الماء البارد عليها واخذت تلك الاموال ورحلت
لم تستطع الرد عليهم فهى ظنت أن رياض سيقف فى صفها ولكن من الواضح إنه مازال يحمل مشاعر لزوجته لذلك اخذت الأموال ورحلت
جلست غاليه فى غرفتها تفكر كيف تتعامل الفتره القادمه فالاولاد محقين هى اصبحت مقصره فى وجودها معهم وهم يحتاجوها تلك المره تحدثوا معها فهل المره القادمه سيتحدثوا معها أم سيبعدوا عنها بالتدريج عليها أن تجد حلا حتى لا تشعر بذلك الشعور مره اخرى
اتصلت غاليه بليلى ومريم وباقى العمال واخبرتهم انها تريدهم غدا مبكرا الساعه التاسعه صباحا
وبالفعل فى اليوم التالى حضر الجميع فى الموعد وبدأت غاليه تتحدث معهم
معلش مقدرتش اجى امبارح بسبب الاولاد بس منت عايزه اتكلم معاكم فى موضوع مهم
انا كنت عايزه اغير مواعيد العمل والمواعيد الجديدة هتكون انسب لينا كلنا يعنى هنبدأ شغل الساعه ٩ ونروح الساعه ٥ ايه رأيكم
نظر الحاضرون لبعضهم وايدوها فى ذلك القرار
كده افضل بصراحه يا مدام غاليه
طيب الحمد لله انى لقيت قبول يبقى من انهارده هنبدأ نشتغل بالمواعيد الجديدة
فى منتصف اليوم اتت ايناس لغاليه مره اخرى وقابلتها غاليه بسخريه
بقى كده يا غاليه دى حركه تعمليها معايا
انا سمعت إن الشقه اخدت تنضيف يوم كامل المفروض تشكرينى انى فكرتلك وريحتك
ريحتينى انى دفعتينى مبلغ وقدره
صحتك اهم مش الشقه نضفت وبقت احسن وانتى ماتعبتيش
اعطتها ايناس الفاتوه
بس بصى المبلغ اللى دفعته كام
مش خساره فيكى يا ايناس راحتك اهم
يعنى هتديهولى
وانا مالى هى شقتى ولا شقتك ولو المبلغ كبير عليكى مكنتيش خلتيهم ينضفوا الشقه
يعنى ايه حتى مش هتدفعيلى جزء من المبلغ انتى شغاله زى النار عينى بارده عليكى يعنى المبلغ ده مش هيأثر معاكى
هو جوزى اللى جه من السفر ولا جوزك انا مالي بشقتك نضيفه ولا لأ ايناس فكك منى وابعدك عينك عنى وفلوس مش هدفعلك حاجه
قولى بقى كده متغاظه عشان انا متجوزه ورجعت لجوزى وانتى لأ
انا بغير منك اه ها لو خلصتى
نظرت لها إيناس بغل وتركتها ورحلت
حاولت غاليه رسم اللامبالاة امام ايناس ولكن من داخلها ترك حديث ايناس علامه بها
بدأت غاليه مباشره عملها ومن وقت لاخر تتحدث مع ليلى وتعطيها بعض النصائح للحمل وعندما اتت الساعه الثالثه اخبرتهم بما يفعلوه قبل أن يغادروا وجمعت بعض الاشياء لتنهى عملها فى منزلها
ذهبت للحضانه واخذت الاولاد وعادت لمنزلها وقامت بصنع الطعام وجلست معهم لتحل واجباتهم وبعد انتهاء يومهم دخلت غرفتها واكملت عملها
فذلك العمل هو من يعطيها سبب للحياه لا تكل او تمل منه
هى لا تريد سوا تربيه اولادها ومباشره عملها وتكبيره هذا اصبح هدفها
حاول رياض التواصل معها لكنها قررت التقليل معه من الحديث وأن تتحدث معه فى الأمور الهامه الخاصه بالاولاد وتركت له رساله اخبرته بما فعلته وانه لم تحتاج لاحد بعد الآن
شعر رياض من حديث غاليه انها عادت معه لنقطه الصفر مره اخرى فقرر أن يتحدث معها بشكل مباشر ويواججها برغبته للعوده اليها مره اخرى
التالي
https://pub153.lamha.news/18357
كاملة
https://pub153.lamha.news/14518
