رواية العزف على نياط القلوب ( الفصل التاسع والعشرون 29 ) بقلم أماني السيد

ونظر لرياض
بص يا أستاذ رياض زى ما توقعت المدام عندها كرونا وأحنا هنعزلها هنا فى غرفتها وهتكون محتاجه عنايه مكثفه خاصه فتره النقاهه
هو لسه فى كرونا
أه طبعا وللاسف بتكون اشد من الاول بس للأسف التحاليل مبينه النسبه كبيرة انا دلوقتي هكتبلك الادويه بالمواعيد بتاعتها
تمام يا دكتور
اتفضل دى الادويه هتاخدها بالمواعيد الموجودة على الروشته وانا هبعت ممرضه هتعلقلها محاليل وتتابع معاها
نحاول بس نخليها تشرب سوائل كتير وفيتامين سي
تمام يا دكتور اللى تشوفه 
انا همشى دلوقتي وهبعتلك الممرضه وهى هتبقى عارفه شغلها
وبالفعل ذهب الطبيب وجلس رياض يضع الكمادات على رأس حاليا محاولا تخفيض درجة حرارتها
وبعد فتره أتت والدته مع ذلك السائق بالطعام واعطته لرياض وطلبت منه أن ترى غاليه
يابنى خلينى اشوفها يمكن محتاجه حاجه
لأ هى نايمه وأخاف تدخلى تتعدى منها والدكتور قال لازم تتعزل
هو لسه فى كرونا مش كانت خلصت من زمان
للأسف موجود متمحور جديد كده مش عارف اسمه ربنا يسترها
طيب أخد الاولاد معايا 
لا هيبقوا هنا انا هعزلهم عنها ولازم حد فينا يبقى معاها
طيب معلش انت هتبقى موجود معاها بصفتك ايه
مش عارف انا بفكر بس في ممرضه هتيجي تشوفها الدكتور هيبعتها
ثم نظر لوالدته كأنه تذكر شيئا
صحيح يا ماما الست اللى بتجيلك كلميها شوفيها ينفع تيجى تقعد معاها وهديها اللى هى عايزاه
استنى اتصل بيها اشوفها.
وبالفعل اتصلت بها واخبرتها تلك المرأة انها سوف ترسل لها إحدى اقاربها واعطتها والده رياض رقم هاتف ابنها لتتواصل معها وطلبت منها أن تأتى اليوم وتجهز نفسها انها ستجلس معها أقامه كامله
خلاص يا ماما تقدرى تروحى إنتى
وانت
اطمن عليهم بس وكده كده مش هقدر اسيب الاولاد لواحدهم انا برضوا معرفهاش
يابنى بس دى مش مراتك ومايصحش
الست هتيجى مش هنبقى لواحدنا والاولاد موجودين وبعدين ده ظرف طارئ وانا مش هكون مطمن لو فضلوا لواحدهم
طيب يابنى اقعد معاك
يا ماما انتى كبيره ومش هغامر بصحتك
ذهبت الام بقله حيله لمنزلها
ودخل بعدها رياض غرفه غاليه ليطمأن عليها وظل يضع لها الكمادات إلى أن بدأت تذهب الحرارة منها
بدأت غاليه تفتح عينيها ووجدته أمامها جعدت ما بين حاجبيها وتخدثت بهزيان
رياض انت بتعمل إيه هنا والأولاد فين
اطمنى الاولاد بره وانا واخد بالى منهم اكلوا وشربوا وبيلعبوا
طيب عايزه اشوفهم
ماينفعش الدكتور قال إن عندك كرونا وممكن تعديهم
طيب وانت هنا ليه 
ماتقلقيش يا غاليه انا مش بحاول انتهز الفرص عشان اقرب منك بس فى الاول والآخر انتى كنتى مراتى ومازلتى أم اولادى
طيب لو سمحت اخرج
هخرج بس لما الست تيجى
ست مين
دى واحده قريبه الست اللى بتساعد ماما فى ابشقه هتيجى عشان تعمل الاكل وتروق الشقه لحد ما تقومى بالسلامه
صمتت غاليه لا تعلم ماذا عليها أن تفعل فقررت أن توافق على وجود تلك المرأة إلى أن تتحسن حالتها ولكن عليها أولا ابلاغهم حتى لا يقلقوا عليها
طيب فين تليفونى
التليفون فضل يرن كتير وانا قفلته
طيب هاته بسرعه عشان اكلمهم اطمهم عليا زمانهم قلقانين ومحدش عارف العنوان. لسه
طيب استنى لحد ما تبقى كويسه
لو سمحت هات التليفون عايزه اكلم ليلى
اعطى لها رياض الهاتف وقامت بالاتصال على ليلى
شعرت ليلى بالحزن عليها وأصرت أن تذهب لها لكن غاليه رفضت فهى تعلم ظروف ليلى واقامتها مع زوجه عمها بالإضافة الى حملها ورفضت