رواية جحيم الديب (جميع فصول الرواية) حور ومراد بقلم مينو الفصل 16, 15

بس متغلف بقسوة تخوف 
هو انتي شيفاني عيل صغير بيعيط قدامك وخايف وبعدين اخاف من ايه شايف عفاريت بصي بلاش جو الشفقه و الاخلاص اللي انتي عايشه في ده ملهوش لازمه انتي قدامك واحد مكسور عايش طول حياته مدفون في ذكرياته وقلبه كل يوم بيموت عن اللي قبله والوجع بنسبالي صاحبي معاشرني بقاله سنين مش هتيجي انتي وتخففيلي وجعي من يوم وليله انتي مش فاهمه حاجه خليكي في حياتك 
وبعدينلف مراد ضهره تاني ناحية الشباك كأن الدنيا كلها بتتزاحم جواه فضل يشرب السجاير بغل
غل على نفسه وعلى كلامه اللي طلع منه زي السهام
كان باين عليه بيتعذب نفسه يرميلك كل الوجع اللي فيه
بس في نفس الوقت مش عايز يحملك حزنه
حاسس إنه لو حكا هيغرقك معاه في دوامة هو نفسه مش عارف يخرج منها
كنت واقفة متجمدة
اللي شوفته منه خوفني طريقته جرحتني
بس قلبي قلبي كان عارف إن ده مش مراد اللي من شوية مش مراد اللي شفته بيترعش من كوابيسه
اتكلمت بعفوية وانا مجروحه من كلامه 
أنا كنت عايزه بس اساعد وافهم ايه سبب النوبات دي 
رد ببرود كأن مفيش حاجة تهمه كلامه كان سكاكين
قطعني بيها من غير ما يحس 
أنا مطلبتش منك تساعديني ساعدي نفسك وبعدين متفضليش تسألي كتير عشان مصدع ومش فايقلك وابعدي عني بقا 
قلبي وجعني ودموعي نزلت من معاملته معايا بجروح وقسوه ومشيت من قدامه وخدت شنطتي وفتحت الباب
مراد جز علي سنانه وجري ورايا ومسك ايدي وقال بغضب 
رايحه فين في الوقت ده 
صرخت في وبعدت ايدي عنه وقولت 
ملكش دعوه بيا خليك في حالك 
مسك دراعي تاني وقال بضيق 
وانا مش هسيبك تمشي في الوقت ده بطلي جنان 
ضربته علي صدره وفضلت أبعده وقولت 
أنا مش عايزه اعرفك تاني انت انسان طماع وبتاع نفسك وعايزني كاوسيله ليك انت ولا بتحبني ولا نيله انت عايزني عشان نفسك عشان تبني اغراضك إنما أنا اولع اتكسر اتحرق كل ده ميهمكش انت دخلت حياتي لي اصلا أنا بكرهك 
وبعدين مشيت من قدامه وهو وقطع طريقي
وقال 
متبعديش عني والله بحبك أنا بعمل كل ده عشانك صدقيني صرخت بصوتي بحده 
ايوه لييييهه ايه هو اللي بتعمله عشاني تقدر تقولي أنا هنا ليه فجاه 
مراد سكت لحظه معرفش هيرد هيقول ايه 
ضحكت بسخرية وقولت 
شوفت كنت عارفه أن ده ردك عارف ليه عشان انت جبان وهتفضل طول عمرك جبان وبتخاف تواجه اوجعاك وانا مش هعيش مع واحد هيفضل طول عمره خايف من المواجهة وضعيف مع نفسه 
دموعي نزلت بغزاره اكتر ولفيت ضهري وجريت من قدامه مراد اتكلم بضعف وقال 
حور استني متمشيش أنا مش هعرف اعيش من غيرك وبعدين نزل علي ركبته وفضل يحرق في قلبه بعياطه اول مره مراد يتكسر ويضعف وينهار في اللحظه دي كان حاسس ان الدنيا حبساه وبتذله في وتوجعه اكتر 
أما أنا نزلت تحت وخرجت من الفيلا وأثناء وانا دموعي مغرقاني سمعت صوت غريب سمعت صوت بيستغيث قربت من صوت بشويش وانا قلبي بيرتجف وحاسه أنه هيقع علي رجلي قربت من اوضه في نفس الفيلا بس بعيده عن عيون الناس يمكن اللي قربني صوت الطفله دي فضلت ماشيه خطوه ورا خطوه لحد لما لاقيت باب مفتوح نص فاتحه بلعت ريقي وبصيت من الفاتحه دي وانا جسمي بيتنفض بس اتفاجت مره واحده وعيوني وسعت علي آخرها لما شوفت ابو مراد بيغ شهقت جامد ورجعت لورا وانا ماسكه قلبي من
الرعب اللي شوفته جريت بسرعه عشان اقول لمراد أو حد بس للاسف لاقيت شخص بيقولي بصوت بارد وقال 
علي فين يا حلوه هو انتي فاكره نفسك بعد اللي شوفتيه اسيبك وتروحي لحبيبك مراد خوفت في مكاني وانا برجع لورا وفجاه وانا بحاول اهرب اغمي عليا 
أما مراد قام من مكانه وهو متبهدل وراح لنسمه وكان عايز يبرد قلبه بس بيها هي قرب من نسمه اللي كانت بتبعد عنه وكان مستغرب من رد فعلها مره تكون عايزاه وفي وقت الجد بتبعده هو كدا كدا مش بيحبها بس عايز ينتقم من نفسه ومن جروحه كان عايز يحرق اللي حواليه عشان يخفف البركان اللي في روحه قرب منها بالعافيه وقال بصوت غضب مكتوم بوجع وكسره وقال 
انتي مراتي وليا حقوق عليكي سيبي نفسك ليا 
كانت بتبعد عنه وهي خايفه بس مراد سيطر عليها من كل النواحي والجحود والجشع ظهروا عليه بدون رحمه ولا قلب وخد كل اللي عاوزه منها بكامل إرادته لحد لما جاب آخره منها وبعد عنها وهو بينهج جامد كان نفسه هيتقطع بس الغريبه هنا وده خلي دماغه فيها ميه حيره عن السوال وبص علي السرير باستغراب وقال بغضب شديد 
نسمه اتوترت وشها شحب مره واحده من الخضه وووووو
16
نسمه اتجمدت مكانها وعينيها مليانة دموع وخوف مش قادرة تنطقه
مراد خطواته تقيلة وقلبه بيدق كأنه بينفجر زاد غضب أكتر وقال 
انطقييي اللي انا بقوله ده صح
نسمه اتنفضت من مكانها وهي بتتكلم بتقطع وكأنها بتبلع الكلام غصب عنها 
لا لا مش مش صح والله مش صح 
مراد في لحظة فقد أعصابه وصرخ بكل وجعه 
انطقييي يا بت مين عمل فيكي كدا وده قبل ما نتجوز ولا بعد انطقي
نسمه صوتها بقى مخنوق الدموع مغرقاها بتنهار وهي بتتكلم بتحاول تخلص نفسها من قسوة اللحظة بأي كلمة 
حاضر والله هقولك بس سبني 
مراد بيشد شعرها أكتر راسها بترجع لورا صوته بيعلى كأنه بيكسر جدران البيت 
بقولككك انطقي مين
نسمه جسمها بيتنفض صوابعها مش قادرة تتشال صوتها متكسر من البكاء وحروفها خارجة بالعافية 
أنا وووو 
مراد اتصدم وبدل ما يهدا انقلب لقنبلة كف تقيل نزل على وشها وهو بيهدر من الغل صوته مش طالع من حنجرته طالع من قلبه اللي بيولع 
اهاااا كدا فهمت التيته يا عيله واطيه بقا عاوزين تقرطسوني وتدوني علي قفايا انااا علي كدا ابوكي واخوكي عارفين صححح وبتلعبوا عليا 
أم مراد دخلت عليهم وهي قلبها واقع من الخضة شافت نسمه منهارة ومراد بيزعق ركضت ناحيتهم تحاول تفك إيده عنها
مراد بص على أمه ووشه محمر وعروقه بارزة كأن الدم بيغلي في شرايينه صوته كان خارج من حنجرته كأنه بيتحشرج 
انتي كنتي عارفه الحوار ده
أمه اتلخبطت عينيها تلف بتوتر بينه وبين نسمه صوتها مكسور ومليان قلق 
عارفه ايه يا بني أنا معرفش حاجه هو في ايه سيبها بس واغزي شيطانك
مراد صرخ بصوت عالي يهز الجدران كأنه بينفجر من كتر القهر والخذلان 
الزباله اللي قدامك دي وأكيد أبوها وأخوها عارفين
بما فيهم عامر الكلب أبويا
بس وربنا ما هسيبهم يكملوا اللي في دماغهم
وهحرقهم كلهم
أقسم بالله هدوقهم العذاب الي بجد
وبعدين رماها على الأرض كأنها حمل تقيل على قلبه صرخ فيها وهو بيقلب وشه عنها ودماغه بترج من الغيظ 
غوري البسييي حالا ده أنا هطلع عنيكي انتي واللي جابوكي دلوقتي
أنا صحيت فجأة رأسي تقيلة جسمي مكسور كل حته فيا بتوجع حاولت أفتح عيني على النور اللي بيدوخني
بصيت حوالي بنغوشة وقلبي وقع لما لاقيت نفسي متكتفة على الكرسي
نفسي اتقطع كنت بحاول أفتكر حصل إيه
وفجأة لمحت طفلة صغيرة قاعدة في ركن الأوضة ودموعها مغرقاها شكلها مهزوم وجسمها متبهدل كأن الدنيا كلها وقعت عليه
صوتي طلع مبحوح من الخوف والقلق ونديت 
مراااد
الطفلة كانت بتعيط أكتر عينيها مليانة فزع وقالت 
أنا خايفه أوي يا طنط طلعيني من هنا وديني عند مامااا ونبي
قلبي انكسر عليها حسيت إني شايفة نفسي فيها والدموع نزلت من عيني من غير ما أحس
قربت منها بصوت هادي حاولت أطمنها 
متقلقيش هطلعك من هنا بس ساعديني وتعالي فكي الحبل معايا
الطفلة قالت وهي بترتعش من الخوف 
أنا خايفه من الراجل
المتوحش دهأنا خايفه
دماغي ضربت من كلمتها جسمي اتشل عينيا غرقتني بالدموع حسيت بإحساس مرعب لما فهمت إنها اتأذت زيي ويمكن أكتر
قربت منها بحنان وخوف 
متخافيش أنا جنبك ومش هخليه يلمسك وهوديكي عند ماما بس بسرعه عشان نلحق نخرج قبل ما يرجع
الطفلة كانت مرهقة ماشية بالعافية بس قامت بشجاعة وبدأت تفك الحبل عني وأنا كنت كل ثانية بدعي نلحق نخرج
قومت من على الكرسي وأنا جسمي بيترنح وشوفتها جنبي بصيت في عينيها وقلت 
انتي كويسه بصي أنا وانتي هنخرج بهدوء من غير صوت تمام
هزت راسها ببطء وهي بتحاول تبان شجاعة رغم الدموع
مشيت بحذر شديد كل خطوة كأنها بتدوس على نار
وصلنا للباب لاقيته مقفول
قلبي وقع بس عيني لمحت شباك قربت منه بسرعة فتحته بكل قوتي
طلعت الطفلة الأول وأنا بعدها على طول
لكن
سوء الحظ لعب لعبته لقانا
صرخت بصوتي كله وأنا بزعق 
مرااااد
لكنه جري علينا بسرعة كتم بوقي وخدني أنا والبنت تاني جوه
وقال بصوت بارد مرعب بيقطع القلب 
متحاوليش تستخدمي ذكائك تاني عشان هجيبك حتى لو هربتي للمريخ
فضلت أبعده بكل قوتي إيديا بتتهز