رواية حنين عمر وحنين بقلم نجلاء عبد الظاهر (كاملة)
رحاب.. طبعا انتي متعرفيش بنتك ولا ايه
أذكروا الله
تاني يوم
حنين فتحت الباب واتصدمت لما لقت حسام أخوها مسحت دموعها بسرعه وقالت.. حسام ايه المفاجئه الحلوه دي اتفضل
حسام دخل وقال.. شكلى جيت فى الوقت المناسب انا قولت برضوا انتي متقطعيش معانا غير لما يكون فى حاجه
حنين بابتسامه مزيفه.. لاء مفيش حاجه ده انا انشغلت بس شويه و
قاطعها حسام وقال.. عيونك باين فيها الكذب انا عارفك ياحنين من وانتي لسه فى اللفه مالك ياحنين
حنين بصتله وكأنها كانت مستنيه حد يسألها مالها اترمت ف حضنه وفضلت تعيط بشده
حسام فضل يطبطب عليها بحنان ومرديش يتكلم غير لما تهدا خالص
بعد وقت هديت وابتدت تمسح دموعها
حسام.. هديتي ؟
حنين هزت راسها وقالت.. أيوه
حسام.. مالك
حنين بصتله وقالت بحزن.. عمر هيتجوز عليا مرات أخوه
حسام بصدمه.. هيتجوز عليكي ؟ وانتي وافقتي
حنين بدموع.. مش عارفه اعمل ايه انا حزينه اوى عمر كسرني علشان أمه كسرني انا مش عارفه اعمل ايه تعبانه اوي
حسام بغضب مكتوم.
حنين بحزن.. انا حامل ياحسام ومش عايزه ابني أو بنتي يجوا الدنيا ميلاقوش أبوهم
حسام.. حنين انتي هتفضلي لحد امتي طايشه كده ؟ ياحبيبتى ده هيضحي بيكي انتي وابنه علشان يربي عيال أخوه وهيتجوز واحده أكبر منه عمر حقه يتجوز بس انتي مش مقصره معاه فى حاجه انتي بتحبيه اكتر مننا كلنا هتفضلي تضحي علشانه لحد امتي ده هو مقدرش يضحي ولو لمره واحده علشانك الحب مش بقلة الكرامه
حنين.. طب اعمل ايه
حسام بصرامه.. هتلمي هدومك وهتيجي معايا ومسمعش كلمة تانيه
حنين.. بس
قاطعها حسام بغضب.. كفايه هبل بقا لحد كده وسبيني ولو لمره واحده اعرف اعملك حاجه انا هخليكي غاليه وهو لو عايزك هيعمل كل ال هيطلب منه
حنين.. طب والحمل
حسام.. هنشيلك انتي والبيبي فوق راسنا طبعا وانا متكفل بكل حاجه مش هسيبك تتقهررى لوحدك وهو هيروح يعيش حياته يلا
حنين سمعت كلامه ودخلت تلم هدومها
حسام طلع تلفونه ورن على عمر
عمر بقلق.. خير ياحسام
حسام بهدوء.. حنيني هتمشي معايا
عمر بصدمه.. ايه ال بتقوله ده حنين مش هتسيب البيت
حسام.. وده انت قررته لوحدك
عمر.. أيوه هي موافقه على كل شئ خلاص ايه لازمته بقا
حسام.. هي عمرها ماوافقت على حاجه هي طول عمرها مجبره
عمر بغضب.. حنين لو خرجت من البيت هطلقها
حسام.. يكون احسن حنين عندي فى البيت لما تحتاج تتكلم بجديه وتخلص نفسك من جوازتك ابقي تعال كلمني وخليك راجل
عمر مسك غضبه وقال.. حنين موافقه على كده
حسام.. اه
عمر.. تمام بس عرفها أن هي كده بتخسرني
حسام اتصدم من انانيته وقفل التلفون وقال بغضب.. اناني حقير
أذكروا الله
كريمه بسخريه.. عمرك ماهتكون مسيطر قولتلك تكسرلها ضلع علشان تتعلم اهو طالعه جامده وماشيه على هواها
عمر بعصبيه.. أمي بعد أذنك انا فيا ال مكفيني انا مليش عين اقول كلمه وانا عارف ان عندها حق فى كل حاجه حنين حامل وحتي مبينتش ليها فرحتي بالحمل
كريمه.. وهي بحتة حمل تربطك بيها ماتنشف كده متبقاش حنين
عمر.. تفتكرى
كريمه.. ايوه طبعا
أذكروا الله
فى مساء الخميس
حسام دخل البيت وشاف أمه وراح عندها وباس راسها
حسام.. مساء الخير ياحبيبتى
هدي.. مساء النور ياحبيبي حمد الله على السلامه
حسام.. الله يسلمك حنين فين
هدي بحزن.. قافله على نفسها من الصبح ومش راضيه تاكل ولا تشرب هتموت نفسها علشانه النهارده كتب كتابه حسبي الله ونعم الوكيل
حسام بغضب.. هي مش عارفه انها حامل وال بتعمله ده غلط على صحتها وصحة البيبي ال فى بطنها
راح عند الأوضه وخبط بحنان وقال.. افتحي ياحنين ال بتعمليه ده غلط ياحبيبتى
مسمعتش رد قلق جدا وفضل يخبط هو وامها بس برضوا مفيش رد حاول يفتح الباب بس كان مقفول راح جاب مفتاح الاحتياطي وفتحواتصدم لما شاف حنين مرميه على الأرض جرى عليها وشاف النبض لاقاه ضعيف وإيدها متلجه
يتبع
ياترى ايه رأيكم فى رد فعل حسام أخوها وكلامه صح ولا
حنين
الفصل التالي
