رواية حنين عمر وحنين الفصل السادس 6 إلى الفصل الاخير نجلاء عبد الظاهر

مصلحتي بقا من ده كله
كريمه بصدمه.. قتلت !!!
عمر بسخريه.. ايوه شوفتي وصلتيني لأيه حنين لو عرفت هتروح فيها انا كنت مغيب خليتي الانتقام عمى عيني ويوم مانتقم اول واحده تكون حنين ال وقفت جنبي ال محدش حبني قدها حرام عليكي حرام عليكي
قال كلامه وهو منهار ورحاب كانت واقفه وساكته هي وامها وكريمه بتبصله بجمود وقالت بسخريه.. بتعيط علشان ست
عمر بدموع.. علشان نفسي انا مين وفين انا مش مسامحك ابدا ابدا
رحاب قربت منه وقالت.. عمر 
عمر زقها بغضب وقال.. غورى من وشي ابعدي عني انتي طالق طالق طالق انا هبلغ عنك على ال عملتيه فى حنين وفى ابني
أحلام.. نعم ياخويا هتحبس بنتي ده انا اوديك فى داهيه انت نسيت عملت ايه ولا قتلت مين فكر بس تعملها
عمر بصلهم وضحك وقال بسخريه.. عايش وسط تعابين ومخدتش بالي انا فين عقلى كان فيييين
خرج يجرى من البيت وركب عربيته ومشى بأقصى سرعه
أستغفروووا
حنين واقفه قدام أوضة حسام منهاره هي وامها وهاله وصباح بتحاول تهديهم وهي بتعيط
حنين بانهيار.. حسام ياماما هيروح مننا سندنا فى الدنيا هيروح ياما اه ياحبيبي
سليم.. ميصحش كده ياحنين ربنا هيقومه بالسلامه إن شاء الله ادعيله بدل العياط ده
حنين بدموع.. سندي فى الدنيا بعد ربنا ياسليم حسام كل حاجه فى حياتي ياحبيبي ملحقش يحدد فرحه ال حصله كله بسببي انا عايزاه يقوم ليا انا عارفه أن سامعني وسامع صوتي ومش بيحبني أعيط ابدا 
هاله كانت بتعيط بحرقه وضامه هدي فى حضنها وكلهم بيعيطوا 
فى الوقت ده دخل عمر وشاف حنين منهاره وقرب عندها
حنين اول ماشافته هجمت عليه ومسكت فى هدومه وهي بتقول.. انت ال عملت كده في حسام انا هحبسك وهقتلك ياعمر كله الا حسام حسام لاااء امشى من هناااااا
عمر بدموع.. حنين اسمعيني
فجأه حنين وقعت على الارض وامها جريت عليها 
هدي بدموع.. بنتي
سليم بغضب.. امشى من هنا علشان مبلغش الأمن ابعد عنها احسن ليك
عمر بدموع.. مش هأذيها والله
سليم.. اطلع برررره
الدكتوره والممرضين جريوا عليها وخدوها دخلوها الأوضه 
عمر بصلهم بحزن وخرج من المستشفى بندم
سليم اتنهد بحزن وقال.. كان مستخبيلك فين ده كله ياحنين
أذكروا الله
رحاب بدموع.. انا معرفش ازاى سمعت كلامكم اهو خسرت كل حاجه 
كريمه.. هيرجع ياختي متخافيش هيروح فين عمر مبيعرفش يعمل حاجه من غيرى أمه وعرفاه
رحاب وقفت وقالت بصدمه.. هو انتي متأكده أن انتي أمه بجد طب اي كان ال بعمله انا وامي ده علشان عمر مش فارق معانا انما انتي ايه مش حاسه انك دمرتيه طب معندكيش ذرة ندم من ناحيته ده ابنك عارفه يعني ايه ال مات ده حفيدك طب أنا واحده معنديش قلب بس اهو ربنا عاقبني فى ابني انتي ايه بقا هتفوقى امتي  
كريمه بسخريه.. هتعملى فيها ست المواعظ 
رحاب بانهيار.. حسبي الله ونعم الوكيل فيكي وفيا وفى اي حد يأذى غيره علشان حنين طلعت انضف مننا كلنا احنا اسوء ناس موجوده ولا عندنا دم ولا رحمه ولا انسانيه انا هروح اترجاها تسامحني ولو هتحبسني انا موافقه علشان ده عقابي الحمد لله أن اطمنت على ابني انا بقا مش مهم تستاهل كل ال هيحصل ليا
أحلام.. يابنتي
رحاب.. ماما من فضلك كفايه كده راجعي نفسك تاني احنا اغضبنا ربنا ولحد هنا وخلاص انا مش هسمع منكم حاجه تاني انا عارفه انا هعمل ايه
رحاب قالت كلامها وخرجت من المكان بأكمله
كريمه بسخريه.. بنتك اتجننت يا أحلام
أحلام.. بنتي عندها حق احنا اتجردنا من الانسانيه والرحمه احنا الفلوس عمتنا وخلتنا ندوس على الناس فوقى لنفسك ياكريمه وانا برضوا هفوق لنفسى علشان احنا خلاص ايامنا معدوده فى الدنيا صحيح هنقابل ربنا ازاى انا معرفش كان عقلى فين فوقى ياكريمه فووقى
أحلام مشيت وسابتها 
كريمه قعدت مكانها على الكرسي وقالت.. هما اتجننوا خلاص كلهم ضميرهم صحي خلاص كلهم فاقوا وهيطلعوني انا الغلطانه فيهم كلهم دول مجانين انا ال صح وال عملته وهعملوا هو الصح
صلوا على شفيعكم
عمر كان سايق عربيته ودموعه نازله بإستمرار وكان بيكلم نفسه.. ضيعتك من ايدي ياحنين وضيعت ابننا كانت حياتي هاديه وانا دمرتها بإيدي نسيت كل حاجه وفكرت فى نفسى وانانيتي بس سامحيني ياحبيبتى سامحيني
فجاه فى شاحنه كبيرره دخلت في عربيته من غير ما ياخد باله
أذكروا الله
حنين فاقت وقالت.. فين حسام انا كنت بحلم صح حسام كويس انا واثقه هو قالي مش هسيبك
هاله بدموع.. اهدي ياحنين وادعيله يخرج لينا بالسلامه
حنين بدموع.. طيب طمنوني عليه الدكتور فين علشان يقولى حسام عايزك على فكره حسام مستحيل يسيبني هو قالى كده
صباح.. حنين يابنتي كفايه كده ال فى بطنك هيروح منك ربنا هيقومه بالسلامه ياحبيبتى
حنين حضنت خالتها وقالت.. حسام كل حاجه فى حياتي ياخالتوا مقدرش اعيش من غيره والله 
صباح.. معلش يابنتي اختبار من عند ربنا ولازم نكون قده 
حنين.. يارب صبر قلبى يارب أنا عايزه اروح عند اوضته ودوني عنده علشان اطمن عليه
صباح.. بس
حنين.. علشان خاطرى مش هكون كويسه غير لما اشوفه من بعيد 
سندوها بالراحه وخرجوا من الأوضه
سليم شافهم وقال.. خرجتي وانتي تعبانه برضوا
حنين.. ده حسام ياسليم نور عيني
راحت عند اوضته وشافته من بعيد وهو متعلق اجهزه كتير حواليه ونايم خالص دموعها نزلت بحرقه على شكله والدكتور كان عنده جوه وخرج بس كان على وشه ملامح الحزن
حنين بخوف.. مالك يادكتور حسام كويس صح 
هاله بقلق.. طمنا يادكتور بالله عليك
الدكتور بحزن.. للأسف ..........
يتبع
بارت كله حزين فى حزين ايه الاكتئاب ده انا عيطت البارت الاخير بكره خلاص هانت تفاعل بقا
حنين
دمتم بخيرشكرا على التفاعل يابنات البارت العاشر
حنين بخوف.. طمنا يادكتور حسام كويس صح
الدكتور بحزن.. للأسف التحاليل أثبتت أن عنده نزيف داخلى فى المخ واحنا بنحاول نسيطر عليه ادعوله كتير
حنين قعدت بدموع على الكرسى وقالت.. يارب انا مليش غيرك يارب اشفيه 
هدي بحزن.. ياحبيبي يابني حسبي الله ونعم الوكيل فى ال عمل فيك كده يانور عيني
سليم.. انا هروح القسم وهشوف ايه الجديد فى موضوع حنين وحسام عن أذنكم
صباح.. ماشى يابني
حنين بدموع.. حبيبي ياحسام ربنا يطمن قلبي عليك ياحبيبي
هاله بدموع .. ملحقناش نحدد الفرح ده كان فرحان اوى
هدي.. هيقوم منها ابني وانا عارفاه عنده اراده
الجميع.. يارب
حالة حزن كانت مسيطره على الجميع
أستغفرووا
رحاب بدموع.. تفتكرى ممكن حنين تسامحني
أحلام.. الله أعلم يابنتي
رحاب.. انا مستحيل اعمل كده تاني مستحيل اغضب ربنا بالطريقه دي كفايه اوى ال عملته
أحلام.. والله يابنتي انا معرفش فين عقلى وقلبى وديني فين ده كله ازاى مفكرتش فى كل ده الفلوس السبب منعتنا أننا نفكر كويس ونشوف قدر المصيبه ال عملناها 
رحاب بحزن.. يارب تكون لسه حامل وابنها كويس علشان تسامحني انا هروح ليها وهترجاها تسامحني
أحلام.. يارب
أذكروا الله
كريمه بصدمه.. ابني
العسكرى.. أيوه فى المستشفى وحالته خطر ومحتاجين حد من أهله
كريمه بدموع.. ياحبيبي يابني
خرجت تجرى من البيت وركبت تاكسي وطلعت على عنوان المستشفى ودخلت تجرى وشافت الدكتور خارج من العمليات 
كريمه بخوف.. ابني فين ابني كويس 
الدكتور.. للأسف احنا عملنا ال علينا بس هو جاله شلل نصفى لأن الحادثه أثرت على فص الأعصاب والتحكم
كريمه فتحت عيونها بصدمه وقعدت على الكرسي