رواية فى ساعته وأوانه رامي وسما(كاملة الى الفصل الاخير)بقلم نشوى عادل الفصل 13 إلى الاول
المحتويات
ليه
شريف.. يا بنتى بقولك صاحبى من ايام الاعدادى
سما.. طب وهو ازاى يطلع اسرار عملاؤه لشخص غريب طالما هو محترم
شريف.. رامى دخله من سكة انه خطيبك وضحك عليه ع فكرة احمد غلبان اوى وع نياته
سما.. يعنى زى ما وقع ليك سهل يقع لرامى
شريف.. ما قولتلك انا رسيته ع الحوار
سما.. تمام انا هحتاجه اليومين اللى جايين دول بس مش دلوقتى
شريف.. ف ايه
سما.. هتعرف وقتها
شريف.. هو انتى تتعبى لو اتكلمتى دوغرى
سما.. لا حول ولا قوة الا بالله انا مش عاوزة مقاطعة كل شئ بأوانه
شريف.. تمام لما نشوف اخرتها معاكى يلا عشان اوصلكم
لارا.. لا مينفعش عشان خطيبى انت ممكن توصل سما
سما بصت ليها بصدمة وغمزت ليها لارا وقالت بهمس ليها.. ما هو برضه صاحبى ولازم اكرمه
شريف بضحك وهو بيبص لسما.. طول عمرك اصلى يا ابو الصحاب
واخيرا نهاية الاسبوع جات ووصلت فرح على بيت سما واخدتها وراحت ع الكافيه اللى اتفقت مع البنات انهم يتقابلوا فيه
فرح.. تفتكرى هيجوا فعلا
سما بثقة.. ان شاء الله هيجوا
فرح وهى بتبص فى الساعة.. ايوة بس عدت نص ساعة ولسه محدش منهم وصل
سما.. الغايب حجته معاه يا فرح
فرح.. طيب ما ترنى عليهم انتى تشوفيهم فين
سما بثقة.. هما اللى هيتصلوا
وقبل ما ترد فرح بالفعل رن فون سما وكانت ليلى اندهشت فرح وبصت لسما بصدمة اللى ردت وقالت.. اهلا يا ليلى
ليلى.. انا قصاد الكافيه انتى فين
سما.. انا مستنياكى جوه ادخلى هتلاقينى ع اول ترابيزة ع ايدك اليمين وانتى داخلة
بالفعل دخلت ليلى وسلمت عليهم وبعد مدة بسيطة وصلت الاء برضه
الاء.. ممكن اعرف بقى انتى هتساعدينى ازاى
ليلى.. ايه ده هو انتى كمان ضحية لسليم العطار
سما.. مش انتم لوحدكم واحنا كمان
ليلى والاء بصدمة.. ايه
سما.. نسيت اعرفك بنفسى انا سما الضحية الجديدة لسليم العطار بس ده اسمه الحركى لكن اسمه الحقيقى رامى المهندس ودى بقى فرح هى مش ضحية هى صاحبت ضحية انتحرت بسبب غدره ليها
ليلى.. يا ابن ده انا مش هرحمه هخليه يتمنى الموت وميطولوش
سما.. كل اللى انتى عاوزاه هيحصل بس بالعقل مش بالدراع
الاء.. عقل ايه ده انا مش هرتاح الا لما اولع فيه حى
سما.
فرح.. انتى ناوية ع ايه بالظبط
فى_ساعته_وأوانه الثامن
بقلم_نشوه_عادل انتى ناوية ع ايه بالظبط يا سما ولا ايه خطتك
سما.. هرجع ليهم فلوسهم وبعدها هحبسه بقيت عمره
ليلى.. ازاى بقى!
بدأت سما تشرح خطتها ليهم وسط انبهار فرح واعجاب الباقين
الاء.. بجد شابوه ليكى استاذة ورئيسة قسم
ليلى.. هى الخطة حلوة اوى بس معتقدش انك هتقدرى تعملى كده لوحدك
سما.. متقلقيش فيه حد هيقف جنبى انا بثق فيه جدا وهيكون معايا خطوة بخطوة
الاء.. بجد شكرا ليكى انا بابا من ساعة اللى حصل وهو جاله السكر والضغط الفلوس دى كانت شقى عمره
ليلى.. انا بقى امى ماتت من حسرتها وابويا دايما بيعاملنى ع انى وش الفقر اصله مكنش عاوز يخلف بنات
سما.. متزعليش ان شاء الله حقكم هيرجع بس انا عاوزة اعرف هو اخد منكم كام بالظبط
ليلى.. اخد مننا مليون ونص
الاء.. وانا مليونين و٨٠٠ الف
سما.. ان شاء الله فى اقرب وقت هيكونوا معاكم متقلقوش
ليلى.. وانا متفائلة بيكى خير بس انا ممكن اسأل سؤال
سما.. اكيد هتسألى انا ليه بساعدكم وهستفاد ايه مش كده
ليلى باعجاب.. يعنى جميلة وذكية ما انا شاء الله طول عمرى بسمع عن اللى بيفهمها وهى طايرة بس اول مرة اشوفهم ع ارض الواقع
سما بابتسامة.. بساعدكم عشان حاجتين الاولى انى مش برضى بالظلم وخصوصا انى فى ايدى اقدم مساعدة والتانية انى مش بسيب حقى
الاء.. ع العموم احنا معاكى فى اى حاجة بس انا لازم استأذن دلوقتى عشان مينفعش اتأخر
سما.. تمام بس ياريت محدش من اهاليكم يعرفوا حاجة دلوقتى
الاء.. ليه بس ده بابا هيفرح اوى
سما.. لان لا قدر الله ممكن الخطة تفشل ووقتها هتبقى خيبة امل جديدة ليهم فسيبوا الامور تمشى زى ما ربنا رايد واول ما اقولكم الخبر اليقين وقتها عرفوهم
ليلى.. انا شايفة ان سما صح احنا مش ناقصين صدمات تانية معاهم ع العموم انا معاكى بس انا كمان لازم امشى
سما.. تمام اتفضلوا
بعد ما مشيوا ... فرح.. بجد انا منبهرة بيكى انتى ازاى ذكية كده مع انه سورى يعنى ميبانش عليكى انك مفتحة وكده
سما.. فيه فرق بين انى اكون طيبة وانى اكون
فرح.. طيب هو مين الشخص اللى انتى قولتى انك بتثفى فيه وهيساعدك ده
سما.. ده واحد معرفة قديمة اوى وهو هيقف جنبى
فرح.. ايوة مين هو ولا اسمه ايه
سما بضحك.. ع اساس انى لو قولتلك اسمه انت كده هتعرفيه
فرح.. يمكن ليه لا
سما.. لا متعرفهوش ويلا نروح عشان انا هموت وانام عيب والله حتى يوم اجازتى مش عارفة ارتاح
فرح.. اممم بتتهربى ماشى يا سيمو مسيرك تقعى واعرف مين الشخص الغامض بسلامته
فى اليوم التالى اتصلت سما على شريف وطلبت تقابله وبالفعل اتقابلوا وقالت.. عاوزة اقابل احمد بتاع البنك
شريف.. ليه
سما.. هتعرف كل حاجة لما يجى ونتكلم لانى مش عندى استعداد اشرح الموضوع مرتين
شريف.. طب ما ترسينى ع الحوار وانا هكلمه بنفسى
سما.. لا معليش يا شريف انا حابة اشوفه واتكلم معاه
شريف.. انتى مش واثقة فيا
سما.. لو مكنتش واثقة فيك مكنتش حكيت ليك ع كل حاجة من البداية وع كل خطوة بعملها ولسه هعملها كنت بمنتهى البساطة روحت ليه بنفسى واتفقت معاه بدون علمك بس انا حابة انك تكون معايا خطوة بخطوة لانى بثق فى رأيك
شريف.. لو كنتى فعلا بتثقى فيا وفى رأيى كنتى فهمتينى الدنيا قبل ما يجى
سما.. صدقنى كل خير وانت كده كده موجود وسامع كل حاجة
شريف.. تمام يا سما اللى يريحك
بالفعل اتصل ع احمد وطلب منه يجى ع الكافيه وبعد السلام والتعارف
سما.. استاذ احمد باش مهندس شريف قالى انكم اصحاب وانك شخص مسؤل ويعتمد عليه عشان كده انا عاوزاك فى خدمة
احمد.. والله لو بايدى مش هتأخر
سما.. انت لسه بتكلم رامى المهندس
عدل احمد نضارته باحراج.. معايا رقمه وهو قالى لو فيه جديد اعرفه بس والله انا لما عطيته المعلومات مكنش فى نيتى اى حاجة وحشة خصوصا انى شوفته معاكى مرة
سما.. وانا واثقة ان نيتك كانت خير عشان كده انا هعتمد عليك
احمد.. اؤمرى
سما.. عاوزاك تكلمه وتقوله ان الوديعة زادت وبقت حوالى ١٥ مليون وتبعتله الورق اللى يثبت الكلام ده ولو طلب يشوفه بنفسه اطبعه ووريه ليه
احمد.. هو سهل بس هيكون فيها مسألة قانونية لو اتعرفت وخصوصا ان ده تزوير وكده
سما.. اطمن عمرها
احمد.. تمام اعتبريه حصل ان شاء الله
سما.. طبعا حضرتك عارف انه مش لازم يعرف عن اتفقنا ده حاجة
احمد.. اكيد اطمنى انا هظبط الاوراق وابعتها للباش مهندس يعملها check up قبل ما اكلمه
سما.. تمام شكرا جدا ليك
احمد.. تمام اى خدمة تانية
شريف.. شكرا يا احمد ع تعبك معانا
احمد.. عيب متقولش كده مفيش تعب ولا حاجة يلا استأذن انا
بعد ما مشى احمد .... شريف.. ممكن اعرف ده ليه ولا هتقوليلى بأوانه برضه
ضحكت سما وقالت.. انا اقسمت انى هرجع حق البنات والفلوس اللى اخدها منهم اما للبنت اللى انتحرت فنويت اسجنه بقيت عمره وعشان اقدر اعمل كده لازم ابان قصاده انى نايمة ع مبلغ تقيل اوى يوم ما اطلب منه حاجة يعطيها ليا اضعاف وهو مطمن ان المبلغ اللى هياخده هيكون ضعفه فهمتنى
شريف.. حلو بس انتى هتعملى كده ازاى
سما.. ليها تفكير بس احمد يجهز الورق الاول وانا هشوف خطة وانت كمان حاول وبالمناسبة فيه بنوتة عاوزة اعرفك عليها
شريف.. مين هى !
سما.. صاحبة البنت اللى انتحرت
شريف.. قصدك فرح
سما بصدمة.. وانت تعرف فرح منين! ووووو ......يتبع
فى_ساعته_وأوانه التاسع
بقلم_نشوه_عادل وانت تعرف فرح منين اصلا معقول تكون انت اللى بعتها ليا عشان تعرفنى حقيقة رامى
شريف.. ايوة دى الحقيقة وكمان فرح بنت عمى مش غريبة يعنى
سما.. انا دلوقتى فهمت معنى انها تسألنى مين الشخص اللى هيساعدك ويمكن اطلع اعرفه طب انت ليه عملت كده ليه مجيتش انت وقولتلى بنفسك
شريف.. خوفت ... خوفت متصدقنيش وتفكرى انى بعمل كده عشان اوقعك فيه وابعدك عنه خصوصا انك مكنتيش بتعطيلى اى فرصة او مجال لاى كلام ولان كان عندى شك ان هو نفس الشخص اللى ضحك ع رؤى صاحبت فرح ولما اتأكدت بعتها ليكى عشان تحذرك
سما.. وانت مفكر انى كنت ممكن اكذبك اومال ازاى بتقول انك عارفنى كويس لو كنت فعلا عارفنى زى ما بتقول كنت فهمت ان طالما فيه دليل واضح كنت هصدقك اكيد
شريف.. فرح كانت اصلح شخص يقوم بالمهمة دى اكتر منى خصوصا انها عارفة الحكاوى من الالف للياء وكل اللى كان فى بالى وقتها انى انقذك من الكلب ده خاصة بعد ما عرفت انك موافقة تعطيله الفلوس فحبيت اساعدك من بعيد عشان
سما.. طب انت ليه عرفتنى دلوقتى ليه مستنتش لحد ما اللعبة
متابعة القراءة
