رواية يتيمة في قبضة صعيدي عز وملك (الفصل 12 و 13 و 14 و 15و 16) بقلم نيرمين حمدي
المحتويات
أكل جديد في وقت قليل جدا ذي دا دي شطاره اشهدلك عليها
رقيه بابتسامه.. انا مبسوطه منك اوي ياملك براڤو عليكي
ماهر يضع يده علي رقبته بحرج.. بصراحه كنت فاكر الموضوع هيفلت منك بس اهو كسفتينا
ملك كانت عينها بتروح وتيجي علي عز عشان يقول كلمته هو كمان بس هو مكتفي انه يسمع.. الكلام دا كتير عليا اوي
جليله.. بصي يابنتي انا مبحبش الغلط.. بس بحب الي يغلط يصلح غلطه.. ورغم انك مغلطيش وان سبب الملح دا منعرفهوش لدلوقتي بس انت صلحتي كل حاجه في نص ساعه بس
ملك ابتسمت بلطف وحضنت جليله وجليله حضنتها جامد.. ربنا يحفظك ياحبيبتي
رقيه بتريقه.. ايوة ياعم من لقي حبابه نسي صحابه
جليله لرقيه.. انا كنت مرتاحه منك جايه ليه جاتك ستين مصيبه
ماهر.. اومال مين الي قعد يزن كلمها كلمها
الكل بقي بيضحك واليوم خلص بنهايه سعيده
ملك.. طيب بما ان كلنا مبسوطين انا هعملكم عصير
ملك دخلت المطبخ هي وسعيده ورقيه يعملوا عصير وبعد دقائق خرجوا وملك قدمت العصير لكل واحد فيهم وحات عند عز وقال هو وبيسحب الكوبايه.. مقولتيش عايزه ايه مكافئه
الكل استغرب
جليله.. مكافئه ايه دي
عز وهو باصص لملك.. كنت واعدها بمكافئه لو الاكل عجبني
رقيه.. علي فكره انا ساعدتها ليا نص المكافئه
عز.. صاحبه الشأن بقي هي الي تقرر
ملك ابتسمت بخجل واقتربت منه وبهمس.. ممكن اقولك بعدين لما نكون لوحدنا
عز بيقترب هو كمان ويهمسلها.. تمام براحتك
فياض.. متعلوا صوتكم مش سامعين
جليله بهزار.. ياخي افهم البت مش عايزه تقول إلا لجوزها
ملك وشها احمر وبتقول ياارض انشقي وابلعيني وبتجري ع المطبخ
عز واقف مبتسم علي خجلها
عدا اليوم والكل راح اوضته يرتاح من يوم طويل ومتعب وملك فضلت في البلكونه بتعت
ملك فضلت باصه علي المكالمه قلبها بيدق بسرعه.. ألو
عز.. تعالي دقيقه تحت في الجنينه عايزك
ملك.. حاضر
ملك جريت غيرت البيجامه الي كانت لابساها ونزلت علي تحت لقيته قاعد باصص للسما
ملك.. أنا جيت
عز عدل قعدته وبصلها.. اقعدي
.. احنا بقينا لوحدنا اهو قوليلي عايزه ايه
ملك ابتلعت ريقها ببطئ واتوترت جامد مكانتش فاكره ان قعدتها معاه لوحدهم وهي بتختار مكافئتها هتبقي صعبه كدا.. اااا لا انا مش عايزه حاجه
عز.. مفيش حاجه اسمها مش عايزه حاجه.. انا قولت ليكي عندي مكافئه.. اختاري اي حاجه انتي نفسك فيها وهتبقي تحت رجلك اي كانت اية هي انا مستعد اجبهالك
ملك لنفسها.. لو ينفع اطلبك انت
عز.. انا مش هقترح عليكي اي حاجه.. وعايزك تختاري بنفسك.. قولي الي نفسك فيه ياملك ثم قال بضحك.. انا غني متقلقيش
لتضحك ملك ثم تسرح وتقول.. الحاجه الي عايزاها ملهاش علاقه بغني او فقير
عز دماغه بقت بتروح وتيجي .. تعبتيني.. اية هي بقي الحاجه دي
ملك.. ااا عايزه ااا
عز منتبهه معاها وعايز يطلع بجمله مفيده بس هي كانت متوتره جدا.. قولي متردده ليه
ملك بصوت مهزوز وايدها بترتجف.. نفسي في حاجه وخايفه متقدرش تديهاني
عز سكتت للحظات الموضوع بقي اكبر من انه يبقي مكافئه ثم قال.. انتي عايزه ايه بالظبط
ملك وقفت.. خلاص صدقني مش ضروري.. انا كفايه عندي انك صدقتني واديتني فرصه اثبت نفسي مش عايزه حاجه اكتر من كدا
عز وقف بجمود وثبات.. عايزه ايه ياملك
ملك بتنفجر.. عايزاااااااك
عز وقف متجمد كلمتها وقعت عليه كالصاعقه قلبه كان بيخبط كأنه هيخرج برا جسمه
رقيه.. ماهر
ماهر قاعد علي اللابتوب.
رقيه.. ماهر رد عليا
ماهر قفل اللابتوب.. عايزه ايه من زفت
رقيه.. ماهر.. انا اسفه بجد.. انا غلطت وندمانه.. انت وحشتني وانا من غيرك مش انا وبحس نفسي تايهه
ماهر.. كام مره تتأسفي واعدي واقول بكره تعقل وترجعي لتصرفاتك الغبيه دي
رقيه بعياط.. اوعدك اني مش هكرر تصرفاتي دي تاني وهفكر كويس قبل متصرف بس متعاقبنيش بسكوتك
ماهر بحنيه .. لو رجعتي تكرريها تاني مش هعرف اسامح واعدي
رقيه وهي بتعيط.. ساعتها هيبقي حقك انك تعمل الي انت عايزه
عند عز وملك
عز كان مصدوم من كلمتها وبعد ثواني بصلها وبحده.. اية الي انتي بتقولية دا
ملك اتوترت ووشها اصفر.. أنا.. أنا أسفه.. مش قصدي أقول كدا.. خرجت مني غصب عني
عز بنفس النبره الحاده.. انتي عارفه بتقولي ايه عارفه معني الكلمه دي ايه ثم قرب منها خطوه
.. انتي فاكره الموضوع لعب فاكره لما تقولي كلمه ذي دي الدنيا هتمشي ذي ماانتي عايزه
ملك بتدمع وهي بتهتته.. لا والله.. انا بس كنت.. بتكلم من قلبي.. انا اسفه
عزبص بعيد وشد نفس عميق وهدي نبرت صوته شويه.. انا مش عايز أزعق.. بس الكلمه دي تقيله.. اكتر من الي انا اقدر اتحمله
ملك وهي بتعيط.. انا مش طالبه منك حاجه.. انا قولت الي جوايا وخلاص
عز.. طيب وانا هقولك الي جوايا انا راجل ميعرفش للحب طريق ولا بتاع مشاعر ولا بيعرف يشغل دماغه ببنت
ملك بدموع هاديه .. انا اسفه.. مش هعيدها تاني
عز قرب منها صوته بقي هادي اكتر.. ملك انا مقدرش ألوملك.. ولا هزعل منك.. بس متربطيش نفسك بيا.. هعتبر انك لسه مختارتيش مكافئتك فكري فيها صح وقوليلي
ملك بتحاول تبتسم رغم الوجع.. تمام.. مفهوم
عز لف الناحيه التانيه.. تصبحي علي خير
ملك مشيت من غير مترد كل خطوه بتخطوها
كل دا ورضوي كانت بتراقبهم من البلكونه بتعت اوضتهم بس مكانتش سامعه حاجه.. في حاجه غلط.. وهعرفها
رضوي لبست هدومها ونزلت تلحق ملك قبل متدخل اوضتها.. ملك
ملك اول مشافتها مسحت دموعها بسرعه.. نعم
رضوي بخبث.. معيطه ليه
ملك بضيق.. حاجه متخصكيش يارضوي سبيني في حالي
رضوي.. لا انتي ولا حالك يخصوني في حاجه انا الي يخصني عز والي تفكر تعصبه او تخنقه مش هيحصلها كويس
ملك باستغراب.. انتي ازاي بجحه كدا.. مش ملاحظه ان الي بتتكلمي عليه دا يبقي جوزي
رضوي ضحت بسخريه.. جوزك! هههههه بيعجبني فيكي انك مصدقه نفسك.. وياترا بقي جوزك دا عن حب ولا هههههه
ملك بغضب داخلي.. مش هتفرق كتير في النهايه بقيت علي اسمه ودي حاجه انتي مقدرتيش توصليلها
رضوي اتجمدت مكانها لسانها اتلجم ردود ملك بقت قويه لدرجه عرفت توقفها عند حدها.. افتكري اني قولتلك متتعشميش اوي كدا.. عز قادر انه يطلعك سابع سما وفي ثانيه ينزلك سابع أرض ثم ضحكت باستهزاء وقالت.. وشكلك نزلتي سابع أرض
ملك بصتلها بضيق وسابتها ومشيت
اما عز كان برا افكاره متلخبطه صوت ملك وهي بتقوله عايزااك مش بيفارقه
ثم اخرج زفير بضيق واضعا يده علي رأسه هو مكانتش متخيل ان هو دا يبقي طلبها
عز لنفسه بضيق.. لو كنتي طلبتي ثروتي كلها.. كان هيبقي أهون عليا من طلبك دا
ثم طلب من الحارس انه يجيبله حكول عشان يقدر ينسي الي حصل
والحارس جبله ثم بدأ عز انه يشرب كان بيشرب علي غير العادي كأنه بينتقم من نفسه وهو بيردد.. ليه ياملك.. انتي تستاهلي حد أحسن مني.. حد يقدر برائتك وحبك.. ليه تحبي واحد ذي.. انا مش رافضك.. بس انا رافض نفسي اكون
متابعة القراءة
