رواية جحيم الغيره (جميع الفصول مكتملة) بقلم اماني السيد ج١
المحتويات
ـ عارفه يا منى انا كل أما بسمع معاناة اختى مع جوزها بحس بسعاده كبيره اوى اوى جوايا وخاصة وهى بتتكلم عن جوزها وأنه ازاى مضيق عليها فى المصاريف
ـ يانهارك اسود انتى مجنونه
ـ وفيها ايه راجل وبيتحمل المسئوليه وعايش معاها خمس سنين قبل ما يعرفى وكان مروريها الهنا كله ليه مايبقاش ده كل بتاعى
انا احلى منها وأجمل منها واستحق العيشه دى
ـ بس يا مجنونه
ـ بس بيحبنى انا
ـ طالما بيحبك ماختركيش ليه من الاول
ـ عشان وقتها انا كنت بفكر في مستقبلى ومكنتش عايزه اتجوز إنما ملاقتش فايده من الشغل فقررت اتجوز واقعد فى البيت
ـ ومن قله الرجاله ملاقتيش غيره
ـ كل اللى اعرفهم مش بتوع جواز واللى عايزين يتجوزوا مش معاهم فلوس
ـ وهو اللى معاه ، مانتى مش سمعاها وهى بتحكى
ـ منى انتى مش واخده بالك الملابس الماركات اللى . بقيت ألبسها ولا الدهب اللى بقيت البسه
ـ هو ياسين اللى بيجبلك كل ده
ـ أه هو كل ده عشان يرضينى
ومش بس كده بقى يتعمد يضربها عشان تيجى تغضب عند ماما ويعرف يكلمنى براحتوا وكل اللى بيعمله معاها ده عشان يرضينى
ـ وانتى بتبقى مبسوطه بكده
ـ أه طبعاً بحس انى ست ومرغوب فيها وإن ممكن الاقى اللى يبيع العالم كله عشانى ، عشان كده انا هتجوزه
ـ بس ده راجل مايتأمنلوش
ـ لأ ده اهبل انا اللى عرفت اجيبه على ملى وشه
ـ يعنى خطفتيه
ـ هو عيل اخطفه ده راجل كبير يا منى يعنى الموضوع لو مش على هواه مش هيعمله بالعكس ده مصدق أنى شاورتله بصباعى الصغير وجه تحت رجلى وسايبنى امشيه زى ما انا عايزه
ـ
ـ بالعكس حاسه بإنتعاش جوايا كل شكوى بتشتكيها
فردوس من عمايل ياسين بتدخل على قلبى تفرحه
ـ ليه الكره ده كله ليها
ـ أوعى تكونى فاكره فردوس بريئه لا دى سهتانه طول الوقت عامله نفسها الطيبه وانا الشريره ، تعرفى بابا قبل مايموت قسم الورث وهو عايش خاف انى ممكن اكل حقها
كلهم شايفنى ظالمه وانى بغير منها رغم انى مكنتش كده بالعكس كنت بحبها
وهى عمرها محاولت تدافع عنى بالعكس كانت مبسوطه بكلامهم او انهم يمدحوها
ـ مايمكن عملتى حاجه خليتهم يشفوكى كده
ـ خالص على فكره كنت بنت طبيعيه جدا بحب ألعب واجرى واعيش حياتى انما فردوس هاديه وبتحب قاعده البيت
ـ يبقى كده الذنب ذنب أهلك أنهم كانوا بيفرقوا فى التربيه ، هى مالهاش ذنب
ـ وانا مكنش
وانا شيفاهم واقفين مصدومين مش مصدقين اللى بيحصل
ـ طيب ليه فردوس مستحمله ياسين كل ده
ـ عشان هو رافض يديها حقها عايزها ، تتنازل عن القايمه بتاعتها
ـ طيب ماتخليها تاخد حاجتها على الأقل يجبلك كله جديد
ـ لأ انا عايزه كل حاجه تخصها عايزه مطبخها اللى اختارته بنفسها واللى كانت بتقضى وقتها بتمارس فيه هوايتها المفضله
اوض نوم اولادها اللى كانت بتختارها بعنايه عايزه أخد كل حاجه تخصها
حتى اللبس والملايات عايزه كل حاجه يا منى كل حاجه
فضلت منى باصه لصحبتها بقله حيله
فى صغرها كانت دايما ابتهال بتعانى من تفرقه ابوها وامها بينها وبين اختها لحد ما اتولد داخلها
متابعة القراءة
