جحيم الغيرة الفصل الثاني 2 بقلم اماني السيد
فى اليوم التالى راحت فردوس مع ياسين للمحامى وبعدها راحوا للمأذون
وكان معاهم اولادهم ومهتمش ياسين بنفسيه الاولاد أو أنهم شايفين باباهم بيبعهم هو ومامتهم
كانت فردوس من داخلها حاسه بقهر ليه جوزها بيعمل معاها كده ايه اللى وصله للمرحله دى إنه يبيع اولاده ومراته عشان ايه كل ده
بعد ما خلصوا كل الإجراءات ونزلوا فى الشارع امام مكتب المأذون قررت فردوس انها تعرف منه سبب واتمنت انه يجاوبها ويريحها ليه بقى يعمل معاها كده وقفت فردوس قصاد ياسين وبدأت تكلمه بجدية
ياسين خلاص اطلقنا وعملتلك اللى انت عايزه صح
اه
طيب عايزه أسألك سؤال انت ليه بتعمل معايا كده ليه رمتنى انا وولادك بالطريقه دى
هنبدا بقى جو الشحاته وتعكريلى مزاجى
لأ مش شحاته ولا تعكير مزاج بس من حقى اعرف ليه قلبت علينا مره واحده كده
بكره تعرفى أنا ماعنديش وقت اضيعه معاكى
وسابهم فى الشارع وركب عربيته ومشى وبعدها فردوس وقفت تاكسى واخدت ولادها وراحت على شقه مامتها
فى منزل ابتسام والده فردوس
أتصلت ابتسام بفردوس عشان تطمن عليها وردت عليها فردوس وكان باين فى صوتها انها ماسكه نفسها عن العياط كان صوتها مخنوق ولو حد قالها مالك هتبدا فى نوبه
ها يا فردوس عملتى ايه
خلاص كل حاجه خلصت وانا دلوقتي فى العربيه وجيالك انا والاولاد
تنورى بيت ابوكى يا حبيبتي هروح اجهزلك اوضه ليكى عشان ترتاحى فيها عشان اكيد جايه تعبانه
قفلت ابتسام مع بنتها ودخلت اوضه ابتهال لاقتها ماسكه الموبايل وبتتكلم فيه
بدات ابتسام تدى اوامرها لبنتها عشان تنفذها كالعادة
ابتهال يلا بسرعه قومى فضى الاوضه دى
ليه
اختك جايه وهتقعد معانا على طول
طيب مافى غرفتين تانيين فى الشقه اشمعنى الاوضه بتاعتى
دى كانت اوضتها قبل الجواز والاوض التانيه محتاجه تنضيف احنا هنفضلها دى الاول وبعدين نروق الاوضه بتاعتك القديمه لولادها
وانا اقعد فين فى الشارع
لا خدى الاوضه الصغيره
بتاعت النانى
مبقاش فى نانى خلاص من زمان وبعدين ماهى موجوده فى الشقه مش بقولك انقلى الشارع اللى ورا
انا لو روحت الشارع اللى ورا يبقى اكرملى بصى من الاخر كده انا لا هروق ولا هفضى مكانى لحد وماتنسيش انى ليه فى الشقه دى زيك انتى وبنتك ومش مطالبه اسيب اوضتى عشان بنتك اطلقت وجايه تعيش معانا
وانتى عرفتى منين انها اطلقت
واحده هتعيش مع اهلها على طول تتفهم ازاى
ابتهال
لا هنضف ولا هنقل انا قاعده فى نصيبى فى بيت ابويا مش عاجبك قاعديها فى اوضتك على الاقل اوضتك اكبر
انتى مستخسره الاوضه فى اختك منك لله يا شيخه مش كفايه كسره قلبها وهى مطلقه وبقت بطولها بعيالها
مش مشكلتى انها مش ماليه عين جوزها
بمجرد ما انتهت نهال من الكلمه قامت والدتها بضربها على وجهها بشده
انتى بنت قليله ادب وانا معرفتش اربيكى اوعى اسمعك تقولى الكلام ده قدمها بإذن الله تجربى احساسها ويحصلك اللى حصلها
نظرت ابتهال لوالدتها بقهر من رد فعلها وازداد داخلها شعور الانتقام من امها ومن اختها
بدأت نظرات ابتهال تزداد شراسه مما جعل والدتها تخشى رد فعلها
نظرت ابتهال لوالدتها بقوه واتكلمت بصوت هادى وحاد ممزوج بالشراسه
اطلعى بره الاوضه بتاعتى حالا
خرجت والدتها مسرعه وهى تتمتم بصوت واطى ولكن ابتهال سمعته
بنت عاقه منك لله بإذن الله تجربى قهره قلبها
جلست ابتهال مره أخرى على السرير ووضعت يدها على خدها وحاولت كتم الدموع حتى لا تدخل امها مره اخرى وترى ضعفها.
قامت ابتهال واخرجت من الدولاب اجمل هدوم
اما بسببها او حول شئ يخصها ولكن مأساتها دائما كانت لها علاقه بها
الان تبدلت الادوار واصبحت اختها هى التى تمتلك تلك النظرات نظرات الوجع والحزن والقهر
ستجلس وتتحدث معها لتملئ عينيها بذلك الوجع الذى تملك من اختها وتسمع شكواها لتهدأ تلك النار التى بداخلها
بعد فتره وصلت فردوس وطلع البواب الشنط كانت ابتهال قاعده ومعها كوبايه النسكافيه منظره الفيلم يبدأ قدامها
خرجت والدتها وحضنت فردوس وفضلت تهدى فيها وتواسيها وبدأت فردوس العياط بقوه وقهر
لكن كان صوتها بالنسبة لابتهال معذوفه موسيقية بتهدى الاعصاب
مقدرتش ابتهال تمسك ابتسامتها وقامت وراحت لاختها بحجه انها بتواسيها
ادخلوا يا ولاد اتفرجوا على التلفزيون وانتى يا فردوس بطلى عياط وتعالى احكيلى حصل ايه
انتى خارجه يا ابتهال
اتكلمت مامتها وسبقت كلام ابتهال .
لا يا حبيبتي حتى لو خارجه كل مشاويرها تتأجل وتقعد معاكى
تجاهلت ابتهال كلام والدتها وقررت انها تعكس كلامها
اه عندى تمرين كمان ساعتين كده وبعدها خارجه مع صحابى
خدى اختك معاكى
لأ اختى ماتعرفش
