جحيم الغيرة الفصل الثاني 2 بقلم اماني السيد
صحابى ولا عمرها راحت جيم اخدها معايا ليه هى عيله صغيره تبقى تروح لواحدها او جوزها يوديها
بصتلها امها بغيظ
انتى بتستعبطى مانتى عارفه ظروفها .
اه معلش منا معرفش التفاصيل طيب احكيلى يا فردوس حصلك ايه يمكن اساعدك
أبدا يا ابتسام جوزى مش عايزنى لا انا ولا العيال وبطل يصرف علينا واجبرنى على الطلاق ومش بس كده ده خلانى اتنازل عن كل حاجه
اتكلمت ابتهال بشماته ولكن كانت متداريه خلف حديث ممتلئ بالمواساه
معلش يا فردوس مايمكن بطل يحبك وبقى يحب واحده تانيه اصل مافيش راجل يكره مراته بالشكل ده غير لو حب واحده تانيه
معقول
. اكيد الراجل لما مراته ماتبقاش ماليه عينه بيدور هلى اللى ناقصه بره وانتى
قالت الكلمه وسكتت بسبب تدخل مامتها فى الكلام
إيه القرف اللى بتقوليه ده انتى اختك تملى عين أى حد هو اللى راجل وسخ وعينه زايغه
ده عشان هى بنتك بتقولى كده
بصى الفرق بينى وبينها وانتى تعرفى مين اللى ينبصله
اختك طبعا تكسب انتى فيكى ايه انتى
لا
ابقى خلى حبك ينفعها انا حبيت انصحها لكن للأسف كلامى معجابكوش فماتزعلوش بقى
قالت كلامها بطريقة مليانه بالوعيد والاستهزاء وبعدها سابتهم وخرجت تقابل ياسين منفذها الوحيد للانتقام من اختها وأهلها
فضلت والدتها تنادى عليها عشان ماتخرجش لكن ابتهال تجهلتهم وخرجت
بصت فردوس لمامتها
هى مالها ابتهال وبعدين جابت الحاجه دى كلها ازاى وامته ده مرتبها يادوب بيكفى قسط الشقه ولبسها اللى مش بيخلص
انا اعرف اختك دى محدش يعرف عنها حاجه
حتى موضوع الشقه القسط اللى هى جابتها دى معرفتش عنها حاجه غير وانا بدور فى دولابها بالصدفه شوفت العقد ولما سالتها ردت عليه بالعافيه
ولحد دلوقتي معرفش مكانها ولا مساحتها ولا أى حاجة عنها والعربيه بتاعتها من حوالى كام شهر كده بدلتها بعربيه جديده ولما شوفتها صدفه وهى بتركن قالتلى بدلت القديمه بالجديده ودفعت فرق فى البنك
تصدقى
انتى عبيطه ده هى اللى طول عمرها بتغير منك
سيبك منها انا روقتلك الاوضه اللى فى الوش والاوضه الصغيره هدخل اجهزهالك عشان الولاد قومى ارتاحى انتى وانا هخلص الغدا واصحيكى تاكلى
خرجت ابتهال وراحت تقابل ياسين فى احدى الكافتريات
كان ياسين قاعد منتظهرها على احدى الطاولات اول ماشفها قام وقرب منها يستقبلها
استقبلته ابتهال بابتسامة مزيفه وقاعدت معاه
إيه الأخبار
عملت كل اللى طلبتيه منى هنتجوز امته
لما عدتك تخلص
نعم انا راجل ماليش عده انتى فكرانى ست ولا ايه
ياسين ركز يا بابا انت مطلق فردو مش بنت خالتى يعنى ماينفعش نتجوز غير لما العده تخلص
بس انا طلقتها بلا رجعه
أيا كان طلاقك وسببه ايه طالما فى عده يبقى ماينفعش لا تتجوز لا اختها ولا عمتها ولا خالتها غير بعد انقضاء العده
انا اول مره اعرف إن الراجل ليه عده طيب اعمل ايه دلوقتي
أبدا انت عملت اللى مطلوب منك وكل المطلوب دلوقتي إنك تستنى فتره العده
وانا اقدر انتى بس اللى ماترجعيش فى كلامك
ماتخافش بس عايزاك تنزلى بوستات فيها رومانسيه وكلام حلو من غير ماتحط اسمى عايزه وتكتب انك فى العلاقه عشان اضمن انك ماتبصش لحد غيرى ولا عينك تزوغ كده أو كد
واعمل حسابك انى مراقبه الاكونت بتاعك كويس اوى
حاضر يا روح قلبي هعمل كل اللى انتى تطلبيه
فضلت ابتهال قاعده معاه فتره بسيطه عشان تأكد عليه طلبتها
وخاصه انه يكتب انه ارتبط على الفيس بوك لانها عارفه ومتاكده إن فردوس هتراقب ياسين وهى عايزه تكسرها مره لما تعرف إنه اتخطاها ف ىنفس يوم طلاقهم
خلصت ابتهال كلامها مع ياسين وركبت عربيتها عشان تروح الجيم
وطول الطريق كانت بتفتكر زكريات الطفوله عشان لو قلبها حن على اختها الماضى يفكرها
ياترى ايه الماضى اللى وصلهم لكده
صوره الغلاف لابتهال برافوا للناس اللى خمنت صح
أمانى سيد جحيم الغيره البارت الثاني
البارت الثالث
https://pub153.lamha.news/23634
من
