رواية جريمة في قلب عاشق (جميع الفصول مكتملة) بقلم منال كريم ج١
أعمال معروف بلاش تدمر سمعتك
قال ببرود.. ملكيش دعوه بي
و قومى أدخلي جوه اوعى تخرجي هنا من غير اذني فاهمه
أجابت بعصبية.. أدخل جوه ليه
قال بغيره.. علشان مينفعش كل الرجال دى تبص على مراتي
نظرت حوالها و سألت بعدم فهم.. هى فين مراتك
كريم بحب.. انتي يا حبيتي
ملك بعصبية.. أنت مجنون وأنا كده مبسوطه
كريم بغضب.. قومي يا ملك
ملك بغيظ.. حاضر
و دلفت ملك إلى الداخل قابلت امراه عمرها ٤٥ سنة
ناديه باحترام.. انسه ملك تحبي نعمل الغداء ايه النهارده
ملك بتعجب.. وانا مالى وانتي مين اصلا
ناديه باحترام.. انا مديره المنزل وكريم باشا قال إن حضرتك سيده المنزل
ملك بذهول.. سيده ايه انا مخطوفه هو الخطف اتقدم اوي كده.. بقول ايه انتي شكلك ست طيبه ممكن تساعدني اهرب من هنا.
ذهبت ناديه من أمامها دون إجابة
وملك صعدت الى الغرفة
خرجت ناديه إلى كريم
كريم.. يعني رفضت تقول تاكل ايه
ناديه.. ايوه يا فندم وكمان قالتلي اساعدها تهرب
كريم.. طيب روحي انتي اعملي اي اكل
ذهبت ناديه
قال بحب.. ملك كريم السيوفي
عند ملك
تسير في الغرفه بعصبية
و تحدث نفسها بصوت مسموع.. أنا غبيه يعني يوم ما يجي عريس ارفضه وكمان يطلع كريم بيه دى كانت نصره ليا قدم أهل البلد كلهم بس حظي النحس طيب أعمل ايه أسمع كلامه ونكتب الكتاب وبعدين ارجع البلد لا طبعا أنا شرفي الحاجة الوحيد اللى أملكه عمري ما فرط فيه ربنا موجود.
ظلت ملك فى الغرفة
بعد وقت دق الباب
ملك.. مين
كريم.. أنا
ملك.. عايز ايه
كريم.. افتحي الاول
ملك.
كريم.. أنزلي علشان تأكلي
ملك.. مش جعانه
قال بصوت عالى.. لو مش تخرجي حالا ادخل أنا
خرجت ملك
ملك بعصبية.. ايه مش عايزه أكل
كريم بهدوء.. وراي
نزلت ملك خلف كريم وجلسوا يتناولون الطعام
مر أسبوع على خطف ملك
أهلها كانوا يبحثون عنها في كل مكان لكن خايفين يبلغوا البوليس ل الخاطف يقتلها مثل ما قال
أما ملك كان الجميع يعاملها على أنها ملكه فى هذا المنزل
الجميع يحترمها وينفذ أمرها
كانت سعيده أن أحد يتصرف معاه با احترام
ولكن كانت لا تمل أن تهرب ولكن دائما تفشل .
أما كريم كان لا يذهب إلى العمل حتي لا يبتعد عنه وحبها أكتر بعد إصرار أنها لا تتزوج الا بعد العودة إلى المنزل
________________________
فى حديقة الفيلا
سامح.. يا فندم حضرتك لازم تحضر الاجتماع ده
كريم.. أنت موجود يا سامح
سامح.. لو كان ينفع كنت عملت كده من فضلك انت بقالك أسبوع مش بتروح الشركه
كريم.. يعني لازم اروح
قال سامح.. ضروري جدا
قال بعصبية.. تمام يلا
خرج كريم مع سامح و بعض الحراس.
وجدت ملك أنها فرصة رائعة للهروب.
وضعت ملك خطه للهروب
و هي تتذكر شي مهم عن مديرة المنزل
كانت ملك فى المطبخ مع ناديه
جاء حارس و أعطى نادية دواء
سألت ملك.. ايه الدواء ده يا مدام ناديه
ناديه.. ده منوم مش بعرف أنام الا لما أخد منوم
سألت مرة أخرى.. ليه كل الاكل ده
أجابت نادية.. الاكل اللي يتعامل ياكل منه الكل الحراس و العاملين في المنزل و حضرتك و كريم باشا
أومأت رأسها بتفهم و ابتسمت بخبث
استطعت
وخرج الطعام لكل الحراس و العاملين في المنزل
و بالفعل بعد تناول الطعام ظل يسقط شخص تلو شخص حتي خلد الجميع الى النوم
خرجت ملك واخذت معها سكينه من المطبخ للدفاع عن نفسها.
لكن للاسف كريم عاد من الشركة لأنها نسي بعض الملفات.
و راي أن كل الحراس نائمين
و هي كانت تركض.. هبط من السياره سريعا و وقف أمامها
و قال بعصبية.. راحه فين يا ملك
كانت تخفي السكين خلف ظهرها و قالت بتوتر.. ماشيه يا كريم
قالها بحزن و مشاعر صادقة.. و دموع تتلألأ في عيونه.. بس أنا بحبك
أجابت بهدوء.. سيبني أمشي وتعال أطلب أيدي وأنا اوعدك أني أوفق.
صرخ بصوت عالى جدا.. قولت لا مش تخرجي من هنا إلا وأنتي مراتي
صرخت بعصبية.. و أنا قولت لا.. عمري ما اقبل بالجنون ده.
اقترب منها بعض الخطوات و قالت بدموع.. بلاش تسبيني.
تنهدت بحزن ثم قالت.. يا كريم أنت مش عارف عني حاجة لو انا سمعت كلامك اخسر اغلي حاجة عندي.
و أكملت لنفسها.. من غير حاجة و اتهم في شرفي ما بالك لو عملت الجنون ده.
قال بهدوء.. عارف عنك كل حاجه و بحبك.
صرخت بعصبية.. لو تحبني مش تعمل كده.. أنا تعبت من الكل.. ليه كل الناس تتعمد توجع قلبي
أجاب بحزن.. بعد الشر على قلبك من الوجع أنا عمري ما اوجع قلبك يا ملاكي .
قالت بحزن.. أنت كده توجع قلبي.. سبيني امشي
عندما سماع جملة أنها ترحل.. يفقد أعصابه.. صرخ بغضب شديد.. قولت لا.. خروج من هنا مفيش الا و انتي مراتي.
صرخت بعصبية.. أنت مجنون أنا عملت
قال بغضب.. انتي لازم تتحملي العقاب على جريمتك
سألت بعدم فهم.. جريمة ايه
تنهد ثم قال بحزن.. الجريمه اللي عملتها في قلبي.. عمري ما اسامح عليها.. و لازم تتعاقبي.
سألت بعدم فهم.. مش فاهمه
تنهد بحب ثم قال.. جريمه عشقي ليكي انتي اللى تحسبي عليها عيونك التي تشبه كوبي القهوة.. حجابك الطويل و المحتشم الذي يزيدك جمالا و عفة.. صوتك الهادي ابتسامتك التي لم تزورك إلا قليل.
كل هؤلاء كان سبب جريمة في قلب عاشق.. و القلب العاشق هذا قلبي.
لم تستطيع منع ابتسامتها و سعادتها بهذا الحديث.. قالت بهدوء.. و الله العظيم اني مواقف اتجوزك و ان عمري ما كنت احلم بزوج زيك بس اسمع كلامي و سبيني امشي.
اوما رأسه اعتراضا و الدموع تنهمر من عيونه.
قالت بحزن.. أنا اسفه يا كريم مرتين مش مرة
سأل بعدم فهم.. آسفه على ايه
ابتلعت الغصة التي في حلقها و قالت بدموع.. آسفه على الجريمة اللى انا مليش ذنب فيها و آسفه على اللى اعملها دلوقتي
سأل بعدم فهم.. تعملي ايه
أخرجت السكينة من خلف ظهرها و طعنت كريم بسكينه فى بطنه.
نظر لها بصدمة.. سقط على الأرض
واتجهت ملك لتخرج من الفيلا ولكن عادت مره أخرى....
وللحديث بقية
رايكم في اللي عملوا كريم أنه خطف ملك!!
رايكم في ردة فعل ملك!!
تفتكروا ليه ملك رجعت تاني!!
جريمة_في_قلب_عاشق
روايات_بقلم_منال_كريم
سبحان الله والحمد الله ولا اله الا الله وحده لا شريك له له الملك وله الحمد وهو على كل شيء قدير اللهم صل على سيدنا محمد وعلى اله سيدنا
ولا حول ولا قوه الا بالله العلي العظيم
التالي من هنا
https://pub153.lamha.news/23696
