رواية احمد وريتال رد فعل (جميع الفصول مكتملة) بقلم هاجر العفيفي

يقولى انا مقصره فى ايه وانا والله هصلح من نفسي لكن يتجوز عليا يبقا مع ست تانيه غيري انا مش مسمحاه انا بكر هه من كل قلبي
قالت اخر كلامها وعياطها زاد اكتر
راضي بحنان.. اهدي يابنتي محدش يستاهل دموعك حتي لو أحمد قوليلي ايه ال يريحك ويخليكي مبسوطه وانا هنفذه فورا ليكي بس مشوفش دموعك دى أبدا 
ريتال مسحت دموعها وقالت بهدوء.. عايزه اتطلق منه مش هستحمل أفضل معاه تاني ابدا
أبوها لسه هيرد أمها دخلت وقالت بهدوؤ.. فى واحده عايزاكي بره ياريتال
ريتال باستغراب.. مين 
والدتها.. أول مره أشوفها 
ريتال قامت بهدوء وخرجت واتصدمت أنها سلمي 
ريتال بصدمه وغضب.. هو انتي !!!
سلمي راحت عندها وقالت بهدوء.. من فضلك ممكن تسمعيني
ريتال بعصبيه.. انتي ايه ال جابك هنا هو انتي معندكيش د م اخرجي برررره من وشي
سلمي قعدت على الكرسي وقالت بهدوء .. انا جايه اطلب منك طلب ورجاءا تنفذيه
ريتال بسخريه وغضب من بجاحتها.. وكمان بتتشرطي عليا انتي ملتك ايه انتي معندكيش د م 
سلمي غمضت عيونها وقالت بثبات.. انا هستحمل اهانتك علشان عارفه ان من حقك بس انا كنت عايزاكي تقنعي أحمد يعلن جوازنا انتي الوحيده ال تقدر تعمل كده انا أهلى هيق تلوني انا حامل
ريتال فتحت عينيها بصدمه وقالت بوجع.. حامل !!!!!!
يتبع
ايه رايكم فى بحاجة البت دي تفاعل ياحبايب قلبى فضلا علشان أنزلكم واحد كمان يلا ياقمرات
رد فعل
هاجر العفيفى
دمتم بخيرشكرا على التفاعل يابنات 
البارت الرابع
ريتال بصدمه ووجع.. حامل !!!!
سلمي بتوتر.. أيوه
أحلام بصدمه.. يامصيبتي حامل من أحمد
سلمي.. بس متجوزني و
لسه هتكمل كلامها كانت ريتال هجمت عليها ومسكتها من شعر ها بقوه ونزلت فيها ضر ب بغل وقالت.. انتي واحده ملكيش قيمة ومتستاهليش غير كده وكمان بجحه وعايزاني اقنعه.
ريتال كانت بتقول كلامها وهي نازله فيها ضر ب وسلمي بتصرخ من الالم وامها وأبوها بيحاولوا يقوموها من عليها
ريتال قامت وبصتلها وقالت بكل قهر.. روحي حسبي الله ونعم الوكيل فيكي انتي وهو ربنا ينتقم منكم على كل دموع قهر نزلت منى بسببكم مش هسامحكم على عيالي ال اتحرموا من العيله وهما صغيرين أنا بكر هكم اطلعي بره علشان قسما بالله لو فضلتي قدامي لحظه كمان انا ممكن اق تلك دلوقتي
سلمي بصتلها بخوف وخرجت تجرى من البيت
أمها وابوها راحوا عندها وحاولوا يهدوها
ريتال.. ماما من من فضلك ممكن تشوفى البنات جوه لحد لما أهدي وادخلهم
أحلام بحزن.. حاضر يابنتي
راضي سندها ودخلها الأوضه ومرضيش يتكلم معاها فى حاجه خالص علشان هو عارف حالها دلوقتي
فضلت فى حضن ابوها لحد لما نامت من التعب والارهاق
راضي دموعه نزلت بحزن على حالها وقال.. ربنا يريح قلبك يابنتي 
قرر أن يكلم أحمد وينهي معاه كل حاجه علشان بنته
أستغفرووا
فريده دخلت تشوف امها وفتحت الباب ولقتها نايمه 
فريده بحزن.. ماما ياماما
دعاء كانت نايمه ومبتردش عليها
فريده بصتلها بقلق وهزتها بهدوء وقالت.. ماما انتي مش بتردى عليا ليه ماما 
ولكن لا حياة لمن تنادي مردتش عليها نهائي
فريده بصراخ.. مااااامااااا
قامت جريت بسرعه كلمت الإسعاف وهي بتترعش وخايفه على أمها ومرعوبه 
سلمي دخلت وكانت مبهدله من ال عملته فيها ريتال وسمعت صوت فريده بتصوت دخلت على جوه وشافت امها مش بتنطق
سلمي بخوف.. ماما مالها يافريده
فريده زقتها بانهيار وقالت.. ماما لو حصلها حاجه مش هسامحك ابدا منك لله منك لله
الاسعاف وصلت واخدتها للمستشفى وفريده راحت هي وسلمي معاهم
أذكروا الله
فى المساء راضي كان نزل يصلى العشاء فى الجامع
أحمد وصل عند بيت ريتال وكان مرعوب من ردة فعلها وخبط على الباب وأمها فتحت
أحلام بغضب.. ايه ال جابك هنا تاني احنا مش عايزين نشوف وشك غور من هنا شوف الاشكال ال زيك
لسه هتقفل الباب فى وشه هو سنده بإيده وقال.. عايز اشوف ريتال ضرورى
أحلام.. هى ايه البجاحه ال فيك دي 
ريتال جت من وراها وقالت بجمود.. نعم عايز ايه
أحمد دخل عندها وقعد على الأرض ومسك ايدها وقال برجاء.. ريتال اعملى فيا ال انتي عايزاه اضربينى اشتميني اي حاجه لكن متسبنيش علشان خاطرى طب علشان خاطر بناتنا ريتال انتي مش بتردى ليه ها ردي عليا أرجوكي ريتاال
ريتال بصتله ببرود وقالت.. خلصت كلام 
أحمد قام وقف وبصلها بصدمه من هدوئها وقال.. ريتال انتي هاديه ليه انا مش عايزك كده اصرخي زعقى اعملى اي حاجه هدوئك بيقت لني 
ريتال بصتله بسخريه وقالت.. أيوه اعمل كده علشان مين هو انت تستاهل علشان امو ت نفسي علشانك انت هوا يا أحمد انت ملكش لازمه يمكن عملتلك قيمه
زياده عن اللزوم بس ربنا أراد أن أفوق منك بدرى
أحمد بحزن.. انا مقدر حالتك وموافق على كل ال هتعمليه بس سامحيني
ريتال ضحكت بقوه وامها كانت خايفه عليها اوي من ال بتعمله 
خلصت ضحك وقالت.. هو انت دوستلى على طرف الفستان ولا خبطني فى كتفى انت كسر تني ابعد عني يا أحمد سيبني أتعالج منك واعرف اربي عيالي فى هدوء
أحمد بعصبيه.. مش من حقك تحرميني من عيالي مش من حقك
ريتال ببرود.. متتعصبش بس سلمي هتجيبلك زيهم متقلقش هي حامل وكلها كام شهر وتبقي بابي تاني متنساش تصلح غلطتك بقا قبل ما الاطفال يجوا ماشى 
أحمد بصدمه.. كدب كدب مين ال قال إن سلمي حامل
ريتال.. والله روح أسألها والمهم انك تطلقنة لأن بالذوق بالعافيه هتطلقني علشان والله العظيم هندمك يا أحمد وهخليك تعرف مين هي ريتال 
أحمد بصلها بيأس وصدمه بسبب ال سمعه وخرج من الشقه
أحلام قربت من بنتها وضمتها بشده وقالت.. حسبي الله ونعم الوكيل ربنا يقهرهم زي ماعملوا فيكي كده يابنتي
ريتال كانت فى حضن امها ومتأكده ان ربنا هيردلها حقها
صلوا على شفيعكم
سلمي كانت واقفه مع فريده فى المستشفى ومستنين الدكتوره تخرج تطمنهم على امهم وبعد وقت الدكتوره خرجت وقالت بهدوء.. للأسف الحاله صعبه اوي ودخلت فى غيبوبه 
فريده عيطت بشده وقالت.. طيب قد ايه يادكتوره 
الدكتوره.. للأسف محدش يعرف غير ربنا عز وجل ادعولها كتير ربنا يطمنكم عليها يارب 
قالت كلامها وسابتهم ومشيت
سلمي بدموع.. فريده انا
قاطعتها فريده بغضب وعصبيه وقالت.. امشي من وشى مش عايزه اشوفك انتي السبب فى ال ماما فيه روحي منك لله حسبي الله ونعم الوكيل لو حد سألني على أمك هقول انك السبب ابعدي عن هنا مش عايزه ألمحك أنا بكر هك
سلمي بصتلها بحزن وبعدت عنها وخرجت من المستشفى وكانت بتجرى فى الشارع
أذكروا الله
عند أحمد كان قاعد على الكنبه وبيبص حواليه بحزن والباب خبط واعتقد أن ريتال وقام يجرى يفتح الباب على أمل تكون هي واتصدم لما شاف سلمي
أحمد.. انتي !!!
سلمي بدموع.. مبتردش عليا ليه يا أحمد كلمتك كتير وانت مردتش
أحمد بغضب.. سلمي ابعدي عني انا مش ناقص حياتي بتدمر بسببك انتي 
سلمي بعصبية.. وانا برضوا حياتي اتدمرت بسببك أمي فى المستشفى بين الحياه والموت بسببك لما عرفت أن حامل منك بقالي يومين بحاول ارن عليك علشان اعرفك المصيبه ال احنا فيها وانت سايبني وداير تجرى ورا ست ريتال 
أحمد ضر بها بالقلم بشده وقال بغضب.. اخرسي متجبيش سيرتها 
سلمي بصدمه.. جاي تقولى كده دلوقتي يا أحمد بعد
أحمد ببرود.. ايوه
سلمى بصدمه اكبر.. أحمد انت ال بتقول كده
أحمد زقها على الأرض وقال بغضب.. انا مش عايز أشوف وشك تاني وهطلقك
سلمي كانت مش مستوعبه كلامه وكانت حاسه ان خلاص هيغمي عليها من الصدمه
يتبع
زعلانه علشان التفاعل مش عاجبني يابنات والله
رد فعل
هاجر العفيفى
دمتم بخيرشكرا على التفاعل يابنات 
البارت الخامس
سلمي بصدمه ودموع.. أحمد متهزرش انا حامل منك انت وبعدين قسيمة ايه ال تقطعها احنا متجوزين عند مأذون مش ده كلامك
أحمد بغضب.. هطلقك واخلص منك خالص واشوف حياتي ارحميني بقا انتي السبب فى ده كله
سلمي بغضب ودموع.. مش انا السبب انت السبب فى كل حاجه انت ال جيت قولتلى انك مش مرتاح فى عيشتك علشان ريتال مش مهتمه بيك فضلت ورايا لحد لما اقنعتني بالجواز..
أحمد بسخريه.. وانتي عيله صغيره بقا علشان تسمعي كلامي سلمي وقفت وقالت برجاء.. طيب نحل الموضوع بالتفاهم علشان خاطرى بلاش فضي حه أكتر من كده انت ابن عمى يعني ميرضكش فضي حتي
أحمد بصلها وقال بوجع.. بس ال زينا يستاهل الق تل صدقيني احنا مفكرناش غير فى نفسنا بس وده عقابنا انا مش هقدر اعيش من غير ريتال ولا بناتي انا معرفش كان فين دماغي انا غبي غبي
سلمي بعصبية.. بس انا برضوا ليا الحق عليك انا حامل فى ابنك يعني برضوا ملزومه منك 
أحمد مسكها من شعر ها وزقها قدام باب الشقه وقال بوعيد.. لو شوفت وشك تاني الفتره دي متلوميش غير نفسك ياسلمي امشى من هنا يلاااااا
قال كلامه ورزع الباب فى وشها بشده وهي انتفضت من الصوت
سلمي بدموع ورجاء.. يا أحمد متسبنيش يا أحمد حرام عليك انا ضيعت بسببك
أستغفرووا
ريتال دخلت عند بناتها وقالت بابتسامه حزينه .. حبايب ماما عاملين ايه
تسنيم بحزن.. مش كويسين ياماما
ريتال بزعل.. ليه ياحبيبتى تقولى كده
منه بدموع.. علشان بابا وحش ياماما
ريتال.. لاء يابنات عيب تقولوا على بابا كده وحرام ربنا هيزعل منكم بابا بيحبكم اوي ومستحيل يقدر على زعلكم
تسنيم بغضب طفولى.. بس بيزعلك ياماما وبيخليكي تعيطي واحنا مش عايزينك تعيطي
ريتال بابتسامه على بنتها.. حبيبتى دي مشاكل كبار وبعدين انا عارفه انا بعمل ايه انا مش عايزاكم تقولو كده على بابا تاني
منه.. بس هو احنا مش هنروح البيت تاني بتاعنا وهنفضل قاعدين عند نانا علطول 
ريتال ضمت بناتها بشده وقالت.. انتوا بتحبوا تيتا احلام وجدو راضي صح ولا لاء 
منه وتسنيم.. صح ياماما 
ريتال.. خلاص هنفضل هنا علطول وهخليكم تشوفوا بابا كل فتره اتفقنا
منه وتسنيم مش فاهمين اي حاجه من ال بتحصل ولكن قالوا بقلة حيله.. ماشى ياماما
ريتال بابتسامه.. حبايب قلب ماما والله
أذكروا الله
فريده كانت قاعده قدام أوضة والدتها وبتعيط وبتقرا قرآن كتير لوالدتها علشان تخرج بالسلامه 
عمها والد أحمد جالهم المستشفى 
حامد بحزن.. والدتك عامله ايه دلوقتي يابنتي 
فريده بجمود.. ليها ربنا 
حامد.. انا عارف انتي زعلانه مني بس والله انا لسه عارف زي زيكم دلوقتي 
فريده بغضب بس وطت صوتها علشان المستشفى.. وحضرتك عملت ايه لما عرفت مفيش حاجه اتصلحت أختي ال هي بنت اخوك حامل من ابنك واكيد مش هيعترف بيه علشان مراته
حامد.. مراته عرفت وسابت البيت
فريده بدموع.. مش مشكلتنا احنا دلوقتي فى أمي ال جوه دي لو حصلها حاجه مش هسامحكم كلكم احنا ملناش غيرها بعد بابا الله يرحمه والمفروض