رواية غيرة الفهد كنوز وفهد (كاملة جميع الفصول) بقلم زهرة الربيع

خوفهم من مشاكل فهد اليوميه وخلصت يومها وخرجت وبقت واقفه مستنياه يرجع علشان هياخدها يوصلها البيت
وهيه مستنياه قدام الجامعه قرب منها دكتور في جامعتها وقال.. انسه كنوز.. شوفي انتي طالبه ممتازه وكنت عايزك تعملي ملخص من الكتاب ده ونعمل منو نسخ للطلاب
كنوز بقت تسألو على الحاجات الي هيحتاجها وبيتكلمو سوا ووصل فهد اول ما شافها واقفه معاه بقى هيتجنن نزل وهو مش شايف قدامو وراحلها وعنيه بتطق شرار
كنوز بلعت ريقها بخوف اول ما شافتو وقعد يبصلها بغضب وبص للدكتور من فوق لتحت وقال.. انت مين
الدكتور استغرب وقال.. انت الي مين.. فيه ايه
وهنا فهد ابتسم بطريقه مخيفه وضربو بوكس قوي وقال.. عرفت انا مين ولا لسه وبقى يضربو جامد تحت انظار الطلبه الي كانو بيبصولهم بملل من الموقف الي بيتكرر كل ما يلاقيها واقفه مع اي حد
بعد شويه كانو على الطريق وكانت كنوز بتبكي جامد وفهد قال بضيق.. خلاص بقى يا كنوز قولتلك مكنتش اعرف انو الدكتور بتاعك وعلى فكره هو الغلطان انا سألتو هو مين ليه مقالش انو الدكتور بتاعك
كنوز بقت تبكي اكتر وقالت.. وافرض مش الدكتور تضربو ليه اصلا كنا بنعمل ايه علشان تضربو بالشكل ده لقتنا في شقه سوا علشان تفرج علينا الناس كده
بصلها بغضب لما قالت كده وقال.. لو لقيتكم في شقه سوا مش هضربو بايدي هضربو بده وطلع السلاح وحطو قدامها
كنوز بصتلو بخوف شويه وبعد كده بقت تبكي تاني بصوت اعلى وقالت.. اديني اتمنعت من الامتحان بسببك مبسوط كده
فهد قال بضيق.. لا طبعا مش مبسوط ومش هسكت وهتدخلي الامتحان متقلقيش.. وبعدين يا بت انا بغير عليكي .. ليه مش عايزه تفهمي مش بقدر اتحكم في نفسي لما اشوفك مع راجل غيري والله ما بقدر
كنوز بكت اكتر وقالت.. يا مصبتي السوده انا يا مصبتي .. حطني في علبه يا فهد حطني في علبه واقفل عليا يمكن كده تبقى مرتاح وعلى الاقل تبطل كل يومين تضرب حد بسببي
فهد ضحك وقال.. حلوه حكاية العلبه دي ياريت اقدر اعملها.. وبعدين فيه واحده تزعل ان حبيبها بيغير عليها
كنوز قالت بغضب.. اولا انت مش حبيبي تمام.. ثانيا دي مش غيره ده مرض مرض.. انا حتى صحابي البنات بطلو يكلموني بيقولو قريبها بيعمل مشاكل.. ومن يومين بتاع الفول قلي مفيش ومرضيش يبعلي مع ان عندو وبتاع المكتبه الي انت ضربت ابنو مرضيش يديني الاقلام الي محتجاها والناس اول ما بتشوفني بتخاف ايه الارهاب ده.. هو فيه غيره بالشكل ده
ابتسم وقال وهو سايق.. اه فيه.. الي بيحب زيي .. انتي بنت قلبي انا ربيتك.. وكبر حبك معايا.. بعشقك يا كنوز.. ومش قادر اتحمل ان عيونك الحلوين دول يشوفو غيري
حست بقلبها بيدق جامد من كلامو وبقت تبصلو اوي وفهد كان بيبصلها بحب شديد.. بس فاقت لنفسها وبعدت عنو بسرعه وحمحمت بكسوف
فهد ابتسم وكملو طريقهم للبيت
اول ما وصلو ودخلو شقتهم استقبلتو امه بقلق وقالت.. .فهد يا ابني تعالى معايا نتكلم جوه و
بس قاطعها صوت طلبه والد نبيل بيقول.. اهيه العروسه وصلت وحضرة الظابط كمان
فهد بص للصاله وكان طلبه ومعاه ابنو وجايبين جاتوه وبيشربو العصير
فهد الغضب ملا عيونه لما فهم هما جايين ليه.. امه قالت بخوف.. فهد يا ابني اهدى وانبي .. واستهدى بالله و
بس قطعت كلامها لما دخل زي المدفع عندهم
لما دخل كنوز بصت لخالتها بخوف وقالت.. يا لهوي يا خالتي يا لهوي اطلبي البوليس
ام فهد قالت بخوف.. ولا حتى النيابه هتنفع انا شايفه نكلم الحانوتي ونكسب وقت
في الصاله فهد قعد قصادهم وهو هينفجر وكان باياكل من الجاتوه الي جايبينو وهو بيبصلهم بغضب رهيب خصوصا لنبيل وقال.. اهلا نورتو
طلبه قال بطيبه.. ده نورك يا ابني احنا جينا علشان .. علشان نطلب ايد الانسه كنوز ل
بس قاطعو فهد وقال بسرعه.. ايد مين.. .الانسه.. مين الانسه دي احنا معندناس انسات في البيت هنا
طلبه بصلو بزهول وفهد قال.. انت راجل كبير وفاهم
يعني معقوله تكون موجوده مع شاب زي في بيت واحد مع ست كبيره بتنام من المغرب وتفضل انسه.. ده كلام برضو .. دي مسقطه مرتين
كنوز شهقت بزهول لما سمعتو من بره وقالت لخالتها .. عاجبك كده يا خالتي بيشوه سمعتي سامعه بيقول ايه
قالت خالتها.. معاكي حق يا بنتي والله ده كلام ميتقالش ابدا
فهد بص لنبيل وقال بغضب.. منور يا بلبل.. ان شاء الله تكون ادفيت كويس فوق السطح
نبيل كان بيبصلو بخوف وابوه قال.. يا ابني احنا من ساعة ما قعدنا وانت بتهزر و
بس قاطعو فهد لما قال.. انا مبهزرش.. كنوز مش هتتجوز غيري .. والمقابله انتهت.. 
طلبه قال بغضب.. قوم يا ابني يلا بينا
بس دخلت كنوز وقالت بغضب.. بس انى مبحبكش وعيزاه هو وانا موافقه يا عم طلبه
بصلها بغضب رهيب ووووو
رواية غيرة الفهد الحلقة الخامسة
انا مبحبكش وعيزاه هو وانا موافقه يا عم طلبه
فهد بصلها بغضب رهيب وكلمتها ضربتو في قلبو وحس بنار جواه وقال.. ادخلي اوضتك
قالت بغضب اكبر.. لا مش داخله انا بحبو هو وهتجوزو هو
حاول يسيطر على اعصابو بالعافيه وبص لنبيل وقال.. بس هو مش عايزك.. صرف نظر.. وبصلو بصه تخوف وقال.. مش كده ولا ايه
نبيل قال بخوف.. كده .. كده يلا يا بابا انا قولتلك منجيش اصلا
كنوز بقت تبصلو وهو بيمشي بزهول وفهد قال بسخريه.. مع السلامه يا بلبل كان نفسي اديكم الجاتوه الي جبتوه.. بس هحلي بالباقي منو بعد ما اتغدى
اول ما اتأكد انهم مشيو بصلها بغضب وقرب عليها بطريقه مخيفه وقال.. بقى عيزاه هو.. 
كنوز فضلت باصه قدامها ومبرقه بخوف وكأنو مش بيكلمها
فهد قال بغضب.. كنوووووز بكلمك
كنوز قالت بارتباك.. ها.. انت.. انت بتكلمني انا يا ابن خالتي
فهد قال بغضب شديد.. لا بكلم امي
كنوز قالت بضحك وخوف.. اه.. طيب ردي عليه بقى يا خالتي سامو عليكو ولسه هتمشي مسكها من طرحتها وقال بغضب.. متختبريش صبري ياكنوز
كنوز بلعت ريقها بخوف وقالت بصوت عالي .. .ايوه.. ايوه قولت بقى.. كل نفس زائقة الموت .. هعمل ايه يعني
بس فهد بقى يبصلها بنظرات تخوف وهيه خلاص هتبكي من خوفها منو وزقتو وجريت على اوضتها عايزه تستخبى بس جري وراها ودفع الباب قبل ماتقفلو ودخل وقفلو
كنوز بقت تقول بخوف وصوت عالي.. خالتي الحقيني يا خالتي
ام فهد بقت تخبط على الباب وتقول.. فهد يا ابني افتح يا حبيبي مش كده
فهد قال بغضب.. ماما.. روحي اوضتك
ام فهد قالت بقلق.. انت هتعمل ايه يا مجنون افتح
بس قال بغضب.. يا ماما اخر مره روحي اوضتككككك
والدتو بعدت عن الباب بخوف وقعدت تقول.. استر يا رب يارب استر
فهد بقى يتقدم عليها لحد ما لزقت في طاوله كانت في الاوضه وقال.. قولتي ايه بره
بقلم.. زهرة الربيع
كنوز بقت تترعش من الخوف وقالت بدموع.. وانبي يا فهد حرام عليك سبني في حالي.. سبني اتجوز زي البنات انا مش عايزه اعنس
فهد كان كل الي في بالو نظرات نبيل ليها ولما قالت عيزاه كان هيتجنن من الغيره قرب منها بغضب شديد وقال.. بتحبيه
قالت بدموع وخوف.. لو قولت اني بحبو .. هتأذيه
فهد حاول يحوش دموع عنيه وقال بغيره شديده.. لا .. هتأذيني انا.. هتقتليني يا كنوز
كنوز بصتلو بدموع واتنهدت وقالت.. يافهد انت.. انت شاب مفيش منك اي بنت تتمناك.. ده حتى صحباتي كلهم بس يشفوك بيبقو هيتجننو عليك و
قاطعها وهو بيبصلها جامد وقال.. وانتي.. انتي ليه مش بتتمنيني.. ليه مش بتفكري فيا.. ليه .. وكمل بغضب ليه بتحلمي بغيري وبتقطعي قلبي كده
قالت بدموع.. علشان .. علشان انا عمري ما شوفتك كده.. انت حتى مكنتش تلمحلي
فهد قال بغضب .. وهو لما ابقى داير وراكي طول اليوم زي الحارس الشخصي ده ميبقاش تلميح.. و لما ابقى هتجنن لو حد صبح عليكي حتى ده ميبقاش تلميح.. لما ابقى مش شايف غيرك وموقف حياتي لحد ما انتي تبصلي ده ميبقاش تلميح يا كنوز.. ده انا مش ورايا غيرك قبل ما تطلبي بنفذ بقيت اسيب شغلي اوقات علشان اجي اشوفك واتكلم معاكي.. قربت الناس متردش عليا السلام بسبب اني كل يوم اعمل مشكله من غيرتي عليكي .. بقيت المجنون في نظر الكل علشان ابقى الوحيد في نظرك كل ده مش تلميح
.. امال ايه التلميح في نظرك.. ومسكها من دراعها بغضب وقال.. الي كنتو بتعملوه تحت بير السلم.. هو ده التلميح.. صح.. 
وقال.. تمام.. المحلك بطريقتك.. ولسه هتصرخ كتم صرختها 
بعد شويه بعد عنها علشان تتنفس وقال .. انتي ليا ياكنوز.. ليا ومن حقي من زمان.. مش هسمح تكوني لحد تاني.. انا اموت فيها
قال كده ولسه هيطلع كنوز قالت بدموع.. ولو مقدرتش احبك يا فهد هتخليني جمبك بالعافيه زي ما بتقربلي بالعافيه
كان حاسس بجحيم في صدره من كلامها بس حاول يتمالك نفسو وقال .. اه يا كنوز.. هخليكي جمبي بالعافيه.. زي ما بقربلك بالعافيه.. لاني واثق ان هيجي يوم وابقى جمبك 
قال كده وخرج وهيه بصت لطيفه بغيظ من وقاحتو ولعنت نفسها انها بتستسلملو وقالت.. سافل.. بس عضت على شفتها بكسوف وقالت.. ومجنون اوي
تاني يوم كان فيه فرح في العماره جمبهم وكانت كنوز واقفه بتنفخ بغيظ قدام فهد وهو بيشوف لبسها اذا مناسب او لا
فهد بقى يبصلها بتقييم وقال.. لا معلش لفي تاني حاسس الفستان ضيق وغمز وقال بهمس.. خاصة عند المرتفعات
كنوز اتكسفت وبصتلو بغيظ خايفه خالتها تسمع وفهد ضحك على شكلها وقال.. انتي ايه رأيك يا ماما مش ضيق شويه
امه ضحكت وقالت.. حطها في شوال احسن يا ابني ما هو واسع اهوه.. هتلبس ايه اوسع من كده
كنوز قالت بغيظ.. مفيش غير انو يفصلي هو بقى يا خالتي.. ده انا الوحيده في سني الي لابسه كده حرام عليك بقى عايزه اروح الفرح هيخلص وانا واقفه قدامك كده
فهد ابتسم وقرب منها بيساوي طرحتها وقال.. البنات الي في سنك مش قمر كده زيك .. لو وقفو عريانين مش هيبقو جامدين زيك
كنوز ضحكت بخفه على كلامو وقالت.. يا ابني انت بتتكلم مع بنت مش مع واحد صاحبك حسن ملافظك ايه ده
فهد ابتسم وقال.. ماشي هحاول مع ان عادي الواحد بيقول اي حاجه مع مراتو
كنوز ابتسمت بسخريه وقالت.. مراتو .. ياعيني عليك يا فهد بقيت تحلم وانت صاحي
بقلم.. زهرة الربيع
فهد بص لعيونها الي بيعشقهم وقال .. من زمان بحلم وانا صاحي من ساعة ما بقيتي حلمي
كنوز ابتسمت بكسوف شديد وفهد اتنهد وقال.. احم ويلا مترغيش خلاص اعتمدنا الفستان ده يلا علشان اوديكي
كنوز ضحكت وقالت.. توديتي فين.. دول في وشنا فيه ايه يا فهد مش كده بقى
فهد قال