جحيم الغيرة الفصل الرابع 4 بقلم اماني السيد
فاقت ابتهال من شرودها على صوت الموبايل كانوا اصدقائها بيرنوا عليها عشان اتاخرت
ردت عليهم ابتهال بسرعه لقتها فرصه تخرج بيها من زكرياتها
الو يا منى انا طالعه اهو خلاص وصلت
تمام بس صاحبه الجيم بتسال عنك
ليه
مش عارفه هى مستنياكى
طيب انا هدخلها الأول وبعدين اطلع أبدا تمرين
وصلت ابتهال الجيم ودخلت على غرفه صاحبه الجيم وسلمت عليها
اقعدى يا ابتهال عايزاكى فى موضوع مهم
اتفضلى
انتى عارفه إن كابتن سماح مشيت صح
اه للاسف
أنا كنت عايزاكى تمسكى الجيم بدالها
أنا
اه انا بشوفك فى التمرين عندك طاقه وحماس كبير اوى من اول يوم جيتى فيه هنا من سنتين
يعنى انتى عارفه التمرين بيمشى ازاى والحركات صح وكمان بشوفك بتساعدى الناس الجديدة انها تعمل التمارين صح وبتشجعيهم فبصراحه مش هلافى احسن منك
بس يا كابتن انا بشتغل
وانا مش هعطلك انا عايزاكى اربعه ايام فى الاسبوع من الساعه ٧ للساعه ٩ ها قولتى ايه وهتاخدى
واعتقد ده مش هيأثر على شغلك لان منهم يوم الجمعه والسبت ودول انتى اجازه فيهم
سكتت ابتهال تفكر في العرض اللى اتقدم لها ولقته فرصه عشان تقعد فتره اطول بره البيت
تمام يا كابتن انا موافقه
طيب يلا بقى نطلع نفرحهم
طلعت ابتهال مع صاحبه الجيم وعرفت البنات إن ابتهال هى اللى هتكمل معاهم وهما فرحوا أوى بيها وهنوها وبدأت فى تدريبهم وبعدها خلصت ووصلت البيت
دخلت البيت لقت مامتها وفردوس قاعدين بيتفرجوا على التلفزيون تجاهلتهم ودخلت المطبخ لقت مامتها عامله سمك
دخلت اوضتها وطلبت أكل دلفرى
بعد فتره بسيطه وصل الاكل وخرجت ابتهال وحاسبت الدلفرى واخدت الاكل منه
وهى فى طريقها لاوضتها وقفتها امها
هو كل الاكل اللى جوه ده مش مكفيكى وراحه تطلبى دلفرى ده بدل ماتحطى فلوس الاكل اللى بتحبيه من بره ده فى البيت
أولا انتى معاشك على معاش بابا كبير ومش محتاجه اساعدك
ثانيا انتى عامله سمك تونه وانا مابكلوش
ليه يا صغننه مش هتبطلى
لأ عندى حساسيه منه وانتى عارفه كده ومش مشكلتى انك بتنسيه
بس اختك بتحبه
طيب المفروض اعمل ايه اكله وانتحر عشان ابسطك
انتى ماتعرفيش تتكلمى عدل غورى فى داهيه من قدامى سديتى نفسى
تنهدت ابتهال بملل وسابتها ودخلت اوضتها وهى بتعد الأيام اللى هيعرفوا فيها سبب طلاق اختها ايه
خلصت أكل وخرجت تقعد معاهم عشان تتأكد إذا كانت اختها شافت البوستات بتاعت جوزها ولا لأ
خرجت ابتهال الصاله وراحت قاعدت معاهم وبدأت فى الكلام بشكل عام
ايه يا فردوس مرتاحه فى القاعدة هنا
أه طبعا ماما حبيبتي مريحانى ومش مخليانى أعمل حاجه حتى الولاد هى بتقعد معاهم
لما القاعده هنا حلوه كده ما اطلقتيش ليه من زمان
اتكلمت أمها بعصبيه
انتى جايه تقعدى معاها تعصبيها روحى اوضتك
أنا اقعد مكان ما احب شقتى
مش بتاعتك لواحدك اختك ليها فيها
أدى بالظبطت
طيب إيه رأيك بقى أنى هكتبلها نصيبى وهيبقى نصيبها اكبر يعنى لو حبت تتصرف فيها تقدر تتصرف فيها بدون ما ترجعلك وفلوسك
ابتهال من داخلها كانت عارفه إن أكيد فى يوم من الأيام هيحصل معاها كده عشان كده قررت انها تشترى شقه اول ماخدت نصيبها من ورث باباها وبقت تضغط نفسها بأقساط عشان تضمن أنها تلاقى مكان في المستقبل
وأنتى فاكره كده انك هتضايقينى طيب اتكلمى فى حاجة عدله
انتى اصلك ماشوفنيش شقتى عامله ازاى دى جنبها ولا حاجه
وغير كده ياترى بنتك هتجيل الفلوس اللى هتشترى نصيبى بيها منين
أنا هساعدها
طيب لما تبقى تجمعى بقى تمن نصيبى ابقى هاتيه وانا امشي ومن هنا لحد ما ده يحصل اقعد مكان ما احب واقول اللى انا عايزاه
وبعدين يا فردوس محدش بيسمع صوتك ليه انتى مش بتعرفى تتكلمى
وانا أتعب نفسى واتكلم ليه طالما ماما بتتكلم بالنيابه عنى
ضحكت ابتهال بسخريه وتريقه على أختها
إلا صحيح يا فردوس جوزك قصدى طليقك ماتصلش بيكى ولا منفضلك أصل شوفت كده على الفيس منزل كام بوست رومانسي وانه فى علاقه
شحب وجهه فردوس ومسكت التليفون وبدأت تشوف البوستات
ليه جوزها عمل معاها كده ليه حب غيرها
