جحيم الغيرة الفصل الرابع 4 بقلم اماني السيد
اكتر منها
بصت لامها بدموع واخدتها امها فى حضنها وطبطبت عليها
فى الجهه الاخرى كانت ابتهال قاعده بتكلم نفسها
جربى الوجع لما تحسى انك اللى بتحبيهم مش بيحبوكى وبيفضلوا غيرك عليكى
زمان مكنش فى حضن بيطبطب عليا على الأقل انتى امك معاكى بتطبطب عليكى لا احلل نقلها او مشاهدتها فى أى مكان تانى غير صفحتى قصص وروايات أمانى سيد
كانت ابتهال بتبصلهم ومن جواها مش عارفه تفرح لانها السبب فى ده ولا تزعل على حالها إن محدش حس بيها انها مجربتش حضن الأهل ولا الاحتواء ده
سابتهم ابتهال وقامت عشان محدش يشوف فى عينيها نظره الضعف او الحنين ولا الدمعه اللى خانتها وظهرت فى جفنها
اثناء مرورها من قدامهم تمتمت والدتها بصوت مسموع
هديتى كده منك لله
تجاهلتها ابتهال ومردتش عليها أهم حاجة دلوقتي انها متظهرش ضعفها ولا تشمتهم فيها
مرت الايام واتصالات ابتهال
وكان جوابها دايما انها انشغلت فى شغل جديد
بالإضافة انها على وشك الترقيه فى شغلها وهى من ساعه مانقلت فى الفرع ده وهى بتحاول تثبت نفسها بكل الوسائل
مرت الايام وعدى شهر كانت بتتفادى ابتهال أنها تقعد مع اختها او أمها بتضيع وقتها فى الشغل والخروج مع اصدقائها
وبعد مرور شهرين وبعد إلحاح كبير من ياسين قررت تقابله
هى بدأت تحس انها ورطت نفسها معاه لانها مابتحبوش بس ده الشئ الوحيد اللى هيوجعهم عشان كده مستحملاه
فى احد الكافتريات قابلت ابتهال ياسين بابستامه مزيفه
ازيك يا ياسين عامل ايه
انا كويس الحمد لله بس حاسس انك بتهربى منى
مش بهرب منك ولا حاجه بس انا دلوقتي مركزه فى شغلى والجيم عشان كده بعدت شويه وبعدين هانت خلاص
طيب انا عايز أتأكد انك لسه عند وعدك
حاضر بكره
متأكدة
متاكده انى هكلمه واظبط معاه الموضوع مش سهل
ماشى يا ابتهال وانا معاكى للآخر بس افتكرى انى عملتلك كل اللى انتى عايزاه
فاكره ماتقلقش
انتهت ابتهال من مقابلتها معاه وروحت البيت لقت مامتها وفردوس بيضحكوا وبيهزروا على غير العادة
السلام عليكم
وعليكم السلام كويس انك جيتى بدرى
خير
عمك عازمنا كلنا بكره ومأكد انك لازم تيجى معانا
طيب انا كده كده كنت هروحله بكره كنت عايزاه فى موضوع مهم
موضوع ايه
بكره لما نروح هتعرفى
ايه يا بايره جايلك عريس ولا ايه وخايفه تقولى لنحسدك
بايره هه انا بايره طيب مش احسن لما اجيلك وانا جاره خبتى معايا
انتى ايه ماتعرفيش تسمعى من غير ماتردى الغيره دايما وكلاكى كده من اختك
وياترى بقى هغير منها ليه وعلى ايه
ها تقدرى تقوليلى ايه بنتك متفوقه
انا بشتغل بدل الشغل اتنين عندى شقه وعربيه ورصيد فى البنك ليه صحاب عندى كل حاجه هغير منها ليه
عشان عندك عقده نقص لاننا بنحبها أكتر منك وانتى مش قادره تنسى ده اننا بنفضلها عليكى
غصب عنها الدموع كانت هتخرج
تصنعت ابتهال الضحك الشديد عشان امها واختها يفتكروا دى دموع من كتر الضحك متاح حاليا رواية قيد من سلاسل دهب pdf للحجز ارسال رساله عبر الصفحه
طيب قولى حاجه عدله اغير منها
اغير من حبكم ده لو كان نفعها انما اغير من فاشله ليه وسبتها ودخلت الحمام وقفلت على نفسها وفضلت تعيط
مهما كانت فاكره انها تخطت الماضى إلا انها كل مره بتتاكد انها لسه مخرجتش منه مع اول مواجهه بيبان الضعف
ياترى رد فعلهم ايه لما يعرفوا بكره
ياترى عمها عايزهم ليه ضرورى
البارت الخامس من هنا
https://pub153.lamha.news/24228
رواية جحيم
