رواية منتقبتي (كاملة الى الفصل الاخير) سليم وبيلا بقلم ناردين الفصل 10 : 1
فرق بين الزعل و لا لأ
تمام.. يا حبيبي
قربت منه و أخذته في .. أنا مش عاوزة أعمل تمييز بين الأولاد عشان هوما لتنين أولاد جوري بس مش عارفة ليه أنا متعلقة ب أليكس أكثر من دانا
...................................................................
بعد صلاة الظهر.. رجع سليم و والده و أخوه وائل من المسجد و راحوا اتغذوا و بعدها كل واحد فيهم راح أوضته.. أخذ سليم شاور و طلع من الحمام وهو بيمسح شعره بالمنشفة لقى أمل واقفة جنب الباب و هي عاقدة أصابع إيديها لبعض
سليم.. في إيه
أمل.. بيلا عاوزة تطلع بكره إنت و هيا
سليم.. و نطلع ليه.. ماهي نزلت معاك و مع ماما و رحاب عشان تشتروا الذهب
أمل.. رحاب إتخانقت معاها
رفع سليم حاجبه و قال وهو بيطلع التيشرت من الدولاب.. اتخانقت معاها و ليه بقى
أمل.. عشان بيلا مسيحية و هي مسلمة و أنت عارف بيحصل إيه في الموضوع ده.. سليم في حاجة إنت لازم تعرفها
لبس سليم التيشرت و بص على أمل و حرك رأسه و سابها تكمل كلامها.... أخذت نفس عميق و قالت
أمل.. كل الناس عرفت إنو بيلا خطيبتك
زفر بضيق و رد عليها.. تمام
أمل.. يعني الموضوع ده جالك عادي
سليم.. هو مش عادي.. عشان دلوقتي تصرفات بيلا لازم تكون محسوبة.. هي بقت خطيبة إمام المسجد سليم.. أمل إتصلي فيها و قوليلها إنو أنا موافق أنزل معاها بكره بس تجيب محرم يعني أليكس معاها
أمل.. تمام
طلعت أمل من الأوضة و سابت سليم يلي إرتمى على سريره وراها.. بعدما انتشر خبر إنه بيلا خطيبته يبقى لازم تحسب تصرفاتها كويسة قبل ما تعمل أي حاجة.. دفن وشه بين إيديه وهو بيفكر في بيلا.. أخذ موبايله من الترابيزة و أتصل ب يوسف و هو رد عليه
يوسف.. خير يا سليم
سليم.. هو عندك مشكلة لو مراتك اتعرفت على بيلا
يوسف.. أكيد لأ بس في إيه
سليم.. أنا مش عايز أسيب بيلا لوحدها
يوسف.. إزاي يعني
سليم.. لو حصل حاجة في المستقبل و بيلا أسلمت لازم يبقى حد معاها و أنا بوثق فيك و في مراتك و بس
يوسف.. بتقول الكلام ده و كأنك مش حتكمل مع بيلا.. سليم أنا عارف إنك معجب بيها ولو كانت مش عاجباك مكنتش طلبت إيدها من الأول
سليم.. سيبك من الكلام ده يا يوسف.. الأربعاء إن شاء الله حتكون خطوبتي على بنت خالتي و الخميس إن شاء الله على بيلا
يوسف.. و كتب الكتاب
سليم.. حاكتب كتابي على بنت خالتي الأول و ....
يوسف بمقاطعة.. يعني كل حاجة على بنت خالتك قبل بيلا.. سليم إنت عايز مين فيهم
سليم.. عايز بيلا
يوسف.. يبقى بطل من بنت خالتك
سليم.. و رضا أبويا و أمي.. يوسف قبل القلب في الوالدين و أنا عايز رضاهم الأول
يوسف.. و حتظلم بنت خالتك بالطريقة دي
سليم.. هي عارفة إني طالب إيد بيلا كمان
يوسف.. أنا مش عارف حقولك إيه يا سليم بس ربنا معاك
اتكلموا كمان شوية و بعدها قفل سليم الموبايل و راح اتوضا و قرأ القرآن عشان يرتاح و يطمئن قلبه.. قال تعالى.. الذين آمنوا وتطمئن قلوبهم بذكر الله ألا بذكر الله تطمئن القلوب
...................................................................
في بيت يوسف
بعدما قفل يوسف التيليفون حطه جنبه فوق الترابيزة و بص على رغد يلي كانت شايلة إبنها بين إيديها و هي بتسكته
رغد.. في إيه
يوسف.. سليم محتار و محيرني أنا كمان معاه
رغد.. ليه بقى
يوسف.. كل الناس عارفين إنو سليم حيتجوز من اتنين.. من بنت خالته و من البنت المسيحية بيلا
رغد.. و فيها إيه يعني
يوسف.. حطي الولد في السرير و تعالي
هزت رأسها و أخذت إبنها يلي عنده سنة وحدة وحطته فوق السرير و رجعت عند يوسف من جديد و قعدت معاه
رغد.. فهمني بقى يا حضرة المهندس
يوسف.. سليم معجب ب بيلا وهو طلب إيدها عشان الموضوع ده و بنت خالته عيلته يلي عايزين منه يتجوزها يعني هو أصلا مش عارف عنها أي حاجة غير اسمها و إنها بنت خالته مكنش بينهم أي تواصل
رغد.. و دلوقتي حيعمل إيه
يوسف.. يوم الأربعاء إن شاء حتكون خطوبته من بنت خالته و الخميس من المسيحية.. سليم في الوقت ده بيفكر كتير يعني لو كتبله ربنا و مكملش مع البنت المسيحية عاوزنا نكون سندها بعد ربنا
رغد.. يعني هو مش حيكمل معاها
يوسف.. مش عارف بس أنا عاوز كل خير ل سليم و بتمنى إنه يتجوز البنت يلي بيحبها و تحبه كمان
رغد.. يعني بيلا مش كده
هز يوسف رأسه و رغد سكتت و هي بتبص للفراغ.. يعني يوسف الوحيد يلي عارف كل حاجة عن سليم وهو اكثر واحد بيوثق فيه من اصحابه كلهم
..........................................................................
كنت قاعدة فوق الكنبة و أنا ماسكة قصة سيدنا نوح عليه السلام.. تالت قصة ناوية أقرأها دلوقتي و متشوقة عشان أعرف أحداثها.. اول آية قابلتني لما فتحت القصة هي.. إنا أرسلنا نوحا إلى قومه أن أنذر قومك من قبل أن يأتيهم عذاب أليم قال يا قوم إني لكم نذير
قريت حوالي صفحتين في القصة دي و إتأملت فيها كويس و عرفت إنو نوح عليه السلام هو أول رسول بعثه الله سبحانه و تعالى عشان ينذر قومه من الشرك و يدعوهم إلى التوحيد أي إفراد الله في العبادة و عاش 950 سنة وهو بيدعوا قومه للأمر ده.. ولقد أرسلنا نوحا إلى قومه فلبث فيهم ألف سنة إلا خمسين عاما و في المدة دي كان نوح عليه السلام يحذر قومه من عبادة الأصنام.. نوح عليه السلام كان بيدعي قومه ليل و نهار سرا و علانية.. قال تعالى.. إنا أرۡسلۡنا نوحا إلى قوۡمهۦ أنۡ أنذرۡ قوۡمك من قبۡل أن يأۡتيهمۡ عذاب أليمٞ قال يقوۡم إني لكمۡ نذيرٞ مبين أن ٱعۡبدوا ٱلله وٱتقوه وأطيعون يغۡفرۡ لكم من ذنوبكمۡ ويؤخرۡكمۡ إلى أجلٖ مسمىۚ إن أجل ٱلله إذا جاء لا يؤخرۚ لوۡ كنتمۡ تعۡلمون قال رب إني دعوۡت قوۡمي ليۡلٗا ونهارٗا فلمۡ يزدۡهمۡ دعاءي إلا فرارٗا وإني كلما دعوۡتهمۡ لتغۡفر لهمۡ جعلوا أصبعهمۡ في ءاذانهمۡ وٱسۡتغۡشوۡا ثيابهمۡ وأصروا وٱسۡتكۡبروا ٱسۡتكۡبارٗا ثم إني دعوۡتهمۡ جهارٗا .. النبي ده مثال للشخص الصبور يلي اتحمل كتير عشان يبطل قومه عبادة الأصنام
خالتو.. تيتا عاوزاك
كان ده صوت دانا يلي خلاني أوقف قراءة القصة.. زفرت بضيق و خبيت القصة مع البقية في الدولاب و قفلته و بعدها نزلت.. كانت ماما قاعدة في الصالون
في إيه يا ماما
من غير ما تبصلي ماما قالت.. اقعدي يا إيزابيلا
لما تقول ماما أو أي حد في البيت ده إسمي الكامل أتأكد إنو في حاجة وحشة حصلت.. إبتلعت ريقي و قعدت على الكنبة يلي كانت قصادها
ماما
ماريا.. بيلا.. مكنش ينفع تدخلي في حياة أختك و ..
قاطعتها لما قلت.. و مارسيل مكنش لازم يتكلم مع أليكس بالطريقة الوحشة يلي اتكلم فيها معاه ...الولد قاعد فأوضته وهو زعلان من معاملة أبوه ليه
ماريا.. ماهو مكنش لازم يولد من الأول.. هو طفل مش شرعي و لو كان شرعي كان مارسيل بيعامله زي دانا بالضبط.. فاهمة يا بيلا
الذنب مش ذنب أليكس و الغلط غلط جوز بنتك قليل الأدب.. هو إبنه يبقى لازم يعامله كويس
وقفت و كنت رايحة بس وقفني صوت ماما.. بيلا.. عارفة إنك لو اتجوزت من سليم يبقى الديانة يلي حيتبعوها عيالك هي الديانة الإسلامية
وقفت في مكاني و مقدرتش أكمل طريقي.. شديت على قبضة إيدي و رديت على ماما
يعني مش حيقدروا يختاروا ديانتهم
ماريا.. مش حيقدروا يا بيلا.. حيكونوا مسلمين و مش حيعرفوا أي حاجة عن المسيحية.. لو فكر إنو يطلق منك حيأخذ الأولاد و انت حتعيشي وحيدة و مش حيبقالك أي حد في الدنيا دي.. هو حيسيبك يا بيلا بعدما يشوف إنو مبقاش ليك أي واحد يوقف معاك.. لا أنا و لا أبوك و لا أختك و عيلتها.. حتفضلي وحيدة ميبقاش ليك أي حد و حتندمي لأنك مسمعتيش كلامي من الأول
طلعت بسرعة أوضتي و الدموع متحجرة في عينيا بس علشان فكرت إنو ممكن أولادي يختاروا الديانة يلي هوما عاوزين يتبعوها.. قفلت الباب ورايا و إستندت بضهري عليه و أنا قعدت على الأرض و ضميت رجليا لصدري
بيلا.. هو مسلم و إنت مسيحية ...ولادك حيطلعوا مسلمين زي أبوهم و إنت حتكوني زي الغريبة بينهم.. حيأخذ كل حاجة منك و حيسيبك حتفضلي وحيدة زي ما قالت أمك و مش حتلاقي أي حد يوقف معاك
أفكار كتيرة كانت بتدور في دماغي و ملقيتش لأي وحدة من الأفكار دي حل عشان توقف.. دفنت وشي بين رجليا و غمضت عينيا و سبت دموعي تنزل.. قمت بسرعة من مكاني غيرت هدومي و لبست هدوم تانية و طلعت من البيت.. رحت للبار.. دخلت و وقفت على جنب لما شفت مارسيل يلي اتحرك ناحيتي ووقف وهو مقابل ليا
إنت عايز مني إيه
مارسيل.. و لا حاجة.. بس عايز أعرف أخت مراتي يلي حتنخطب من إمام المسجد
بصيتله بغضب و طرف عين و اتجاهلت كلامه و رحت قعدت في طاولة مفيهاش أي حد غيري بس كان عليها المشروب.. بديت أشرب زي المجنونة لما افتكر كلام ماما ليا كان ممكن إني أنفصل عنه و ملجأش للطريقة دي يلي خلت كل الناس تبصلي. مسكت ست بإيد مارسيل و قالت
مش دي أخت مراتك يا مارسيل
مارسيل.. أيوة
سكت مارسيل و فضل واقف وهو يبصلي زي كل الموجودين لما وقفت فوق الطاولة و أنا لابسة صندل كعب عالي و فستان قصير.. كنت بترنح و أنا فوق الطاولة بس كنت ماسكة نفسي.. كان في واحد بيصور يلي بيحصل بس مهتمتش بيه.. كنت حوقع على رأسي بس مارسيل مسك إيدي و نزلني من فوق الطاولة
ضربني على وشي بالقلم.. بيلا.. اصحي
ابعد عني
. يمكن ماما معاها حق في الموضوع ده و لأول مرة بشوف إنو عندها حق و إني لازم أبعد عن سليم عشان هو حيطلقني.. مشيت في الطريق و أغلب الناس كان يبصوا عليا بقرف من شكلي و من هدومي يلي كنت لابساها.. وقفت في مكاني و إبتسمت بسخرية لما لقيت سليم طالع من المسجد و معاه المصلين..
هي دي يا سليم يا إبني يلي طلبت إيدها
9
هي دي يا سليم يا إبني يلي طلبت إيدها
كان الكلام ده هو الكلام يلي قاله الشيخ ل سليم يلي بصلي بطرف عين و غضب في نفس الوقت
بيلا.. تعالي معايا
بصيت ل مارسيل و ضحكت و أنا ب شاور على سليم يلي كان واقف قصادي بس مكنش قادر يعمل أي حاجة عشان حطيته في موقف صعب جدا.. سحبني مارسيل من إيدي وراه و خلاني أركب العربية بالغصب بس طول الطريق و أنا بلتفت عشان أشوف سليم لحد ما نمت فيها
فضل سليم واقف في مكانه وهو منزل رأسه تحت بس بعدما إختفت العربية من قدامهم رفع رأسه و قبل ما يتكلم كان الشيخ موسى سابقه
موسى.. هي دي يلي عايز تتجوزها و فرحان بيها
سكتوا كلهم و بصوا لبعض و رجعوا بصوا ل سليم من جديد يلي أخذ نفس عميق و قال
سليم.. أيوة
موسى.. و لسه عايزها بعد الفضيحة دي
سليم.. هي معملتش أي حاجة و ...
سليم.. بس هي مش وحشة يا بابا
موسى.. إيه الكلام يلي بتقوله يا إبني
سليم.. أنا بقول الحقيقة.. البنت المسيحية بيلا مش لدرجة دي هي وحشة هي بنا كويسة و قلبها أبيض عشان كده أنا إخترتها و ...
قبل ما يرد سليم على كلامهم لقى كل واحد فيهم راح من طريق.. الوحيد اللي فضل واقف معاه هو يوسف بلي اتحرك ناحيته و حط إيده على كتف سليم و قال
يوسف.. متزعلش يا سليم
سليم.. أنا مش زعلان بس بيلا بالطريقة دي خلات شكلها وحش قدام كل الناس
يوسف.. متشغلش بالك.. خلينا نرجع البيت
أخذ سليم نفس عميق و رد عليه.. يلا
.................................................................ممكن أدخل يا بيلا
إتفضل
كان ده صوت جوري يلي لقيتها بتدخل أوضتي و هي ماسكة الصينية بين إيديها و عليها كوباية عصير ليمون...
بجد.. كلكم حتسبوني لو إتجوزت من سليم
جوري.. مفيش أي حاجة بتدوم في الدنيا دي يا بيلا و إنت إخترت سليم الراجل المسلم يلي ممكن يغيرك و يغير كل حاجة في حياتك بدل ما تختاري واحد مننا زي مارسيل.. يفكر فيك و ميفكرش يسيبك أبدا
بس إنت عارفة إني بحبه
كنت فاكرة إنو علاقتي ب جوري ممكن تبوظ عشان المشاكل يلي بتحصل كل يوم في البيت و كل يوم بسبب حاجة مش عارفة إذا كانت الحاجة دي مهمة و لا لأ.. نزلت رأسي من جديد بس لقيتها بترفعه بإيدها
جوري.. بيلا.. إنت حتفضلي أختي الصغيرة يلي محتاجة نصايح.. و يلي محتاجة شخص يساندها.. أنا شفت ثقة بابا فيك و في قراراتك عشان كده يا بيلا يلي عاوزة تعمليه إعمليه.. بس متستنيش من عيلتك أي حاجة
كلامها ده كان زي السكين يلي لقى مكانه جوه قلبي.. حسيت و كأني ضايعة و في وجع كبير في قلبي و مش عارفة إزاي أداوي الجرح ده.. قامت من جنبي و سابتني وراها و دموعي نازلة من عينيا زي الشلال.. أنا ضايعة دلوقتي و مش عارفة حعمل إيه.. قمت من مكاني و اتحركت ناحية الدولاب طلعت منه قصة النبي نوح عليه السلام
قال تعالى.. وأوحي
إلى نوح أنه لن يؤمن من قومك إلا من قد آمن فلا تبتئس بما كانوا يفعلون واصنع الفلك بأعيننا ووحينا ولا تخاطبني في الذين ظلموا إنهم مغرقون.. .. كان دي الآية يلي قريتها و فهمت منها إنو نبي الله نوح عليه السلام شيخ المرسلين كان بيشتغل نجار وهو يلي صنع السفينة التي أمره الله ببنائها لي لينجو بها هو و من آمن معه من الطوفان
قال الله تعالى.. واتل عليهم نبأ نوح إذ قال لقومه يا قوم إن كان كبر عليكم مقامي وتذكيري بآيات الله فعلى الله توكلت فأجمعوا أمركم وشركاءكم ثم لا يكن أمركم عليكم غمة ثم اقضوا إلي ولا تنظرون .. يعني 950 سنة كانت كافية إنه تخلي نوح عليه السلام يفقد الأمل عشان يأسلم قومه بس هو دعاهم للمدة دي كلها و يلي آمنوا معاه كان عددهم قليل و عشان كده قال ربنا.. حتى إذا جاء أمرنا وفار التنور قلنا احمل فيها من كل زوجين اثنين وأهلك إلا من سبق عليه القول ومن آمن ۚ وما آمن معه إلا قليل
خلصت القصة دي و إكتشفت حاجات جديدة زي انو نوح عليه السلام كان من أولو العزم و من المعروف انه عليه السلام كان من اطول الرسل دعوه إلى الله تعالى وقد مكث الف سنه الا خمسين عاما يدعو قومه إلى عبادة الله وترك عبادة الاصنام فكانت عقوبتهم بعد ان اصروا على الكفر بان اغرقهم الله بالطوفان الذي أتى على الكافربن وانجى الله نبيه والمؤمنين معه بالسفينة التي صنعها نوح عليه السلام الصبر على الأذى من أعظم مراتب الصبر وهو خلق الأنبياء والصالحين فقد قال الله تعالى فاصبر كما صبر أولوا العزم من الرسل و لا تستعجل لهم
قفلت القصة و نزلت تحت.. كنت عارفة إنو بابا حيعاقبني على اللي عملته بس كنت راضية بعقابه يمكن عشان أنا محتاجة بجد شخص يعاقبني و يقولي مينفعش تعملي كده يا بيلا
كنت عاقدة أصابع إيديا لبعض و خبطت على باب الصالون و بعدها دخلت بعدما سمحوا ليا
بابا
يعقوب.. مكنش ينفع تعملي كده يا بيلا.. كله عشان دللتك بزيادة.. دلوقتي الناس حتقول علينا إيه
جريت بسرعة ناحية بابا و قعدت على رجليا.. أنا آسفة بجد يا بابا ...أبوس إيدك يا بابا
يعقوب.. مفيش أب يزعل من بنته بس يا بيلا في حاجات إحنا مش
رجعت وقفت و أنا مصدومة من كلام بابا يلي وقف هو كمان و حط إيده على كتفي و قال
يعقوب.. بيلا.. أنا بوثق فيكي لدرجة خلتني عمري ما أشك إنك ممكن تغلطي.. يعني يا بيلا ...
قاطعته.. يا بابا.. انا افتكرت انكم حا تسيبةني بجد و انو لو اتجوزت من سليم حيأخذ مني كل حاجة و يطلقني..
يعقوب بمقاطعة.. يمكن ده يحصل بجد يا بيلا
كمل كلامه لما سحبني ناحيته و رفع إيده وهو بيطبط على ضهري و يمسح على شعري
يعقوب.. إتصلي ب أمل و قولي إنو مفيش نصيب
الجملة يلي قالها بابا خلتني زي المشلولة في مكاني.. عمري ما افتكرت إنه ده حيحصل معايا و إني حلاقي نفسي مجبورة... باعدت عن حضن بابا و أنا بمسح دموعي و قلت من غير ما أبص ليهم
انا رايحة عشان أعتذر من سليم
من غير ما أسمع ردهم لبست جزمتي و طلعت بسرعة من البيت و أنا زي التايهة مش عارف حعمل إيه.. بعدما شاف مارسيل قريب مني يمكن يطلب من أمل إنه يباعد عني بس أنا مش حقدر أعيش من غيره
مين الحيوان يلي بيخبط كده
قالت كوثر الكلام ده و هي بتفتح الباب ...كنت واقفة وراه و أنا ساكتة مستنية يفتحولي.. لقيت الست كوثر هي يلي فتحت الباب.. بصتلي من رأسي لآخر رجليا و رفعت حاجبها و قالت بعدما إبتسمت بزيف
كوثر.. خير يا بيلا
أنا عاوزة أشوف سليم
كوثر.. سليم مش موجود في البيت
حقعد عشان إستناه
كوثر.. إنت جاية منين و إيه الهدوم المتبهدلة دي يلي لابساها.. أعوذ بالله
انا مكنتش في البيت و محتاجة عشان أتكلم مع سليم ضروري.. بجد يا خالة كوثر
هو مين في الباب يا ماما كوثر
جاه صوت رحاب من جوه و بعدها طلعت هي كمان.. إطلعت عليا و كأنها بتقيمني و قالت
رحاب.. و كأنه القماش مش مكفيك عشان تكملي هدومك و لا أظن إنه قسمتيه على حتة روبة كده أو اتنين
كوثر.. ادخلي جوه يا رحاب
رحاب.. عاوزة إيه يا إيزابيلا
انا حفضل مستنية سليم هينا
أخذت كوثر نفس عميق و باعدت عن الباب.. إتفضلي
شفت علامات الضيق و الغضب على وش رحاب بس إتحكمت في نفسها و سبقتني.. إبتلعت ريقي و دخلت وراهم و بمجرد ما دخلت رجع إحساس إني غربية بينهم يدور جواي و بالفعل كنت غريبة بينهم لحد ما جات أمل و قعدت جنبي
أمل.. بيلا... إنت كويسة
أيوة.. أنا كويسة
أمل.. لأ.. في حاجة مزعلاك
رحاب.. و ليه تزعل بقى و هي خلت جسمها معروض للناس زي التجارة بالضبط
مقدرتش أتحكم في أعصابي و قلت بنرفزة .... إنت عاوزة مني إيه و بتتكلمي معايا بالطريقة دي ليه
رحاب.. يعني الحقيقة مش عجباك.. مفيش راجل يقبل إنو تطلع بنت مكتوبة على إسمه بالشكل ده.. بس ده الفرق بيني و بينك إني عاملة حساب ل سليم بس إنت لأ
ل.. إمام مسجد و بنت مسيحية دي حاجة دلوقتي ممكن تصير مش معقولة.. يمكن رحاب معاها حق و دي وجهة نظر هي محترمة سليم لدرجة كبيرة و عشان كده هي لابسة دريس و أسدال يعني هي لابسة حجاب شرعي.. هو ده الفرق الشاسع يلي بيني و بينه و يلي خلاني أحس إني مش بستاهل سليم
غمضت عينيا بألم و كنت طالعة من البيت بس لقيت سليم في وشي راجع.. وقفت في مكاني و أنا ببصله بإحراج كانت الساعة سبعة و نص و كنت عارفة إنو الوقت ده هو يلي بيرجع فيه سليم للبيت
أنا آسفة
مردش عليا و كمل طريقه.. كان ماشي جنبي بس أنا رفعت إيدي و مسكت بإيده يلي سحبها بسرعة
دي الحاجة الوحيدة يلي خلتنا منكونش مع بعض يا سليم.. إنك مسلم و أنا مسيحية.. إنك إمام مسجد و أنا بنت ضايعة و تايهة مش عارفة هي أصلا عايشة ليه
سكت و الكلمات يلي بقت جوايا نزلت على شكل دموع.. رفعت إيدي بسرعة و مسحت دموعي
ربنا يسعدك يا سليم
بيلا
نطق سليم إسمي بهدوء.. إتجمدت في مكاني و أنا حاسة إنو قلبي حيطلع من مكانه.. لفيت ناحيته و هو نزل رأسه
سليم.. بالطريقة دي كل واحد فينا حيروح في طريق و أنا بجد عاوزك تعيشي مبسوطة في حياتك و تنسي وجود سليم إمام المسجد للأبد بس عاوزك تعملي حاجة كمان
إيه هيا
سليم.. القصص يلي جبتهم عشانك و كتاب الرحيق المختوم يلي كان هديتي ليك خليهم عندك و كمليهم للآخر.. يمكن حتختلف حاجات في حياتك
ليه
سليم.. مش عاوزك تفتكرني و لا تزعلي من يلي حصل دلوقتي عشان ربنا حرص على أن لا يصيب النساء الحزن فقال بعد بسم الله الرحمان الرحيم.. فرددناه إلى أمه كي تقر عينها ولا تحزن ولتعلم أن وعد الله حق ولكن أكثرهم لا يعلمون .. و قال كمان في سورة مريم.. فناداها من تحتها ألا تحزني قد جعل ربك تحتك سريا .. عارفة ليه
ليه
سليم.. لأنه حزن المرأة عميق جدا.. و إنه عذاي شديد مش بيستحق قلبها.. وهو بيدل كمان على إنه الله سبحانه و تعالى بيكره للمرأة الحزن ...و عشان كده يا بيلا متزعلين و فوضي أمرك لله
أنا بحبك يا سليم و آسفة على اللي حصل
من غير ما أسمع رده جريت بسرعة بره البيت.. كل الناس واقفوا وهوما يبصوا
الفصل العاشر يتبع
httpspub153 lamha news27088
الرواية من الفصل الاول
httpspub153 lamha news25188
