رواية عشق في قلب صعيدي(جميع الفصول مكتملة)عشق وسليم بقلم أسماء السيد ج١
مش هسكتله هوا الي لسانه طويل
يعقوب.. انتي لعبتي مع الي مش بيرحم يابنتي
عشق .. قولتلكم ولا هيعرف يعمل معايا حاجه
فريده.. خافي علي نفسك بقا يابنتي منه
عشق .. ولا يفرقلي
زين.. والله جنونك هيوديكي في داهيه في يوم يا عشق ههههه
تاني يوم في قصر القناوي
العيله كانت مستنيهم وسليم بذات
وفجأة داخلو كلهم وعشق وراهم ولما العيله شافتها انبهرو بجمالها وسلمت عليهم بس منار سلمت بتكبر فعشق بصتلها من فوق لتحت بقرف وسابتها والتانيه اتجننت ودنيا اخدت عشق مع البنات وراحو يتكلمو والبنات حبت عشق جدا وهيا حبتهم وعلي السفره عشق قعدت بين زين ويعقوب وسليم قصادها علي طول وعماليبصلها بخبث وهيا بتبص بتحدي قطع نظرتهم دخول كريم
سليم.. عملت ايه في المناقصه
كريم.. خسرنا المناقصه
سليم بغضب.. ازاي الكلام دا انا مخسرتش قبل كدا انتا عارف اني دي اكبر مناقصه في السنه كلها
كريم.. والله معرف احنا كان احتمال فوزنا فيها كان 100معرفش
سليم.. مين الي اخدها
كريم.. شركه لسا اول مناقصه ليها اسمها العشق
عشق كان في بوقها دبوس الفرخه مبقتش عارفه تتطلعو ولا تعمل ايه من الصدمه فجأة يعقوب وزين بصولها بصدمه وهيا شرقت .
سليم.. ودا اسم ولا ايه دا والله اي كان الكلب ابن الكلب الي اخدها هجيبو بردو
عشق بعصبيه.. متحترم نفسك يا جدع انتا الله
سليم بإستغراب.. وانتي مالك محموقه كدا ليه
عشق.. مش عشان حاجه بس
سليم.. اه عمتا خليكي في نفسك
عشق لسا هتتكلم قاطعها رنه تليفونها وكان وليد وردت
وليد.. مبروك يا عشق اخدنا المناقصه
عشق .. اه عرفت ماشي
وليد .. عرفتي منين
عشق.. عادي ياوليد
وليد.. تمام الف مبروك
عشق.. الله يبارك فيكوفجأة بصولها الجميع
عشق .. قصدي يتربي في عزك قصدي الله يخليك
وليد.. بإستغراب يتربي في عزي بقولك كسبنا المناقصه مش خلفت
عشق .. اه عرفت ماشي
وليد.. ياعشق الف مبروك
عشق.. الله يخليهملك يارب الله يخدك وقفلت
زين.. بخبث في ايه
عشق بتوتر.. اصل اصل اصل وليد مراته ولدت اربعه قصدي توام
زين.. اه بجد
عشق .. اه اه
وبعدين فريده قالت بحسن نيه
فريده.. صحيح يا عشق مش الي كسبت دي شركتك بردو الف مبروك يا بنتي
وفجأة كلهم بصولها بصدمه وعشق ابتسمت بسذاجه وسكتت
كريم.. بصدمه بجد انتي صاحبهالشركه
عشق.. اه لا اه اه
سليم.. وموقلتيش ليه وسكت. وعشق كملت اكل وسكتت
منار بغل.. مش عيب عليكي تكوني لسا اخده منه شغله وبتكلي من خيره
عشق اتحرجت وقالت
عشق.. عن اذنكم انا شبعت وقامت.
سليم بصلها بغضب.. وانتي مالك بتاكل من جيبك وقام هوا كمان
منار بغل في نفسها .. والله مهسيبك ماشي
وراح سليم ورا عشق وفجأة لقا عشق قعده في الجنينه بتلعب مع القطط وبتضحك سرح فيها شويه وبعدين قال
سليم.. كنت فاكر هجي القيكي بتعيطي وكدا
عشق.. انا اعيط
سليم.. مبروك
عشق.. الله يبارك فيك عقبال ما اخد منك الباقي وضحكت ومشيت
سليم.. هنشوف يا عشق
ودخلت قعدت جمب زين جوا في الصالون
الجد مجدي.. معلش يا بنتي هيا بس منار الي هزارها تقيل شويه
منار بصت لعشق حقد
عشق.. عادي يا جدو ولايهمك
مجدي .. عمتا يابتي الف مبروك
عشق.. الله يبارك فيك يا جدو
زين بهمس.. متزعليش يا حبيبتي
عشق بمرح.. انا ازعل من السلعوه دي دي شبه الكلب البلدي
وفجأة زين انفجر في الضحك علي دخلت سليم
سليم.. بتضحك علي ايه
زين .. لا ولا حاجه مفيش
عشق بهمس .. زين انا عاوز اتفسح
زين .. حاضر قومي يالا نروح نغير ونخرج
زين.. معلش يا جماعه انا هقوم انا وعشق ودنيا عشان رايحين مشوار
يعقوب.. رايحين فين يابني
زين.. هنتفسح عشان اوري عشق الصعيد
زين.. صحيح ياسليم متيجي معانا
سليم بخبث.. ماشي هجي معاكم
منار .. وانا كمان هاجي معاكم
زين بضيق .. تمام
كريم.. بعد ازنك يا جدي هاخد ريحانه افسحها
الجد.. ماشي يا حبيبي
زين.. تمام هنروح القصر نغير ونعدي عليكم
سليم .. تمام
ومشيو ... عشق.. لي عزمته يارخم
زين.. عادي و يلا عشان منتأخرش
ورجعو غيرو ومشيو وعشق لبست درس اسود وطرحه ابيض مع اسود كدا وكانت قمر ... وصلو وسليم اول مشافها انبهر بجمالها جدا وفضل متنح شويه لحد ما كريم فوقه
زين.. عشق
عشق.. مستحيل لا مش هركب معاه
زين.. خلاص اركبي يالمضه وركبت مع زين وراه ومشيو راحو الملاهي
منار كانت راكبه مع سليم
مناربحقد.. بقولك ايه ياسليم انتا مش هتاخد حقك
سليم.. من مين
منار.. من البنت البيئه الي اسمها عشق دي
سليم بغضب .. اولا متقوليش عنها بيئه عشان هيا مش موجوده ثانيا انا مفيش بينا عداوه وخليكي في نفسك ونفخ بزهق
مناربحقد وغل اكتر لعشق .. وانتا بتحامي عنها كدا ليه إنشاء الله
سليم بصلها بنظره اخرستها
في الملاهي
عشق بطفوله.. الله انا هركب كل دا يلا
منار بقرف.. انتو جايبين ملاهي احنا اطفال ولا ايه
زين بضيق.. عشق بتحب الملاهي اوي ودي رغبتها و قاطعه عشق وهيا بتشده عشان يركبو لعبه ومشي معاها وهوا بيضحك
سليم ابتسم علي منظرها وقال.. وانا كمان هىركب معاكم
زين ودنيا اتصدمو لان دي اول مره سليم يعملها
منار بغل وغيره.. سليم انتا هتركب بجد
سليم.. اه هركب...وركب في الكبينه الي فيها عشق ودنيا وزين في كبينه واتقفل عليهم ومنار كانت هتولع وكانت راحا تركب بس الراجل قال معتش مكان واللعبه اشتغلت ولما طلعو
مسافه عاليه جدا عشق مسكت ايده جامد وسليم كان مصدوم لحد ما اللعبه خلصت ونزلو وعشق لسا ماسكه فيه وبعدين اخدت باله من الي هيا عملته بس لاسف منار شافتهم وولعت اكتر
عشق.. انا اسفه والله اسفه مكنش قصدي
سليم .. لا عادي
التالي من هنا
