رواية أسفة أنا لا أرفض الطلاق جميع الفصول مكتملة ساره وادهم بقلم يسرا مسعد
رواية أسفة أنا لا أرفض الطلاق بقلم يسرا مسعد ساره وادهم
في صمت فجر ثقيل الخطى
تسير سارة تحمل وجعا لا يزول
توقظها ساعة لا ترحم سكونها
كأن النوم صار بابا للجنون
تركت الفراش بجسد متعب
ونهضت تبحث عن ظل روحها المكسور
غسلت وجهها بماء بارد
علها تمحو ما تركته الليالي من هموم
نظرت إلى المرآة وابتسمت بمرارة
تسعة وعشرون عاما كأنها خمسون
تحمل في قلبها سنين من الألم
كأن الزمان نسي أن يحنو عليها
تخرج من الغرفة تجد أما تسأل
هل نمت جيدا يا ابنتي الحبيبة
فترد سارة نعم يا أمي بخير
وهي تخفي خلف كلماتها شقاء لا يقال
يأتي صوت من الهاتف يقاطع الدفء
أصوات الحياة تعود تطرق الأبواب
ولكن قلبها هناك في مكان بعيد
حيث الألم لا يرحل
والأمل لا يزهر
والحب صار مجرد ذكرى باهتة
تعيش بين الناس كأنها لا تنتمي
وفي داخلها حرب لا تنتهي
لكنها رغم كل شيء
تقاوم
تتنفس
وتكمل الطريق
رن جرس الهاتف منبها ساره لكى تستيقظ في الساعه قاربت على السابعة والربع
مع انه يوم الجمعه وهو نهاية اسبوع شاق الا انها اعتادت على ضبط المنبه على ساعة مبكرة
لان كثرة النوم لا تجلب لها الا الأحلام المزعجة التى تهرب منها قله النوم
ومحاولة الانخراط في حياتها وعملها تنسيها مقدار الالم الذى تشعر به كسکين ينغز قلبها
استيقظت ساره وجلست على السرير وهى تحاول ان تقوم لانها لم تنم جيدا
ذهبت الى الحمام وغسلت وجهها واسنانها وتأملت نفسها فى المرايه وابتسمت بمرارة لنفسها ااه عندها 29 تشعر انها 49
وخرجت لتجد امها الحبيبه قد استيقظت الاخرى
ساره يا ماما
الام سعاد يا ساره نمتى كويس
ساره الحمد لله نمت كويس وانتى ياست الكل
الام انا الحمد لله نمت وما حستش الا على اذان الفجر فقمت ومعرفتش اصحيكى ولا اسيبك نايمه وانتى تصحى براحتك
ساره لاء اطمنى انا صحيت ولحقت الفجر
يرن جرس الهاتف مقاطعا حديثهما
الام الو
سلمى الو ياماما
الام يا سلمى ازيك وازى جوزك والولاد عاملين ايه
سلمى احنا الحمد لله كويسين ساره عامله ايه يا ماما هيا صحت
الام الحمد لله يابنتى كويسين كلنا
سلمى طب يلا بقى انتو مش هتيجوا
الام ضاحكه يابنتي اصبري علينا هوا احنا لسه فطرنا دا احنا يادوب لسه صاحيين
سلمى طيب يلا بأه افطروا والبسوا وتعالو بسرعه لا احسن انا خلاص تعبانه اووى مانمتش خالص طول الليل والولاد مسهرنى وأحمد رجع متاخر
هوا كمان من شغله وطبعا سابنى ودخل نام
الام طيب طيب خلاص احنا هنفطر بسرعه ونيجى يلا سلام بقى عشان اروح افطر مع اختك ونجيلك بسرعه
سلمى طيب مع السلامه وسلمي على ساره
الام يوصل
سعاد تنادى على ساره
يا ساره ياساره
ساره ايوه ياماما
الام اختك اتصلت وبتستعجلنا نروحلها يا بنتى معلش انا عارفه انك كنتى عايزه تقعدى ترتاحى
انا مش عارفه اختك دى ساعات قلبى بياكلنى عليها لحد النهارده ومش قادره تتحمل مسئوليه بيتها والله كتر خيره جوزها
ساره معلش ياماما اعذريها برضه خبطتين ف الراس توجع جواز وخلفه
ومتنسيش اول خلفه ليها و 4 اطفال تؤام وغير كده هيا الصغيرة اخر العنقود عمرها ما شالت ف البيت قشايه
بكره تتعود دى يادوب لسه بتقول يا هادى فى الجواز والمسئولية ماتخافيش عليها
والحمد لله جوزها مقدر الضغط اللى عليها
اربعه ولاد كتير برضه دا انتى يا ست الكل جبتينا اول عن اخر 3 بنات وبين كل واحده والتانيه 3 سنين
وكل شويه تقوليلنا ربيت وخليت وتعبت وشقيت
الام ااه والله على رايك والعيال ف الزمن ده غير زمانكم
عقبال ما افرح بيكى وبعوضك
ساره اه يا ماما تانى السيره دى
الام يابنتى ليه كده بس مش دى سنه الحياه هيا الدنيا هتقف عشان ما اتطلقتى خلاص يعنى
دا انتى لحد النهارده مش عايزة تقوليلى ايه اللى حصلك مع جوزك ف امريكا اللى خلاكو تطلقو منغير ماترجعو لحد فينا لا من اهله ولا من اهلك
وحتى العرسان اللى بتجبهملك حماه اختك مبترضيش تقابليهم
ساره وبعدين بأه يا ماما احنا اللى نعيد فيه نزيد فيه بلاش الله يخليكى
عشان خاطرى انا مابحبش ازعلك يلا بأه نفطر و نلبس قبل ما نلاقى سلمى تتصل تانى وتلاقينا لسه معملناش حاجة هتزعل اوى قومى يلا انا حضرت الفطار يلا بأه
الام طيب طيب هوا اصلا مش وقته ربنا يهديكى ويصلح حالك بحق ده يوم مفترج
ساره امين
الام بتتريقى
ساره الله حاجه غريبه بلاش اءمن على دعائى ليا مش بتريق والله يلا بقه يا سوسو يلا نفطر
يرن جرس الهاتف وترد ساره
ساره الو
سالى الأخت الوسطى و كويس انى لحقتك كلمت سلمى قالتلى انكم نازلين ورايحين لها
ساره طيب قولى السلام عليكم سلمى باينلها هتبيض عشان نروح لها ازيك انتى
سالى انا الحمد لله كويسه حاودى يوسف عند حماتى واجيلكو عند سلمى بعدها
قولى لماما ماتنساش الخضار اللى جابتهولى من السوق خليها تاخده معاها عند سلمى
ساره حاضر اى اوامر تانيه
سالى لاء ياستى وصبحيلى على ست الكل
ساره حاضر علم وينفذ سلام
سالى مع السلامه
ساره ماما سالى اتصلت وبتفكرك بالخضار اللى جبتيهولها من السوق
الام اااه كويس انها اتصلت تفكرنى لحسن انا كنت نسيت خالص اهو عندك ف اول درج ف الديب فريزر افتكرى قبل ماننزل ناخده معانا
ويلا بأه عشان نفطر لحسن انا خلاص حاسه انى برتعش دوا السكر باينله اشتغل
ساره يا ماما يا ماما كام مره ااقولك الدوا تاخديه وانتى قاعده على السفره والاكل قدامك لا قدر الله ممكن تجيلك غيبوبه سكر
الام حاضر حاضر ياست الدكتوره عارفه انا اخدته واستنيتك تخلصى التليفون عشان اكل معاكى وبعدين الله يخليكى
طلعى شغل الصيدله اللى انتى اتعلمتيه ده على روحك مش عيب عليكى دكتوره ووشك كده لونه مخطۏف بصى تحت عنيكى محلق ازاى من قله التغذيه والنوم
ساره خلااص حقك عليا لا بعمل شغل عليكى ولا حاجه بس انا بخاف عليكى هوا انا ليا مين غيرك بعد بابا الله يرحمه
الام بحزن الله يرحمه هوا كان يوم الجمعه بيعدى علينا كده
اخذت ساره تفكر فعلا الجمعه كان ليه طعم تانى واخذت تسترجع الذكريات قبل 3 سنوات فقط
كان البيت يضج بالحيويه والسعاد ه والضوضاء نعم ولكنها ضوضاء محببه للنفس
تزوجت سالى الاخت الوسطى قبل ساره وكان والدهم محمود رحمه الله عليه كان يفعل الافاعيل كى لاتتم زيجه سالى قبل ان يأتى لساره عريس فكيف يزوج الوسطى قبل البكريه
ولكن امر الله
تزوجت سالى من نادر وكان يوم فرحها
ااه من ذكرى ذلك اليوم كان اول يوم ترى أمجد او بالاصح
أمجد هوا اللى شافها وعجبته ساره جدا
فكانت من النوع اللى يبان عليه انها خام وخجوله ومنطويه وكانت تلك المواصفات مايبحث عنها أمجد بالظبط
ولم يهدأ الا عندما كلم نادر فهو صديقه وعرف منه انها اخت عروسته
ومر اسبوع
بعدها اتصلت سالى لتفرح قلب ساره انها جالها عريس صاحب زوجها شافها ف الفرح وعجبته جدا ومن تانى يوم وهوا بيتصل بجوزها والصراحه قرفهم مستعجل يجى هوا واهله ويتقدموا
تذكرت ساره وقالت ف نفسها ااه وياريته ما جه ولا كان شافها من اساسه
ارتشفت ساره قليلا من النسكافيه وتذكرت اول يوم شافت فيه أمجد
كان فيه كل مواصفات فتى الاحلام بالنسبه لاى فتاه وكان مقبولا عند الجميع
دكتور عيون عمره 33 عاما جاهز معه شقه ملك وعربيه حديثه ووالده كان طبيب عيون مشهور متوفى وليس له اخوات
وامه كانت كل من يراها يقول عليها ست طيبه
هه اد ايه المظاهر خداعه
وافق والدها عليه وطلب مهله اسبوع كى يسأل عنه واخذ يلح أمجد وامه باتصالات شبهه يوميه طيله الاسبوع
الى ان تاكد لوالدها حسن سيره وسلوكه بشهاده الجميع
ووافق على الخطوبه
لم تكن ساره لها اى تجارب مع الچنس الاخر
لا عمرها كلمت راجل ولا اتصاحبت على ولد
فقد كانت ملتزمه وفكرتها عن الرجال من منطلق نظرتها لوالدها رجل محب لعائلته ملتزم ويحب زوجته وبناته اكثر من نفسه احيانا
وطالما قد وافق والدها عليه وسأل عليه كويس اذا ما المانع
فلم تكن مؤمنه بالحب وقصص الغرام التى كانت صديقاتها تحاول ان تقنعها بها
ااه
الى متى ياربى سوف تطاردنى الذكريات
متى سوف انسى
متى
انهت ساره فطورها وذهبت الى غرفتها كى ترتدى ملابسها فامها تستعجلها لكى يذهبوا الى اختها
الام يلا يا ساره يابنتى احنا اتأخرنا اووى الساعه داخله على 9 ولسه مانزلناش
ساره خلاص ياماما انا بس بجيب الخضار بتاع سالى
الام طيب يابنتى يلا بينا
اغلقت ساره باب الشقه ونزلت مع امها مشوارهم الوحيد و المتكرر حوالى 3 او 4 مرات زياره ف الاسبوع لبيت اختها
رواية أسفه أرفض الطلاق بقلم الكاتبه يسرا مسعد
الحلقه الثانيه
يرن الجرس ف بيت سلمى
وتجرى لتفتح الباب وصغيرها حسن يبكى على كتفها
تفتح الباب وترى امها واختها
سلمى وهى تناول حسن الصغير لامهاكده برضه اتاخرتو كده ليه
الام طب مافيش حمدلله على السلامه
يابنتى اتاخرنا ايه ده يادوب فطرنا ولبسنا ونزلنا على طول وربنا سهلها معانا بتاكسى على طول جابنا لحد باب البيت هنا
ساره هاتى يا ماما عنك حسن ابوسه ومش عايزه حاجه من امه هههه
سلمى لاء ياستى هتاخدى ڠصب عنك ومش بوسه منى لاء حسين خدى اهو قبل ما يعيط ويصحى لوجين وليان
ساره ده احلى من البوسه
ايه يا سونسن ااييه يا بيبى شكلك مانمتش اصلا ادينى رضعه ارضعه وينام
سلمى ادخلى اعمليها انا خلااااص تعبانه جدا هدخل انام وخلى بالكو منهم
الام ادخلى نامى يا وسيبيهم وارتاحى
سلمى ااه ساره لما تنيمى الولاد شوفى بأه هتطلعى ايه من الفريزر تعمليه غدا النهارده
ساره حاضر ياقمر ادخلى ارتاحى انتى
تعالى يا سى حسين انت وحسن اعملكم رضعه تمام ونغير البامبرز اللى ريحته طالعه ده هههه
الام طيب سيبيلى الرضعه انا اعملها وغيرلهم انتى انا ضهرى مش حمل تغيير
ساره ماشى وارتاحى انتى ياست الكل خالص انا اعمل كل حاجه
الام لا يابنتى انتى هتعملى ايه ولا ايه كتر خيرك
يرن جرس البيت
تذهب الام لتفتح
الام اهلا محمد ازيك
محمد ازيك انتى يا طنط عامله ايه امال فين ساره طبعا البيه اخويا ومراته نايمين ف العسل نوم
الام ساره جوه ف اوضه الولاد بتغيرلهم وسلمى لسه داخله تنام من شويه والله
محمد طيب انا هدخلها
محمد صباح الخير
ساره خضتنى يا اخى
محمد انا
ساره ايوه انت وبعدين مليون مره ااقولك بالراحه ممكن تصحى الولاد
محمد بس بلاش لاماضه انا لسه سال طنط وقالت انك بتغيرى للولاد يعنى ما ناموش لسه
ساره ما انا كنت هغيرلهم وانيمهم
محمد مافيش فايده انا استحاله اغلبك
الام من غرفه المعيشه يا ولاد ياولاد فى ايه انتو كده دايما ناقر ونقير وطوا صوتكوا لحسن البنات تصحى وكمان اختك وجوزها ياساره
ساره وانا مالى هوا اللى داخل يناقر فيا المفروض تقولى اخوك ومراته يصحوا مش تجيبى عليا
محمد وبيطلع لسانه لاء بأه انتى اللى غلطانه
ساره طب امشى بألو سمحت عايزه انيم الولاد
محمد طب وبعد ماتخلصى انا عايز الفطار ف البلكونه
ساره ترد عليه وهيا بترمى ملابس الولاد المتسخهامشى
محمد عارفه بجد لو اللبس كان فيه حاجه كده ولا كده كنت هعمل ايه
ساره هتعمل ايه
محمد ولا حاجه ههه يلا متتاخريش انا جعان
ساره انا مش عارفه الام اره دى على ايه ان شاء الله ماتروح يابنى تتجوزلك واحده تتأمر عليها وتتشرط ده ايه الشغلانه اللى مايعلم بيها الا ربنا دى
محمد ياشيخه تفى من بوقك جواز ايه بعد الشړ عليا
ساره طب امشى بأه عايزه انيم الولاد ولا ااقولك خدلك رضعه ونيم حسن وانا انيم حسين
محمد ماشى عشان خاطرك بس
الحلقه الثالثه
الام ناموا الولاد
ساره ااه يا ماما انا هدخل اشوف هعمل ايه على الغدا قبل البنات مايصحوا مهما كده بيسلمونا لبعضهم شيفتات
امال فين محمد
الام طلع البلكونه
طيب هيا طنط نوال هتنزل دلوقت ولا على الغدا
الام والله يابنتى ماقليش حاجه اساليه
ساره مش مهم انا هدخل المطبخ الحق اعمل فيه حاجه زمان سلمى سايباه يضرب يقلب
بعد شويه
محمد فين يابنتى الفطار قاعد انا ف البلكونه مستنى
ومافيش حاجه جاتلى
ساره الله يخليك يامحمد انا مش ناقصاك
محمد يعنى يرضيكى افضل على لحم بطنى لحد دلوقتى
ساره ومافطرتش مع طنط ليه
محمد ماانتى عارفه ماما بتصحى متأخر
ساره طيب ياسيدى ادينى حتطلك البراد على الڼار وعندك التلاجه طلع جبنه والتوست وحطهم ف التوستر وسيبنى بأه أروق المطبخ
محمد ماشى ياستى اصبلك معايا شاى
ساره لاء انا لسه شاربه النسكافيه
محمديادى النسكافيه بيتهيألى لو حللنالك دلوقتى
هتنزلى نسكافيه مش ډم
ساره خفيف روح شوف الباب الجرس بيرن هتلاقيها مامتك
محمد ماهو عشان هيا اكيد ماما هسيب مامتك اللى تفتح
ساره هاه عملت ايه
محمد مش عارف الست امى مابقتش طايقانى لا ف سما ولا ف ارض
ساره مش هيا لوحدها
محمدبأه كده ماشى الحق عليا انى بحكيلك
نوال تحكيلها على ايه يا اخرة صبرى
ساره يا طنط
نوال ياحبيبه قلبى ااه ياساره الواد دا تعابنى بشكل لاء ونازل يشكيلك
محمد وانا اقدر ياست الكل
نوال بس يا وله مش عايزه اسمع حسك انا واخده حبايه الضغط
محمد ينقطع حسى من الدنيا يارب ولا تتعبيش يا نونا
نوال يامنيل على عينك حد يقول دعوه زى دى ف يوم مفترج فيه ساعه اجابه اعمل فيك ايه بس
محمدولا اى حاجه انا ماشى اهوه من قدامك عشان ترتاحى
احمد وهيا هترتاح طول ما انت قاعد تناكف فيها ازاى بس
نوال ياحبيبى معلش صحنياك يابنى
احمد ابدا يا ماما انا صحيت من بدرى
ياساره ازيك
ساره يا احمد ازيك انت
احمد انا الحمد لله امال فين حماتى المصون
محمدجف الليفنج
احمد حد سالك انت
محمد انا الحق عليا انى برد عليك اصلا
ساره هاتيلى الشاى والساندوتش ف البلكونه ايه العالم دى
نوال تجيبهوملك البلكونه ايه اللاطه دى بت ياساره ماتعمليهوش حاجه اصلا كفايه انه منرفزنى على الصبح كده
ساره شوفتى ياطنط بيتأمر عليا ازاى وايه حكايه البلكونه اللى طالع لنا فيها دى
احمد يا اخى خلى عندك ډم واعمل لنفسك مش كفايه سلمى وطلباتها هيا ساره هتلاحق على مين ولا مين
محمد مالكوش دعوه بينا ساره اختى الكبيره ويعز عليها تسيب اخوها منغير فطار
نوال كبيره ف عينك ياواد دا انت شحط وعندك 31 سنه
سعاد طبعا حضراتكو واقفين هنا ولا حاسين بالبنات انهم صحوا
نوال ياخبر شوفت يامنيل نسيتنى حتى ابص على الولاد
محمد وانا مالى
احمد ازيك ياطنط عامله ايه
سعاد ازيك انت يااحمد
نوال عنك انتى هاتى لوجين اشيلها وانتى كفايه عليكى ليان
احمد طيب انا هروح اتشطف واحلق دقنى
محمدطيب ياساره فطار بأه لاتنين
احمد لا يا ساره ماتعمليش حاجه بالله عليكى انا هخلص حمامى واعمل الفطار كتر خيرك لحد كده
ساره مايهمكش هوا انا بعمل لغرب انا بعمل لاخواتى
محمداصيله ياسرسوره
ساره اهو عشان سرسوره دى انا ممكن ارجع ف كلامى بالنسبالك انت احمد على عينى وراسى
محمدلاء لاء خلاص الطيب احسن يادكتوره ساره حلو كده
ساره ااه اتعدل احسن
رواية أسفه أرفض الطلاق بقلم الكاتبه يسرا مسعد
الحلقه الرابعه
خرجوا الجميع من المطبخ تاركين ساره وهيا تفكر
غريبه الدنيا ساعات الواحد يلاقى نفسه زهقان من الوحده وساعات الدنيا بتبقى ولا المرستان كله بيتكلم ف كل حاجه واى حاجه
ابتسمت لنفسها وبدأت فى التحضير لوجبه الغداء
نزل احمد زوج سلمى ومحمد اخوه لصلاه الجمعه وشويه وجرس الباب يرن
طنط نوال ساره شوفى مين على الباب
ذهبت ساره لتفتح وجدت اختها سالى وابنها ذو العامين يوسف معها
ساره اهلا ياسالى
سالى وحشتك ايه يابنتى هوا احنا بنلحق نوحش بعض اختك كل يوم ومجمعنا الجمع الغفير ده
ساره خلاص ياستى ولا ولا حاجه انا وحشنى حبيب قلبى الصغنن ده هاتيه بأه شويه
سالى خديه خديه دا طول الوقت اللى كنا عند حماتى مابطلش زن قلبه حاسس ان امه مش بطيق القاعده عندها
ساره بلاش كده ياسالى حرام عليكى اسمها برضه جدته
سالى والله انتى طيبه ياساره بعد كل العمايل اللى الست دى بتعملها وعايزانى كمان مادايقش وابنى مايحسش بيا
كفايه عليا ابوه ولا هوا هنا ومطنش كل عمايل امه
ساره استهدى بالله كده احنا النهارده الجمعه وماتضيعيش ثوابك عند ربنا
سالى والله ربنا شاهد انى بعامل الست دى بس عشان خاطر ربنا
امال فين بقيه القوم
ساره ماما وطنط نوال ف المعيشه وسلمى نايمه
اما احمد ومحمد لسه مارجعوش من الصلاه وانتى جوزك فين
سالى وصلنى وراح يصلى وهيجى على بلليل ياخدنى
سالى طيب انا هدخولهم بأه هاتى يوسف عنك عايزه مساعده ف المطبخ
ساره لا يا انا شويه وهخلص واجى اقعد معاكو
سالى السلام عليكم
سعاد ونوال وعليكم السلام
سعاد حبيب تيته وحشتنى اووى
سالى ماهو لسه ياماما كان امبارح معاكى
سعاد ولو بيوحشنى برضه
نوال طبعا ده اول فرحتها عقبال يارب ماتفرحى بساره وبعوضها يارب انا مش هيهدالى بال الا لما اجوزها ايه رائيكو بأه
انا مش عارفه منشفه دماغها ليه وكل عريس والتانى اجيبهالولها يا أما تطفشه ياأما تهرب من انها تقابله من اساسه
سالى انا مش عارفه ياطنط برضه ايه حكايتها دا لحد النهارده حتى مش عارفين ايه اللى رجعها هيا وجوزها مطلقين من هناك
دا حتى نادر حاول ياما يتصل ب أمجد ويفهم منه سبب طلاقهم ويرجع المايه لمجاريها
أمجد مافيش على لسانه ابدا هيا انسانه ممتازه بس ما اتفقناش والجواز قسمه ونصيب وربنا يكتبلها اللى فيه الخير
نادر يسأله طيب فهمنى ايه اللى حصل بس يرد عليه أمجد هيفيد بأيه كتر الكلام القرار ده اخدناه انا وهيا سوه وخلاص انا مرتاح كده وهيا كمان مرتاحه
سعاد واختك على لسانها نفس الكلام ولا راضيه تقول حاجه اسالها اټخانقتوا لاء كان بيضربك لاء
كان بيعرف ستات لاء كان بخيل لاء
كل حاجه لاء
اما زهقت وهيا مش عايزه تريح قلبى وتقولى حصل ايه ولما اضغط عليها ازيد احس انى بجرحها وانا مش عايزها تزعل كفايه انها اتطلقت
وماكنش عدى سنه على جوازهم ده اللى يشوفوا وهوه ملهوف عليها ف الخطوبه ومستعجل على الجواز يتم باى شكل ماكنش يتوقع كده
دى الخطوبه كلها كانت 3 شهور وكان كل اللى على لسانه انا جاهز وهوا شهر بعد الجواز وهحضر لسفرنا لامريكا واى حاجه نقصانا نبقى نكملها من هناك
سالى اه والله ياماما باينلها عين وصابتنا اكمنى انا اتجوزت ورايا ساره على طول ب شهور وراها احمد خطب سلمى وكانت لسه ف اخر سنه ف كليه
سعاد واخرتها ابوكى ماټ بعد كل ده بشهرين بس
نوال الله يرحمه كانه اطمن عليكو وماټ
وعسى ان تكرهوا شيئا وهو خير لكم ياسعاد مايمكن ربنا شايلها خير اكتر من كده
سعاد امين يارب الفاتحه لابوكى ياسالى
نوال وانا لاء دا الحاج كان طيب اوى الفاتحه
جرس الباب بيرن
نوال هتفتحى ياساره ولا افتح انا
ساره خلاص انا فتحت
نوال مين
ساره محمد
نوال تعالى ياحبيبى
محمدالحمد لله انا صليت ودعيت انك ترضى عليا شوفتى ربنا بيحبنى ازاى واستجاب دعايا
نوال وهيحبك اكتر لما تراضى امك وتسمع كلامها
سعاد ليه كده بس يانوال ده محمد طيب وابن حلال
محمدالله يخليكى ياطنط قوليلها ازيك ياسالى ازيك يايوسف
سالى الحمد لله
محمدهاتى يوسف شويه امال فين بقيه العيال ولاد اخويا
نوال نايمين جوه ووطى صوتك
محمدوطى صوتك وطى صوتك قاعدين احنا ف مكتبه اسكندريه هنا ولا ايه
محمدطيب وطو صوتكم بأه
اما اروح اناكف ف ساره شويتين
نوال شايفه الولد ياسعاد يابنى حرام عليك بطل مناكفه فيها هيا نقصاك
محمدمحدش ليه دعوه
وذهب لمناكفه ساره كعادته معها وهو لايعرف لماذا يرغب دائما ف مناكفتها غير انها بتبقى ډمها خفيف اووى وهيا بترد عليه ووشها احمر من الڠضب
الحلقه الخامسه
محمدايه الغدا لسه ماخلصش
ساره فين الحاجات اللى قولتلك تجيبها
محمداخ نسيت معلش بأه ياساره
ساره نسيت انت بتستعبط انا مدياك الورقه ومنبهه عليك ومستنياك تيجى عشان اخلص واطلع ارتاح شويه
محمدطيب خلاص بأه مش مهم اتصرفى انتى
ساره ماتجننيش اتفضل انزل هات الطلبات اللى كتبتها
محمدوانا مالى
ساره وانت مالك ايه امال مين اللى ماله
ورقه طلبات واديتهالك تجيبها لو مش هتجبها يبقى تقول من الاول مش اعتمد عليك وحضرتك ولا ف دماغك
تصدق انا اللى غلطانه انى اعتمد عليك اصلا واتفضل بأه اطلع بره
محمدبس بس بس براحه خلاص اهدى احمد اخد منى الورقه وراح يجيبها ماتزعليش روحك
واهوه الجرس بيرن اكيد جه وجاب الحاجه
ساره طب اتفضل روح افتح وحسابك معايا بعدين
احمد اتفضلى ياساره
ساره متشكره يا احمد
ايه ده كله
احمد لقيت الخضار حلو والفاكهه جبت بالزياده
ساره ربنا يخليك
محمد وانا ماليش دعوه
ساره واحمد ف نفس واحدربنا يهديك
طنط نوال ام ين يارب
محمدااه اتلميتو عليا الحق اخلع انا بأه
طنط نوال على فين
محمد ولاد اعمامى ادهم وحازم وخالد جايين النهارده من القاهره هروح اقابلهم
احمد ااه اتصلو بيا فعلا بس انا مش هقدر اجى معاك النهارده اشوفهم سلملى عليهم هما مش قاعدين ف اسكندريه شويه
محمدااه حوالى اسبوعين كده وخالد تقريبا بيجهز نفسه ينقل بشكل نهائى هنا بعد ما مراته الله يرحمها ماټت وبيدور على مدرسه كويسه لولاده هنا
واهو يبقو مع جدتهم بدل قاعدتهم هناك ف القاهره لوحدهم
نوال طيب وجدتهم لامهم
احمد انتى عارفه انها ست كبيره وتعبانه وبعد مۏت بنتها الوحيده خلاص واهو احسن يرجع اسكندريه ومامته تراعى الولاد اثناء ماهوا ف شغله
ساره لا حول ولا قوه الا بالله والولاد صغيرين
احمد عنده بنت عندها 7 سنين وولد 4سنين
ساره ياحرام بيصعب عليا اووى الاطفال لما ټموت امهم
نوال ايوه يابنتى ربنا مايكتبها على حد فينا اللى ېموت ابوه اسمه يتيم واللى ټموت امه اسمه لطيم بس هنقول ايه ربنا ارحم بيهم من امهم وابوهم كمان
الجميعونعم بالله
محمدالحق انا انزل عشان ماتاخرش عليهم
نوال بمكروهاتهم وابقى اعزمهم يجولنا مايصحش يجوا ومايدخلوش بيت اخوك ويشوفوا ولاده
ساره يلا الغدا جاهز انا حاحضر السفره وانت يا احمد صحى سلمى وقول لسالى تيجى تجهز معايا
احمد سالى هنا كويس بنت حلال هههه كلكو بنات حلال
احمد السلام عليكم ازيك ياسالى عامله ايه امال فين يوسف
سالى
ربنا يستر ومايصحوش بعض
احمد يارب ساره عاوزاكى
سالى انا رايحالها اهو
يتغدى الجميع وهم يثنون على نفس ساره ف الاكل
ويمضى اليوم مرهق كالعاده بالنسبه لساره فهى تتعمد ارهاق نفسها لاخر نفس فيها حتى ترجع البيت وتنام من شده تعبها
ساره يلا بينا بأه ياماما انا عندى محاضره بكره الساعه تسعه يادوب نلحق نروح واجهز نفسى لبكره كمان عشان المواصلات ماتبقاش زحمه
سعاد يلا يابنتى
سالى طيب استنوا شويه نادر زمانه جاى ويوصلكو
وننزل سوا
احمد لا انا انزل اوصلهم
ساره لا انت ولا نادر مافيهاش حاجه نركب تاكسى
احمد انتى عربيتك ف التصليح كل ده
ساره ااه الميكانيكى مطلع عينى
احمد لا كده كتير اووى دى عنده بقالها اسبوع
ادينى عنوانه انا حاوروحله اشوف ايه حكايته
ساره ما تتعبش روحك هوا راجل كبير وبطىء بحكم السن بس امين
احمد طب لماانتى عارفه انه بطىء ليه توديهالو
سعاد ده المكانيكى اللى كان الحاج الله يرحمه بيتعامل معاه عشره يعنى
احمد ااه طيب انا هوصلكو
سالى مالهوش لزوم نادر اهوه بيرن يلا كلنا ننزل سوا كلنا على نفس السكه وكنتى هتنسينى الخضار يا ماما
سعاد لا يا اختك شاليتهولك
سلمى قولى لنادر يطلع مايصحش يجى لحد باب البيت ومايطلعش
احمد نادر يطلع ده روحه ف مناخيره من عمايل سالى فيه انا هنزل معاكو اسلم عليه
سالى كده برضه يا احمد شايفه جوزك يا سلمى
سلمى رجاله يا وبيدافعو عن بعض
نوال لاء بأه ياسلمى مالكيش حق انا ابنى مش زى اى راجل
سعاد ام العروسه تشهد بس الشهاده لله
احمد مالهوش زى
سالى يعنى جوزى انا اللى وقع من قعر الحله
نوال بعمايل حماتك يقع ونص
سالى ااه ماتفكرنيش ياطنط
ساره يلا بأه ماكفاكوش رغى طول النهار
انا خلاص دماغى ھتنفجر من كتر الصداع
اطمنو على ولادكو بيقولو الاطفال بيتكلمو كويس عند 3 سنين ولادكو هيتكلمو لبلب عند سنه
سالى ده على كده يوسف متأخر اووى
ساره يلا يا تحفه
جوزك مابطلش رن على الموبايل
احمد انا هقولو انها سايباك تحت ونازله لوك لوك فوق
سالى ااه عشان يكسر الموبايل على دماغى
يلا مع السلامه ياسلمى مع السلامه ياطنط
سلمى ونوال
مع السلامه يا
ساره وسعاد مع السلامه مش عاوزيين حاجه
سلمى ونوال مع السلامه
سلمى ماتتأخروش عليا
ساره انا عملتلك غدا لبكره وحاحاول اجيلك اذا مااقدرتش اشوفك بعد بكره ان شاء الله
سلمى ربنا يخليكى ليا
احمد انا هنزل ياسلمى اسلم على نادر مش عايزه حاجه من تحت
سلمى عايزه سلامتك
الحلقه السادسه
ف صباح اليوم التالى تستيقظ ساره مبكرا كعادتها لتذهب الى الكليه فهى تدرس ماده تفاعلات الادويه بكليه الصيدله لطلبه السنه الرابعه
تفكر ساره انها الحسنه الوحيده التى فعلها امجد معها عندما اخذها معه لاميركا وسمح لها بالدراسه هنلك فحصلت بفضل ذكائها ف وقت قصير على الدكتوراه وتم تعينها ف الجامعه دون المرور بالاجراءات العقيمه من معيده الى استاذ الخ الخ
فالشهاده التى حصلت عليها ف تخصصها بدرجه امتياز مع مرتبه الشرف كانت اكثر من كافيه فضلا عن العجز ف عدد الدكاتره الذين يدرسون تلك الماده
ذهبت ساره الى الكليه ف تمام الثامنه والنصف واعدت المواد الازمه للمحاضره
انهت محاضرتها وذهبت الى مكتبها
وهى ف طريقها قابلت دكتور اسامه متزوج من دكتوره معهم ف الكليه ولكنه لا ينفك عن محاوله التودد لساره
مما يثير امتعاضها
لانها تكره الرجال من صنف اسامه
ذللك الصنف الذى لايشبع وكانه معلق يافطه امرأه واحده لا تكفى
دكتور اسامه يادكتوره ساره امتى يجى اليوم اللى تسمحيلى فيه اناديكى ساره من غير القاب
ساره همم لما يرفدونى من الجامعه يادكتور
اسامه بعد الشړ يادكتوره دا انا لو لا قدر الله لاقدر حصل كده انا ماعتبش الجامعه تانى ربنا يعلم انى بقوم الصبح والدافع الوحيد ليا
هوا انى هشوفك فيها
ساره بسخريهغريبه يادكتور والطلبه والتدريس والعلم كل دوول مالهومش قيمه عندك
اسامه لا طبعا ليهم قيمه اكيد
ساره طب بعد اذنك دكتوره جيهان زوجته جايه اهه واكيد بتدور عليك
اسامه طبعا اتلم وللخلف در قبل ما مراته تشوفه واقف مع ساره وتبقى مشكله
ساره دخلت مكتبها وهيا بتفكر ف كلام دكتور اسامه ده هوا السيئه الوحيده اللى ف الجامعه والدافع الوحيد انها تسيب التدريس فيها عشان تخلص من رازلته
كل واحد فاكر عشان ماهى مطلقه يبقى خلاص يقف ياخد ويدى ف كلام فارغ معاها
انتهى يومها ف الجامعه وروحت ساره البيت بعد مشقه وعذاب ف المواصلات وهيا بتفكر ااه ياعربيتى يابترحمينى من العڈاب
ااه شكلها مهكع لكن على رأى المثل حمارتك العارجه ولا سؤال اللئيم
رواية أسفه أرفض الطلاق بقلم الكاتبه يسرا مسعد
الحلقه السابعه
وصلت ساره الى المنزل متعبه للغايه
ولم تجد والدتها فاتصلت بها على الموبايل
ساره الو ايوه ياماما انتى فين
سعاد ايوه يا انا عند اختك تعبانه اخدت دور برد ومش قادره تراعى الولاد
ساره لاحول ولا قوه الا بالله ماهى كانت كويسه امبارح
سعاد اهو اللى حصل انتى هتقدرى تيجى
ساره الصراحه انا تعبانه اووى عايزه انام على بلليل هجيلكو
سعاد ماشى يا على مهلك
ف مكتب احمد الهندسى
احمد محمد عملت ايه ف الورق اللى اديتهولك توريه لادهم يمضى عليه
محمد اديتهولو وقالى مش هيمضى على حاجه الا لما يعاين الموقع ويشوف التصاميم على ارض الواقع
ما انت عارف ادهم وطبعه مايمضيش على حاجه الا لما يتاكد بنفسه مدير بأه وشغالين عنده
احمد ابن عمك مش بيتعامل معانا كمدير واحنا شغالين عنده
الشغل شغل مالهوش دعوه بحاجه تانيه
انا هتصل بيه اتفق معاه على ميعاد يشوف فيه الموقع عشان ننجز
احمد الو ادهم ازيك
ادهم ازيك انت يا احمد وازى ولادك وطنط نوال عاملين ايه كلكو
احمد احنا الحمدلله كويسين احمد قالى انك عايز تشوف الموقع
ادهم ااه ياريت بكره الصبح لانى راجع على القاهره على اخر الليل كده
احمد بالسرعه دى دا انت ملحقتش
ادهم حصلت مشاكل ف القاهره ولازم اوروح بنفسى احلها بكره بمشيئه الله هعدى عليك الساع 7 نروح سوا انا اصلى ماعييش عربيه وانت عارف المكان احسن منى
احمد وهوا كذلك ف انتظارك مع السلامه
ادهم مع السلامه
ينتهى احمد من عمله ويذهب الى بيته ليفاجىء بمرض زوجته
الحلقه الثامنه
احمد سلامتك يا اجيبلك دكتور
سلمى الله يسلمك لاء مافيش داعى ده دور برد عادى مش مستاهل
طب انزل اجيبلك ادويه
سلمى سألت ساره قالتلى الادويه هتضر الاولاد عشان الرضاعه احسن حاجه الليمون والحاجات الدافيه
وماما وطنط كتر خيرهم مش عاتقنى الصراحه
احمد ربنا يشفيكى شدى حيلك
سلمى انا هنام شويه فرصه والولاد نايمين هما كمان ساره عملت غدا من امبارح روح اتغدى وخلى ماما تاكل عشان سكرها
احمد وانتى
سلمى انا اكلت الحمد لله
احمد بالهنا والشفا اختك دى الصراحه ملاك وربنا بعتهولنا ربنا يكرمها يارب
سلمى امين
ف المساء تأتى ساره لتجد سلمى متعبه للغايه
فتقرر المبيت هيا وامها بعد اصرار احمد على الا يذهبوا ف هذا الوقت المتأخر من الليل
لم تنم ساره طوال الليل وأخذت على عتاقها رعايه الاولاد
بعد صعود نوال ومحمد الى شقتهم كى ينالو قسط من الراحه
يؤذن الفجر وتصلى ساره
واخيرا نام حسين الصغير على كتفها عند الساعه السادسه والربع صباحا
يستيقظ احمد ليجد ساره مازالت مستيقظه
احمد لسه صاحيه ياساره
ساره ابنك لسه نايم من شويه انت ايه اللى مصحيك بدرى كده
احمد دا انا متأخر كنت المفروض اصحى بدرى عن كده شويه كمان
ابن عمى الكبير جاى على سبعه كده هروح معاه مشوار خاص بالشغل يادوب الحق البس
ساره ان شاء الله هتلحق هوا هيطلع هنا
احمد ااه
ساره طيب انا هحضر فطار مايصحش يجى وينزل كده
احمد كتر خيرك بجد بس ماتتعبيش روحك ادهم اصله حامى ومش بتاع قاعده
ساره احنا نعمل اللى علينا
يذهب احمد الى الحمام
عند السابعه الا خمس دقائق يرن جرس الباب تفتح ساره بسرعه
ادهم منزل احمد الدمرداش
ساره ايوه يا افندم اتفضل حضرتك استاذ ادهم
ادهم ايوه
يدخل ادهم ياريت تبلغى احمد انى جيت واعمليلى فنجان قهوه ساده وهاتيه على الصالون
وذهب ادهم بالفعل ف اتجاه الصالون
تعجبت ساره من وقاحته وعجرفته من يظن نفسه ليتكلم معها بهذا الاسلوب
ويدخل بهذا الشكل فهى لم تدعوه لمرافقتها الى الصالون
جلس ادهم ف الصالون وهوا ينفخ سېجارا
دخلت ساره بصمت ومعها فنجان القهوه وتعمدت وضعه بعيدا عن متناول يديه وعدم الكلام معه
نظر لها ادهم باستغراب وقام من مجلسه لياخذ الفنجان وهوا يهز راسه
رن جرس الباب وذهبت ساره لتفتح فوجدت محمد
الحلقه التاسعه
محمد ياساره
ساره يامحمد انت نازل مع احمد
محمدااه هوا صحى
ساره ايوه وابن عمك الذوق جدا ف الصالون قاعد مستنى
محمد مستغربا من لهجه ساره ادهم طيب انا داخله
محمد يا ادهم
ادهم يا محمد نموسيتك كحلى انت واخوك دى الساعه 7 اللى متفقين عليها
محمديا ادهم مايبقاش دمك حامى كده هنروح 7 نعمل ايه نبيع لبن
فطرت
لاء مش عايز البنت اللى عندكو كتر الف خيرها تعطفت عليا وجابتلى فنجان قهوه
محمدبنت بنت مين
ادهم الطويله المحجبه دى اللى فتحتلى الباب
محمدساره ېخرب بيتك دى اخت سلمى مرات احمد
احمد يدخل الغرفهمالها سلمى مراتى جايب ف سيرتها ليه
محمدانا مش جايب سيره مراتك انا بتكلم عن ساره ادهم فاكرها الشغاله
احمد طيب وطى صوتك معقول ده اسمه كلام يا ادهم ساره تبقى الشغاله
ادهم انا ايش عارفنى فتحتلى الباب وسالتنى عن اسمى افتكرها الشغاله مراتك انا فاكرها مليانه عن كده شويه واكيد عندكو شغاله امال ماشاء الله الاربع اطفال دوول والبيت كله هيبقى على دماغ مراتك
محمددى منظر شغاله
ادهم ايوه رشيقه كده وجسمها حلو
احمد ضاحكاعشان كده تبقى الشغاله
ادهم بسخريه بالغه ماهو مش معقول واحده والده 4 ويبقى جسمها كده وكمان الشغالات بيبقوا رفيعين من الشغل ف البيوت غير هوانم جاردن سيتى المتستتين ف البيوت
محمدعارف اللى انت فاكرها شغاله دى بتشتغل ايه
ادهم ايه دكتوره يعنى
محمدااه دكتوره يعنى ومش بس دكتوره دى دكتوره ف كليه صيدله يعنى معاها بكالوريوس ودكتوراه كمان وتقول عليها شغاله
احمد بس بأه يا محمد احسن تسمعك وتزعل انا هروح المطبخ واطمن انها ماحستش بحاجه
محمدمين دى اللى ماحستش ساره ذكيه جدا
ادهم يعنى انت فاكرنى قولتلها ف وشها انتى الشغاله انت كمان
محمدلاء الحمد لله انك مش بالجليطه دى كلها بس ساره ذكيه دا غير اللى قالتهولى عنك لما قابلتها
ادهم بعصبيهقالتلك عنى ايه ان شاء الله
محمدقالتلى ابن عمك الذوق جدا ف الصالون
احمد انا رايح اشوف ساره ويلا بينا ننزل عشان مانضيعش وقت اكتر من كده
الحلقه العاشره
يدخل احمد المطبخ ليجد ساره قد اعدت فطورا مختصرا ف لانش بوكس لثلاثه افراد وجهزت معهم ترمس شاى صغير
احمد بجد دا كتير ياساره
ساره ساخرهلا كتير ولا حاجه يا سعاد ه البيه
ينظر
ساره مين قالك انى زعلت هيا الشغاله دى مش بنى ادمه برضه بس انا ادايقت من اسلوبه ف المعامله حتى لو كانت شغاله ف اسلوب احسن من كده اكيد
احمد خلاص لو تحبى اجيبهولك هنا لحد عندك يعتذرلك انا تحت امرك
ساره لا مايهمكش هوا مسئول عن افكاره اما انا فانا عارفه روحى كويس ده بيت اختى وبيت اختى يبقى بيتى وانت ومحمد اخواتى وضيوفكم ضيوفى
احمد ربنا يخليكى لينا ويديم علينا المحبه وده عشمى برضه انا عارف ان عقلك اكبر من كده
وخرج احمد
يلا يا جماعه انا جاهز
ادهم يالا بينا
خرجوا من الصالون ف نفس التوقيت اللى خرجت فيه ساره من المطبخ لتنبهه احمد انه نسى الفطور
فشكرها احمد
واسترق ادهم النظر اليها وعلى وجهه ابتسامه لم تفهم ساره معناها ولكنها زادتها نفورا من هذا الادهم المتعجرف
تنتهى ساره من اعداد وجبه الغداء ويرن جرس الباب لتجد طنط نوال تصبح عليها بابتسامه من القلب
لاتعرف لماذا تذكرت ابتسامه ادهم ف تلك اللحظه
شتان مابين الابتسامتين
طردت بسرعه صورته من خيالها لتنتبه الى ماتقوله طنط نوال
نوال انتى روحتى فين ياساره بسألك ماما صحيت
ساره معلش ياطنط اصلى مانمتش طول الليل لاء لسه نايمين كلهم
نوال كلهم مين دا محمد نزل من بدرى قالى المخفى ادهم جاى وهيروح معاه هوا واحمد مشوار
ساره لم تتمالك نفسها من الضحك على اسلوب طنط نوال
نوال الله انتى بتضحكى على ايه ياساره
ساره ابدا ياطنط بس اصلى المخفى دى ضحكتنى اووى
نوال بشكانتى شوفتيه
ساره ااه فتحتله الباب ليه
نوال ايه وعجبك اوعى يابت تكونى زى بقيه الستات والبنات الهبله اللى بيترموا تحت رجلين حضرته
ساره انا ياطنط وبعدين انتى قولتيها ستات وبنات هبله
انا هبله
ويترموا تحت رجليه على ايه ان شاء الله
نوال على ماله وجماله
ساره كاذبهعادى يعنى مش حلو اووى يعنى كان براد بيت زمانه
نوال برابيت مين يا اختى برابيت ده كمان
ساره والله انتى عسل يا طنط الواحد مش بيشبع منك بس انا لازم ااقوم اجهز لحسن كده انا هتاخر اووى
نوال طيب ياقمرايه انا هدخل اطل على حبايب قلبى
الحلقه الحاديه عشر
تذهب
ساره الى عملها وتدخل الكليه لتجد ف حائط الاعلانات نعى دكتور عادل عبد المتعال رئيسها المباشر ف القسم الذى لم يكن مرحبا بها ف القسم
لانه كان يعتبرها متسلقه لمركز لا تستحقه فهى فى نظره لم تكن بالكفاءه المطلوبه حيث انها لم تمر بمراحل التعيين
الاجباريه
شعرت ساره بالاسى لمۏته وتذكرت وفاه والدها وفرت من عينها دمعه رغم ارادتها
يراها دكتور اسامه هو والدكتوره جيهان
اسامه ټقتل القتيل وتمشى ف جنازته
جيهان حرام عليك يعنى هيا اللى موتته
اسامه بغل وحقد وبوجهه مكفهرلاء بس هيا اللى هتمسك رئاسه القسم يافالحه انتى ناسيه انها الوحيده دلوقتى اللى معاها دكتوراه
ودكتور محسن الخيبان اللى معاها كل مايقدم على رسالته كان يرفضهالو دكتور عادل الله يجحمه مطرح ماراح
ااه يا نارى عندها كام سنه دى عشان تبقى رئيسه قسم
جيهان ياساتر عليك انت مافيش حد جبت سيرته الا ماشتمت فيه بس اسكت بأه اهى جايه ناحيتنا
ساره يا داكاتره
جيهان يادكتوره قريتى النعى
ساره ايوه قريته هيا الجنازه امتى ماحدش عارف عشان نروح نعزى مراته
اسامه بابتسامه كبيرهكلك واجب ياريسه ههههه ومبروك مقدما
ساره باستغراب شديدنعم مبروك على ايه دكتور عادل ماټ وحضرتك بتباركلى
اسامه ااه امال ايه ماهو انتى اكيد المرشحه المثاليه اللى تمسك رئاسه القسم مكان الدكتور عادل الله يرحمه ويسكنه فسيح جناته
ساره بحزم شديدمن فضلك يادكتور وفر كلامك ده كله مش وقته اصلا حضرتك بتفكر ف ايه انا مش فاهمه
فى زميل لينا ماټ ومش زميل بس دا كان استاذنا واتعلمنا على اديه قبل ماحضرتك تفرق التهانى منغير داعى ياريت تفكر ف العظه من مۏت الانسان
حضرتك بتهنينى على حاجه مش موجوده من اساسا ف حين انى ممكن انا اموت كمان 5 دقايق
عن اذنكم
جيهان انت ايه يا اخى مابتحسش وايه كميه النفاق دى دكتور عادل الله يرحمه ويسكنه فسيح جناته مش من شويه كان الله يجحمه مطرح ما راح
اسامه اسكتى اسكتى هوا ناقصك انتى كمان
جيهان ساخره اه ما هى حبيبه القلب اللى عليها العين والننى اديتك ف جنابك على الصبح لازم تطلعه عليا
اسامه حبيبه قلب ايه ونيله ايه دى انا ابص ل دى
يابنتى دا هيا اللى راميه روحها عليا وانا مش قابلها اديكى شايفه اتمحكت ف موضوع وفاه دكتور عادل عشان تيجى تتكلم معايا
جيهان ياشيخ اتقى الله حرام عليك انت ايه اوف يا ساتر انا ماشيه اروح مكتبى احسن بدل ما ارتكب ذنوب معاك على الصبح
رواية أسفه أرفض الطلاق بقلم الكاتبه يسرا مسعد
الحلقه الثانيه عشر
بعد يوم شاق ترجع ساره الى منزلها واستلقت على السريروهى تشعر بالتعب الشديد مختلطا بكابه لاحداث اليوم
شعرت عند استرجاعها لاحداث اليوم بالعجب الشديد ف الصباح يظنها ادهم شغاله تذهب عملها ليهنئها اسامه انها ستصبح خليفه د عادل
ااه ياللسخريه
ادهم
لماذا طلت صورته من اعماق خيالها ف تلك اللحظه وتذكرت قول طنط نوال ماله وجماله
هوا بالفعل وسيم جدا وجذاب جدا
استغفر الله العظيم ايه اللى جرالك ياساره
هه وبعدين يعمل ايه الجمال ف الطبع
ماهو امجد ماكنش وحش بالعكس كان وسيم ووراها الويل
بس برضه ماكنش حلو زى ادهم
الله اللهم اخزيك ياشيطان
نامى نامى ياساره انتى شكلك على رأى الطلبه عندك هيستى والسيستم سقط منك والله ماانا عارفه بيجيبوا الكلام ده منين
اييه ياساره كبرتى للدرجادى دانتى يادوب 29
استيقظت ساره لتجد امها الحبيبه واقفه ف المطبخ
ساره ياماما بتعملى ايه ياجميل على الصبح بدرى كده
سعاد يا نور عين ماما بحضر الغدا لاختك بدل ماتتعبى انتى النهارده لقيت عندى شويه صحه قولت اشيل عنك يوم
ساره يا وفرى صحتك ومافيهاش حاجه يعنى لو يقضوها يوم سمك ولا تونه ولاحتى جبنه وبطيخ
سعاد جبنه وبطيخ دا انا عمرى ماعملتها يابنتى حتى ابوكى الله يرحمه كان دايما يتحايل عليا وانا مرضاش
ساره ربنا يديكى الصحه يارب طيب لما تخلصى قوليلى عشان انزل اوصلك امبارح الحمد لله الميكانيكى خلص العربيه وجابها تحت باب البيت
سعاد بجدطب الحمد لله وانتى ايه ماعندكيش محاضرات النهارده
ساره لاء هروح بس اجيب كام كتاب من المكتبه عايزاهم وهمشى على طول مش هعطلك ولا تحبى اوصلك وارجع انا
سعاد لاا يا وايه اللى يوديكى ويجيبك نروح سوا طالما مش هتتاخرى
تذهب ساره الى كليه المكتبه وتستعير الكتب المطلوبه لتفاجىء ف طريق عودتها لباب الكليه بقرار عميد الجامعه معلقا على جدار الاعلانات بتعيينها رئيسه للقسم حتى اشعار اخر
يراها سكرتير العميد قدارا ويبلغها بوجوب توجهها الى مكتب العميد
تذهب ساره وهى تشعر بالاستياء من قرار العميد كان يجب عليه اولا استشارتها ف هذا القرار
تطرق ساره مكتب العميد د سيد ابو هلال
د سيدادخل
ساره يادكتور
د سيداهلا يادكتوره
ساره سكرتير حضرتك بلغنى انك كنت عاوزنى
د سيدشوفتى القرار اكيد
ساره ايوه يادكتور بس كنت عايزه
قاطعها د سيد منغير ماتكملى يا دكتوره القرار واضح حتى اشعار اخر يعنى بصفه مؤقته انا عارف وجهه نظر الزمله ف القرار ده ايه
انتى سنك صغير لكن ف نفس الوقت مافيش دكتوره ف القسم غيرك
دى قوانين مش انا اللى حاططها ولحد مايرجع دكتور ايمن عبد الفتوح من البعثه ومعاه الدكتواره
انا ما ادامنيش غيرك الا اذا دكتور محسن خلص الرساله بتاعته قبلها
يعنى يا عالم
اتمنى ماتكونيش زعلتى من قرارى بس ارجوكى راعى موقفى
ف مصالح لازم تمشى انا عارف ان المسئوليه كبيره عليكى
خاصه وان الدراسه خلاص فاضلها شهر وتنتهى ونبدأ امتحانات لكن انا عارف انك قدها وقدود
ساره ان شاء الله هكون عند حسن ظنك يا دكتور عن اذنك
تخرج ساره مسرعه من الكليه متحاشيه النظر لاى جهه فهى لم تكن تملك الوقت للقيل والقال وتهانى الزملاء الخلف قلبيه فامها تنتظر ف السياره
الحلقه الثالثه عشر
تركب ساره سيارتها وتشعر امها بان هناك شيئا ما قد حدث ف تلك اللحظات الأخيره
سعاد مالك يابنتى وشك متغير شكلك مشغوله بحاجه خير حصل ايه غيرك كده
ساره ابدا ياماما سلامتك بس الطريق زحمه وحاسه ان العربيه فيها حاجه مش متظبطه
سعاد خلاص عدى على الميكانيكى يشوفها
ساره يا ماما قلبك ابيض ماتقلقيش روحك يمكن انا بس عشان بقالى كتير ما سوقتش
سعاد طيب يابنتى ربنا ييسرلك طريقك ويسترها معاكى وامشى على مهلك
ساره حاضر
وصلو بيت سلمى
فتح ليهم محمد
محمداهلا اهلا بالحبايب والقمر اللى كان غايب
على فكره القمر طنط سعاد
يلا اجرى يابت ياساره حطى اللى ف ايدك ده ف المطبخ وقدمى حاجه للضيوف
سعاد ايه يامحمد مالك يابنى بتكلمها كده ليه انتو زعلانين مع بعض
ساره لا يا ماما انا لاعاش ولا كان ولا مين ده اصلا اللى يزعلنى
بس ما انتى عارفه محمد بيحب يستخف دمه ويستظرف
محمدبقولك ايه لا بيستخف ولا بيستظرف الاسلوب ده ماينفعش معايا
ااه الناس مقامات يابنتى انتى نسيتى نفسك ولا ايييييع ااااااااااااااااه ايه ده ماتفتح يا اخى
راسى يااحمد حصل ايه حد عملك حاجه
احمد تستاهل ولو جبت السيره دى تانى انت حر هفتحلك دماغك واياك اسمعك بتكلم ساره بالطريقه دى تانى انت فاهم ولا لاء
محمدطيب يا اخى انا بهزر معاها انت تحشر نفسك ليه
احمد لا بهزار ولا جد
ساره معلش خلاص يا احمد انا هخليه بعد شويه قفاه يقمر عيش
محمدااه استلمتونى واحد دماغى والتانيه قفايه
سلمى ايه الدوشه اللى انتو عاملينها دى ينفع كده بر ضه انا عايزه البيت هادى عشان ولادى يطلعوا هاديين
محمدانا رائيى تروحى تربيهم ف المحيط الهادى
سلمى لا خفيف بجد وسع بأه وعدينى اسلم على اختى ماما مشغوله عليكى بتقولى روحتى الكليه وطلعتى منها وشك متغير
ساره ابدا مش متغير ولا حاجه
محمدحد دايقكحد اتعرضلكقوليلى مين بس وانا حاوريه
ساره حيلك حيلك ياعم رامبو
تعالو نتغدى وبعد الغدا احيكلكو
سلمى هاه ياساره ادينا اتغدينا وشربنا الشاى كمان قولى بأه احكيلنا ايه اللى حصل معاكى النهارده
ساره ابدا رئيس القسم بتاعى ماټ امبارح
الجميعلاحول ولا قوه الا بالله انا لله وانا اليه راجعون
نوال يا عشان كده زعلانه
ساره ااه انا زعلت شويتين بس دا كان امبارح النهارده روحت لقيت قرار تعينى رئيسه قسم بداله
سعاد بجد
الجميع الف الف مبروك
محمد وده يزعلك ف ايه مش فاهم
احمد ااه صحيح حد يزعل ان يجيله ترقيه وف سنك ده
ساره انا مش زعلانه بس تقدر تقول متاخده شويه وانت نفسك قولتها ف سنى
الحسنه الوحيده ان العميد وعدنى انها لفتره لحد مايلاقى بديل
نوال ودى حسنه ف ايه ان شاء الله امرك غريب ياساره حد يابنتى يكرهه الترقيه
ساره يا طنط مش ف محلها واى غلطه هتتحسب عليا وهتبقى ساعتها مش ف مصلحتى وفى ناس معايا يتمنولى الفشل من كل قلبهم وبصراحه
لوود
كنت حابه انى اخدها واحده واحده مش خبط لزق كده اتعين دكتوره من غير ما اكون معيده بعديها بسنه ولا يمكن ااقل ابقى رئيسه قسم
احمد فعلا انتى معاكى حق بس ساره اللى انا اعرفها قدها وقدود واى حد عنده حاجه عايز يقولها هيفكر الف مره قبل مايفتح بوقه
الكلام ليكى يا جاره
محمداحم احم فعلا معاك حق وبالمناسبه السعيده دى المشاريب عليا
نوال ياشيخ
ده اللى ربنا قدرك عليه المشاريب عليا
ساره ماعلش ياطنط اعذريه اصل فعلا قفاه يقمر عيش
محمد بقولك ايه مالكيش دعوه بقافايا ااه
بتكلم جد ماتيجو ننزل نتفسح ونغير جو
سلمى لااااا انا تعبانه جدا
سعاد ومين سمعك يابنتى
نوال وانا باينلى داخل عليا برد
احمد وانا ورايا شغل
محمد ايه ده ايه ده ايه العيله المهكعه دى
يكمل غامزا بعينيه لساره سيبك
