رواية جحيم الغيره الفصل والثاني والعشرون 22 بقلم اماني السيد
والتانية لسه جوا البيت مالهاش هدف ولا طموح .
قامت من مكانها راحت لأوضة ابتهال فتحت الباب ببطء
بصت جوا الأوضة الفاضية السرير مش موجود الدولاب متشال والحيطة فيها آثار حاجات كانت متعلقة.
دخلت وقعدت على الأرض.
راحت
جملة خرجت منها كأنها اكتشفت إنها خسرت حاجة
مش بس بنتها
لكن حاجة أعمق
رجعت فردوس وقفت على الباب وبصت لوالدتها قاعدة لوحدها وقالت
متزعليش عليها هي اللى اختارت تمشى.
ردت ابتسام وهي باصة للأرض
يمكن
بس إحنا اللى خليناها تدور على مخرج. انا اللى غلط فى تربيتى ليكوا
للاسف خسرتكم انتوا الاتنين
خسرتينى ازاى انا جمبك اهو ... انا مش عارفه ليه زعلانه إن ابتهال مشيت كده احسن
نظرت لها ابتسام بحسره لا تعلم ماذا تقول لها فهى من اوصلتها لهذا الحد من الانانيه والحقد على اختها
نظرت لها ابتسام
فردوس انتى ايه هوايتك
صمتت فردوس لا تعلم
مش فاهمه جايه بعد ٣١ سنه تسالينى هوايتى ايه
معرفش ..... وانتى ماقولتليش ايه الحاجه اللى المفروض احبها
كان كلام فردوس كصفعات على وجهه ابتسام
فالمفروض من يذهب للعلاج فردوس وليس ابتهال
هى لا تنكر خطأ ابتهال العظيم تجاه اختها ولكنها اعتطها العذر
هى الان متعجبه كيف عاشت ابتهال واستطاعت النجاح والاعتماد على ذلتها فى وسط عائله كعائلتهم
هم من يجب عليهم المكوث فى المشفى وليس ابتهال
ابتهال استطاعت التعافى وان تنجوا بنفسها وتركتهم يغرقون
وقفت ابتسام ونظرت لفردوس
فردوس ايه رايك تروحى لدكتوره وفاء.
على فكره انا كمان بروحلها
تحدثت فردوس بسخرية ممزوجة بعنف
انتى بتقولى إيه
أنا أروح لدكتورة نفسية
هو أنا مجنونة!
نظرت لها ابتسام بهدوء ما كانتش بتعرف توصله قبل كده وقالت
لا إنتى مش مجنونة
لكنك تعبانة وأنا كمان
وإحنا تعبنا ابتهال معانا ودى أقل حاجة نعملها.
ضحكت فردوس ضحكة قصيرة فيها قهر
يعنى بعد العمر ده تقولى لى إنى تعبانة
ليه عشان قلتلك إن ماعنديش هواية
ولا عشان مابقتش ملاك في نظرك
ولا
اقتربت منها ابتسام خطوة بصت لها بعين أم شافت الحقيقة متأخر
لأ
عشان لما بنت عندها ٣١ سنة
ما تعرفش تحب حاجة
ولا تسامح أختها
ولا حتى تسيب حب قديم وتكمل حياتها ولا عارفه تشوف مستقبل عيالها وشايفه انها طلاما بتأكلهم وتشربهم يبقى كده تمام كأنها بتربى كتاكيت
يبقى جواها حاجة مكسورة من زمان.
أنا مش مكسورة!
صرخت فردوس
لكن صوتها كان مهزوز زى مراية مكسورة بتحاول تقنع نفسها إنها لسه بتعكس الصورة كاملة.
قالت ابتسام بهدوء
عارفه أنا قلت لوفاء إيه
قلت لها إننا اللى محتاجين نروح المستشفى مش ابتهال
وقلتلها إن البيت ده كله كان مريض
وإنك إنتى أكتر واحدة محتاجة فرصة قبل ما تختفى جوا نفسك زى ما أنا اختفيت سنين.
سكتت فردوس وبدأت الدموع تتملى في عنيها لكنها بسرعة مسحتها بإيديها
يعنى انتى شايفانى ضعيفة
لأ
أنا شايفاكى بنتى
اللى ضيعتها وعايزة ألحقها قبل ما تضيع أكتر.
فردوس عشان خاطرى فكرى
يمكن لما تقعدى مع وفاء تقدر تساعدك تطورى من
صمتت فردوس تفكر في حديث والدتها
فهو مش مجرد كلام
دى كانت أول مرة تشوف في عين أمها نظرة ندم صادق مش عتاب ولا أوامر.
رجعت بعينيها تسرح فى الأرض
كأنها بتفتش عن نفسها وسط تفاصيل عمر كامل من التدليل والضياع
قالت بنبرة أهدأ من العادة
هي ساعدت ابتهال فعلا
جدا
وفاء ما دخلتش حياة ابتهال كدكتورة بس
دخلتها كحد شاف الوجع من غير ما يحكم عليه.
وإنتى بتروحيلها ليه
سؤال خرج من فردوس بهمس كأنه اختبار.
ابتسام تنهدت وقالت
عشان أتصالح مع نفسى
عشان أبطل أهرب من اللى عملته
وعشان أكون أم أحسن حتى لو متأخر.
نظرت لها فردوس وسألت بنبرة مشحونة بالارتباك
وهى هتقدر تصلحنى
مش تصلحك
لكن تساعدك تلاقى نفسك
وتبدأى من أول وجديد لو حبيتى.
مرت لحظة صمت
ثم قالت فردوس وهى بتشيح بوجهها
هفكر
تفتكروا فعلا فردوس هتوافق تروح لوفاء
هل هيكون فى مواجهه تانيه بين فردوس وابتهال وهل المواجهة دى هتكون لصالحهم
يتبع.. الفصل 22
https://pub153.
lamha.news/30616
رواية جحيم الغيرة من الفصل الاول
https://pub153.lamha.news/23423
