أبويا كتب في وصيته إن أمي ما تدفنش معاه بقلم هويدا زغلول

أبويا كتب في وصيته امي ماتندفنش معاه
أبويا كتب في وصيته إن أمي ما تدفنش معاه وبعد ما فتحنا القبر عرفنا السبب!
وقبل ما نبدا الحكايه اعرفكم بنفسي انا
هاله عندي 30 سنه. كنت قاعده عند ماما ولقيتها بتقولي
الام
فيه اي يا هاله شكلك عامل ليه كده
حاسه انك عايزه تقولي حاجه بس مش عارفه
تتكلمي ما تقولي علي طول فيه اي
هاله
والله يا ماما مش عارفه اقولك اي انا كل الموضوع ان لسه جايه من عند عمي وحالته
متاخره اوي وشكله كده هيروح في اسرع وقت
الام
نعم نعم. هو انتي زعلانه علشان خاطر
عمك ولا اي من أمتي با حبيبتي الكلام ده
مانتي عارفه عمك قد اي كان وحش معاكي
وعمره ما حبك وكمان كان سارق ورث أبوكي
هاله
بقولك اي خلاص با ماما كل حاجه راحت
هنزعل علي ايه تاني انا كل اللي شغالني
دلوقتي أن انتي عارفه ان عمي مش رضي
يدفع في الترب معانا وكمان هو ملوش ترب
هيدفن فين انا من راي نخلي جنب بابا
وفي الوقت ده الام قامت وقفت وقالت
الام
انتي شكلك كده اتجننتي مش كده عايزه
تخلي مين يدفن عندنا والله الكلام ده ما يحصل
ابدا ولو فكرتي في الحوار ده تاني انا هخليكي
تيجي عندي تاني
وفي الوقت ده دخل احمد اخويا وقال
احمد
فيه اي بالظبط صوتكم عالي ليه كده مالك
يا ماما فيه اي
الام
تعالي با حبيبي اسمع اختك عايزه تعمل اي شكلها اتجننت بجد مش عارفه اختك دي بتفكر
ازاي بقي عايزه عمك الحرامي يدفن عندنا
احمد
هو فيه اي با ماما انا مش شايف يعني
ان فيها مشكله عادي جدا ان يحصل كده
وبعدين إكرام الميت دفنه وعمي
كان ظروفه علي قدو
الام
بقولك اي انت وهي امشيوا
اطلعوا برا انا خلاص زهقت منكم مش فاهمه
انتو ازاي بتعملوا كده
وبعدها

مشينا وروحنا شقه احمد
هاله
ناوي تعمل اي بالظبط مرات عمك كلمتني وطلبت مني كده وانا قولتها ماشي
احمد
بقولك اي هو انتي شايفه يعني امك بتروح
ولا بتيجي ولا كانت بطيق عمك اصلا
انا من راي نروح بعد عمر لعمك ونعمل كده
من ورا امك وكده كده مفتاح المقابر من التربي
هاله
انت مش عارف امك ممكن تعمل فينا اي
لو عرفت بالحوار ده نفسي اعرف بس سبب
كره امك لعمك
احمد
والله مش عارف ومش وقته بقي الكلام ده
وبعدها خرجت ايه مرات احمد من جوا وقالت
ايه
هو فيه اي يا احمد مش قبل ما تجيب ضيوف
عندي البيت المفروض تعرفني ولا اي هي وكاله
من غير بواب امال
هاله
ضيوف وبعدها قامت وقفت وقالت
بقولك اي يا احمد لما تحب نشوف بعض بعد
كده تعالي عندي انما انا مش جايه عندك خالص
وبعدها مشيت
احمد
ممكن اعرف بس الهبل اللي قولتي ده ازاي تتكلمي معاه اختي بالطريقه دي انتي
شكلك كده اتجننتي صح
البيت ده بيتها وتعمل فيه اللي هي عايزه
ايه
لا يا حبيبي مش بيتها ده بيتي انا ولو مش عجبك كل واحد يروح لحاله بس قبل ما تفكر في كلامي
خليك فاكر ان انت كاتب البيت ده ب اسمي
احمد
كام غلطه عمري يوم ما عملت كده وبعدها دخل الاوضه وكنت لسه مروحه البيت عندي
ولقيت شريف جوزي واقف وبيقولي
شريف
ممكن اعرف الهانم المحترمه كانت فين
واي اللي اخرك لحد دلوقتي انا بجد خلاص بقيت
ازهق علي طول برا البيت
هاله
فيه اي مالك عامل ليه كده انا كنت عند ماما
وبعدين مهو بدل ما اكون قاعده في البيت
كله لوحدي شايف العيال
عامله تنطط قدامي اوي وانا عامله اسيبهم وأخرج
شريف
هو فيه اي هو انا كل لما اتكلم معاكي كلمتين
لازم تقولي الحوار ده ي شيخه انا خلاص
زهقت منك والله ومن أفعالك بطلي بقي طريقه
الكلام اللي بتتكلمي بيها دي
وبعدها سبني ونزل وقبل ما ادخل اغير هدومي
لقيت التلفون بيرن
هاله
الو ازيك با مرات عمي عامله اي اي مال صوتك عامل كده ليه هو فيه حاجه حصلت
اي ده ازاي كده طيب انا جايه ليكي حلا
وبعدها نزلت وروحت المستشفي
واحمد جه علي هناك وسميه مرات عمي قالت
سميه
الله يرحمه والله كان بيحبكم اوي الله يسامحها
امكم
هاله
خلاص يا مرات عمي مش وقته الكلام ده المهم
احمد خلاص كام التربي وقال إنه يفتح
التربه وكل حاجه جاهزه مش عايزكي
تشيلي هم حاجه
سميه
بس يا بنتي امك مش هتعمل مشكله لو عرفت
انا عارفه هي عامله ازاي والله ارجوكي انا مش عايزه مشاكل معاه وابوكي كمان لسه متوفي
من شهر انا مش عارفه افكر
احمد
بقولك اي انا مش هسيب عمي يروح
مقابر صادقه وانا هعمل كده حاجه وبعدها
فعلا روحنا ودفنا عمي ولقيت احمد طالع من تحت في المقابر زعلان
هاله
اي ده فيه اي مال شكلك عامل ليه كده
احمد
تخيلي كنا بنشيل ابوكي نركنه علي جنب لقيت
الكيس ده وملفوف كذه لفه
هاله
بسم الله الرحمن الرحيم هيكون اي ده بس
حد عامل عمل ودخله المقبره اصل بسمع
الحاجات دي كتير
احمد
مش وقت الكلام ده لما نروح نشوف فيه اي
وبعدها روحت وشويه ولقيته بيتصل بيا
هاله
فيه اي يا احمد انا لسه طالعه الشقه
وبجد تعبانه اوي ومحتاجه اريح شويه
احمد
بقولك اي روحي عند امك دلوقتي وانا جاي
علي هناك الكيس اللي لقيته في مقبره
ابوكي في مصيبه
هاله
طيب الموضوع مش ينفع يتأجل للصبح ولا اي
ارجوك انا تعبانه والله ومش قادره اتحرك
احمد
معلش يا هاله ارجوكي اسمعي كلامي
وبعدها قفل معايا وكانت ايه واقفه ورا وقالت
ب ارتباك
ايه
هو فيه اي الكيس اللي انت لقيته ده انا مش فاهمه حاجه خالص
احمد
انتي اللي فيه اي هو انتي واقفه تسمعي انا
بقولك اي ولا اي خليكي في حالك. ملكيش
دعوه بالحوارت دي
ايه
هو انت مش جوزي والمفروض افهم فيه اي
احمد
لا والله من امتي وبعدها نزل وانا
كنت روحت عند ماما ولقيته قاعد
الام
الحمد لله المحروسه جت اهي ممكن تقول
بقي انا جاي مصحيني من النوم وعايز اي
بالظبط
احمد
عملتي اي ل ابويا عليان يسيب ورقه انك
مش تدفني معاه
وفي الوقت ده الام ارتبكت وقالت
الام
اي الكلام العبيط اللي بتقولوا ده وازاي يعني
ابوك عمل كده وعرفت الكلام ده منين مش فاهمه انا
هاله
هو في اي يا احمد ما تتكلم علي طول انا مش فاهمه منك حاجه
احمد
لما نزلت دفنت عمك لقيت كيس زي ما قولت
ليكي لما فتحت الكيس لقيت ورقه
مكتوبه ب خط ابوكي ان امك مش تدفن معاه
واول ما احمد قال كده لقيت ماما ارتبكت وقالت
الام
اي الكلام الغريب الي انتم بتقولوه ده ابوكم مستحيل يعمل حاجه زي دي
هو انتم مكنتوش عارفين هو كان بيحبني اد اي
هاله
ايوه يا احمد انا متاكده ان بابا مستحيل يفكر يعمل حاجه زي دي
وليه ميخليش ماما تندفن جنبو انا مش فاهمه حاجه
احمد
الكلام اساليه لماما مش تسأليه ليا اكيد هيه الي عارفه جواب لكل ده ولا اي يا ماما
الام .بتوتر
هو انا الي يعرفني بحاجه زي دي انا اتفاجات زي زيكم بالظبط
وانا شاكه ان ممكن مرات عمك هيه الي ورا الحوار دا علشان تشككم فيا
احمد
اي الكلام الغريب الي انتي بتقوليه دا يا ماما انا مش فاهم منك اي حاجه
ومرات عمي هتعمل كده ليه اصلا
الام
هو انتم بتسالوني انا اسالوها هيه وبالذات هيه الي كانت مصممه ان عمك يدفن في المقابر انا كده فهمت كل حاجه عملت كل دا علشان تعمل مشاكل ما بينا
وانا طول عمري بقول عليهم انهم مش ساهلين وانتم مكنتوش مصدقين
هاله
معقول الكلام الي انتي بتقوليه دا يا ماما وكنا مخدوعين
فيهم