جوزي دفني وانا عايشه بسبب أمه بقلم هويدا زغلول

يعمل فيا كده
الحما
مش وقته كلامك ده اسمعي يا نسمه من انهارده انتي مش بقي ليكي
اي مكان تروحي فيه احسنلك ياختي
تسمعي الكلام وخلاص ادخلي يلا وشوفي اللي وراكي
وبتقوم نسمه وتفضل حماتها تشغلها في البيت
وتاني يوم بينزل شريف عند امه
شريف
صباح الخير يا ماما نسمه عامله معاكي ايه
الحما
فتحاها يا اخويا مندبه من امبارح
مش عارفه انت كنت عايش معاها ازاي
بقولك ايه انا بقول تطلقها ونرتاح عماله تعيطلنا من الصبح دماغنا وجعنا ومش بتعملي اللي انا عايزاه
وبتخرج نسمه وبتقول
نسمه
حسبي الله ونعم الوكيل فيكم ربنا ينتقم منكم
شريف
كلمة تاني هتترمي في الشارع انت سامعه ولا لا بطلي كلامك اللي انت عماله تقوليه ده
نسمة
هو انت لسه ليك عين تتكلم امي الله يرحمها كانت طول عمرها تحذرني منك وانا اللي غبيه وصدقتك وفي الاخر ضحكت عليا لا وايه روحت تتجوز اقرب صاحبه ليا يا بجاحتك ي اخي
شريف
انا مش عايز وجع دماغ انا طالع فوق ولو سمعت حسك أو اتعاملتي مع امي وحش هتترمي في الشارع وابقي ورينا هتعيشي ازاي
وبيسبها ويمشي
الحما
استني يا شريف ماتزعلش نفسك عشان واحده ماتسواش خد يا حبيبي الاكل ده معاك هتلاقيك علي لحم بطنك انت ومراتك
وبياخد الاكل وبيطلع لسما
سما
ايه يا حبيبي اتاخرت كده ليه انا قاعده مستنياك من بدري ده انا حتي عروسه ما ينفعش الناس تسيبني وتنزل كده
شريف
بقولك ايه يا سما انا مش قادر وعايز انام
وخفي شويه على نسمه مش سامعه ولا لا
سما
اللي يشوف كده يقول ان انت بتحبها هو انت لو كنت بتحبها كنت اتجوزت اعز صاحبتها
شريف بيبصلها ومايردش عليها ويدخل الأوضه ويسيبها
سما
ماشي يا شريف ماشي اما وريتك مبقاش انا
وتاني يوم الصبح سما بتصحي من النوم ومش بتلاقي شريف جنبها فبتعرف أنه نزل
سما
ماشي يا شريف انا هوريك لما تيجي
وبعدها بتروح عند حسام صاحب شريف
حسام
ايه ده معقوله العروسه خارجه من تاني يوم جواز كده ده انا قولت مش هشوفك تاني
سما
بقولك ايه مش وقته كلامك اللي انت عمال تقوله ده يا حسام انا بجد مش فاهمه اللي زي
شريف ده مش عايز يطلق نسمه ليه
حسام
حرام عليك يا مفتري هيكون قتل مامتها وكمان
عايزه يطلقها يمكن حس بالذنب
سما
يا لهوي يعني هو اللي قتلها
ازاي الكلام اللي انت بتقوله ده انا مش فاهم منك حاجه وبعدين هو هيقتلها ليه
حسام
اه هو اللي قالي اياكي تطلعي السر ده برة بس بقولك ايه انا وحشتيني اقعدي شويه معايا بقى
سما بضحكه
لا يا اخويا مش دلوقتي هبقي اظبط يوم
واجيلك احكي ليا عن الموضوع كله يا حسام
حسام
هو انت مش كنت مستعجله ولا ايه
بعدين بقي
سما
بقي كده ماشي وبعدها مشيت
وعند نسمه وحماتها تحت
ونسمه تعبانه بسبب اللي حماتها بتعمله فيها
الحما
ماتشدي حيلك كده ياختي انت تعبتي ولا ايه هو انت لسه عملتي حاجه
نسمه بتعب
حرام عليكى انا صاحيه من الفجر شغاله ليكي طلبات مش بتخلص
الحما
حرمت عليكي عشتك اتعدلي يا بت لاحسن قسما عظما لما شريف يجي اخليه هو اللي يتصرف معاكي
نسمه
طب انا عايزة اروح المقابر النهاردة عشان ازور ماما
الحما
لا مش هتروحي في حته الا لما تبقي تخلصي ياختي اللي وراكي و ابقي روحي
وبعد شويه نزلت سما لحماتها
سما
صباح الخير يا حماتي
الحما
صباح النور يا حبيبتي ايه اللي نزلك
سما
مفيش قولت اجي اقعد معاكي شويه وأسألك علي شريف ماتعرفيش هو راح فين
الحما
لا ماقليش بس اكيد وراه شغل ده بقاله فترة عنده شغل كتير
سما بتبصلها وبتفهم
اه ماشي
سما
ازيك يا نسمه ايه يا حبيبتي هو انت مش شايفاني ولا بقيت هوا بالنسبه لك
نسمه بتبصلها وماتردش عليها
سما
ينفع كده يا حماتي بسلم عليها مش بترد عليا ازاي هما الناس بقت وحشه كده بينسوا العيش والملح
الحما
ناس قليله الربايه مايعرفوش حاجه عن الأصول
وبيفضلوا سما وحماتها يضحكوا ويهزروا
ونسمه بيصعب عليها نفسها وبتدخل الاوضه وبتجهز
نسمه
انا رايحه المقابر بجد انا محتاجه اكون قاعده مع ماما دلوقتي شويه
الحما
غوري كل شويه عايزة اروح المقابر عايزة اروح المقابر وجعتي دماغي روحي
وتنزل نسمه وبتروح المقابر وبتفضل تعيط وتدعي لمامتها
نسمه وهي بتعيط
انا اسفه يا ماما انا اسفه سامحيني انا اللي ماسمعتش كلامك من الاول كان عندك حق في كل حاجه انا اللي غبيه وبتفضل قاعده شويه
عند سما وحماتها
الحما
بقولك ايه يا حبيبتي ممكن تجبيلي العلاج وحبه مايه اصل معاد العلاج جه ولازم اخده
سما
لا بقول لك ايه يا حماتي علشان نكون كويسين كده مع بعض من اولها انا مش زي العبيطه الهبله اللي عايشه معاكي في البيت انت ما تكسحتيش يا حبيبتي عشان خاطر ان انا اجبلك الحاجه
الحما
يا نهارك مش معدي انت بتكلميني انا بالطريقه دي يا بنت انت
سما
وعايزه اقولك كمان ان ابنك بيسمع كلامك كل حاجه في نلم نفسينا كده ونقصر الدور
وعند شريف اللي بيكون قاعد في المكتب مع رجل اعمال مهم ولكن ماشي في شغل مش بطال وبيكون معاه صاحبه حسام اللي بيكون شريك شريف في اللي بيعمله
محسن
ها يا شريف خلاص فكرت لو جبتلنا الفلوس هندخلك صفقه هتنقلك في حته تانيه
شريف بفرحه
بجد اه بكرة بالكتير اووي هتلاقي الفلوس عندك بس عايز اطمن علي فلوسي الأولي ايه اخبارها في زياده ولا ايه
محسن
ههههههه يا عم اتقل شويه وهتلاقي كل حاجه زي الفل وبعدين فيه ناس من بلاد برة طالبه مننا كميات كبيرة من المخدرات الفلوس شغاله ماتقلقش بس احنا متفقين مش هتاخد حاجه اللي لما تجيب الفلوس اللي قولتلك عليها
حسام
ايوه طبعا اكيد هيجبهالك بكرة ولا ايه يا شريف ده الباشا يعني كلمته سيف علي رقبتنا
محسن
الاهم من ده كله مش عايز مخلوق يعرف باي حاجه لان الشغل ده لو غلطه حصلت فيه رقابي علي طول
حسام
لا يا باشا ماتقلقش
وشريف وحسام بيخرجوا
شريف
وبعدين يا حسام الفلوس اللي هما طالبناها مش قد اللي معايا ده انا حتي بعت شقه حماتي وماجبتش المبلغ اللي هما عايزينه ده انا بدأ يجيلي تأنيب ضمير أني قتلتها ماستفدناش منها بحاجه
حسام
شششش اسكت هتفضحنا وبعدين خلاص الوليه ماتت وشبعت موت انا عملت مصلحه كده وطلع منها قرشين حلوين هحطهم الفلوس اللي معاك بس بقولك ايه احنا متفقين إن كل واحد هياخد نصيبه وماتنساش الست سما بردة في نصيبها
شريف
تمام يا صاحبي انا عمري انساك بردو ده انت ضهري يا عم انا هروح بقي عشان تعبت اوي النهاردة
حسام
ماشي يا صاحبي
وحسام بيرن علي سما بسرعه
واول ما تليفونها بيرن
الحما
ايه ده مين اللي بيرن عليك دلوقتي
سما
يا وليه انت هو انت بتحبي تسمعي كلمه انت مالك كثير ولا ايه ما تخليكي في حالك يا حبيبتي وبعدها دخلت وهو وقعدت تكلم حسام
حسام
وبس يا ستي انا بقي طلعت بمصلحه من الباشا وفهمته أنه مايعرفش شريف أن فيه فلوس من المصلحه الأولي عشان واخد مني فلوس ومش راضي يدهالي
سما
طب والله برافو عليك انك عملت كده اصل انا شاكه أنه عايز ياخد كل حاجه لوحده انا هقفل دلوقتي ليكون قرب يجي ولا حاجه
ولما سما بتطلع حماتها بتكلمها
وبعدها بشويه بيدخل شريف
شريف
ازيك يا امي عامله ايه والبت نسمه عامله معاكي ايه
الحما
قطع سريتها راحت المقابر لأمها اللهي ماترجع انا مش عارفه انا مش بطيق البت دي ليه
المهم