رواية عاصم وزينه جميع الفصول كاملة بقلم ندى علي حبيب
يا زينة يا بنت الحارة
قلبك صافي.. عينك محتارة
تحلمي باللي اسمه عاصم
راجل جدع.. والناس تشهد باسمه
وسط الورشة واقف عرقه شهادة
قلبه أبيض.. ونيته زيادة
كل ما يشوف دمعة في عينيكي
يحلف يهون همك بإيديه
لكن أخوكي مسعد ضيع سمعه
خلى كلام الناس يزيد وجعه
وأنتي يا غلبانة شايلة العار
رغم إن قلبك زي النهار
أمك نجوى حزنها باين
تحلم تشوف فرحة فيكي دايم
والليلة تيجي سيرة جوازك
الناس تقول أخوها هازك
عاصم يقول دي لسه صغيرة
وأنتي في قلبك نار كبيرة
تحبي ميكانيكي سلطان
مش طيار ولا أي حد تاني
زحمة الحارة وشوش كتيرة
لكن عيونك ليه أسيرة
أسيرة راجل واقف جدع
شايل وجعك وبيخفي الوجع
يا زينة يا وردة في الطين
يا حلم عايش جوه سنين
يمكن نصيبك يتبدل فجأة
ويبقى عاصم هو البداية
والحب يكسر كل قيود
والقلب يوصل يوم مقصود
مهما الليالي تكون تقيلة
هتجمعكوا فرحة جميلة..
في حاره بسيطه من حواري مصر القديمه بالتحديد في بيت يتكون من دور واحد عالي كانت زينة نايمه في اوضتها البسيطه علي سريرها بتحلم الحلم اللي طول عمرها بتحلمه اليوم اللي جيه.. عاصم سلطان.. اعترفلها بحبه وطلب يتجوزها صحيت زينة وعلي وشها اجمل واحلي ابتسامه خجوله
زينة رجعت شعرها لورا واتنهدت بقوه وابتسمت.. وبعدين
نجوي امها وهي واقفه علي باب اوضتها.. تصحي في ..ن مين يابت
زينة بصتلها وبلعت ريقها بصعوبه وقالت بكذب.. ..ن ابوياااا وحشني مفتقداه طول الليل بحلم بيه
مجوب بحزن.. الله يرحمك يا رمضان الله يرحمك يا غالي قومي يلا يا زينة اغسلي المواعين علي ما اخلص الغدا وخرجت برا الاوضه
زينة وهي بتتمطع في السرير.. جايا وراكي اهو حاضر وقامت وقفت وراحت فتحت شباك اوضتها ولمحت عاصم واقف قدام ورشته بفنله حمالات بيتفق مع زبون علي تصليح العربيه وعلي وشه ابتسامه صغيره خطفت قلبها نعم ف هو ميكانيكي سيارات
زينة ببتسامه.. حتي في هدوم الشغل المشحمه قمر ورفعت اديها في السما يارب ان كان للحبيب حبيب تاني خدها موتها يارب مينفعش حد غيري يتجوزه انا منمره عليه من زمان والله
نجوي من وراها بستنكار.. منمره علي مين من زمان ابوكي برضو
زينة بصتلها بهروب.. انا بقول اطلع اغسل المواعين وطلعت علي المطبخ ونجوي جت جنبها تكمل الغدا سمعت صوت الجرس اللي بيرن بقوه والخبط الشديد علي بوابة البيت من تحت
نجوي بإستغراب.. في ايه مين الغبي اللي بيخبط كدا هيكسر البوابه
زينة وهي بتنشف اديها في الفوطه.. استني
نجوي وهي واقفه قدام البوتجاز بتقلب في الاكل.. غطي راسك يا زينة وانتي طالعه الشارع مليان شباب يحبيبتي والناس مبتسبش حد في حاله يابنتي
زينه لبست طرحه علي راسها وفتحت البلكونه وطلعت بصت علي اللي بيرن الجرس وكان عم مرزوق الميكانيكي اللي في الشارع اللي وراهم.. ايه يعم مرزوق بترن الجرس كدا ليه في حاجه ولا ايه
مرزوق بصوت عالي وزعيق.. اخوكي الشمام فين قوليلو بدل متستخبي زي النسوان اطلع بالعده اللي سرقتها من الورشه بدل ما اروح اكتب فيه بلاغ ومنه للحكومه بقا هي تجيبلي حقي
زينة غمضت عيونها بضيق من صوته العالي وقالت بهدوء.. صلي علي النبي بس كدا يا راجل يا طيب بلاغ ايه اللي هتعمله دا احنا اهل مسعد مش في البيت والله وعدة ايه اللي سرقها منك بس
مرزوق بصوت عالي خلي الحاره كلها تطلع من بيوتها يشوفو في ايه.. انا هشهد عليه الحاره كلها لو مجابش العده علي المغرب هروح اكتب فيه بلاغ والشرطه تيجبلي حقي منه
عاصم كان نايم في ورشته تحت عربيه بيصلحها بفنله حمالات موضحه عضلاته وبشرته السمره طلع بضيق علي صوت مرزوق وهو بيزعق
عاصم وهو بيمسح ايده المشحمه في فوطه صغيره وقال بصوت مسموع
مرزوق بص لعاصم وقال بصوت عالي.. اسمع يا معلم عاصم الواد مسعد جالي من يومين قالي يعم مرزوق شغلني معاك علشان عايز مصاريف قولت ماشي عيل غلبان وشغلته علشان خاطر المرحوم ابوه كلنا كنا بنحلف بيه كان راجل محترم اسيبه امبارح واروح اصلي العشا اجي الاقي العده اللي في الورشه كلها مسروقه وهو مختفي دا يرضيك يامعلم
الكل بدء يتكلم والكل جاب الغلط علي مسعد وانه ايده طويله وبيشرب مخدرات والهمس اشتغل في الحاره علي ان اخته عمرها ما هتتجوز بسبب سمعت اخوها رغم ان زينة جميله والكل يتمناها بس بسبب اخوها الكل بيبعد عنها كلام خلي دموع زينة تنزل من غير ما تحس
عاصم رفع عينه لزينه وشاف دموعها.. لم الدور يا عم مرزوق وحساب عدتك المسروقه عندي وانا لما يجي مسعد هتكلم معاه واشوف عدة ايه اللي اتسرقت
مرزوق بضيق.. يا معلم عاصم انا مبتكلمش علي فلوس انا بتكلم علي ان عيل زي دا يستغفلني وو
عاصم بصوت عالي.. ما خلاص يعم مرزوق قولتلك حسابك عندي قصر في الكلام بقا وبص حواليه علي التجمع اللي في الحاره والهمس اللي شغال يلا يا رجاله كل واحد يشوف مصلحته وانت يعم مرزوق عدي عليا الساعه ٦ المغرب خد حسابك
مرزوق
عاصم.. فتحي هات التيشيرت
