رواية حمزة ورقية وأميرة ومعتز جميع الفصول كاملة بقلم ميادة مصطفى
يا دار الصلح فيكي القلوب تقابل
بس الكلام مولع زي جمر قابل
حمزة واقف والنار ف عينه بتسري
يصرخ ويقول .. دم عمي مش بالساهل..
الأزهري واقف.. عماد بعقله يحايل
.. إحنا إيه مصلحتنا ده كلام بطايل..
لكن الغضب ماسك قلوب وجلابية
والحق غايب بين خصام وقوايل
مختار بهيبته ساكت بس ساخر
كلمة بترن زي السيف الفاخر
وحمدي يمشي مكسور وسط الناس
.. قدرتكم.. ما لقيتش تقدير ظاهر..
في بيت الصياد النسوة ف الزحمة
كل واحدة في شغلها بتكتم الهمة
رقية.. ضهري اتقسم يا أمه..
وهمسة بترد .. يمكن حمل يلمك..
يا مجلس الصلح.. يا شهود ع الزمان
فين الحقيقه فين أمان المكان
لو ما تصافوا القلوب.. الدم يفضل سال
والليل يطول.. والجرح مالوش ألوان
رواية قاسي ولكن عاشق بقلم ميادة مصطفى
الحلقة الاولي
في مجلس صلح ما بين عائلتين وهيا عائلة الصياد و عائلة الازهري
عائلة الازهري هيا عائلة متدينا وكانت عائلة مقربة من عائلة الصياد ولكن حاليا متهمة من قبل عائلة الصياد بقتل شقيق مختار الصياد وعم حمزة ووالد رقية زوجتة حمزة
في هذا المجلس يجتمع كبار البلاد واعيانها يحاولون الصلح بينهم ورجعهم كمان كان يقف حمزة الصياد بغضب
..
عماد الازهري شاب في اول الثلاثينيات كان صديق حمزة المقرب يقوم يقف أمام حمزة .. حمزة خلينا نتكلم بلعقل شوي احنا ايه مصلحتنا في قتل عمك قولنا ايه المصلحة لينا
حمزة بسخرية .. المصلحة يا ولد الازهري التخلص منه عشان السوق يفضا عليكم عشان كان واكل السوق كله
عماد باستغراب .. دا مش مبرر ابدا للقتل انت مجنون
حمزة بعصبية مسك عماد من ياقت جلبابة .. احترم حالك يا ولد الازهري بدل وقسما بالله ادفنك مطرحك
عماد لسه هيمسك في حمزة زعق حمدي الازهري والد عماد .. عماااد خلاص. ثم نظر لكل من يجلس في الجلسة اني وولدي هنمشي من القاعدة دي لأننا متقدرناش وكلكم قاعدين تتفرجو علي الاهانه بتاع حمزة وساكتين اني چيت قدرت الناس الكبيرة اللي جات بس اني متقدرتش يا مختار
نظر مختار له بسخرية وهو يجلس علي مقعدة بهيبة .. ولا عمرك هتتقدر يا حمدي طول عمرك هتفضل اكدي متتقدرش
حمدي بغل .. يالا يا عماد عماد مشي وراء والده بكل احترام
حمزة بتريقة .. ايوا اسمع كلام بوك لاحسن يضربك
في
تنظر لها امل بسخرية .. ضهرك ايه يا عنية مالك ايه متكونيش حبلة واحنا منعرفش
تنظر له رقية بحزن .. في ايه يا مرت عمي لا مش حبلة بس مهدوده من صبحيت ربنا في الدار ايه وغير صحيت الصبح لبست البنات للمدرسة وفطرتهم
امل ببرود .. وآيه يعني ما الحريم كلها اكدي ولا متكنيش بتعملي حاجة غير الحريم ومال لو جايبة الواد كنتي هتعملي فينا ايه اومال
مني .. صوح ياما عرفتي أن سعاد بت أمينة جابت ولد ثالث
امل بتهتك .. ماشاءالله ماشاءالله جلابت ولاد كيف امها اصل دا وراثة يا بتي.
تجمعت الدموع في عين رقية من حديثهم لكنها حاولت أن لا تظهرها وقامت لتذهب الي غرفتها المنبع الوحيد لراحتها
لتوقفها امل .. علي فين كدا يا سنيورة
تقف رقية وهيا تعطي لها ظهرها حتي لا تشاهد دموعها .. طالعة اوضتي ارتاح شوية قبل ما حمزة يرجع
امل .. والشغل اللي ورانا
رقية بدموع .. انا خلصت كل اللي ورايا
مني .. ماحنا لسه هنعمل الاكل عشان جوزك وبويا واخواتي
لترد هاجر بغيظ من والدتها .. هعمل انا معاكي يا مني خلاص سبيها
مني تقرب من هاجر .. ماشي يا حنينة انتي
في مكان ما بعد فض الجلسة و بقا مختار الصياد واولاده فقط
مختار الصياد بفخر .. بس جدع يا ولدي رجل و سبع من يومك مسحت بكرامة بيت الازهري الأرض
حمزة .. تربيتك يا بوي وصدقني يوم ما اتاكد أنهم هما فعلا السبب في قتل عمي لاقتل بيت الازهري كلهم واحد واحد انت عارف عمي كان غالي علي ازاي كنت بعتبره كيفك اكدي يا بوي الله يرحمه
مختار .. الله يرحمه يا ولدي
معتز .. ايه يا بوي ولا اكني قاعد ماليش اني في الحديت الحلو دا ولا ايه
مختار .. كلكم ليكم في قلبي كل شي حلو يا ولدي وانتو خابرين اكدي زين انتو اللي ليا في الدنيا
انحني معتز علي يد والده وباسها .. ربنا ميحرمناش منك واصل يا بوي
مختار اتنهد .. الواد ادهم دا وحشني قوي
حمزة .. دا بيقعد في مصر ويقول عدولي مصر بقيت بلده مش هنا
مختار .. ياما نفسي يسيب الشغلانه الزفت دي ويجي هنا يمسك معاكم الشغل
حمزة باستغراب .. عايزة يسيب الشرطة ويجي يمسك الشغل هنا كيف يا بوي
مختار .. يعني هو هياخد كام من مرتب هديله اني اكتر وغير اكدي دي حاجتكم انتوا يعني كل حاجة بتعكم
حمزة .. يا
