راجعين يا هوى سافرت بالليل في مأمورية مستعجلة تبع الشغل بقلم حماده هيكل

يا بني مالك بتجري ليه
معلش يا حجه مشوفتيش عيلة صغيرة كدا
لابسه فستان أزرق ..
عيله
صغيرة بفستان ازرق ..
ايوه يا حجه شوفتيها لوحدها او مع حد
اه افتكرت 
كان ماسكها من ايديها وبيتلفت حوليه
طلعت الموبايل ووريتها الصورة السلفي اللي اتصورتها معايا
هي دي يا حجة
ايوه هي
طب راحوا فين
انا شوفتهم من 5 دقايق بالظبط عند قهوة البطل
امشي على طول واحود يمين هتلاقيها في وشك
شكرتها وجريت بسرعه على المكان اللي وصفته ليا
ومن بعيد لمحتها كانت ماشية مع واحد ماشي ييتطوح
سارة يا سارة
فضلت تصرخ وتقوله سيبني
وانا جريت وراهم وهو شالها وفضل يجري بيها
لغاية ما دخل حارة سد
انت مين وواخد البنت دي على فين
وانت مال أهلك
سارة انتي ليه خرجتي من الجامع
صړخت وقالت
الحفني يا عمو الحقني
سيب البنت يلا
لا مش هسيبها دي تايهه وانا هوديها لأهلها
مسكت البنت من ايديها وسبته ومشيت
وقولتلها انتي ايه بس خرجك من الجامع
انا شوفت عصفورة بتجري خرجت وراها
ولقيتني بعدت عن الجامع ومعرفتش ارجع
لحد الراجل دا ما شافني وقالي انتي رايحه فين
في الوقت دا لوحدك قولتله اني تاييه ومش عارفه بيت جدي
قالي تعالي معايا وانا هوصلك
وهو اي حد يقولك تعالي معايا بتروحي معاه كدا ع طول
مش المفروض . .
حاسب حاسب يا عمو
على ما الټفت ورايا كان البطجي قرب مني
وضړبني بالمطواه وحاولت اتفادها لكن اصابت كتفي
وقبل ما يجري كعبلته ونزلت فيه ضړب 
والناس اتلمت في الشارع ومكسناه وطلعنا ع القسم
وهناك الظابط بعد ما اخد اقوالي واقول الطفلة
حولني للمستشفى وهناك بعد ما خيطت الچرح
لقيت البنت داخله عليا ومعاها أمها وجدها
وخالتها واللي كانت زي القمر
بعد ما الشرطه قدرت تتوصل
ليهم
وعرفوهم أن اللي أنقذها محجوز في المستشفى
شكروني على انقاذي للبنت
انا اعتبرتها زي أختي الصغيرة
ومكنش ينفع اتخلى عنها واسيبها لوحدها
وكنت ناوي ادور عليكم واوصلها لكم لغاية عندكم
شكروني جدا وطلبوا مني ازروهم في البيت
وبعد ما خرجت من المستشفى وخلصت مأموريتي
روحت بيت جدها وهناك قابلت والد البنت
لولاك كان ممكن البنت تضيع ومنشوفهاش تاني
لا شكر على واجب وحمدلله على سلامة بنتكم
المهم انك تكون صالحت مامتها عشان البنت
ابتسم وقالي لا خلاص أطمن اتصالحنا
كانوا عازميني ع الغدا وبعدها قعدنا نتكلم شوية
ولاحظت أن خالة سارة بنت جميلة ورقيقة اسمها إيمان
حسيتها بادلتني نفس الشعور وفضلت ضيف عندهم
كام يوم وفي خلال المدة دي لقيت ايمان تفكيرها قريب من تفكيري ونفس الإهتمامات والهوايات حسيت أن القدر
جمعني بالانسانه اللي كنت بدور عليها من سنين
حبيت اعرفها اكتر بس في اطار شرعي
ورغم رفضي لموضوع جواز الصالونات
بس لقيته هو المناسب لحالتي وميصحش اخون
ثقة ناس ضايفوني عندهم
وقررت اني اطلبها من والدها بعد معرفتي بيهم والسفرية اللي كانت مش على هوايا فجأة غيرت حياتي
وحطتني في أغرب موقف ممكن يحصل لي
وجمعتني بالأنسانه اللي كنت بدور عليها .
تمت
حماده هيكل